SAKALIA 6
6
Saliote e fa
1Nee au toe hiki ake leva oku mata, o sio, pea koeni, nee ulu leva ni saliote e fa mai te vaha o te u mouga e lua; pea ko te u mouga ko ni mouga sila. 2I te uluaki saliote nee i ai ni hosi kula, i te lua saliote ni hosi uli, 3i te tolu saliote nee i ai ni hosi hina, i te fa saliote ni hosi pulepule kula. 4Nee au palalau leva, o ui ki te aselo ae nee palalau mai kia au: Kotea, oi toku aliki? 5Nee tali mai leva e te aselo kia au: Ko te u matagi aena e fa o te atu lagi, ae e ulu mai te kogamea ae e natou tutuu ai i mua o te Aliki o te kele katoa. 6Nee olo leva te u hosi uli ae nee hai ki te tahi saliote ki te potu noleto, pea nee muli ia natou te u hosi hina; kae nee olo leva te u hosi pulepule kula ki te fenua o te potu saute. 7Nee ulu leva ki fafo te u hosi kula, o kole ke natou olo o folii te kele. Pea nee ui leva e te aselo kia natou: Koutou olo o folii te kele! Pea nee natou folii leva te kele. 8Pea nee paui mai leva ia ia kia au, o ui: Sio, ko natou ae kua olo ki te fenua o te potu noleto e natou fakato anai toku hauhau ki te fenua o te noleto.
Kilisito, hau mo tagata faisakilifisio
9Nee tuku mai leva te folafola a te Eteleno kia au, o ui:
10E ke tali anai te u meaofa mai te kau popula ia nima o Eletai, mo Topisa pea mo Setaesa, pea e ke alu totonu anai i te aho aia ki te fale o Sosiasi, foha o Sofoni, ae nee natou olo ki ai i tanatou tau mai Papilone. 11E ke too anai he siliva mo he aulo, pea e ke fau anai ki ai ni kolona, ae e ke hili anai ki te ulu o Sosue, foha o Sosatake, ko te tagata faisakilifisio lahi. 12E ke ui anai kia ia: Koeni te folafola a te Eteleno o te atu fua tau:
Sio ki he tagata
Ae e higoa ko homo,
E homo ake anai ia ia te mauli,
Pea e ina fakatuu anai te fale tapu o te Eteleno.
13Io, ko ia ae e ina fakatuu anai te fale tapu o te Eteleno;
E ina tau anai te u fakailoga o te pule fakahau;
E heka anai ia ia i tona hekaaga fakahau o pule ki te hahai,
E faisakilifisio anai ia ia i tona hekaaga fakahau,
Pea e fakatahi lelei anai te u mea aia e lua ia ia.
14E tuku anai te u kolona i te fale tapu o te Eteleno ko he fakamanatu o Eletai, mo Topisa, mo Setaesa, pea mo Eni, foha o Sofoni. 15E omai anai mai mamao ni hahai o gaue i te fale tapu o te Eteleno; pea e koutou iloi anai nee fekaui mai au kia koutou e te Eteleno o te atu fua tau. E hoko anai te mea aia, mo kapau e koutou fakalogo ki te leo o te Eteleno, tokotou Atua.
Currently Selected:
SAKALIA 6: WB2011
Highlight
Copy
Compare
Share
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
SAKALIA 6
6
Saliote e fa
1Nee au toe hiki ake leva oku mata, o sio, pea koeni, nee ulu leva ni saliote e fa mai te vaha o te u mouga e lua; pea ko te u mouga ko ni mouga sila. 2I te uluaki saliote nee i ai ni hosi kula, i te lua saliote ni hosi uli, 3i te tolu saliote nee i ai ni hosi hina, i te fa saliote ni hosi pulepule kula. 4Nee au palalau leva, o ui ki te aselo ae nee palalau mai kia au: Kotea, oi toku aliki? 5Nee tali mai leva e te aselo kia au: Ko te u matagi aena e fa o te atu lagi, ae e ulu mai te kogamea ae e natou tutuu ai i mua o te Aliki o te kele katoa. 6Nee olo leva te u hosi uli ae nee hai ki te tahi saliote ki te potu noleto, pea nee muli ia natou te u hosi hina; kae nee olo leva te u hosi pulepule kula ki te fenua o te potu saute. 7Nee ulu leva ki fafo te u hosi kula, o kole ke natou olo o folii te kele. Pea nee ui leva e te aselo kia natou: Koutou olo o folii te kele! Pea nee natou folii leva te kele. 8Pea nee paui mai leva ia ia kia au, o ui: Sio, ko natou ae kua olo ki te fenua o te potu noleto e natou fakato anai toku hauhau ki te fenua o te noleto.
Kilisito, hau mo tagata faisakilifisio
9Nee tuku mai leva te folafola a te Eteleno kia au, o ui:
10E ke tali anai te u meaofa mai te kau popula ia nima o Eletai, mo Topisa pea mo Setaesa, pea e ke alu totonu anai i te aho aia ki te fale o Sosiasi, foha o Sofoni, ae nee natou olo ki ai i tanatou tau mai Papilone. 11E ke too anai he siliva mo he aulo, pea e ke fau anai ki ai ni kolona, ae e ke hili anai ki te ulu o Sosue, foha o Sosatake, ko te tagata faisakilifisio lahi. 12E ke ui anai kia ia: Koeni te folafola a te Eteleno o te atu fua tau:
Sio ki he tagata
Ae e higoa ko homo,
E homo ake anai ia ia te mauli,
Pea e ina fakatuu anai te fale tapu o te Eteleno.
13Io, ko ia ae e ina fakatuu anai te fale tapu o te Eteleno;
E ina tau anai te u fakailoga o te pule fakahau;
E heka anai ia ia i tona hekaaga fakahau o pule ki te hahai,
E faisakilifisio anai ia ia i tona hekaaga fakahau,
Pea e fakatahi lelei anai te u mea aia e lua ia ia.
14E tuku anai te u kolona i te fale tapu o te Eteleno ko he fakamanatu o Eletai, mo Topisa, mo Setaesa, pea mo Eni, foha o Sofoni. 15E omai anai mai mamao ni hahai o gaue i te fale tapu o te Eteleno; pea e koutou iloi anai nee fekaui mai au kia koutou e te Eteleno o te atu fua tau. E hoko anai te mea aia, mo kapau e koutou fakalogo ki te leo o te Eteleno, tokotou Atua.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland