Tohi a Paulo ki te kau LOMA 5
5
Fua o te faitotonu i te tui
1Koia, i totatou fakatonuhia aki te tui, e tou mau te tokalelei mo te Atua i totatou Aliki ko Sesu-Kilisito. 2Ia Sesu kua feala ai kia tatou, aki te tui, ke tou fakafeofi ki te kalasia o te Atua ae kua fakanofo ai tatou i te temi nei. Pea ko te mea ae e ina foaki mai kia tatou te fiafia ko te amanaki e tou kau anai ki te kololia o te Atua. 3Pea e mole gata ai, e tou toe fiafia foki i te u mamahi, koteuhi e tou iloi e tupu mai te mamahi te kataki fualoa, 4mai te kataki fualoa te malo i te ahiahi, pea mai te malo te amanaki lelei. 5Pea e mole kaka te amanaki aia, koteuhi kua liligi te ofa o te Atua ki otatou loto e te Laumalie Maonioni ae nee foaki mai kia tatou.
6Koteuhi, i te temi nee kei tou hala malohi ai, ko Kilisito, i te temi nee pauga, nee mate o uhiga mo te kau pagani. 7E faigataa te fia mate anai a he tahi o uhiga mo he tagata agatonu; ape e feala anai ke mate he tahi o uhiga mo he tagata lelei. 8Kae e fakamooni mai e te Atua tona ofa kia tatou, o fenei, i te temi nee kei tou agahala ai, nee mate ia Kilisito o uhiga mo tatou. 9Koia, i te temi nei kua fakamatatonu tatou aki tona toto; e ina toe asili haofaki anai tatou mai te hauhau o te Atua. 10Nee ko tatou ko te u fili o te Atua, kae nee ina fakatokatoka tatou mo ia aki te mate o tona Alo; e ina toe asili haofaki anai tatou aki tona mauli, i te temi aeni kua tou fakatokatoka ai mo te Atua. 11E mole gata ai, kae e tou fiafia foki i te Atua i totatou Aliki ko Sesu-Kilisito, ae kua tou mau ai te fakatokatoka i te temi nei.
Te agahala mo te kalasia
12Koia, o hage ko te ulu a te agahala ki te malamanei aki he tagata e tahi, (Atama) pea ko te agahala nee ina aumai ia te mate. Pea ko te mate nee kaku ki te tagata fuli koteuhi nee agahala te tagata fuli pe… 13I mua o te foaki e te Atua o te lao a Moisese, nee kua nofo foki te agahala i te malamanei, kae, o tupu nee heeki i ai he lao, nee mole lau e te Atua te agahala. 14Kae, mei te temi o Atama o kaku mai ki te temi o Moisese, nee pule te mate kia natou fuli foki nee mole agahala i he maumau e tatau mo ae a Atama, ae ko te paaki o ia nee tonu ke hau. 15Kae e mole tatau te hala mo te foaki noa; koteuhi, kapau i te hala a he toko tahi nee mamate ai he kaugamalie, e toe lelei age te kalasia o te Atua mo te foaki noa o te kalasia nee hau mai he tagata e tahi, Sesu Kilisito, nee liligi naua o lahi maumau ki he tokolahi. 16Pea e mole tatau te foaki noa mo te mea nee hoko i he tagata e toko tahi nee agahala; koteuhi i te osi o te hala e tahi pe nee liliu te fakamaau ko te tautea, kae ko te foaki noa o te kalasia e liliu o faitotonu i te osi o ni hala lahi aupito. 17Kapau nee pule te mate aki te hala a he toko tahi, e feafeai age anai natou e natou tali te liligi lahi maumau o te kalasia mo te foaki noa o te faitotonu tanatou pule anai i te mauli aki ia Sesu-Kilisito toko tahi. 18Koia, aki te hala a he tagata e tahi, ko Atama, nee kaku te tautea ki te tagata fuli pe, e tatau foki aki he gaue e tahi o te faitotonu a he tagata e tahi, Sesu Kilisito, ko te fakamatatonu nee mafola ki te tagata fuli. 19Koteuhi, o hage ko te logogataa a he tagata e tahi, nee liliu he kaugamalie o agahala, aki te fakalogo foki a he tagata e tahi, nee liliu he kaugamalie o faitotonu. 20Kae nee ulu mai te lao ke asilisili ai te hala, kae i ai e asilisili ai te agahala, nee toe lahi age ai te asilisili a te kalasia, 21o uhi, o hage ko te agahala nee pule aki te mate, e feia foki mo te kalasia, aki te faitotonu, e pule anai o uhiga mo te mauli heegata, ia Sesu-Kilisito totatou Aliki.
Currently Selected:
Tohi a Paulo ki te kau LOMA 5: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Tohi a Paulo ki te kau LOMA 5
5
Fua o te faitotonu i te tui
1Koia, i totatou fakatonuhia aki te tui, e tou mau te tokalelei mo te Atua i totatou Aliki ko Sesu-Kilisito. 2Ia Sesu kua feala ai kia tatou, aki te tui, ke tou fakafeofi ki te kalasia o te Atua ae kua fakanofo ai tatou i te temi nei. Pea ko te mea ae e ina foaki mai kia tatou te fiafia ko te amanaki e tou kau anai ki te kololia o te Atua. 3Pea e mole gata ai, e tou toe fiafia foki i te u mamahi, koteuhi e tou iloi e tupu mai te mamahi te kataki fualoa, 4mai te kataki fualoa te malo i te ahiahi, pea mai te malo te amanaki lelei. 5Pea e mole kaka te amanaki aia, koteuhi kua liligi te ofa o te Atua ki otatou loto e te Laumalie Maonioni ae nee foaki mai kia tatou.
6Koteuhi, i te temi nee kei tou hala malohi ai, ko Kilisito, i te temi nee pauga, nee mate o uhiga mo te kau pagani. 7E faigataa te fia mate anai a he tahi o uhiga mo he tagata agatonu; ape e feala anai ke mate he tahi o uhiga mo he tagata lelei. 8Kae e fakamooni mai e te Atua tona ofa kia tatou, o fenei, i te temi nee kei tou agahala ai, nee mate ia Kilisito o uhiga mo tatou. 9Koia, i te temi nei kua fakamatatonu tatou aki tona toto; e ina toe asili haofaki anai tatou mai te hauhau o te Atua. 10Nee ko tatou ko te u fili o te Atua, kae nee ina fakatokatoka tatou mo ia aki te mate o tona Alo; e ina toe asili haofaki anai tatou aki tona mauli, i te temi aeni kua tou fakatokatoka ai mo te Atua. 11E mole gata ai, kae e tou fiafia foki i te Atua i totatou Aliki ko Sesu-Kilisito, ae kua tou mau ai te fakatokatoka i te temi nei.
Te agahala mo te kalasia
12Koia, o hage ko te ulu a te agahala ki te malamanei aki he tagata e tahi, (Atama) pea ko te agahala nee ina aumai ia te mate. Pea ko te mate nee kaku ki te tagata fuli koteuhi nee agahala te tagata fuli pe… 13I mua o te foaki e te Atua o te lao a Moisese, nee kua nofo foki te agahala i te malamanei, kae, o tupu nee heeki i ai he lao, nee mole lau e te Atua te agahala. 14Kae, mei te temi o Atama o kaku mai ki te temi o Moisese, nee pule te mate kia natou fuli foki nee mole agahala i he maumau e tatau mo ae a Atama, ae ko te paaki o ia nee tonu ke hau. 15Kae e mole tatau te hala mo te foaki noa; koteuhi, kapau i te hala a he toko tahi nee mamate ai he kaugamalie, e toe lelei age te kalasia o te Atua mo te foaki noa o te kalasia nee hau mai he tagata e tahi, Sesu Kilisito, nee liligi naua o lahi maumau ki he tokolahi. 16Pea e mole tatau te foaki noa mo te mea nee hoko i he tagata e toko tahi nee agahala; koteuhi i te osi o te hala e tahi pe nee liliu te fakamaau ko te tautea, kae ko te foaki noa o te kalasia e liliu o faitotonu i te osi o ni hala lahi aupito. 17Kapau nee pule te mate aki te hala a he toko tahi, e feafeai age anai natou e natou tali te liligi lahi maumau o te kalasia mo te foaki noa o te faitotonu tanatou pule anai i te mauli aki ia Sesu-Kilisito toko tahi. 18Koia, aki te hala a he tagata e tahi, ko Atama, nee kaku te tautea ki te tagata fuli pe, e tatau foki aki he gaue e tahi o te faitotonu a he tagata e tahi, Sesu Kilisito, ko te fakamatatonu nee mafola ki te tagata fuli. 19Koteuhi, o hage ko te logogataa a he tagata e tahi, nee liliu he kaugamalie o agahala, aki te fakalogo foki a he tagata e tahi, nee liliu he kaugamalie o faitotonu. 20Kae nee ulu mai te lao ke asilisili ai te hala, kae i ai e asilisili ai te agahala, nee toe lahi age ai te asilisili a te kalasia, 21o uhi, o hage ko te agahala nee pule aki te mate, e feia foki mo te kalasia, aki te faitotonu, e pule anai o uhiga mo te mauli heegata, ia Sesu-Kilisito totatou Aliki.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland