Tohi a Paulo ki te kau LOMA 3
3
Faigamalie o te kau Sutea
1Kotea leva tona lelei o te Sutea, pea kotea leva tona aoga o te silikosisio? 2E lahi tona lelei i te mea fuli pe; uluaki nee tuku te folafola a te Atua ki te kau Sutea. 3Kotea koa ia! Kapau nee mole tui ni ihi, pe e pulihi anai e tonatou tuigataa te agatonu o te Atua? 4E kailoa osi! Ke mooni te Atua, kae ke loi te tagata fuli pe, o mulimuli ki te mea kua tohi:
O tupu ke iloi tou faitotonu i au palalau,
Pea ke ke malo mo ka e fakamaaui koe.
5Kae kapau e fakaha e tatatou agakovi te faitotonu a te Atua, kotea anai hatou ui? Pe e mole kei faitotonu te Atua mo kapau e ina liligi mai kia tatou tona hauhau? E au palalau i te fakatagata. 6E kailoa osi! Kapau ko ia aia, e feafeai anai te fakamaau e te Atua ia te malamanei!
7Pea kapau, i taku loi, e lesili ha ai te mooni o te Atua o uhiga mo tona kololia, kotea kei fakamaaui ai au o hage ko he tagata agahala? 8Pea kotea e mole tou fai ai te kovi ke hoko ai he lelei, o hage ko te ui e ni ihi o natou e laukovi mai kia matou? E tonu osi te tautea o te u hahai aia.
E agahala te u tagata fuli
9Kotea koa! Pe e tou lelei age ia natou? E kailoa osi. Koteuhi kua osi i tamatou fakamooni e nofo te tagata fuli, Sutea mo Keleka, i te pule a te agahala, 10o mulimuli ki te mea kua tohi:
E mole i ai he tagata agatonu,
E mole he toko tahi pe la;
11 E mole he toko tahi pe e poto,
E mole he toko tahi pe e ina kumi te Atua;
Kua natou hehe fuli, kua natou fakalialia fuli;
12 E mole he toko tahi pe e ina fai te lelei,
E mole he toko tahi pe la.
13 E hage onatou moga ko ni tanuma ava,
E natou fakaaoga onatou alelo ki te kaka;
E natou mau i onatou laugutu he vai kona o te gata.
14 E fonu tonatou gutu i te malaia mo te lotokovi.
15 E natou mau ni vae maamaa ki te liligi o te toto,
16 E nofo te maumau mo te malaia i onatou ala,
17 E mole natou iloi te ala o te tokalelei.
18 E mole mau te mataku ki te Atua i onatou mua.
19Pea e tou iloi ko te u mea fuli e palalau ki ai te lao e ina fakaha kia natou e nofo i te lao, koteuhi ke mapunu te gutu fuli, pea ke iloi kua agahala te malamanei katoa ia mua o te Atua. 20He mole fakamatatonu anai he tahi ia mua o te Atua e te u gaue o te lao, koteuhi e tupu mai te lao te iloi o te agahala.
Faitotonu i te tui kia Kilisito
21Kae i te temi nei, hala mo te lao kua fakaha e te Atua tana faitotonu, ae e fakamooni ki ai te lao mo te kau polofeta, 22te faitotonu a te Atua aki te tui kia Sesu-Kilisito o uhiga mo natou fuli pe e tui. E mole pe he fakakehekehe. 23Koteuhi kua natou agahala fuli pea kua natou hala i te kololia o te Atua; 24pea kua fakamatatonu fakaofa natou e tona kalasia, aki te puleaki o te totogi e mau ia Sesu-Kilisito. 25Ko ia ae nee fakatuutuu e te Atua ke hoko aki tona toto kia natou ka tui anai ko te vikitima fakalotolelei, o tupu ke fakaha ai tana faitotonu, koteuhi nee mole ina fakatua te u agahala nee fai i mua, i te temi o tana kataki fualoa. 26Kae i te temi nei kua ina fakaha tona faitotonu, i tana fakatonuhia ia ia pea mo tana fakamatatonu ia ae e tui kia Sesu.
27Kofea anai te tupuaga o he fakakololia? Kua to noa ia. E te lao fea? E te lao o te u gaue? Kailoa, kae e te lao o te tui. 28Koteuhi e tou tuku e fakamatatonu te tagata aki te tui, hala mo te u gaue o te lao. 29Pea ko te Atua, pe ko te Atua pe ia o te kau Sutea? Pe e mole ko te Atua foki ia o te kau pagani? Io, ko te Atua foki ia o te kau pagani, 30koteuhi ko te Atua pe e tahi, ae e ina fakamatatonu anai aki te tui te kau silikosisio, pea aki te tui te kau hee silikosisio.
31Pe e tou pulihi anai te lao aki te tui? Mamao osi mai ai! Kae, e matou fakamooni ki te lao.
Currently Selected:
Tohi a Paulo ki te kau LOMA 3: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Tohi a Paulo ki te kau LOMA 3
3
Faigamalie o te kau Sutea
1Kotea leva tona lelei o te Sutea, pea kotea leva tona aoga o te silikosisio? 2E lahi tona lelei i te mea fuli pe; uluaki nee tuku te folafola a te Atua ki te kau Sutea. 3Kotea koa ia! Kapau nee mole tui ni ihi, pe e pulihi anai e tonatou tuigataa te agatonu o te Atua? 4E kailoa osi! Ke mooni te Atua, kae ke loi te tagata fuli pe, o mulimuli ki te mea kua tohi:
O tupu ke iloi tou faitotonu i au palalau,
Pea ke ke malo mo ka e fakamaaui koe.
5Kae kapau e fakaha e tatatou agakovi te faitotonu a te Atua, kotea anai hatou ui? Pe e mole kei faitotonu te Atua mo kapau e ina liligi mai kia tatou tona hauhau? E au palalau i te fakatagata. 6E kailoa osi! Kapau ko ia aia, e feafeai anai te fakamaau e te Atua ia te malamanei!
7Pea kapau, i taku loi, e lesili ha ai te mooni o te Atua o uhiga mo tona kololia, kotea kei fakamaaui ai au o hage ko he tagata agahala? 8Pea kotea e mole tou fai ai te kovi ke hoko ai he lelei, o hage ko te ui e ni ihi o natou e laukovi mai kia matou? E tonu osi te tautea o te u hahai aia.
E agahala te u tagata fuli
9Kotea koa! Pe e tou lelei age ia natou? E kailoa osi. Koteuhi kua osi i tamatou fakamooni e nofo te tagata fuli, Sutea mo Keleka, i te pule a te agahala, 10o mulimuli ki te mea kua tohi:
E mole i ai he tagata agatonu,
E mole he toko tahi pe la;
11 E mole he toko tahi pe e poto,
E mole he toko tahi pe e ina kumi te Atua;
Kua natou hehe fuli, kua natou fakalialia fuli;
12 E mole he toko tahi pe e ina fai te lelei,
E mole he toko tahi pe la.
13 E hage onatou moga ko ni tanuma ava,
E natou fakaaoga onatou alelo ki te kaka;
E natou mau i onatou laugutu he vai kona o te gata.
14 E fonu tonatou gutu i te malaia mo te lotokovi.
15 E natou mau ni vae maamaa ki te liligi o te toto,
16 E nofo te maumau mo te malaia i onatou ala,
17 E mole natou iloi te ala o te tokalelei.
18 E mole mau te mataku ki te Atua i onatou mua.
19Pea e tou iloi ko te u mea fuli e palalau ki ai te lao e ina fakaha kia natou e nofo i te lao, koteuhi ke mapunu te gutu fuli, pea ke iloi kua agahala te malamanei katoa ia mua o te Atua. 20He mole fakamatatonu anai he tahi ia mua o te Atua e te u gaue o te lao, koteuhi e tupu mai te lao te iloi o te agahala.
Faitotonu i te tui kia Kilisito
21Kae i te temi nei, hala mo te lao kua fakaha e te Atua tana faitotonu, ae e fakamooni ki ai te lao mo te kau polofeta, 22te faitotonu a te Atua aki te tui kia Sesu-Kilisito o uhiga mo natou fuli pe e tui. E mole pe he fakakehekehe. 23Koteuhi kua natou agahala fuli pea kua natou hala i te kololia o te Atua; 24pea kua fakamatatonu fakaofa natou e tona kalasia, aki te puleaki o te totogi e mau ia Sesu-Kilisito. 25Ko ia ae nee fakatuutuu e te Atua ke hoko aki tona toto kia natou ka tui anai ko te vikitima fakalotolelei, o tupu ke fakaha ai tana faitotonu, koteuhi nee mole ina fakatua te u agahala nee fai i mua, i te temi o tana kataki fualoa. 26Kae i te temi nei kua ina fakaha tona faitotonu, i tana fakatonuhia ia ia pea mo tana fakamatatonu ia ae e tui kia Sesu.
27Kofea anai te tupuaga o he fakakololia? Kua to noa ia. E te lao fea? E te lao o te u gaue? Kailoa, kae e te lao o te tui. 28Koteuhi e tou tuku e fakamatatonu te tagata aki te tui, hala mo te u gaue o te lao. 29Pea ko te Atua, pe ko te Atua pe ia o te kau Sutea? Pe e mole ko te Atua foki ia o te kau pagani? Io, ko te Atua foki ia o te kau pagani, 30koteuhi ko te Atua pe e tahi, ae e ina fakamatatonu anai aki te tui te kau silikosisio, pea aki te tui te kau hee silikosisio.
31Pe e tou pulihi anai te lao aki te tui? Mamao osi mai ai! Kae, e matou fakamooni ki te lao.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland