Tohi a Paulo ki te kau LOMA 14
14
Pelesepeto o te ofa
1Ke kotou fakatalitali ae e vaivai i te tui, pea ke aua naa koutou fefihiaki i te u manatu.
2E tui he tahi e feala ke kai ki te u mea fuli, pea ko he tahi age, ae e vaivai, e kai magisi atea. 3Ke aua naa fakanoai e ia ae e kai ia ae e mole kai, pea ko ae e mole kai ke aua naa ina fakamaaui ia ia ae e kai, koteuhi kua fakatalitali ia e te Atua. 4Ko ai ia koe, ke ke fakamaaui te tagata faifekau a he tahi kehe? Kapau e tuu ia i oluga, pe e higa ia ki lalo, a te pule pe te mea aia. Kae e tuu leva ia ki oluga, koteuhi e mau e te Aliki te malohi ke ina fakatuu ake ia.
5E fakakehekehei e he tahi te u aho; pea e ui e he tahi, e natou tatou fuli. Ke tahi mau e te tagata tana manatu totonu i tona loto katoa.
6Ko ae e ina fakakehekehei te u aho, e fai fena o uhiga mo te Aliki. Ko ae e kai, e fai fena o uhiga mo te Aliki, koteuhi e fakafetai ia ki te Atua; ko ae e mole kai e fai fena o uhiga mo te Aliki, pea e fakafetai ia ki te Atua. 7Koteuhi, e mole he tahi ia tatou e mauli kia ia totonu, pea e mole he tahi e mate kia ia totonu. 8Koteuhi kapau e tou mauli, e tou mauli ki te Aliki, pea kapau e tou mate, e tou mate ki te Aliki. Pe e tou mauli, pe e tou mate, e tou kau mo te Aliki, 9koteuhi nee mate ia Kilisito pea nee toe hau ia ki te mauli, ke liliu ia ko te Aliki o te kau mate mo te kau mauli. 10Kae ko koe, kotea e ke fakamaaui ai tou tehina? Pee ko koe, kotea e ke fehia ai ki tou tehina? Koteuhi e tou tutuu fuli anai ia mua o te fakamaauaga a te Atua. 11Koteuhi e tuu i te Tohi:
E au mauli, e ui e te Aliki,
E peluki anai te u tuli fuli i oku mua,
Pea e fakakololia anai te u alelo fuli ki te Atua.
12Koia e fakamatala anai e te tagata taki tahi ki te Atua o uhiga mo ia totonu.
Lao mauhiga: Kumi o te lelei o te oloi
13Koia aua naa koutou fefakamaauaki; kae ke kotou manatu ke aua naa fai he mea ke fakatupu tukia pee ke fakatupu higa ki tokotou tehina. 14E au iloi pea e au tui i te Aliki Sesu, e mole pe he mea e uli ia ia, pea e kei uli he mea ki ae e tui e uli ia. 15Kae kapau e mamahi tou tehina o uhiga mo he meakai, e mole kei ke haele i te ofa: Aua naa ke fakatupu i tau meakai te puli o ae nee mate ki ai ia Kilisito. 16E mole tonu ke liliu te mea e lelei kia koutou ko he mea ke fakatupu laukovi ki ni ihi age. 17Koteuhi ko te puleaga o te Atua, e mole ko te kai pee ko te inu, kae ko te maonioni, mo te tokalelei, pea mo te fiafia i te Laumalie Maonioni. 18Ko ae e tauhi kia Kilisito o mulimuli ki te u mea aia, e lelei ia ki te Atua pea e fakamooni ki ai te u tagata. 19Koia leva, ke tou kumi te u mea ae e aoga ki te tokalelei pea mo te faufau. 20Aua naa ke maumaui te gaue a te Atua o uhiga mo he meakai. E mooni ko te u mea fuli e maa, kae e kovi ki te tagata, mo ka kai, ke liliu ia ko he maka fakatupu higa. 21E lelei ke aua naa kai ki he kanoi manu, ke aua naa inu ki he vino, pea ke siaki te mea ae e fakatupu higa ki tou tehina, pee fakatupu tukia, pee fakatupu vaivai.
Lao o te tokaga ki te kololia o te Atua
22E ke mau te tui aia, taupau ia ma au ia mua o te Atua. Manuia ae e mole ina fakalakahalai ia ia totonu i te mea ae e fakamooni ia ki ai! 23Kae ko ae e lotolotolua o uhiga mo te mea ae e ina kai, e fakamaaui ia i ai, koteuhi e mole kai ia i te tui. Koteuhi e agahala te mea fuli e mole hau mai te loto mooni.
Currently Selected:
Tohi a Paulo ki te kau LOMA 14: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Tohi a Paulo ki te kau LOMA 14
14
Pelesepeto o te ofa
1Ke kotou fakatalitali ae e vaivai i te tui, pea ke aua naa koutou fefihiaki i te u manatu.
2E tui he tahi e feala ke kai ki te u mea fuli, pea ko he tahi age, ae e vaivai, e kai magisi atea. 3Ke aua naa fakanoai e ia ae e kai ia ae e mole kai, pea ko ae e mole kai ke aua naa ina fakamaaui ia ia ae e kai, koteuhi kua fakatalitali ia e te Atua. 4Ko ai ia koe, ke ke fakamaaui te tagata faifekau a he tahi kehe? Kapau e tuu ia i oluga, pe e higa ia ki lalo, a te pule pe te mea aia. Kae e tuu leva ia ki oluga, koteuhi e mau e te Aliki te malohi ke ina fakatuu ake ia.
5E fakakehekehei e he tahi te u aho; pea e ui e he tahi, e natou tatou fuli. Ke tahi mau e te tagata tana manatu totonu i tona loto katoa.
6Ko ae e ina fakakehekehei te u aho, e fai fena o uhiga mo te Aliki. Ko ae e kai, e fai fena o uhiga mo te Aliki, koteuhi e fakafetai ia ki te Atua; ko ae e mole kai e fai fena o uhiga mo te Aliki, pea e fakafetai ia ki te Atua. 7Koteuhi, e mole he tahi ia tatou e mauli kia ia totonu, pea e mole he tahi e mate kia ia totonu. 8Koteuhi kapau e tou mauli, e tou mauli ki te Aliki, pea kapau e tou mate, e tou mate ki te Aliki. Pe e tou mauli, pe e tou mate, e tou kau mo te Aliki, 9koteuhi nee mate ia Kilisito pea nee toe hau ia ki te mauli, ke liliu ia ko te Aliki o te kau mate mo te kau mauli. 10Kae ko koe, kotea e ke fakamaaui ai tou tehina? Pee ko koe, kotea e ke fehia ai ki tou tehina? Koteuhi e tou tutuu fuli anai ia mua o te fakamaauaga a te Atua. 11Koteuhi e tuu i te Tohi:
E au mauli, e ui e te Aliki,
E peluki anai te u tuli fuli i oku mua,
Pea e fakakololia anai te u alelo fuli ki te Atua.
12Koia e fakamatala anai e te tagata taki tahi ki te Atua o uhiga mo ia totonu.
Lao mauhiga: Kumi o te lelei o te oloi
13Koia aua naa koutou fefakamaauaki; kae ke kotou manatu ke aua naa fai he mea ke fakatupu tukia pee ke fakatupu higa ki tokotou tehina. 14E au iloi pea e au tui i te Aliki Sesu, e mole pe he mea e uli ia ia, pea e kei uli he mea ki ae e tui e uli ia. 15Kae kapau e mamahi tou tehina o uhiga mo he meakai, e mole kei ke haele i te ofa: Aua naa ke fakatupu i tau meakai te puli o ae nee mate ki ai ia Kilisito. 16E mole tonu ke liliu te mea e lelei kia koutou ko he mea ke fakatupu laukovi ki ni ihi age. 17Koteuhi ko te puleaga o te Atua, e mole ko te kai pee ko te inu, kae ko te maonioni, mo te tokalelei, pea mo te fiafia i te Laumalie Maonioni. 18Ko ae e tauhi kia Kilisito o mulimuli ki te u mea aia, e lelei ia ki te Atua pea e fakamooni ki ai te u tagata. 19Koia leva, ke tou kumi te u mea ae e aoga ki te tokalelei pea mo te faufau. 20Aua naa ke maumaui te gaue a te Atua o uhiga mo he meakai. E mooni ko te u mea fuli e maa, kae e kovi ki te tagata, mo ka kai, ke liliu ia ko he maka fakatupu higa. 21E lelei ke aua naa kai ki he kanoi manu, ke aua naa inu ki he vino, pea ke siaki te mea ae e fakatupu higa ki tou tehina, pee fakatupu tukia, pee fakatupu vaivai.
Lao o te tokaga ki te kololia o te Atua
22E ke mau te tui aia, taupau ia ma au ia mua o te Atua. Manuia ae e mole ina fakalakahalai ia ia totonu i te mea ae e fakamooni ia ki ai! 23Kae ko ae e lotolotolua o uhiga mo te mea ae e ina kai, e fakamaaui ia i ai, koteuhi e mole kai ia i te tui. Koteuhi e agahala te mea fuli e mole hau mai te loto mooni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland