Tohi a Paulo ki te kau FILIPE 4
4
1Koia, oku tehina ofaina, koutou ae ko toku fiafia mo toku kolona, ke koutou tuu mau i te Aliki, oku ofaaga!
Tokoni fakamuli
2E au kole kia Evoti pea e au kole kia Sinitise ke na mau he manatuloto e tahi i te Aliki. 3Pea ko koe foki, ko toku kaumea agatonu, io, e au kole atu kia koe ke ke tokoni kia naua, ae nee tau fakatahi mo au ki te Evaselio, pea mo Kelemete pea mo oku kaumea ake ae i te gaue, natou ae kua tuu onatou higoa i te tohi o te mauli.
4Koutou fiafia tuumau i te Aliki, e au toe liuga atu ia, koutou fiafia.
5Ke iloi tokotou agalelei e te u tagata fuli, kua ovi mai te Aliki. 6Aua naa koutou tuania o uhiga mo he mea e tahi, kae koutou fakaha ki te Atua te u mea ae e aoga kia koutou aki ni kole, mo ni kolekole, pea mo ni fakafetai, 7pea ko te tokalelei o te Atua, ae e fakalaka age i te u atamai fuli, e ina taupau anai okotou loto mo akotou manatu ia Sesu-Kilisito.
8Fakaosi leva, u tehina, koutou tokaga ki te u mea fuli ae e lelei pea mo gali i te fakavikiviki: Tafito te u mea fuli ae e mooni mo fakaapaapa, mo totonu, mo maa, mo fakaofaofa pea mo matalelei. 9Ko te mea nee kotou ako, mo kotou tali, pea mo kotou logo ki ai maia au, pea mo te mea nee koutou sio ki ai ia au, koutou fai ia, pea e nofo anai te Atua o te tokalelei mo koutou.
Loto fakafetai o Paulo
10Nee au logoi he fiafia lahi i te Aliki i taku sio kua koutou toe fakafoou te mooni o tokotou ofa kia au; ko te mooni, nee koutou manatu tuumau kia au, kae nee mole koutou mau he faigamalie ke fakaha ai ia. 11E mole au fakaha te mea aia, uhi e aoga mai he mea kia au, he kua au ako ke au fiafia i te nofo e au nofo ai. 12E au iloi te mauli i te masiva pea e au iloi te mauli i te mahu. I te u mea fuli mo kogamea fuli kua au ako te makona pea mo te fia kai, te nofo i te mahu pea mo te nofo i te hoge. 13E au fealagia te u mea fuli i ae e ina fakamalohii au, 14kae logo ai te mea aena, kua koutou fai he mea lelei i takotou kau ki toku faigataaia.
15E koutou iloi e koutou totonu, kau Filipe, i te kamataaga o te akonaki o te Evaselio, i te temi nee au mavae ai mai te fenua o Masetonia, nee mole pe he Ekelesia e tahi nee loto fakafetai o foaki mai kia au he mea; 16ko koutou pe ae nee koutou fai te mea aena, koteuhi i Tesalonika, nee kotou aumai te mea ae nee aoga kia au o tua lua foki. 17E mole au kumi ni meaofa kae e au kumi te fua ae e ina fakalahi tokotou kaupepa. 18Kua au mau te u mea fuli, pea kua au nofo i te mahu; kua au fonu maumau i te u koloa, i taku tali maia Epafolotito te mea nee hau maia koutou o hage ko he kaloni magoni lelei, o hage ko he sakilifisio ae e tali e te Atua, pea e matalelei kia ia. 19E tokaga anai toku Atua ki te u mea fuli ae e aoga kia koutou o mulimuli ki tona maukoloa, mo te kololia, ia Sesu-Kilisito. 20Ke tuku ki totatou Atua ko te Tamai te kololia i te u sekulo mo te u sekulo, Ameni!
Fakaalofa
21Koutou fakaalofa age ki te kau sagato fuli ia Sesu-Kilisito. E fakaalofa atu te u tehina e nonofo mo au. 22E fakaalofa atu kia koutou te kau sagato fuli, kae tafito natou o te fale o Sesale.
23Ko te kalasia o te Aliki ko Sesu-Kilisito ke nofo mo okotou laumalie!
Currently Selected:
Tohi a Paulo ki te kau FILIPE 4: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Tohi a Paulo ki te kau FILIPE 4
4
1Koia, oku tehina ofaina, koutou ae ko toku fiafia mo toku kolona, ke koutou tuu mau i te Aliki, oku ofaaga!
Tokoni fakamuli
2E au kole kia Evoti pea e au kole kia Sinitise ke na mau he manatuloto e tahi i te Aliki. 3Pea ko koe foki, ko toku kaumea agatonu, io, e au kole atu kia koe ke ke tokoni kia naua, ae nee tau fakatahi mo au ki te Evaselio, pea mo Kelemete pea mo oku kaumea ake ae i te gaue, natou ae kua tuu onatou higoa i te tohi o te mauli.
4Koutou fiafia tuumau i te Aliki, e au toe liuga atu ia, koutou fiafia.
5Ke iloi tokotou agalelei e te u tagata fuli, kua ovi mai te Aliki. 6Aua naa koutou tuania o uhiga mo he mea e tahi, kae koutou fakaha ki te Atua te u mea ae e aoga kia koutou aki ni kole, mo ni kolekole, pea mo ni fakafetai, 7pea ko te tokalelei o te Atua, ae e fakalaka age i te u atamai fuli, e ina taupau anai okotou loto mo akotou manatu ia Sesu-Kilisito.
8Fakaosi leva, u tehina, koutou tokaga ki te u mea fuli ae e lelei pea mo gali i te fakavikiviki: Tafito te u mea fuli ae e mooni mo fakaapaapa, mo totonu, mo maa, mo fakaofaofa pea mo matalelei. 9Ko te mea nee kotou ako, mo kotou tali, pea mo kotou logo ki ai maia au, pea mo te mea nee koutou sio ki ai ia au, koutou fai ia, pea e nofo anai te Atua o te tokalelei mo koutou.
Loto fakafetai o Paulo
10Nee au logoi he fiafia lahi i te Aliki i taku sio kua koutou toe fakafoou te mooni o tokotou ofa kia au; ko te mooni, nee koutou manatu tuumau kia au, kae nee mole koutou mau he faigamalie ke fakaha ai ia. 11E mole au fakaha te mea aia, uhi e aoga mai he mea kia au, he kua au ako ke au fiafia i te nofo e au nofo ai. 12E au iloi te mauli i te masiva pea e au iloi te mauli i te mahu. I te u mea fuli mo kogamea fuli kua au ako te makona pea mo te fia kai, te nofo i te mahu pea mo te nofo i te hoge. 13E au fealagia te u mea fuli i ae e ina fakamalohii au, 14kae logo ai te mea aena, kua koutou fai he mea lelei i takotou kau ki toku faigataaia.
15E koutou iloi e koutou totonu, kau Filipe, i te kamataaga o te akonaki o te Evaselio, i te temi nee au mavae ai mai te fenua o Masetonia, nee mole pe he Ekelesia e tahi nee loto fakafetai o foaki mai kia au he mea; 16ko koutou pe ae nee koutou fai te mea aena, koteuhi i Tesalonika, nee kotou aumai te mea ae nee aoga kia au o tua lua foki. 17E mole au kumi ni meaofa kae e au kumi te fua ae e ina fakalahi tokotou kaupepa. 18Kua au mau te u mea fuli, pea kua au nofo i te mahu; kua au fonu maumau i te u koloa, i taku tali maia Epafolotito te mea nee hau maia koutou o hage ko he kaloni magoni lelei, o hage ko he sakilifisio ae e tali e te Atua, pea e matalelei kia ia. 19E tokaga anai toku Atua ki te u mea fuli ae e aoga kia koutou o mulimuli ki tona maukoloa, mo te kololia, ia Sesu-Kilisito. 20Ke tuku ki totatou Atua ko te Tamai te kololia i te u sekulo mo te u sekulo, Ameni!
Fakaalofa
21Koutou fakaalofa age ki te kau sagato fuli ia Sesu-Kilisito. E fakaalofa atu te u tehina e nonofo mo au. 22E fakaalofa atu kia koutou te kau sagato fuli, kae tafito natou o te fale o Sesale.
23Ko te kalasia o te Aliki ko Sesu-Kilisito ke nofo mo okotou laumalie!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland