Tohi a Paulo ki te kau KALATE 5
5
Taupau tokotou ateaina
1Koia, kua fakaateainai tatou e Kilisito ke tou ateaina mooni, kotou tuumau i ai, pea aua naa kotou toe tuku ke tatao koutou e te amoga o te popula.
2Ko au Paulo, aeni e palalau atu kia koutou, kapau e silikosisioi koutou, e mole aoga anai ia Kilisito kia koutou. 3Pea e au toe fakaha ki te tagata fuli e fia silikosisio, e maua ia ke ina fai te u mea fuli o te lao. 4Kua kotou mavae ia Kilisito, koutou fuli e kotou kumi te fakamatatonu i te lao; kua fakahifo koutou mai te kalasia. 5Kia tatou, e tou talitali i te Laumalie ki te amanaki lelei o te faitotonu ae e mau aki te tui. 6Koteuhi, ia Sesu-Kilisito, e mole aoga te silikosisio pee ko te hee silikosisio, kae ko te tui ae e gaue i te ofa.
7Nee kotou lele lelei: Ko ai ae nee ina taofi koutou ke aua naa kotou fakalogo ki te mooni? 8E mole hau te mea aena mai ae e kalaga atu kia koutou: 9Ko he kii moi fakatupu e ina fakatupu te falaoa natu katoa. 10E au mau te falala aeni o uhiga mo koutou, i te Aliki, e mole kotou mau anai he tahi age manatu kehe. Kae ko ae e ina fakamaveuveu koutou, e tautea anai ia e te Atua, logo ai pe ko ai ia. 11Pea kia au, u tehina, kapau kei au akonaki ki te silikosisio, pe kotea kei fakatagai ai au? Pe kua holoi te akonaki o te koluse ae ko he mea fakatupu higa! 12E lelei age ke tuusi natou aia e natou fakamaveuveu koutou?
Kakano mo te Laumalie
13U tehina, nee paui koutou ki te ateaina; kae ke aua pe naa kotou fakaliliu te ateaina aia ko he faigamalie ke kotou mauli ai i te kakano; kae ke kotou liliu, i te ofa, ko ni tagata faifekau a ae ki ae. 14Koteuhi e fakahoko te lao katoa i te folafola e tahi, aeni: E ke ofa anai ki tou kaiga o hage ko tou ofa kia koe totonu. 15Kae kapau e kotou feusiusiaki mo fekaiaki, koutou tokaga ke aua naa kotou fetamateiaki ia koutou.
Haele i te Laumalie Maonioni kae mole i te lao
16Koia e au ui atu ai: Koutou haele i te Laumalie, pea e mole kotou fakahoko anai te u holi o te kakano. 17Koteuhi e fakafehagai te u holi o te kakano ki te u holi o te Laumalie, pea e fakafehagai te u holi o te Laumalie ki te u holi o te kakano; e natou fakafehagaiaki ia natou, ke aua naa kotou fai te mea ae e kotou loto ki ai. 18Kae kapau e taki koutou e te Laumalie, pea e mole kotou fatogia anai ki te lao.
19E iloga lelei te u gaue o te kakano; ko te feauaki, mo te agauli, mo te faiaga; 20mo te tauhi taulaatua, mo te fakalauakau, mo te u taufehia, mo te u ke, mo te u finenonofo, mo te u itaita, mo te u fakamavaevae, mo te u magai lotu; 21mo te manumanu, mo te inu fakavale, mo te kai fakavale, mo te u mea fuli e tatau mo te u mea aia. E au fakaha fakatomua atu kia koutou, o hage ko taku fakaha atu i mua, ko natou e natou fai te u mea aia e mole natou mau tofiga anai te puleaga o te Atua.
Fua o te Laumalie Maonioni
22Kae ko te fua o te Laumalie ko te ofa, mo te fiafia, mo te tokalelei, mo te kataki, mo te agalelei, mo te agaofa, mo te agatonu, mo te agamalu, mo te agalolomi; 23e mole fakafehagai te lao ki te u mea aia.
24Ko natou ae e nonofo ia Sesu-Kilisito, kua natou kolusifikoi te kakano mo ona agamaveuveu pea mo ona holi. 25Kapau e tou mauli i te Laumalie, tou haele foki i te Laumalie.
26Aua naa tou kumi he kololia vaiga, o tou felotokoviaki mo tou fefinenonofoaki.
Currently Selected:
Tohi a Paulo ki te kau KALATE 5: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Tohi a Paulo ki te kau KALATE 5
5
Taupau tokotou ateaina
1Koia, kua fakaateainai tatou e Kilisito ke tou ateaina mooni, kotou tuumau i ai, pea aua naa kotou toe tuku ke tatao koutou e te amoga o te popula.
2Ko au Paulo, aeni e palalau atu kia koutou, kapau e silikosisioi koutou, e mole aoga anai ia Kilisito kia koutou. 3Pea e au toe fakaha ki te tagata fuli e fia silikosisio, e maua ia ke ina fai te u mea fuli o te lao. 4Kua kotou mavae ia Kilisito, koutou fuli e kotou kumi te fakamatatonu i te lao; kua fakahifo koutou mai te kalasia. 5Kia tatou, e tou talitali i te Laumalie ki te amanaki lelei o te faitotonu ae e mau aki te tui. 6Koteuhi, ia Sesu-Kilisito, e mole aoga te silikosisio pee ko te hee silikosisio, kae ko te tui ae e gaue i te ofa.
7Nee kotou lele lelei: Ko ai ae nee ina taofi koutou ke aua naa kotou fakalogo ki te mooni? 8E mole hau te mea aena mai ae e kalaga atu kia koutou: 9Ko he kii moi fakatupu e ina fakatupu te falaoa natu katoa. 10E au mau te falala aeni o uhiga mo koutou, i te Aliki, e mole kotou mau anai he tahi age manatu kehe. Kae ko ae e ina fakamaveuveu koutou, e tautea anai ia e te Atua, logo ai pe ko ai ia. 11Pea kia au, u tehina, kapau kei au akonaki ki te silikosisio, pe kotea kei fakatagai ai au? Pe kua holoi te akonaki o te koluse ae ko he mea fakatupu higa! 12E lelei age ke tuusi natou aia e natou fakamaveuveu koutou?
Kakano mo te Laumalie
13U tehina, nee paui koutou ki te ateaina; kae ke aua pe naa kotou fakaliliu te ateaina aia ko he faigamalie ke kotou mauli ai i te kakano; kae ke kotou liliu, i te ofa, ko ni tagata faifekau a ae ki ae. 14Koteuhi e fakahoko te lao katoa i te folafola e tahi, aeni: E ke ofa anai ki tou kaiga o hage ko tou ofa kia koe totonu. 15Kae kapau e kotou feusiusiaki mo fekaiaki, koutou tokaga ke aua naa kotou fetamateiaki ia koutou.
Haele i te Laumalie Maonioni kae mole i te lao
16Koia e au ui atu ai: Koutou haele i te Laumalie, pea e mole kotou fakahoko anai te u holi o te kakano. 17Koteuhi e fakafehagai te u holi o te kakano ki te u holi o te Laumalie, pea e fakafehagai te u holi o te Laumalie ki te u holi o te kakano; e natou fakafehagaiaki ia natou, ke aua naa kotou fai te mea ae e kotou loto ki ai. 18Kae kapau e taki koutou e te Laumalie, pea e mole kotou fatogia anai ki te lao.
19E iloga lelei te u gaue o te kakano; ko te feauaki, mo te agauli, mo te faiaga; 20mo te tauhi taulaatua, mo te fakalauakau, mo te u taufehia, mo te u ke, mo te u finenonofo, mo te u itaita, mo te u fakamavaevae, mo te u magai lotu; 21mo te manumanu, mo te inu fakavale, mo te kai fakavale, mo te u mea fuli e tatau mo te u mea aia. E au fakaha fakatomua atu kia koutou, o hage ko taku fakaha atu i mua, ko natou e natou fai te u mea aia e mole natou mau tofiga anai te puleaga o te Atua.
Fua o te Laumalie Maonioni
22Kae ko te fua o te Laumalie ko te ofa, mo te fiafia, mo te tokalelei, mo te kataki, mo te agalelei, mo te agaofa, mo te agatonu, mo te agamalu, mo te agalolomi; 23e mole fakafehagai te lao ki te u mea aia.
24Ko natou ae e nonofo ia Sesu-Kilisito, kua natou kolusifikoi te kakano mo ona agamaveuveu pea mo ona holi. 25Kapau e tou mauli i te Laumalie, tou haele foki i te Laumalie.
26Aua naa tou kumi he kololia vaiga, o tou felotokoviaki mo tou fefinenonofoaki.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland