EKESOTE 28
28
Kofu o te pule faisakilifisio
1Fakaovi mai kia koe tou taokete ko Alone, mo ona foha, pea ke vahei kehe natou mai te u fanau o Iselaele, o ke fakanofo natou ke gaue kia au i te gaue fakapelepitelo: ko Alone mo ona foha ko Natape, mo Apiu, mo Eleasale, mo Itamale.
2E ke fai anai ki tou taokete ko Alone, ni kofu tapu, ke fakailoga ai tona aliki, pea ke kofu ki ai i tana gaue. 3E ke palalau anai kia natou fuli ae e popoto, natou ae kua au foaki ki ai he laumalie ae kua fonu i te poto; pea e natou fai anai te u kofu o Alone ki tona fakanofo mo te fai o tana gaue fakapelepitelo. 4Pea koeni te u kofu ae ka natou fai anai: ko he peketolale*, mo he efote*, mo he pulupulu, mo he kofu fakateuteu, mo he pale, pea mo he kie nonoo. E natou fai anai ni kofu tapu ki tou taokete ko Alone, mo ona foha, o tupu ke natou fai kia au te gaue fakapelepitelo. 5E natou too anai ni filo aulo, mo ni filo uui, mo ni filo kula fakapouli, mo ni filo kula lelei, pea mo ni filo hina malohi.
Te efote*
6E natou fai anai te efote aki te filo aulo, mo te filo uui, mo te filo kula fakapouli, mo te filo kula lelei, pea mo te filo hina malohi. 7E ke fai anai i ai ni fakailoga fakateuteu e lua i te u fugauma, pea ke fakapipiki anai naua ki te u kapa o te efote; e natou hohoko anai o fakatahi. 8E toe fai anai te uka nonoo o hage ko te efote aki te aulo, mo te filo uui, mo te filo kula fakapouli, mo te filo kula lelei, pea mo te filo hina malohi. 9E ke too anai ni maka e lua ko te onise*, pea e ke togi anai i ai te u higoa o te u foha o Iselaele: 10Ko te u higoa e ono i te tahi maka, pea ko higoa e ono i te lua maka, o mulimuli ki tonatou tupu. 11E ke togi anai i te u maka e lua te u higoa o te u foha o Iselaele, o hage ko te togi o te u maka mo te u mama; pea ke fakamaumau anai naua ki te aulo. 12E ke fakapipiki anai te u maka aia e lua ki te u fugauma e lua o te efote, ke fakamanatu ai te u foha o Iselaele; pea e amo anai e Alone onatou higoa i ona fugauma i mua o te Eteleno, o hage ko he tauhiofa. 13E ke fai anai ni kaui tuiga aulo, 14mo ni seini aulo maa e lua, ae e ke fi anai o hage ko ni maea; pea ke fakapipiki anai te u seini ki te u kaui tuiga aulo.
Te peketolale*
15E ke fai anai te peketolale o te fakamaau, ko he gaue fakateuteu aia, e ke fai anai ia o hage ko te efote, ki te aulo, mo te filo uui, mo te filo kula fakapouli, mo te filo kula lelei, pea mo te filo hina malohi. 16E tatau anai ona tapatapa e fa pea e lolua anai ia; ko tona loa ko he haga e tahi, pea ko tona laulahi ko te haga e tahi. 17E ke teuteui anai ia aki ni atu maka e fa: ko te uluaki atu, ko te saletuane*, mo te topasi* pea mo te emelote; 18ko te lua atu: ko te kelenate*, mo te safile* pea mo te taimane*, 19ko te tolu atu, ko te hiasinita*, mo te akate* pea mo te ametisite*, 20ko te fa atu, ko te kilisolite*, mo te onise* pea mo te sasepe*. Ko te u maka aia e fakapipiki anai ki onatou fakamauaga aulo. 21Ko te u maka anai e hogofulu ma lua o mulimuli ki te u higoa o te u foha o Iselaele. E togi anai te u maka aena ko ni fakailoga, ko te foi maka pe mo tona higoa i te u higoa o te u famili e hogofulu ma lua o Iselaele. 22E ke fai anai i te peketolale, ni seini aulo maa o fi fakamaea. 23E ke fai anai i te peketolale ni foi mama aulo e lua, pea e ke fakapipiki anai te u mama aia e lua ki te u potupotu e lua o te peketolale; 24e ke fakaulu anai te u seini aulo e lua i loto o te u foi kavei aulo e lua, ae i te u potupotu e lua o te peketolale; 25pea e ke fakagata anai mai mua te u seini e lua o nonoo ki te u fugauma fakateuteu e lua o te efote. 26E ke toe fai anai ni kavei aulo e lua, o ke fakapipiki anai naua ki te u potupotu e lua o te peketolale, i te tapatapa ae e lave ki te efote i loto. 27Pea e ke toe fai anai mo ni ihi ake kavei aulo e lua, o fakapipiki ki te u tapatapa e lua o te u fugauma fakateuteu o te efote, i mua, o te hokoga, i oluga o te kie nonoo o te efote. 28E ke nonoo anai te peketolale i ona kavei ki te u kavei o te efote, ki he kii moi maea uui, o tupu ke pipiki te peketolale i oluga o te nonoo o te efote, pea ke aua naa toe mavae ia ia mai te efote. 29Ka ulu anai ia Alone ki te sagatualio, e ina amo anai i tona loto te u higoa o te u foha o Iselaele, ae kua togi i te peketolale o te fakamaau, o tupu ke taupau tuumau tonatou tauhiofa ia mua o te Eteleno.
Te ulimi mo te tumimi*
30Pea e ke fakapipiki anai ki te peketolale o te fakamaau te ulimi mo te tumimi, pea e na pipiki anai i te loto o Alone, moka ulu anai ia ia kia mua o te Eteleno. Pea e amo tuumau anai e Alone i tona loto te fakamaau o te u fanau a Iselaele, moka tuu anai ia ia i mua o te Eteleno.
Te kofu uui
31E ke fai anai te kofu katoa o te efote aki te kie uui. 32E ke tuku anai i lotomalie he ava ki te ulu; pea e ke fai anai he fakamalohi o te kia koteuhi ke aua naa mahae te kofu. 33E ke fakapipiki anai ki te lalo vae o te kofu ni fuai kelenate* uui, mo kula fakapouli, mo kula lelei, o fakavaha natou ki ni kii pele aulo liliki: 34ko te kii pele aulo mo te foi kelenate, pea ko te kii pele aulo pea foi kelenate, i te lalo vae katoa o te kofu. 35E tui anai e Alone te kofu aia o fai te gaue fakapelepitelo: ka ulu anai ia ia ki te sagatualio ia mua o te Eteleno, pea ka mavae anai ia mai ai, e logo anai ki te tagi o te u pele pea e mole mate anai ia Alone.
Te pale o te maonioni
36E ke fai anai he pale aki te aulo maa, pea e ke togi anai i ai o hage ko te togi o he mama: ko te Maonioni ki te Eteleno. 37E ke hai anai ia ia ki te puloga ki he maea uui, i mua o te puloga. 38E tuu anai ia ia i te lae o Alone, pea e amo anai e Alone te u hala o te u fanau o Iselaele moka natou momoli anatou molaga tapu ia mua o te Eteleno, pea e tali anai e te Eteleno te u fanau a Iselaele.
Kofu o tagata faisakilifisio
39E ke fai anai te kofu loloa aki te kie hina malohi, e ke fai anai mo he puloga aki te kie hina malohi, pea e ke fai anai mo he kie nonoo fakateuteu.
40E ke fai anai ki te u foha o Alone ni kofu loloa, pea e ke fai anai ni onatou nonoo fakateuteu, pea e ke fai anai ni onatou puloga, o tupu ke fakailoga ai tonatou aliki pea ke natou teu ki ai. 41E ke tui anai te u teu aia ki tou taokete ko Alone, pea mo ona foha. E ke liligi anai te lolo tapu ki onatou ulu, pea e ke fakatapui anai natou, pea e ke vahei anai natou, pea e natou nonofo anai o gaue kia au i te gaue fakapelepitelo. 42E ke fai anai kia natou ni vavae loto aki te kie hina malohi, ke uufi ai tonatou telefua; e hifo anai te u vavae loto mai te huluga kie o kaku ki te u kauaga. 43E tui anai e Alone mo ona foha te u vavae loto aia, moka natou feulufi anai ki te falela, pea ka e natou fakaovi anai ki te aletale, o fai te u gaue i te sagatualio. Pea e mole natou hala anai, pea e mole natou mamate anai. Ko he lao aia ke tuu mau kia Alone mo tona hakoga ki amuli.
Currently Selected:
EKESOTE 28: WB2011
Highlight
Copy
Compare
Share
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
EKESOTE 28
28
Kofu o te pule faisakilifisio
1Fakaovi mai kia koe tou taokete ko Alone, mo ona foha, pea ke vahei kehe natou mai te u fanau o Iselaele, o ke fakanofo natou ke gaue kia au i te gaue fakapelepitelo: ko Alone mo ona foha ko Natape, mo Apiu, mo Eleasale, mo Itamale.
2E ke fai anai ki tou taokete ko Alone, ni kofu tapu, ke fakailoga ai tona aliki, pea ke kofu ki ai i tana gaue. 3E ke palalau anai kia natou fuli ae e popoto, natou ae kua au foaki ki ai he laumalie ae kua fonu i te poto; pea e natou fai anai te u kofu o Alone ki tona fakanofo mo te fai o tana gaue fakapelepitelo. 4Pea koeni te u kofu ae ka natou fai anai: ko he peketolale*, mo he efote*, mo he pulupulu, mo he kofu fakateuteu, mo he pale, pea mo he kie nonoo. E natou fai anai ni kofu tapu ki tou taokete ko Alone, mo ona foha, o tupu ke natou fai kia au te gaue fakapelepitelo. 5E natou too anai ni filo aulo, mo ni filo uui, mo ni filo kula fakapouli, mo ni filo kula lelei, pea mo ni filo hina malohi.
Te efote*
6E natou fai anai te efote aki te filo aulo, mo te filo uui, mo te filo kula fakapouli, mo te filo kula lelei, pea mo te filo hina malohi. 7E ke fai anai i ai ni fakailoga fakateuteu e lua i te u fugauma, pea ke fakapipiki anai naua ki te u kapa o te efote; e natou hohoko anai o fakatahi. 8E toe fai anai te uka nonoo o hage ko te efote aki te aulo, mo te filo uui, mo te filo kula fakapouli, mo te filo kula lelei, pea mo te filo hina malohi. 9E ke too anai ni maka e lua ko te onise*, pea e ke togi anai i ai te u higoa o te u foha o Iselaele: 10Ko te u higoa e ono i te tahi maka, pea ko higoa e ono i te lua maka, o mulimuli ki tonatou tupu. 11E ke togi anai i te u maka e lua te u higoa o te u foha o Iselaele, o hage ko te togi o te u maka mo te u mama; pea ke fakamaumau anai naua ki te aulo. 12E ke fakapipiki anai te u maka aia e lua ki te u fugauma e lua o te efote, ke fakamanatu ai te u foha o Iselaele; pea e amo anai e Alone onatou higoa i ona fugauma i mua o te Eteleno, o hage ko he tauhiofa. 13E ke fai anai ni kaui tuiga aulo, 14mo ni seini aulo maa e lua, ae e ke fi anai o hage ko ni maea; pea ke fakapipiki anai te u seini ki te u kaui tuiga aulo.
Te peketolale*
15E ke fai anai te peketolale o te fakamaau, ko he gaue fakateuteu aia, e ke fai anai ia o hage ko te efote, ki te aulo, mo te filo uui, mo te filo kula fakapouli, mo te filo kula lelei, pea mo te filo hina malohi. 16E tatau anai ona tapatapa e fa pea e lolua anai ia; ko tona loa ko he haga e tahi, pea ko tona laulahi ko te haga e tahi. 17E ke teuteui anai ia aki ni atu maka e fa: ko te uluaki atu, ko te saletuane*, mo te topasi* pea mo te emelote; 18ko te lua atu: ko te kelenate*, mo te safile* pea mo te taimane*, 19ko te tolu atu, ko te hiasinita*, mo te akate* pea mo te ametisite*, 20ko te fa atu, ko te kilisolite*, mo te onise* pea mo te sasepe*. Ko te u maka aia e fakapipiki anai ki onatou fakamauaga aulo. 21Ko te u maka anai e hogofulu ma lua o mulimuli ki te u higoa o te u foha o Iselaele. E togi anai te u maka aena ko ni fakailoga, ko te foi maka pe mo tona higoa i te u higoa o te u famili e hogofulu ma lua o Iselaele. 22E ke fai anai i te peketolale, ni seini aulo maa o fi fakamaea. 23E ke fai anai i te peketolale ni foi mama aulo e lua, pea e ke fakapipiki anai te u mama aia e lua ki te u potupotu e lua o te peketolale; 24e ke fakaulu anai te u seini aulo e lua i loto o te u foi kavei aulo e lua, ae i te u potupotu e lua o te peketolale; 25pea e ke fakagata anai mai mua te u seini e lua o nonoo ki te u fugauma fakateuteu e lua o te efote. 26E ke toe fai anai ni kavei aulo e lua, o ke fakapipiki anai naua ki te u potupotu e lua o te peketolale, i te tapatapa ae e lave ki te efote i loto. 27Pea e ke toe fai anai mo ni ihi ake kavei aulo e lua, o fakapipiki ki te u tapatapa e lua o te u fugauma fakateuteu o te efote, i mua, o te hokoga, i oluga o te kie nonoo o te efote. 28E ke nonoo anai te peketolale i ona kavei ki te u kavei o te efote, ki he kii moi maea uui, o tupu ke pipiki te peketolale i oluga o te nonoo o te efote, pea ke aua naa toe mavae ia ia mai te efote. 29Ka ulu anai ia Alone ki te sagatualio, e ina amo anai i tona loto te u higoa o te u foha o Iselaele, ae kua togi i te peketolale o te fakamaau, o tupu ke taupau tuumau tonatou tauhiofa ia mua o te Eteleno.
Te ulimi mo te tumimi*
30Pea e ke fakapipiki anai ki te peketolale o te fakamaau te ulimi mo te tumimi, pea e na pipiki anai i te loto o Alone, moka ulu anai ia ia kia mua o te Eteleno. Pea e amo tuumau anai e Alone i tona loto te fakamaau o te u fanau a Iselaele, moka tuu anai ia ia i mua o te Eteleno.
Te kofu uui
31E ke fai anai te kofu katoa o te efote aki te kie uui. 32E ke tuku anai i lotomalie he ava ki te ulu; pea e ke fai anai he fakamalohi o te kia koteuhi ke aua naa mahae te kofu. 33E ke fakapipiki anai ki te lalo vae o te kofu ni fuai kelenate* uui, mo kula fakapouli, mo kula lelei, o fakavaha natou ki ni kii pele aulo liliki: 34ko te kii pele aulo mo te foi kelenate, pea ko te kii pele aulo pea foi kelenate, i te lalo vae katoa o te kofu. 35E tui anai e Alone te kofu aia o fai te gaue fakapelepitelo: ka ulu anai ia ia ki te sagatualio ia mua o te Eteleno, pea ka mavae anai ia mai ai, e logo anai ki te tagi o te u pele pea e mole mate anai ia Alone.
Te pale o te maonioni
36E ke fai anai he pale aki te aulo maa, pea e ke togi anai i ai o hage ko te togi o he mama: ko te Maonioni ki te Eteleno. 37E ke hai anai ia ia ki te puloga ki he maea uui, i mua o te puloga. 38E tuu anai ia ia i te lae o Alone, pea e amo anai e Alone te u hala o te u fanau o Iselaele moka natou momoli anatou molaga tapu ia mua o te Eteleno, pea e tali anai e te Eteleno te u fanau a Iselaele.
Kofu o tagata faisakilifisio
39E ke fai anai te kofu loloa aki te kie hina malohi, e ke fai anai mo he puloga aki te kie hina malohi, pea e ke fai anai mo he kie nonoo fakateuteu.
40E ke fai anai ki te u foha o Alone ni kofu loloa, pea e ke fai anai ni onatou nonoo fakateuteu, pea e ke fai anai ni onatou puloga, o tupu ke fakailoga ai tonatou aliki pea ke natou teu ki ai. 41E ke tui anai te u teu aia ki tou taokete ko Alone, pea mo ona foha. E ke liligi anai te lolo tapu ki onatou ulu, pea e ke fakatapui anai natou, pea e ke vahei anai natou, pea e natou nonofo anai o gaue kia au i te gaue fakapelepitelo. 42E ke fai anai kia natou ni vavae loto aki te kie hina malohi, ke uufi ai tonatou telefua; e hifo anai te u vavae loto mai te huluga kie o kaku ki te u kauaga. 43E tui anai e Alone mo ona foha te u vavae loto aia, moka natou feulufi anai ki te falela, pea ka e natou fakaovi anai ki te aletale, o fai te u gaue i te sagatualio. Pea e mole natou hala anai, pea e mole natou mamate anai. Ko he lao aia ke tuu mau kia Alone mo tona hakoga ki amuli.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland