EKESOTE 26
26
Ko te u la ato
1E ke fai anai te tapenakulo aki ni tapi hihina malohi e hogofulu, mo ni kie uui, mo ni kie kula fakapouli, pea mo ni kie kula malohi; e ke tui fakateuteui anai ki ai ni selupino. 2Ko te loa o te tapi e tahi ko meta e hogofulu ma fa, pea ko te laulahi o te tapi e tahi ko meta e lua; e fuafua tatau anai te u tapi fuli. 3E hokohoko anai te u tapi e nima, mai ae ki ae; pea ko te u tapi ake ae e nima e toe hokohoko fakatahi anai. 4E fai anai ni kavei uui i te mulii mea o te tapi fakaosi o te u tapi e nima ae nee uluaki hokohoko; pea e ke toe fai feiai anai ki te tapi fakaosi o te u tapi e nima ae nee hokohoko fakamuli. 5E fai anai ni kavei e nimagofulu ki te uluaki tapi, pea e fakapipiki anai ni kavei e nimagofulu ki te lua tapi; e fakatuhatonu anai te u kavei aia, i ae ki ae. 6E ke fai anai ni fakamau aulo e nimagofulu, pea e ke hokohoko anai te u tapi o fakamaumau aki te u fakamau. Pea e tuu anai te tapenakulo ko he mea e tahi.
7E ke fai anai ni tapi aki te u fului tao ke ato ai te falela; e ke fai anai ni tapi feia e hogofulu ma tahi. 8Ko te loa o te tapi e tahi ko meta e hogofulu ma nima, pea ko te laulahi o te tapi e tahi ko meta e lua; e fuafua tatau anai te u tapi aia e hogofulu ma tahi. 9E ke hokohoko fakatahi anai te u tapi e nima i te u tapi aia, pea e ke toe hokohoko fakatahi anai te u tapi ake ae e ono, pea e ke peluki anai te ono tapi i te uluaga o te falela. 10E ke fai anai ni kavei e nimagofulu i te tapa o te tapi fakaosi o te u tapi e nima ae nee uluaki hokohoko, pea mo ni kavei e nimagofulu i te tapa o te tapi fakaosi o te u tapi ae e ono. 11E ke fai anai ni fakamau sila e nimagofulu, pea e ke fakaulu anai te u fakamau aia ki te u kave. E ke fakatahii anai i ai te falela ke tuu ko he mea e tahi. 12E i ai anai te koga o te u tapi o te falela e fakalaka, koia ko te vaelua o te tapi ae e toe e fakahifo anai ki muli o te tapenakulo; 13e toe anai satimeta e nimagofulu i te tahi fahai, pea e toe anai satimeta e nimagofulu i te tahi fahai, ko te u potu aia e toe anai i te loa o te u tapi o te falela, e hifo anai ki te fahai ae mo te fahai ae o te falela, ke mapunui ai te falela.
14E ke fai anai ki te falela he la fakapulou aki te kilii ovi tagata kua pena kula, pea mo he tahi la fakapulou aki te kilii tutuu ke hili i oluga o te la ae.
Papa mo te fakatafito
15E ke fai anai ni papa ki te falela aki te akasia ke fakatuutuu. 16Ko te loa o te foi papa e tahi ko meta e nima, pea ko te laulahi o te foi papa e tahi ko satimeta e fitugofulu ma nima. 17E ke fai anai ni tala e lua i te foi papa e tahi ke fakahokohoko ai te u papa. E ke fai fakatatau anai te u papa fuli o te falela. 18E ke fai anai ni foi papa e uafulu ki te fahai saute o te tapenakulo. 19E ke fai anai ni tuuaga siliva e fagofulu i lalo o te u foi papa ae e uafulu, ko tuuaga e lua ki te foi papa e tahi, ki ona tala e lua. 20E ke fai anai te u foi papa e uafulu ki te lua fahai o te tapenakulo, i te potu noleto, 21pea mo onatou tuuaga siliva e fagofulu, ko vae e lua i lalo o te foi papa e tahi. 22E ke fai anai ni foi papa e ono ki muli o te falela, i te potu uesite. 23E ke fai anai ni foi papa e lua ki te u tuliki e lua o te tapenakulo, i muli; 24e fakapipiki taki lua anai naua mai lalo, o fakamau naua i ona tumutumu aki he kavei e tahi; e feia anai ki te u foi papa o te u tuliki ae e lua. 25E fakatahi fuli anai ko foi papa e valu, mo onatou tuuaga siliva e hogofulu ma ono, ko vae e lua i lalo o te foi papa e tahi. 26E ke fai anai ni foi akau fakalava e nima aki te akasia; ko foi akau e nima ki te fahai e tahi o te tapenakulo, 27mo foi akau fakalava e nima ki te tahi fahai ake ae o te tapenakulo, pea mo ihi foi akau fakalava e nima ki te fahai muli o te tapenakulo i te potu uesite. 28E ulu anai i loto o te u papa te foi akau fakalava ae e fakalava i lotomalie mai ae mulii mea ki ae mulii mea o te falela. 29E ke aofi anai aki te aulo maa te u papa, pea e ke fai anai ki te aulo maa ona mama, ae e tui ai anai te u foi akau fakalava. 30E ke fakatuu anai te tapenakulo o fakatatau ki te fakatata ae nee fakaha atu kia koe i te mouga.
Lito e lua
31E ke fai anai he lito aki ni kie uui, mo ni kie kula fakapouli, mo ni kie kula lelei, pea mo ni kie hina malohi; e tui fakateuteu anai ni selupino ki te lito. 32E ke tau anai ia ki ni foi pou akasia e fa ae kua aofi aki te aulo; e fakapipiki anai ni fao aulo ki te tumutumu o te u pou aia ke tau ki ai te lito, pea e fakatuu anai te u pou aia ki ni tuuaga siliva e fa. 33E ke tau anai te lito ki te u fao, pea i loto o te lito aia e ke fakaulu anai ki ai te aleka o te fakamooni; e vahei anai e te lito te potu tapu mo te potu taputapu. 34E ke tuku anai te nofoaga o te manavaofa ki oluga o te aleka o te fakamooni i te potu taputapu. 35E ke tuku anai te laupapa i te fahai mai aeni o te lito, ki te potu noleto o te tapenakulo, pea e ke tuku anai te tuuaga malama ki mua o te laupapa, ki te potu saute.
36E ke fau anai ki te uluaga o te falela he lito uui, mo kula fakapouli, mo kula lelei, pea mo hina lelei; e tui fakateuteu anai te lito aena. 37E ke fai anai ki te lito ni pou akasia e nima, o aofi anai aki te aulo, pea ke fai anai kia natou ni fao aulo, pea e ke haka anai kia natou ni tuuaga sila e nima.
Currently Selected:
EKESOTE 26: WB2011
Highlight
Copy
Compare
Share
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
EKESOTE 26
26
Ko te u la ato
1E ke fai anai te tapenakulo aki ni tapi hihina malohi e hogofulu, mo ni kie uui, mo ni kie kula fakapouli, pea mo ni kie kula malohi; e ke tui fakateuteui anai ki ai ni selupino. 2Ko te loa o te tapi e tahi ko meta e hogofulu ma fa, pea ko te laulahi o te tapi e tahi ko meta e lua; e fuafua tatau anai te u tapi fuli. 3E hokohoko anai te u tapi e nima, mai ae ki ae; pea ko te u tapi ake ae e nima e toe hokohoko fakatahi anai. 4E fai anai ni kavei uui i te mulii mea o te tapi fakaosi o te u tapi e nima ae nee uluaki hokohoko; pea e ke toe fai feiai anai ki te tapi fakaosi o te u tapi e nima ae nee hokohoko fakamuli. 5E fai anai ni kavei e nimagofulu ki te uluaki tapi, pea e fakapipiki anai ni kavei e nimagofulu ki te lua tapi; e fakatuhatonu anai te u kavei aia, i ae ki ae. 6E ke fai anai ni fakamau aulo e nimagofulu, pea e ke hokohoko anai te u tapi o fakamaumau aki te u fakamau. Pea e tuu anai te tapenakulo ko he mea e tahi.
7E ke fai anai ni tapi aki te u fului tao ke ato ai te falela; e ke fai anai ni tapi feia e hogofulu ma tahi. 8Ko te loa o te tapi e tahi ko meta e hogofulu ma nima, pea ko te laulahi o te tapi e tahi ko meta e lua; e fuafua tatau anai te u tapi aia e hogofulu ma tahi. 9E ke hokohoko fakatahi anai te u tapi e nima i te u tapi aia, pea e ke toe hokohoko fakatahi anai te u tapi ake ae e ono, pea e ke peluki anai te ono tapi i te uluaga o te falela. 10E ke fai anai ni kavei e nimagofulu i te tapa o te tapi fakaosi o te u tapi e nima ae nee uluaki hokohoko, pea mo ni kavei e nimagofulu i te tapa o te tapi fakaosi o te u tapi ae e ono. 11E ke fai anai ni fakamau sila e nimagofulu, pea e ke fakaulu anai te u fakamau aia ki te u kave. E ke fakatahii anai i ai te falela ke tuu ko he mea e tahi. 12E i ai anai te koga o te u tapi o te falela e fakalaka, koia ko te vaelua o te tapi ae e toe e fakahifo anai ki muli o te tapenakulo; 13e toe anai satimeta e nimagofulu i te tahi fahai, pea e toe anai satimeta e nimagofulu i te tahi fahai, ko te u potu aia e toe anai i te loa o te u tapi o te falela, e hifo anai ki te fahai ae mo te fahai ae o te falela, ke mapunui ai te falela.
14E ke fai anai ki te falela he la fakapulou aki te kilii ovi tagata kua pena kula, pea mo he tahi la fakapulou aki te kilii tutuu ke hili i oluga o te la ae.
Papa mo te fakatafito
15E ke fai anai ni papa ki te falela aki te akasia ke fakatuutuu. 16Ko te loa o te foi papa e tahi ko meta e nima, pea ko te laulahi o te foi papa e tahi ko satimeta e fitugofulu ma nima. 17E ke fai anai ni tala e lua i te foi papa e tahi ke fakahokohoko ai te u papa. E ke fai fakatatau anai te u papa fuli o te falela. 18E ke fai anai ni foi papa e uafulu ki te fahai saute o te tapenakulo. 19E ke fai anai ni tuuaga siliva e fagofulu i lalo o te u foi papa ae e uafulu, ko tuuaga e lua ki te foi papa e tahi, ki ona tala e lua. 20E ke fai anai te u foi papa e uafulu ki te lua fahai o te tapenakulo, i te potu noleto, 21pea mo onatou tuuaga siliva e fagofulu, ko vae e lua i lalo o te foi papa e tahi. 22E ke fai anai ni foi papa e ono ki muli o te falela, i te potu uesite. 23E ke fai anai ni foi papa e lua ki te u tuliki e lua o te tapenakulo, i muli; 24e fakapipiki taki lua anai naua mai lalo, o fakamau naua i ona tumutumu aki he kavei e tahi; e feia anai ki te u foi papa o te u tuliki ae e lua. 25E fakatahi fuli anai ko foi papa e valu, mo onatou tuuaga siliva e hogofulu ma ono, ko vae e lua i lalo o te foi papa e tahi. 26E ke fai anai ni foi akau fakalava e nima aki te akasia; ko foi akau e nima ki te fahai e tahi o te tapenakulo, 27mo foi akau fakalava e nima ki te tahi fahai ake ae o te tapenakulo, pea mo ihi foi akau fakalava e nima ki te fahai muli o te tapenakulo i te potu uesite. 28E ulu anai i loto o te u papa te foi akau fakalava ae e fakalava i lotomalie mai ae mulii mea ki ae mulii mea o te falela. 29E ke aofi anai aki te aulo maa te u papa, pea e ke fai anai ki te aulo maa ona mama, ae e tui ai anai te u foi akau fakalava. 30E ke fakatuu anai te tapenakulo o fakatatau ki te fakatata ae nee fakaha atu kia koe i te mouga.
Lito e lua
31E ke fai anai he lito aki ni kie uui, mo ni kie kula fakapouli, mo ni kie kula lelei, pea mo ni kie hina malohi; e tui fakateuteu anai ni selupino ki te lito. 32E ke tau anai ia ki ni foi pou akasia e fa ae kua aofi aki te aulo; e fakapipiki anai ni fao aulo ki te tumutumu o te u pou aia ke tau ki ai te lito, pea e fakatuu anai te u pou aia ki ni tuuaga siliva e fa. 33E ke tau anai te lito ki te u fao, pea i loto o te lito aia e ke fakaulu anai ki ai te aleka o te fakamooni; e vahei anai e te lito te potu tapu mo te potu taputapu. 34E ke tuku anai te nofoaga o te manavaofa ki oluga o te aleka o te fakamooni i te potu taputapu. 35E ke tuku anai te laupapa i te fahai mai aeni o te lito, ki te potu noleto o te tapenakulo, pea e ke tuku anai te tuuaga malama ki mua o te laupapa, ki te potu saute.
36E ke fau anai ki te uluaga o te falela he lito uui, mo kula fakapouli, mo kula lelei, pea mo hina lelei; e tui fakateuteu anai te lito aena. 37E ke fai anai ki te lito ni pou akasia e nima, o aofi anai aki te aulo, pea ke fai anai kia natou ni fao aulo, pea e ke haka anai kia natou ni tuuaga sila e nima.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland