EKESOTE 2
2
Tupu o Moisese
1Ko he tagata mai te faahiga o Levi nee alu leva o ohoana mo he taahine o Levi. 2Nee faitama leva te fafine aia, pea nee ina fanaui leva he tama. Nee sio leva ia ia e matalelei te toe, pea nee ina fufu leva ia ia mahina e tolu. 3I te mole kei feala ke ina fufu te fanau, nee ina too leva he kato nee fau aki ni kaho, pea nee ina pena leva ia aki te kelepulu mo te pulu; pea nee ina tuku leva te fanau ki loto; pea nee alu leva ia ia o tuku te kato ki te ulu kaho, i te laugutu o te vaitafe. 4Pea nee tuu mamao leva te tuagaane o te fanau mai he tahi ake kogamea, o sioi pe kotea te mea ae ka hoko anai ki te fanau.
5Nee hifo leva te ofafine o Falaone ki te vaitafe o maanu, kae nee evaeva leva te u taahine ae nee omai mo ia ia tafa o te vaitafe. Nee sio leva te taahine ki te kato i te ulu kaho, pea nee ina fekau leva tana taahine faifekau ke alu o aumai ia ia. 6Nee ina avahi leva te kato, pea nee sio leva ia ia ki te fanau: Ko he kii fanau tagata ae nee tagi. Nee ofa leva ia ia ki te kii fanau, o ui: Ko he fanau aeni a te kau Hepeleo! 7Pea nee ui leva e te tuagaane o te fanau ki te ofafine o Falaone: Pe ke loto ke au alu o kumi mai he fafine ke ina taupau te fanau mai te u fafine o te kau Hepeleo, pea ke ina fakahuhu ia ia? 8Nee ui leva e te ofafine o Falaone kia ia: Alu! Pea nee alu leva te taahine o kumi mai te fae a te fanau. 9Pea nee ui leva e te ofafine o Falaone kia ia: Ave te fanau aeni o fakahuhu, pea ke taupau ia ia kia au; e au foaki atu anai kia koe tou totogi. Nee too leva e te fafine te fanau o ave, pea nee ina fakahuhu leva ia ia. 10Nee tupu ake leva te fanau o lahi, pea nee ave leva ia ia e te fafine ki te ofafine o Falaone, pea nee hage leva ia ia kia ia ko hana tama totonu. Nee ina tuku leva ki te fanau te higoa ko Moisese, koteuhi nee ina ui, nee au too ia ia mai te vai.
Hola a Moisese ki Matiane
11I te temi aia, kua tagata leva ia Moisese, pea nee alu leva ia ia o ahiahi ki ona tehina, pea nee sio leva ia ia ki te u gaue kinakina ae kua hilifaki kia natou. Nee sio leva ia ia ki he tagata Esipito ae nee ina ta he tagata Hepeleo i ona tehina. 12Nee sio haele leva ia ia, pea nee mole sio ia ki he tahi; pea nee ina tamatei leva te tagata Esipito, o fufu ia i te one. 13Nee toe alu leva ia ia i te aho ake ae, pea koeni nee ke ni tagata Hepeleo e toko lua. Nee ina ui leva ki ae nee hala: Kotea e ke tamatei ai tou tehina? 14Pea nee tali leva e te tagata aia: Ko ai nee ina fakanofo ia koe ke pule mo tuifakamaau kia maua? Pe ke loto foki ke ke toe tamatei au o hage ko tau tamatei te tagata Esipito? Pea nee mataku leva ia Moisese, o ui: E mahino nei kua iloi te mea aeni! 15I te logo a Falaone ki te mea ae nee hoko, nee ina kumi leva ia Moisese ke tamatei. Kae nee hola leva ia Moisese maia mua o Falaone, o alu ki te fenua o Matiane, pea nee mamanava leva ia ia ia tafa o he vaikeli.
16Nee mau e te tagata faisakilifisio o Matiane ni ofafine e toko fitu. Nee natou omai leva o ohu vai, pea nee natou fakafonu leva te u fakainuaga o te u manu ke fakainu ai te faga manu o tanatou tamai. 17Nee kaku mai leva ni tagata tauhi manu o kapu natou. Pea nee tuu ake leva ia Moisese, o haofaki natou, pea nee ina fakainu leva tanatou faga manu. 18Nee natou toe liliu leva ki tanatou tamai ko Leuele, pea nee ina fehui leva kia natou: Kotea kua koutou liliu vave mai ai i te aho nei? 19Nee natou tali leva kia ia: Nee haofaki matou e he tagata Esipito mai te nima o te u tagata tauhi manu; pea ko ia totonu foki ae nee ina ohu te vai o fakainu ai te faga manu. 20Nee ui leva e Leuele ki ona ofafine: Kofea ia ia? Kotea nee kotou siaki ai te tagata aena? Koutou paui ia ia ke hau mua o kai. 21Nee loto leva ia Moisese ke nofo i te fale o te tagata aia, pea nee foaki leva e Leuele kia ia tona ofafine ko Sefola, ke ohoana mo ia. 22Nee fanaui leva e Sefola he tama, ae nee fakahigoa leva e Moisese ko Kelesomi, koteuhi nee ina ui, e au nofo i he fenua kehe.
Manavaofa o te Atua ki Iselaele
23Nee hili ki ai he temi fualoa pea nee mate leva te hau o Esipito. Nee fetagihi te u fanau a Iselaele i te mamafa o te popula. Pea nee natou kalaga ki te Atua. Nee kaku leva ki te Atua anatou tagi i te lahi o tonatou mamahi. 24Nee logo leva te Atua ki anatou tagi, pea nee ina manatui leva tana fakapapau kia Apalahamo, mo Isaake, mo Sakopo. 25Nee sio leva te Atua ki te u fanau a Iselaele, pea nee ofa leva ia ia kia natou.
Currently Selected:
EKESOTE 2: WB2011
Highlight
Copy
Compare
Share
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
EKESOTE 2
2
Tupu o Moisese
1Ko he tagata mai te faahiga o Levi nee alu leva o ohoana mo he taahine o Levi. 2Nee faitama leva te fafine aia, pea nee ina fanaui leva he tama. Nee sio leva ia ia e matalelei te toe, pea nee ina fufu leva ia ia mahina e tolu. 3I te mole kei feala ke ina fufu te fanau, nee ina too leva he kato nee fau aki ni kaho, pea nee ina pena leva ia aki te kelepulu mo te pulu; pea nee ina tuku leva te fanau ki loto; pea nee alu leva ia ia o tuku te kato ki te ulu kaho, i te laugutu o te vaitafe. 4Pea nee tuu mamao leva te tuagaane o te fanau mai he tahi ake kogamea, o sioi pe kotea te mea ae ka hoko anai ki te fanau.
5Nee hifo leva te ofafine o Falaone ki te vaitafe o maanu, kae nee evaeva leva te u taahine ae nee omai mo ia ia tafa o te vaitafe. Nee sio leva te taahine ki te kato i te ulu kaho, pea nee ina fekau leva tana taahine faifekau ke alu o aumai ia ia. 6Nee ina avahi leva te kato, pea nee sio leva ia ia ki te fanau: Ko he kii fanau tagata ae nee tagi. Nee ofa leva ia ia ki te kii fanau, o ui: Ko he fanau aeni a te kau Hepeleo! 7Pea nee ui leva e te tuagaane o te fanau ki te ofafine o Falaone: Pe ke loto ke au alu o kumi mai he fafine ke ina taupau te fanau mai te u fafine o te kau Hepeleo, pea ke ina fakahuhu ia ia? 8Nee ui leva e te ofafine o Falaone kia ia: Alu! Pea nee alu leva te taahine o kumi mai te fae a te fanau. 9Pea nee ui leva e te ofafine o Falaone kia ia: Ave te fanau aeni o fakahuhu, pea ke taupau ia ia kia au; e au foaki atu anai kia koe tou totogi. Nee too leva e te fafine te fanau o ave, pea nee ina fakahuhu leva ia ia. 10Nee tupu ake leva te fanau o lahi, pea nee ave leva ia ia e te fafine ki te ofafine o Falaone, pea nee hage leva ia ia kia ia ko hana tama totonu. Nee ina tuku leva ki te fanau te higoa ko Moisese, koteuhi nee ina ui, nee au too ia ia mai te vai.
Hola a Moisese ki Matiane
11I te temi aia, kua tagata leva ia Moisese, pea nee alu leva ia ia o ahiahi ki ona tehina, pea nee sio leva ia ia ki te u gaue kinakina ae kua hilifaki kia natou. Nee sio leva ia ia ki he tagata Esipito ae nee ina ta he tagata Hepeleo i ona tehina. 12Nee sio haele leva ia ia, pea nee mole sio ia ki he tahi; pea nee ina tamatei leva te tagata Esipito, o fufu ia i te one. 13Nee toe alu leva ia ia i te aho ake ae, pea koeni nee ke ni tagata Hepeleo e toko lua. Nee ina ui leva ki ae nee hala: Kotea e ke tamatei ai tou tehina? 14Pea nee tali leva e te tagata aia: Ko ai nee ina fakanofo ia koe ke pule mo tuifakamaau kia maua? Pe ke loto foki ke ke toe tamatei au o hage ko tau tamatei te tagata Esipito? Pea nee mataku leva ia Moisese, o ui: E mahino nei kua iloi te mea aeni! 15I te logo a Falaone ki te mea ae nee hoko, nee ina kumi leva ia Moisese ke tamatei. Kae nee hola leva ia Moisese maia mua o Falaone, o alu ki te fenua o Matiane, pea nee mamanava leva ia ia ia tafa o he vaikeli.
16Nee mau e te tagata faisakilifisio o Matiane ni ofafine e toko fitu. Nee natou omai leva o ohu vai, pea nee natou fakafonu leva te u fakainuaga o te u manu ke fakainu ai te faga manu o tanatou tamai. 17Nee kaku mai leva ni tagata tauhi manu o kapu natou. Pea nee tuu ake leva ia Moisese, o haofaki natou, pea nee ina fakainu leva tanatou faga manu. 18Nee natou toe liliu leva ki tanatou tamai ko Leuele, pea nee ina fehui leva kia natou: Kotea kua koutou liliu vave mai ai i te aho nei? 19Nee natou tali leva kia ia: Nee haofaki matou e he tagata Esipito mai te nima o te u tagata tauhi manu; pea ko ia totonu foki ae nee ina ohu te vai o fakainu ai te faga manu. 20Nee ui leva e Leuele ki ona ofafine: Kofea ia ia? Kotea nee kotou siaki ai te tagata aena? Koutou paui ia ia ke hau mua o kai. 21Nee loto leva ia Moisese ke nofo i te fale o te tagata aia, pea nee foaki leva e Leuele kia ia tona ofafine ko Sefola, ke ohoana mo ia. 22Nee fanaui leva e Sefola he tama, ae nee fakahigoa leva e Moisese ko Kelesomi, koteuhi nee ina ui, e au nofo i he fenua kehe.
Manavaofa o te Atua ki Iselaele
23Nee hili ki ai he temi fualoa pea nee mate leva te hau o Esipito. Nee fetagihi te u fanau a Iselaele i te mamafa o te popula. Pea nee natou kalaga ki te Atua. Nee kaku leva ki te Atua anatou tagi i te lahi o tonatou mamahi. 24Nee logo leva te Atua ki anatou tagi, pea nee ina manatui leva tana fakapapau kia Apalahamo, mo Isaake, mo Sakopo. 25Nee sio leva te Atua ki te u fanau a Iselaele, pea nee ofa leva ia ia kia natou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland