EKESOTE 18
18
Ahiahi a Setelo
1Ko Setelo, tagata faisakilifisio o Matiane, tamai a te ohoana o Moisese, nee logo leva ia ia ki te u mea fuli ae nee fakahoko e te Atua kia Moisese mo Iselaele tana hahai; nee toe logo foki ia ia ki te mea ae nee fai e te Eteleno ke fakamavae ia Iselaele i Esipito. 2Nee too leva e Setelo, tamai a te ohoana o Moisese, ia Sefola, ohoana o Moisese, ae nee fekaui e Moisese ke alu ki tana tamai. 3Nee ina toe too foki te u tama e lua a Sefola; nee higoa te tahi ko Kelesomi, koteuhi nee ui e Moisese: E au nofo i he fenua kehe; 4pea ko te tahi nee higoa ko Eliesele, koteuhi nee ina ui: Ko te Atua o taku tamai ko toku tokoni ia ia, pea ko ia ae nee ina haofaki au mai te heleta a Falaone. 5Pea nee alu leva ia Setelo, tamai a Moisese, mo te u tama pea mo te ohoana o Moisese ki te toafa, ae nee nofo ai ia Moisese i te mouga o te Atua. 6Nee fakaha leva e Setelo ke ui kia Moisese: Koeni au, tau tamai ko Setelo, kua au hau kia koe, mo tou ohoana pea mo ou foha ae e lua.
7Nee ulu leva ia Moisese ki fafo mai tona falela o fakafelavei ki tana tamai; nee punou leva ia ia ki lalo i ona mua, o uma kia ia. Nee na palalau leva ki te aluaga o te mauli, pea nee na feulufi ki te falela o Moisese. 8Nee fakamatalatala leva e Moisese ki tana tamai te u mea fuli ae nee fakahoko e te Eteleno kia Falaone mo Esipito o tupu ko Iselaele, te u mamahi fuli ae nee felavei mo natou i te ala, pea mo tonatou fakamauli e te Eteleno. 9Nee fiafia osi ia Setelo ki te u mea lelei fuli ae nee fakahoko e te Eteleno ki Iselaele, pea mo tana fakamauli ia ia maia nima o te kau Esipito. 10Pea nee ui leva e Setelo: Ke fakafetai ki te Eteleno ae nee ina fakamauli koutou mai te nima o te kau Esipito mo te nima o Falaone; ko ia ae nee ina fakamauli koutou maia nima o te kau Esipito! 11I te aho nei kua au iloi e lahi age te Eteleno i te u atua fuli; koteuhi kua toe hifo te agakovi a Esipito kia natou. 12Nee momoli leva e Setelo, tamai o te ohoana o Moisese, te failaulau mo ni sakilifisio fakafetai ki te Atua. Nee omai leva ia Alone mo te kau matua fuli o Iselaele o kau i te kaitahi mo te tamai o te ohoana o Moisese, ia mua o te Atua.
13I te aho ake ae, nee heka leva ia Moisese o fakamaaui te hahai, pea nee talitali leva te hahai i ona mua mai te uhu o kaku ki te afiafi. 14Nee sio leva te tamai a te ohoana o Moisese, ki te u mea fuli ae nee ina fai ki te hahai pea nee ina ui leva: Kotea te mea ae e ke fai ki te hahai? Kotea e ke fakamaaui ai toko tahi, pea e tutuu ai te hahai i ou mua mai te uhu o kaku ki te afiafi? 15Nee tali leva e Moisese ki tana tamai: E tupu e omai te hahai kia au o kumi mai te finegalo o te Eteleno. 16Ka e i ai ni anatou fihi, pea e natou omai kia au: E au fakatokatoka anai te fihi aia, o au fakaha kia natou te u fakatotonu mo te u lao a te Eteleno. 17Nee ui leva e te tamai o te ohoana o Moisese kia ia: E mole lelei te mea ae e ke fai. 18E ke gaegae anai, pea e ke toe fakagaegae foki te hahai aena e nonofo mo koe; koteuhi e mamafa osi te gaue aia kia koe, pea e mole feala ke ke haga o amo toko tahi! 19I te aho nei fakalogo mai ki toku leo; e au tuku kia koe he tokoni, pea ke nofo te Atua mo koe! Ke ke liliu ko he tagata fakahoko lea a te hahai ia mua o te Atua, pea ke aumai te u fihi lalahi kia mua o te Atua. 20Ako e koe kia natou te u fakatotonu mo te u lao; pea ke fakaha kia natou te ala ae e tonu ke natou haele ai, mo te mea ae e tonu ke natou fai. 21Filifili e koe i te hahai katoa ni tagata poto, ni tagata ae e ofa ki te Atua, ni tagata agatonu mo loto hako pea e mole manumanu; pea ke fakanofo leva natou ko ni pule ki te toko afe, mo te toko teau, mo te toko nimagofulu, pea mo te toko hogofulu. 22Pea ke natou fakamaaui te hahai i te u aho fuli; ke natou aumai kia koe te u fihi lalahi, kae ke natou fakatokatoka te u mea liliki fuli. Ke ke fakamaamaa tau kavega, pea ke natou amo fakatahi mo koe. 23Kapau e ke fai te mea aia, pea kapau ko te mea aeni ko te fakatotonu ae nee tuku atu kia koe e te Atua, pea e mole anai ke gaegae, pea e kaku anai te hahai aeni i te tokalelei ki te kogamea ae ka natou olo ki ai.
24Nee fakalogo leva ia Moisese ki te tokoni a tana tamai, o fai te u mea fuli ae e ina ui ki ai. 25Nee filifili leva e Moisese ni tagata poto i te u fanau fuli a Iselaele, pea nee ina fakanofo natou ke pule ki te hahai, ki te toko afe, mo te toko teau, mo te toko nimagofulu, mo te toko hogofulu. 26Nee natou fakamaaui leva te hahai i te u aho fuli: nee natou ave te u mea faigataa kia Moisese, kae nee natou fakatokatoka leva te u mea liliki fuli.
27Nee tuku leva e Moisese, tana tamai ke toe liliu ki tona fenua, pea nee alu ai leva ia Setelo.
Currently Selected:
EKESOTE 18: WB2011
Highlight
Copy
Compare
Share
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
EKESOTE 18
18
Ahiahi a Setelo
1Ko Setelo, tagata faisakilifisio o Matiane, tamai a te ohoana o Moisese, nee logo leva ia ia ki te u mea fuli ae nee fakahoko e te Atua kia Moisese mo Iselaele tana hahai; nee toe logo foki ia ia ki te mea ae nee fai e te Eteleno ke fakamavae ia Iselaele i Esipito. 2Nee too leva e Setelo, tamai a te ohoana o Moisese, ia Sefola, ohoana o Moisese, ae nee fekaui e Moisese ke alu ki tana tamai. 3Nee ina toe too foki te u tama e lua a Sefola; nee higoa te tahi ko Kelesomi, koteuhi nee ui e Moisese: E au nofo i he fenua kehe; 4pea ko te tahi nee higoa ko Eliesele, koteuhi nee ina ui: Ko te Atua o taku tamai ko toku tokoni ia ia, pea ko ia ae nee ina haofaki au mai te heleta a Falaone. 5Pea nee alu leva ia Setelo, tamai a Moisese, mo te u tama pea mo te ohoana o Moisese ki te toafa, ae nee nofo ai ia Moisese i te mouga o te Atua. 6Nee fakaha leva e Setelo ke ui kia Moisese: Koeni au, tau tamai ko Setelo, kua au hau kia koe, mo tou ohoana pea mo ou foha ae e lua.
7Nee ulu leva ia Moisese ki fafo mai tona falela o fakafelavei ki tana tamai; nee punou leva ia ia ki lalo i ona mua, o uma kia ia. Nee na palalau leva ki te aluaga o te mauli, pea nee na feulufi ki te falela o Moisese. 8Nee fakamatalatala leva e Moisese ki tana tamai te u mea fuli ae nee fakahoko e te Eteleno kia Falaone mo Esipito o tupu ko Iselaele, te u mamahi fuli ae nee felavei mo natou i te ala, pea mo tonatou fakamauli e te Eteleno. 9Nee fiafia osi ia Setelo ki te u mea lelei fuli ae nee fakahoko e te Eteleno ki Iselaele, pea mo tana fakamauli ia ia maia nima o te kau Esipito. 10Pea nee ui leva e Setelo: Ke fakafetai ki te Eteleno ae nee ina fakamauli koutou mai te nima o te kau Esipito mo te nima o Falaone; ko ia ae nee ina fakamauli koutou maia nima o te kau Esipito! 11I te aho nei kua au iloi e lahi age te Eteleno i te u atua fuli; koteuhi kua toe hifo te agakovi a Esipito kia natou. 12Nee momoli leva e Setelo, tamai o te ohoana o Moisese, te failaulau mo ni sakilifisio fakafetai ki te Atua. Nee omai leva ia Alone mo te kau matua fuli o Iselaele o kau i te kaitahi mo te tamai o te ohoana o Moisese, ia mua o te Atua.
13I te aho ake ae, nee heka leva ia Moisese o fakamaaui te hahai, pea nee talitali leva te hahai i ona mua mai te uhu o kaku ki te afiafi. 14Nee sio leva te tamai a te ohoana o Moisese, ki te u mea fuli ae nee ina fai ki te hahai pea nee ina ui leva: Kotea te mea ae e ke fai ki te hahai? Kotea e ke fakamaaui ai toko tahi, pea e tutuu ai te hahai i ou mua mai te uhu o kaku ki te afiafi? 15Nee tali leva e Moisese ki tana tamai: E tupu e omai te hahai kia au o kumi mai te finegalo o te Eteleno. 16Ka e i ai ni anatou fihi, pea e natou omai kia au: E au fakatokatoka anai te fihi aia, o au fakaha kia natou te u fakatotonu mo te u lao a te Eteleno. 17Nee ui leva e te tamai o te ohoana o Moisese kia ia: E mole lelei te mea ae e ke fai. 18E ke gaegae anai, pea e ke toe fakagaegae foki te hahai aena e nonofo mo koe; koteuhi e mamafa osi te gaue aia kia koe, pea e mole feala ke ke haga o amo toko tahi! 19I te aho nei fakalogo mai ki toku leo; e au tuku kia koe he tokoni, pea ke nofo te Atua mo koe! Ke ke liliu ko he tagata fakahoko lea a te hahai ia mua o te Atua, pea ke aumai te u fihi lalahi kia mua o te Atua. 20Ako e koe kia natou te u fakatotonu mo te u lao; pea ke fakaha kia natou te ala ae e tonu ke natou haele ai, mo te mea ae e tonu ke natou fai. 21Filifili e koe i te hahai katoa ni tagata poto, ni tagata ae e ofa ki te Atua, ni tagata agatonu mo loto hako pea e mole manumanu; pea ke fakanofo leva natou ko ni pule ki te toko afe, mo te toko teau, mo te toko nimagofulu, pea mo te toko hogofulu. 22Pea ke natou fakamaaui te hahai i te u aho fuli; ke natou aumai kia koe te u fihi lalahi, kae ke natou fakatokatoka te u mea liliki fuli. Ke ke fakamaamaa tau kavega, pea ke natou amo fakatahi mo koe. 23Kapau e ke fai te mea aia, pea kapau ko te mea aeni ko te fakatotonu ae nee tuku atu kia koe e te Atua, pea e mole anai ke gaegae, pea e kaku anai te hahai aeni i te tokalelei ki te kogamea ae ka natou olo ki ai.
24Nee fakalogo leva ia Moisese ki te tokoni a tana tamai, o fai te u mea fuli ae e ina ui ki ai. 25Nee filifili leva e Moisese ni tagata poto i te u fanau fuli a Iselaele, pea nee ina fakanofo natou ke pule ki te hahai, ki te toko afe, mo te toko teau, mo te toko nimagofulu, mo te toko hogofulu. 26Nee natou fakamaaui leva te hahai i te u aho fuli: nee natou ave te u mea faigataa kia Moisese, kae nee natou fakatokatoka leva te u mea liliki fuli.
27Nee tuku leva e Moisese, tana tamai ke toe liliu ki tona fenua, pea nee alu ai leva ia Setelo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland