Tohi a Paulo ki te kau EFESO 1
1
Fakaalofa
1Ko au Paulo, apositolo a Sesu-Kilisito i te finegalo o te Atua, ki te kau sagato i Efeso pea mo te kau agatonu ia Sesu-Kilisito: 2Ko te kalasia mo te tokalelei ke foaki atu kia koutou e te Atua tatatou Tamai, pea mo te Aliki ko Sesu-Kilisito.
Tapuakina fakalaumalie ia Kilisito
3Ke fakafetai ki te Atua, te Tamai o totatou Aliki ko Sesu-Kilisito, ae nee ina tapuakii tatou ki te u tapuaki fakalaumalie fuli i te u potu fakalagi ia Kilisito! 4Ia ia nee filifili tatou e te Atua i mua o te fakatupu o te malamanei, ke tou liliu o maonioni mo hee mele i ona mua; 5pea nee ina fakatuutuu fakatomua tatou i tona ofa ke tou liliu ko ana fanau vavae ia Sesu-Kilisito, o mulimuli ki tona fiafia mo tona finegalo, 6ke fakafetai ki te kololia o tona kalasia ae kua ina foaki fakaofa kia tatou i tona Alo ofaina. 7Ia ia kua tou mau te totogi i tona toto, te fakamolemole o te u agahala, o mulimuli ki te lahi kehe o tona kalasia, 8ae kua tufa e te Atua kia tatou i te u poto kehekehe pea mo te u atamai kehekehe; 9pea kua ina fakaha kia tatou te misitelio o tona finegalo, o mulimuli ki te fakatuutuu fakaofa ae nee ina fai ia ia totonu, 10o uhiga mo tona fakahoko katoa i te fakaosi o te u sekulo, ke fakatahi te u mea fuli ia Kilisito, te u mea i te lagi mo te u mea i te kele. 11Ia ia kua tou liliu foki ko te u fanau mau tofiga, koteuhi kua ina filifili fakatomua tatou o mulimuli ki te fakatuutuu a ia ae e ina fai te u mea fuli o mulimuli ki te tokoni o tona finegalo, 12ke tou gaue ki te fakavikiviki ki tona kololia, tatou ae kua amanaki lelei fakatomua kia Kilisito. 13Ia ia ko koutou foki, i te osi o takotou fakalogo ki te folafola o te mooni, te Evaselio o tokotou haofaki, nee kotou tui pea nee fakailoga koutou e te Atua aki te Laumalie Maonioni o te fakapapau, 14ae ko he fakamooni o totatou tofiga, ki te aho ae e katoa ai anai te haofaki o natou ae nee totogi e te Atua ma ana, ke fakavikiviki ki tona kololia.
Kole a Paulo
15Koia ko au foki, i taku logo ki te palalaui o takotou tui ki te Aliki Sesu pea mo tokotou ofa ki te kau sagato katoa, 16e mole kei gata taku fakafetai o uhiga mo koutou, o au too okotou higoa i aku faikole, 17ke foaki atu e te Atua o totatou Aliki ko Sesu-Kilisito, te Tamai o te kololia, he Laumalie o te poto mo te levelasio* i tona iloi; 18pea ke ina fakamalamai te u mata o okotou loto, ke kotou iloi te lahi o te amanaki lelei ae e pipiki ki tana paui, mo te lahi o te u koloa o tona tofiga ae e ina taofi ki te kau sagato, 19pea e feafeai te lahi heegata o tona mafimafi kia tatou e tui, ae nee ina fakaha tona malohi katoa, 20i tana fakatuuake ia Kilisito mai te kau mate, o fakanofo ia i tona nima matau i te u potu fakalagi, 21o maoluga age i te u pule fuli, mo te u malohi fuli, mo te u mafimafi fuli, mo te u mamalu fuli, pea mo te u higoa fuli e feala ke lau, o mole gata pe i te sekulo aeni, kae i te sekulo foki ka hau. 22Pea kua ina tuku te u mea fuli ki ona vae, pea kua ina foaki ia ko te ulu o te Ekelesia, 23ae ko tona sino, ko te fonuaga katoa o ia ae e ina fakafonu te u mea fuli i te u hahai fuli.
Currently Selected:
Tohi a Paulo ki te kau EFESO 1: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Tohi a Paulo ki te kau EFESO 1
1
Fakaalofa
1Ko au Paulo, apositolo a Sesu-Kilisito i te finegalo o te Atua, ki te kau sagato i Efeso pea mo te kau agatonu ia Sesu-Kilisito: 2Ko te kalasia mo te tokalelei ke foaki atu kia koutou e te Atua tatatou Tamai, pea mo te Aliki ko Sesu-Kilisito.
Tapuakina fakalaumalie ia Kilisito
3Ke fakafetai ki te Atua, te Tamai o totatou Aliki ko Sesu-Kilisito, ae nee ina tapuakii tatou ki te u tapuaki fakalaumalie fuli i te u potu fakalagi ia Kilisito! 4Ia ia nee filifili tatou e te Atua i mua o te fakatupu o te malamanei, ke tou liliu o maonioni mo hee mele i ona mua; 5pea nee ina fakatuutuu fakatomua tatou i tona ofa ke tou liliu ko ana fanau vavae ia Sesu-Kilisito, o mulimuli ki tona fiafia mo tona finegalo, 6ke fakafetai ki te kololia o tona kalasia ae kua ina foaki fakaofa kia tatou i tona Alo ofaina. 7Ia ia kua tou mau te totogi i tona toto, te fakamolemole o te u agahala, o mulimuli ki te lahi kehe o tona kalasia, 8ae kua tufa e te Atua kia tatou i te u poto kehekehe pea mo te u atamai kehekehe; 9pea kua ina fakaha kia tatou te misitelio o tona finegalo, o mulimuli ki te fakatuutuu fakaofa ae nee ina fai ia ia totonu, 10o uhiga mo tona fakahoko katoa i te fakaosi o te u sekulo, ke fakatahi te u mea fuli ia Kilisito, te u mea i te lagi mo te u mea i te kele. 11Ia ia kua tou liliu foki ko te u fanau mau tofiga, koteuhi kua ina filifili fakatomua tatou o mulimuli ki te fakatuutuu a ia ae e ina fai te u mea fuli o mulimuli ki te tokoni o tona finegalo, 12ke tou gaue ki te fakavikiviki ki tona kololia, tatou ae kua amanaki lelei fakatomua kia Kilisito. 13Ia ia ko koutou foki, i te osi o takotou fakalogo ki te folafola o te mooni, te Evaselio o tokotou haofaki, nee kotou tui pea nee fakailoga koutou e te Atua aki te Laumalie Maonioni o te fakapapau, 14ae ko he fakamooni o totatou tofiga, ki te aho ae e katoa ai anai te haofaki o natou ae nee totogi e te Atua ma ana, ke fakavikiviki ki tona kololia.
Kole a Paulo
15Koia ko au foki, i taku logo ki te palalaui o takotou tui ki te Aliki Sesu pea mo tokotou ofa ki te kau sagato katoa, 16e mole kei gata taku fakafetai o uhiga mo koutou, o au too okotou higoa i aku faikole, 17ke foaki atu e te Atua o totatou Aliki ko Sesu-Kilisito, te Tamai o te kololia, he Laumalie o te poto mo te levelasio* i tona iloi; 18pea ke ina fakamalamai te u mata o okotou loto, ke kotou iloi te lahi o te amanaki lelei ae e pipiki ki tana paui, mo te lahi o te u koloa o tona tofiga ae e ina taofi ki te kau sagato, 19pea e feafeai te lahi heegata o tona mafimafi kia tatou e tui, ae nee ina fakaha tona malohi katoa, 20i tana fakatuuake ia Kilisito mai te kau mate, o fakanofo ia i tona nima matau i te u potu fakalagi, 21o maoluga age i te u pule fuli, mo te u malohi fuli, mo te u mafimafi fuli, mo te u mamalu fuli, pea mo te u higoa fuli e feala ke lau, o mole gata pe i te sekulo aeni, kae i te sekulo foki ka hau. 22Pea kua ina tuku te u mea fuli ki ona vae, pea kua ina foaki ia ko te ulu o te Ekelesia, 23ae ko tona sino, ko te fonuaga katoa o ia ae e ina fakafonu te u mea fuli i te u hahai fuli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland