Tohi a Paulo ki te kau KOLOSE 2
2
Tupu tagata o te Atua ia Kilisito
1Koia, e au loto ai ke kotou iloi te lahi o te tau ae e au fai o uhiga mo koutou, pea mo natou e nofo i Laotise, pea mo natou fuli ae e heeki sio ki oku mata, 2koteuhi ke fonu onatou loto i te fakapelepele, ke natou pipiki tahi i te ofa, pea ke natou maukoloa i he atamai fonu ke natou iloi te misitelio o te Atua, ia Kilisito, 3misitelio ae e fufu ai te u koloa fuli o te poto pea mo te iloilo.
Valoki o te u akonaki loi
4E au fakaha te mea aena ke aua naa kakaai koutou e he tahi aki ni palalau logolelei. 5Koteuhi, kapau e au puli i te sino, e au nofo mo koutou i te laumalie, o sio mo fiafia ki te tokalelei ae e mau ia koutou, pea mo te malohi o takotou tui kia Kilisito.
6Koia, o hage ko takotou tali te Aliki ko Sesu-Kilisito, koutou haele ia ia, 7o koutou tauaka mo fakatafito ia ia, mo tuu malohi i te tui, o mulimuli ki te u akonaki ae nee tuku atu kia koutou, pea mo tuputupua i te fakafetai.
Valoki o te filosofia mo te tauhi fakalao
8Koutou tokaga naa hele koutou e he tahi aki te filosofia pea mo he kaka alunoa, o falala ki te talatisio a te u tagata, pea ki te u malohi fakalaumalie o te malamanei, kae mole kei fai kia Kilisito.
E mau te u mea fuli ia Kilisito
9Koteuhi e nofo fakasino ia ia te katoa pau o te Atua. 10E kotou mau ia ia te katoa o te mea fuli, ae ko te ulu o te pule fuli pea mo te malohi fuli. 11Pea ia ia nee silikosisioi foki koutou aki he silikosisio ae nee mole fai e te nima o te tagata, kae aki te silikosisio a Kilisito, ae ko te fakamasiva o te sino o te kakano: 12He nee tanu fakatahi koutou mo ia i te papitema, pea nee kotou toe tuuake foki ia ia pea fakatahi mo ia, aki te tui ki te mafimafi o te Atua, ae nee ina toe fakatuuake foki ia mai te kau mate. 13Koutou nee mate i akotou agahala pea mo te hee silikosisio o tokotou kakano, pea nee ina fakamauli fakatahi koutou mo ia, i tana fakamolemole atatou agahala fuli;
Nee fakahoko e Kilisito te u tauhi fuli o te lao
14pea nee ina holoi te tohi fakamooni nee tuu ai te u mea fuli nee tuku kia tatou pea nee taofi kia tatou; pea nee ina pulihi ia, o ina tutuki ia ki te koluse; 15pea nee ina maumaui i te mea aia te malohi o te kau pule mo te kau malolohi, pea nee ina tuku natou ke katai e te hahai, i tana malo ia natou i te koluse.
16Koia, ke aua naa fakamaaui koutou e he tahi o uhiga mo te meakai, mo te meainu, pee ko he aho lahi, pee ko he mahina foou, pee ko he sapato: 17Ko te u mea fuli aia ko te ata o te u mea ka hoko mai, kae ko te sino ko Kilisito.
Valoki o te atolasio mo te tauhi ki te u aselo
18Ke aua naa kakaai koutou e he tahi o uhiga mo te totogi o te lele, aki he agamalu i tafa pea mo he tauhi ki te kau aselo; koteuhi e makita ia i te fiamealahi vaiga i ana sio fakalaumalie, pea mo ana manatu fakasino, 19kae e mole pipiki ia ki te ulu, ae e ina fafaga mo fakatahii te sino katoa i ona hokoga mo ona hai, pea e ina tuku kia ia te tutupu o mulimuli ki tona finegalo.
Valoki o te sesunio mo te fakamamahi
20Kapau kua kotou mate mo Kilisito ki te u lao noa o te malamanei, kotea, o hage kei kotou mauli i te malamanei, e fakamaua ai kia koutou te u lekula aeni: 21Aua naa ke fafa! Aua naa ke kai! Aua naa ke milihi! 22Lekula ae e liliu fuli o kovi i te fakaaoga tuumau, pea e fakatafito pe natou aki ni fakatotonu mo ni akonaki a te u tagata? 23E mooni, e natou mata fakapotopoto, koteuhi e natou palalau ki he fia lotu, mo he agavaivai, pea mo he fakamamahi o te sino; kae e mole hona aoga, gata pe ki te fakafimaliei o te kakano.
Currently Selected:
Tohi a Paulo ki te kau KOLOSE 2: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Tohi a Paulo ki te kau KOLOSE 2
2
Tupu tagata o te Atua ia Kilisito
1Koia, e au loto ai ke kotou iloi te lahi o te tau ae e au fai o uhiga mo koutou, pea mo natou e nofo i Laotise, pea mo natou fuli ae e heeki sio ki oku mata, 2koteuhi ke fonu onatou loto i te fakapelepele, ke natou pipiki tahi i te ofa, pea ke natou maukoloa i he atamai fonu ke natou iloi te misitelio o te Atua, ia Kilisito, 3misitelio ae e fufu ai te u koloa fuli o te poto pea mo te iloilo.
Valoki o te u akonaki loi
4E au fakaha te mea aena ke aua naa kakaai koutou e he tahi aki ni palalau logolelei. 5Koteuhi, kapau e au puli i te sino, e au nofo mo koutou i te laumalie, o sio mo fiafia ki te tokalelei ae e mau ia koutou, pea mo te malohi o takotou tui kia Kilisito.
6Koia, o hage ko takotou tali te Aliki ko Sesu-Kilisito, koutou haele ia ia, 7o koutou tauaka mo fakatafito ia ia, mo tuu malohi i te tui, o mulimuli ki te u akonaki ae nee tuku atu kia koutou, pea mo tuputupua i te fakafetai.
Valoki o te filosofia mo te tauhi fakalao
8Koutou tokaga naa hele koutou e he tahi aki te filosofia pea mo he kaka alunoa, o falala ki te talatisio a te u tagata, pea ki te u malohi fakalaumalie o te malamanei, kae mole kei fai kia Kilisito.
E mau te u mea fuli ia Kilisito
9Koteuhi e nofo fakasino ia ia te katoa pau o te Atua. 10E kotou mau ia ia te katoa o te mea fuli, ae ko te ulu o te pule fuli pea mo te malohi fuli. 11Pea ia ia nee silikosisioi foki koutou aki he silikosisio ae nee mole fai e te nima o te tagata, kae aki te silikosisio a Kilisito, ae ko te fakamasiva o te sino o te kakano: 12He nee tanu fakatahi koutou mo ia i te papitema, pea nee kotou toe tuuake foki ia ia pea fakatahi mo ia, aki te tui ki te mafimafi o te Atua, ae nee ina toe fakatuuake foki ia mai te kau mate. 13Koutou nee mate i akotou agahala pea mo te hee silikosisio o tokotou kakano, pea nee ina fakamauli fakatahi koutou mo ia, i tana fakamolemole atatou agahala fuli;
Nee fakahoko e Kilisito te u tauhi fuli o te lao
14pea nee ina holoi te tohi fakamooni nee tuu ai te u mea fuli nee tuku kia tatou pea nee taofi kia tatou; pea nee ina pulihi ia, o ina tutuki ia ki te koluse; 15pea nee ina maumaui i te mea aia te malohi o te kau pule mo te kau malolohi, pea nee ina tuku natou ke katai e te hahai, i tana malo ia natou i te koluse.
16Koia, ke aua naa fakamaaui koutou e he tahi o uhiga mo te meakai, mo te meainu, pee ko he aho lahi, pee ko he mahina foou, pee ko he sapato: 17Ko te u mea fuli aia ko te ata o te u mea ka hoko mai, kae ko te sino ko Kilisito.
Valoki o te atolasio mo te tauhi ki te u aselo
18Ke aua naa kakaai koutou e he tahi o uhiga mo te totogi o te lele, aki he agamalu i tafa pea mo he tauhi ki te kau aselo; koteuhi e makita ia i te fiamealahi vaiga i ana sio fakalaumalie, pea mo ana manatu fakasino, 19kae e mole pipiki ia ki te ulu, ae e ina fafaga mo fakatahii te sino katoa i ona hokoga mo ona hai, pea e ina tuku kia ia te tutupu o mulimuli ki tona finegalo.
Valoki o te sesunio mo te fakamamahi
20Kapau kua kotou mate mo Kilisito ki te u lao noa o te malamanei, kotea, o hage kei kotou mauli i te malamanei, e fakamaua ai kia koutou te u lekula aeni: 21Aua naa ke fafa! Aua naa ke kai! Aua naa ke milihi! 22Lekula ae e liliu fuli o kovi i te fakaaoga tuumau, pea e fakatafito pe natou aki ni fakatotonu mo ni akonaki a te u tagata? 23E mooni, e natou mata fakapotopoto, koteuhi e natou palalau ki he fia lotu, mo he agavaivai, pea mo he fakamamahi o te sino; kae e mole hona aoga, gata pe ki te fakafimaliei o te kakano.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland