TOHI GAUE A TE KAU APOSITOLO 25
25
Paulo i mua o Fesitusi
1I te hili o te u aho e tolu ki tana kaku mai ki te fenua, nee hake leva Fesitusi mai Sesalea ki Selusalemi. 2Nee fai leva kia ia e te kau pule faisakilifisio, mo te kau lalahi o te kau Sutea, anatou tagi o uhiga mo Paulo, o natou kole age leva kia ia, 3ke ofa age ia kia natou, o ina fakatotonu ke aumai Paulo ki Selusalemi. Koteuhi kua natou teuteui he puleaki kaka ke tamatei Paulo i te ala. 4Nee tali age leva Fesitusi ko Paulo e pilisoni pe ia i Sesalea, pea ko ia totonu foki kua vave pe tana toe alu ki ai. 5Nee ina toe ui age leva: Ke hifo mo au ia natou e mauhiga ia koutou, pea kapau e mau he hala i te tagata aia, pea ke natou fakaha ia.
6Nee nofo leva Fesitusi mo natou i ni aho pe e hogofulu, pea nee alu leva ia ki Sesalea. I te aho ake, nee heka leva ia i te telepinale, pea nee ina fakatotonu leva ke taki age Paulo. 7I te kaku age a Paulo, nee takatakai leva ia e te kau Sutea ae nee omai mai Selusalemi, pea nee lahi mo mamafa tona u tukugakovii e natou, kae nee mole pe feala ke natou mau ni anatou fakamooni. 8Pea nee palalau leva ia Paulo o uhiga mo tona puipui: Nee mole pe au hala i he mea e tahi ki te lao a te kau Sutea, pee ki te fale tapu, pee kia Sesale. 9Kae i tana fia matalelei ki te kau Sutea, nee tali leva e Fesitusi kia Paulo: Pe e ke loto ke ke hake ki Selusalemi ke fakamaaui ai koe o uhiga mo te u mea aeni i oku mua?
Tagi a Paulo kia Sesale
10Nee tali age leva e Paulo: E au tuu nei ia mua o te telepinale o Sesale, ae e tonu ke fakamaaui ai au. Nee mole pe au fai he hala ki te kau Sutea, e ke iloi lelei ia e koe totonu. 11Kapau nee i ai ni aku hala, pe nee au fai he mea e tonu ke au mate ai, e mole au fakafisi ki te mate; kae kapau e mole he mea e mooni i te u mea aeni e natou tuku mai kia au, e mole tonu leva ke tuku au e he tahi kia natou. E au tagi anai kia Sesale o uhiga mo te u mea aeni. 12Koia, i te osi o tana felogoi mo te kau fono, nee tali age leva e Fesitusi: Kua ke kalaga kia Sesale, e ke alu anai kia mua o Sesale.
Fakaha o Paulo e Fesitusi kia Akilipa
13I te hili o ni ihi aho, nee kaku age leva ki Sesalea te hau ko Akilipa mo Pelenise, o fakafelavei kia Fesitusi. 14I te fualoa o tana nofo i ai, nee fakaha leva e Fesitusi ki te hau te aluaga o Paulo, o ui: Nee tuku e Felise he tagata pilisoni, 15i taku kei nofo i Selusalemi, nee tagi mai kia au te kau pule faisakilifisio mo te kau matua o te kau Sutea, ke tamatei ia. 16Nee au tali leva kia natou, e mole ko te aga mahani a te kau Loma ke tuku ke tamatei he tagata, kae e heeki tuu ia ia mua o natou e natou fakalakahalai ia, pea ke tuku kia ia he faigamalie ke haofaki ai ia mai te mea e fakalakahalai ai. 17Koia nee natou omai leva ki heni, pea i te aho ake pe, nee au heka leva ki toku nofoaga i te telepinale, pea nee au fakatotonu leva ke aumai te tagata aena. 18Nee omai leva ia natou nee natou fakalakahalai ia, kae nee mole pe natou tuku kia ia he hala e tahi i te u mea nee au amanaki ki ai. 19Nee natou fihi leva mo ia o uhiga tafito mo tanatou lotu, pea mo he Sesu nee mate, pea nee fakaha e Paulo e mauli. 20Nee mole au iloi he fakaalualu o te u mea aia, pea nee au fehui age leva ki te tagata aena pe e fia alu ia ki Selusalemi ke fakamaaui ai o uhiga mo te u mea aia. 21Kae nee tagi mai leva Paulo ke fakamaaui ia ia mua o Sesale, pea nee au fakatotonu leva ke leoleo ia o kaku ki taku fekaui ia kia Sesale.
22Nee ui age leva e Akilipa kia Fesitusi: E au loto foki ke au logo ki te tagata aena. Pea nee tali age leva e Fesitusi: I apogipogi, e ke logo anai kia ia.
Teuteu a Akilipa ke logo kia Paulo
23Koia, i te aho ake, nee hau leva Akilipa mo Pelenise mo ni kofu fakaalialiki, o ulu ki te kogafale faifakamaau, mo te kau tilipino*, pea mo te kau lalahi o te kolo. Nee fakatotonu leva e Fesitusi ke aumai ia Paulo.
24Pea nee ui leva e Fesitusi: Hau Akilipa, mo koutou fuli e nonofo mo matou i heni, kua kotou sio ki te tagata ae nee tupu ai te hau a te kau Sutea kaugamalie aeni kia au i Selusalemi pea mo heni foki, o kalaga e mole kei tonu ia ke mauli. 25Kia au, nee mole pe ina fai he mea e tonu ke mate ai, kae kua tagi ia totonu kia Sesale, pea kua au fakatotonu ke ave ia kia ia. 26E mole au mau he mea papau ke au tohi kia Sesale o uhiga mo ia; ko te tupuaga aena o taku aumai ia ki okotou mua, kae tafito ki ou mua hau Akilipa, koteuhi ke au mau he mea ke tohi moka osi anai tona fakafehui. 27Koteuhi e mata galivale kia au taku fekaui he tagata pilisoni kae e mole au fakaha te tupuaga o tona fakalakahalai.
Currently Selected:
TOHI GAUE A TE KAU APOSITOLO 25: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
TOHI GAUE A TE KAU APOSITOLO 25
25
Paulo i mua o Fesitusi
1I te hili o te u aho e tolu ki tana kaku mai ki te fenua, nee hake leva Fesitusi mai Sesalea ki Selusalemi. 2Nee fai leva kia ia e te kau pule faisakilifisio, mo te kau lalahi o te kau Sutea, anatou tagi o uhiga mo Paulo, o natou kole age leva kia ia, 3ke ofa age ia kia natou, o ina fakatotonu ke aumai Paulo ki Selusalemi. Koteuhi kua natou teuteui he puleaki kaka ke tamatei Paulo i te ala. 4Nee tali age leva Fesitusi ko Paulo e pilisoni pe ia i Sesalea, pea ko ia totonu foki kua vave pe tana toe alu ki ai. 5Nee ina toe ui age leva: Ke hifo mo au ia natou e mauhiga ia koutou, pea kapau e mau he hala i te tagata aia, pea ke natou fakaha ia.
6Nee nofo leva Fesitusi mo natou i ni aho pe e hogofulu, pea nee alu leva ia ki Sesalea. I te aho ake, nee heka leva ia i te telepinale, pea nee ina fakatotonu leva ke taki age Paulo. 7I te kaku age a Paulo, nee takatakai leva ia e te kau Sutea ae nee omai mai Selusalemi, pea nee lahi mo mamafa tona u tukugakovii e natou, kae nee mole pe feala ke natou mau ni anatou fakamooni. 8Pea nee palalau leva ia Paulo o uhiga mo tona puipui: Nee mole pe au hala i he mea e tahi ki te lao a te kau Sutea, pee ki te fale tapu, pee kia Sesale. 9Kae i tana fia matalelei ki te kau Sutea, nee tali leva e Fesitusi kia Paulo: Pe e ke loto ke ke hake ki Selusalemi ke fakamaaui ai koe o uhiga mo te u mea aeni i oku mua?
Tagi a Paulo kia Sesale
10Nee tali age leva e Paulo: E au tuu nei ia mua o te telepinale o Sesale, ae e tonu ke fakamaaui ai au. Nee mole pe au fai he hala ki te kau Sutea, e ke iloi lelei ia e koe totonu. 11Kapau nee i ai ni aku hala, pe nee au fai he mea e tonu ke au mate ai, e mole au fakafisi ki te mate; kae kapau e mole he mea e mooni i te u mea aeni e natou tuku mai kia au, e mole tonu leva ke tuku au e he tahi kia natou. E au tagi anai kia Sesale o uhiga mo te u mea aeni. 12Koia, i te osi o tana felogoi mo te kau fono, nee tali age leva e Fesitusi: Kua ke kalaga kia Sesale, e ke alu anai kia mua o Sesale.
Fakaha o Paulo e Fesitusi kia Akilipa
13I te hili o ni ihi aho, nee kaku age leva ki Sesalea te hau ko Akilipa mo Pelenise, o fakafelavei kia Fesitusi. 14I te fualoa o tana nofo i ai, nee fakaha leva e Fesitusi ki te hau te aluaga o Paulo, o ui: Nee tuku e Felise he tagata pilisoni, 15i taku kei nofo i Selusalemi, nee tagi mai kia au te kau pule faisakilifisio mo te kau matua o te kau Sutea, ke tamatei ia. 16Nee au tali leva kia natou, e mole ko te aga mahani a te kau Loma ke tuku ke tamatei he tagata, kae e heeki tuu ia ia mua o natou e natou fakalakahalai ia, pea ke tuku kia ia he faigamalie ke haofaki ai ia mai te mea e fakalakahalai ai. 17Koia nee natou omai leva ki heni, pea i te aho ake pe, nee au heka leva ki toku nofoaga i te telepinale, pea nee au fakatotonu leva ke aumai te tagata aena. 18Nee omai leva ia natou nee natou fakalakahalai ia, kae nee mole pe natou tuku kia ia he hala e tahi i te u mea nee au amanaki ki ai. 19Nee natou fihi leva mo ia o uhiga tafito mo tanatou lotu, pea mo he Sesu nee mate, pea nee fakaha e Paulo e mauli. 20Nee mole au iloi he fakaalualu o te u mea aia, pea nee au fehui age leva ki te tagata aena pe e fia alu ia ki Selusalemi ke fakamaaui ai o uhiga mo te u mea aia. 21Kae nee tagi mai leva Paulo ke fakamaaui ia ia mua o Sesale, pea nee au fakatotonu leva ke leoleo ia o kaku ki taku fekaui ia kia Sesale.
22Nee ui age leva e Akilipa kia Fesitusi: E au loto foki ke au logo ki te tagata aena. Pea nee tali age leva e Fesitusi: I apogipogi, e ke logo anai kia ia.
Teuteu a Akilipa ke logo kia Paulo
23Koia, i te aho ake, nee hau leva Akilipa mo Pelenise mo ni kofu fakaalialiki, o ulu ki te kogafale faifakamaau, mo te kau tilipino*, pea mo te kau lalahi o te kolo. Nee fakatotonu leva e Fesitusi ke aumai ia Paulo.
24Pea nee ui leva e Fesitusi: Hau Akilipa, mo koutou fuli e nonofo mo matou i heni, kua kotou sio ki te tagata ae nee tupu ai te hau a te kau Sutea kaugamalie aeni kia au i Selusalemi pea mo heni foki, o kalaga e mole kei tonu ia ke mauli. 25Kia au, nee mole pe ina fai he mea e tonu ke mate ai, kae kua tagi ia totonu kia Sesale, pea kua au fakatotonu ke ave ia kia ia. 26E mole au mau he mea papau ke au tohi kia Sesale o uhiga mo ia; ko te tupuaga aena o taku aumai ia ki okotou mua, kae tafito ki ou mua hau Akilipa, koteuhi ke au mau he mea ke tohi moka osi anai tona fakafehui. 27Koteuhi e mata galivale kia au taku fekaui he tagata pilisoni kae e mole au fakaha te tupuaga o tona fakalakahalai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland