Lua tohi a Paulo ki te kau TESALONIKA 3
3
Faikole mo te u gaue
1Fakaosi leva, u tehina, kotou hufaki matou, ke hoko atu te mafola a te folafola a te Aliki, pea ke fakakololiai ia ia, o hage ko tana fai ia koutou, 2pea ke matou hao mai te hahai pauu mo agakovi, koteuhi e mole mau te tui e te tagata fuli. 3E agatonu te Aliki, e ina fakamalohii anai koutou, pea e ina puipui anai koutou mai ae e kovi. 4Kia koutou, e matou falala ki te Aliki, e kotou fai pea e kotou fai anai te u mea ae nee matou fakatotonu atu kia koutou. 5Ke takitaki e te Aliki okotou loto ki te ofa o te Atua pea mo te kataki fualoa o Kilisito!
6E matou kole mamahi atu, u tehina, i te higoa o totatou Aliki ko Sesu-Kilisito, ke kotou fakamamao mai te u tehina fuli e mauli i te piko kae e mole mulimuli ki te u fakatotonu nee kotou mau maia matou. 7E kotou iloi e koutou totonu te faifaitaki mai kia matou, koteuhi nee mole matou mauli ia koutou i te piko. 8Nee mole matou kai noa he pane a he tahi, kae i te gaue pea mo te kinakina, nee matou gaue i te po mo te aho, ke aua naa matou liliu ko he kavega ki he tahi ia koutou. 9Nee mole ui ia, nee mole matou mau te faigamalie aia, kae nee matou loto ke matou tuku atu kia koutou, ia matou totonu, he faifaitakiaga ke kotou mulii. 10Koteuhi i te temi nee matou nonofo ai mo koutou, nee matou fakaha fakahagatonu atu kia koutou: Kapau e mole fia gaue he tahi, ke aua naa kai foki ia. 11Kae e matou logo e i ai ni ihi ia koutou e mauli i te piko, e mole natou gaue, kae e natou tokaga ki te u mea e mole natou kau i ai. 12E matou fakaafe natou aia, pea e matou kole kia natou i te Aliki ko Sesu-Kilisito, ke natou kai tanatou pane totonu, o gaue i te tokalelei.
13Kia koutou, u tehina, aua naa kotou piko i te fai o te lelei. 14Pea kapau e mole fakalogo he tahi ki te mea aeni e matou fakaha atu i te tohi aeni, kotou fakamaumau ia, pea aua naa kotou toe fakatahi anai mo ia, ke ufiufi ai. 15Aua naa kotou sio kia ia o hage ko he fili, kae kotou fai kia ia he fakatokaga o hage ko he tehina.
Tapuaki mo fakaalofa
16Ko te Aliki o te tokalelei, ke ina foaki totonu atu kia koutou te tokalelei i te temi fuli, i te u mea fuli! Ke nofo te Aliki mo koutou fuli!
17E au fakaalofa atu kia koutou, ia au Paulo, i toku nima totonu. Koena toku fakailoga i aku tohi fuli; e fena anai taku faitohi.
18Ko te kalasia o totatou Aliki ko Sesu-Kilisito ke nofo mo koutou fuli!
Currently Selected:
Lua tohi a Paulo ki te kau TESALONIKA 3: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Lua tohi a Paulo ki te kau TESALONIKA 3
3
Faikole mo te u gaue
1Fakaosi leva, u tehina, kotou hufaki matou, ke hoko atu te mafola a te folafola a te Aliki, pea ke fakakololiai ia ia, o hage ko tana fai ia koutou, 2pea ke matou hao mai te hahai pauu mo agakovi, koteuhi e mole mau te tui e te tagata fuli. 3E agatonu te Aliki, e ina fakamalohii anai koutou, pea e ina puipui anai koutou mai ae e kovi. 4Kia koutou, e matou falala ki te Aliki, e kotou fai pea e kotou fai anai te u mea ae nee matou fakatotonu atu kia koutou. 5Ke takitaki e te Aliki okotou loto ki te ofa o te Atua pea mo te kataki fualoa o Kilisito!
6E matou kole mamahi atu, u tehina, i te higoa o totatou Aliki ko Sesu-Kilisito, ke kotou fakamamao mai te u tehina fuli e mauli i te piko kae e mole mulimuli ki te u fakatotonu nee kotou mau maia matou. 7E kotou iloi e koutou totonu te faifaitaki mai kia matou, koteuhi nee mole matou mauli ia koutou i te piko. 8Nee mole matou kai noa he pane a he tahi, kae i te gaue pea mo te kinakina, nee matou gaue i te po mo te aho, ke aua naa matou liliu ko he kavega ki he tahi ia koutou. 9Nee mole ui ia, nee mole matou mau te faigamalie aia, kae nee matou loto ke matou tuku atu kia koutou, ia matou totonu, he faifaitakiaga ke kotou mulii. 10Koteuhi i te temi nee matou nonofo ai mo koutou, nee matou fakaha fakahagatonu atu kia koutou: Kapau e mole fia gaue he tahi, ke aua naa kai foki ia. 11Kae e matou logo e i ai ni ihi ia koutou e mauli i te piko, e mole natou gaue, kae e natou tokaga ki te u mea e mole natou kau i ai. 12E matou fakaafe natou aia, pea e matou kole kia natou i te Aliki ko Sesu-Kilisito, ke natou kai tanatou pane totonu, o gaue i te tokalelei.
13Kia koutou, u tehina, aua naa kotou piko i te fai o te lelei. 14Pea kapau e mole fakalogo he tahi ki te mea aeni e matou fakaha atu i te tohi aeni, kotou fakamaumau ia, pea aua naa kotou toe fakatahi anai mo ia, ke ufiufi ai. 15Aua naa kotou sio kia ia o hage ko he fili, kae kotou fai kia ia he fakatokaga o hage ko he tehina.
Tapuaki mo fakaalofa
16Ko te Aliki o te tokalelei, ke ina foaki totonu atu kia koutou te tokalelei i te temi fuli, i te u mea fuli! Ke nofo te Aliki mo koutou fuli!
17E au fakaalofa atu kia koutou, ia au Paulo, i toku nima totonu. Koena toku fakailoga i aku tohi fuli; e fena anai taku faitohi.
18Ko te kalasia o totatou Aliki ko Sesu-Kilisito ke nofo mo koutou fuli!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland