Uluaki tohi a Paulo ki te kau TESALONIKA 2
2
Tali o te Evaselio e te kau Tesalonika
1E koutou iloi e koutou totonu, u tehina, nee mole fua noa tamatou kaku atu kia koutou. 2I te osi o tamatou tali te u mamahi pea mo te u laukovi i Filipe, o hage ko te mea kua kotou iloi, nee toe fakamalohii omatou loto e te Atua ke matou fakaha kia koutou te Evaselio a te Atua, i lotomalie o ni tau lahi aupito, 3koteuhi e mole fakatafito tamatou akonaki ki te hala, pee ki ni manatu uli, pee ki te kaka; 4kae, koteuhi nee filifili matou e te Atua ke ina tuku mai kia matou te Evaselio, e matou palalau ai, o mole ke fakamatalelei ki ni tagata, kae ke fakamatalelei ki te Atua ae e ina ahiahii omatou loto.
5Koteuhi e koutou iloi nee mole pe matou fai i he aho he palalau fakalai; pea e iloi e te Aliki nee mole taki matou e te manumanu; e fakamooni ki ai te Atua. 6Nee mole matou kumi te kololia ae e hau mai te tagata, pee maia koutou, pee mai ni ihi age; i tomatou uhiga ko te u apositolo a Kilisito nee feala ke matou pulei fakamalohi koutou, 7kae nee matou fonu i te agavaivai i lotomalie o koutou, o hage ko he fafine taupau toe ae e tokaga lelei ki ana fanau: 8Koia nee matou loto ai, i te lahi o tomatou ofa kia koutou, ke foaki atu kia koutou o mole gata pe ki te Evaselio o te Atua, kae mo omatou mauli totonu foki, i te lahi o tomatou ofa kia koutou. 9Ke koutou manatui, u tehina, tamatou gaue pea mo tomatou kinakina: I te po mo te aho nee matou gaue ke aua naa matou liliu ko he kavega ki he tahi ia koutou, i te temi nee matou fakaha atu ai kia koutou te Evaselio o te Atua. 10E koutou fakamooni, pea e fakamooni foki te Atua, nee matou mauli maonioni, mo faitotonu, pea mo hee mele ia mua o koutou ae kua tui. 11Pea e koutou toe iloi foki nee matou hage kia koutou takitahi ko he tamai ki ana fanau, 12koteuhi nee matou fakalotomalohii koutou, mo fakapelepelei koutou, pea mo fakakolekolei koutou, ke koutou haele o gali mo te Atua, ae kua ina paui koutou ki tona puleaga pea mo tona kololia.
Agatonu o te kau Tesalonika
13Koia e matou fakafetai tuumau ai ki te Atua, koteuhi, i takotou tali te folafola a te Atua ae nee matou fakaha atu kia koutou, nee kotou tali ia, o mole hage ko te folafola a ni tagata, kae o hage ko te folafola totonu a te Atua, ae e gaue ia koutou ae e tui. 14Koteuhi ko koutou, u tehina, kua koutou liliu ko te u faifaitakiaga ki te u Ekelesia o te Atua i Sutea ia Sesu-Kilisito, koteuhi ko koutou foki, kua kotou mamahi mai tokotou hahai totonu, o hage ko natou mai te kau Sutea, 15ae nee natou tamatei te Aliki ko Sesu mo te kau polofeta, ae nee natou fakatagai matou, ae nee mole lelei ki te Atua, ae ko te u fili o te tagata fuli, 16pea e natou punupunu matou ke aua naa matou fakaha ki te kau pagani te folafola ke fakamauli ai natou. Koia e mole kei gata tanatou fakakatoa anatou agahala. Kae e mau anai natou e te hauhau o te Atua.
Holi o Paulo ke sio ki te kau Tesalonika
17Kia matou, u tehina, i te hili o tamatou mavae i he kii temi siisii maia koutou, i te sino kae mole i te loto, nee matou fia sio lahi kia koutou. 18Koia nee matou fia olo atu ai kia koutou, ia au Paulo, o tua tahi pee tua lua foki; kae nee taofi matou e Satana. 19Pe kotea tamatou falala, mo tomatou fiafia, mo tomatou kolona o te kololia? Pe e mole ko koutou foki ia mua o totatou Aliki ko Sesu, i te aho o tona toe liliu mai? 20Io, ko tomatou kololia mo tomatou fiafia ko koutou.
Currently Selected:
Uluaki tohi a Paulo ki te kau TESALONIKA 2: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Uluaki tohi a Paulo ki te kau TESALONIKA 2
2
Tali o te Evaselio e te kau Tesalonika
1E koutou iloi e koutou totonu, u tehina, nee mole fua noa tamatou kaku atu kia koutou. 2I te osi o tamatou tali te u mamahi pea mo te u laukovi i Filipe, o hage ko te mea kua kotou iloi, nee toe fakamalohii omatou loto e te Atua ke matou fakaha kia koutou te Evaselio a te Atua, i lotomalie o ni tau lahi aupito, 3koteuhi e mole fakatafito tamatou akonaki ki te hala, pee ki ni manatu uli, pee ki te kaka; 4kae, koteuhi nee filifili matou e te Atua ke ina tuku mai kia matou te Evaselio, e matou palalau ai, o mole ke fakamatalelei ki ni tagata, kae ke fakamatalelei ki te Atua ae e ina ahiahii omatou loto.
5Koteuhi e koutou iloi nee mole pe matou fai i he aho he palalau fakalai; pea e iloi e te Aliki nee mole taki matou e te manumanu; e fakamooni ki ai te Atua. 6Nee mole matou kumi te kololia ae e hau mai te tagata, pee maia koutou, pee mai ni ihi age; i tomatou uhiga ko te u apositolo a Kilisito nee feala ke matou pulei fakamalohi koutou, 7kae nee matou fonu i te agavaivai i lotomalie o koutou, o hage ko he fafine taupau toe ae e tokaga lelei ki ana fanau: 8Koia nee matou loto ai, i te lahi o tomatou ofa kia koutou, ke foaki atu kia koutou o mole gata pe ki te Evaselio o te Atua, kae mo omatou mauli totonu foki, i te lahi o tomatou ofa kia koutou. 9Ke koutou manatui, u tehina, tamatou gaue pea mo tomatou kinakina: I te po mo te aho nee matou gaue ke aua naa matou liliu ko he kavega ki he tahi ia koutou, i te temi nee matou fakaha atu ai kia koutou te Evaselio o te Atua. 10E koutou fakamooni, pea e fakamooni foki te Atua, nee matou mauli maonioni, mo faitotonu, pea mo hee mele ia mua o koutou ae kua tui. 11Pea e koutou toe iloi foki nee matou hage kia koutou takitahi ko he tamai ki ana fanau, 12koteuhi nee matou fakalotomalohii koutou, mo fakapelepelei koutou, pea mo fakakolekolei koutou, ke koutou haele o gali mo te Atua, ae kua ina paui koutou ki tona puleaga pea mo tona kololia.
Agatonu o te kau Tesalonika
13Koia e matou fakafetai tuumau ai ki te Atua, koteuhi, i takotou tali te folafola a te Atua ae nee matou fakaha atu kia koutou, nee kotou tali ia, o mole hage ko te folafola a ni tagata, kae o hage ko te folafola totonu a te Atua, ae e gaue ia koutou ae e tui. 14Koteuhi ko koutou, u tehina, kua koutou liliu ko te u faifaitakiaga ki te u Ekelesia o te Atua i Sutea ia Sesu-Kilisito, koteuhi ko koutou foki, kua kotou mamahi mai tokotou hahai totonu, o hage ko natou mai te kau Sutea, 15ae nee natou tamatei te Aliki ko Sesu mo te kau polofeta, ae nee natou fakatagai matou, ae nee mole lelei ki te Atua, ae ko te u fili o te tagata fuli, 16pea e natou punupunu matou ke aua naa matou fakaha ki te kau pagani te folafola ke fakamauli ai natou. Koia e mole kei gata tanatou fakakatoa anatou agahala. Kae e mau anai natou e te hauhau o te Atua.
Holi o Paulo ke sio ki te kau Tesalonika
17Kia matou, u tehina, i te hili o tamatou mavae i he kii temi siisii maia koutou, i te sino kae mole i te loto, nee matou fia sio lahi kia koutou. 18Koia nee matou fia olo atu ai kia koutou, ia au Paulo, o tua tahi pee tua lua foki; kae nee taofi matou e Satana. 19Pe kotea tamatou falala, mo tomatou fiafia, mo tomatou kolona o te kololia? Pe e mole ko koutou foki ia mua o totatou Aliki ko Sesu, i te aho o tona toe liliu mai? 20Io, ko tomatou kololia mo tomatou fiafia ko koutou.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland