Loma 5
5
Fua o le faitotonu i le tui
1Koia i lotatou fakamatatonu i le tui, e tou maua ai le tokamalie mo le Atua i lotatou Aliki ko Sesu-Kilisito, 2iate ia kua mafai ai i le tui ke tou ulu ki le kalasia lena, leia e tou tuu makeke i ai, ti e tou fiafia i le amanaki malie ki le kololia o le Atua. 3Ti e leaise gato i ai, e tou fiafia foki i mamae, talie e tou iloa e tupu mei le mamae le kataki fualoa, 4mei le kataki fualoa le malo i le asiasi, ti mei le malo le amanaki malie. 5Ti e leaise kaka le amanaki lena, talie kua liligi le alofa o le Atua ki otatou loto e le Laumalie Maokioki leia kua soli mai kia tatou.
6Talie, i le temi leia na tou nonofo ai sala makeke, na mate Kilisito ki le kau agaveli, i le temi leia na fakatuutuu ki ai. 7E faigataa ai le mate ki se tagata agatonu ; e lagi feala loa ke mate se tasi ki se tagata agamalie. 8Kae na fakamaoki e le Atua lona alofa kia tatou, i leia koi tou nonofo ko nea agasala, na mate Kilisito kia tatou. 9Koia, i le temi leinei kua tou fakamatatonu ai e lona toto, e toe asilisili saofaki loa e ia tatou mei le sausau. 10Talie kapau, i le temi leia na tou fefiliaki ai, na fakatokatoka tatou mo le Atua i le mate o lona Alo, e toe tasi ake loa lotatou saofaki e lona mauli i le oki o lotatou fakatokatoka mo le Atua. 11E leaise gato fua i ai, kae e tou fiafia foki i le Atua i lotatou Aliki ko Sesu-Kilisito, leia kua tou maua ai le fakatokatoka i le temi nei.
Le agasala mo le kalasia
12Koia, ofaipe le ulu o le agasala ki le malama nei i se tagata e toka tasi, ti i le agasala le mate, o kaku ai loa le mate ki tagata fuli talie na agasala tagata fuli… 13Talie na nofo le agasala i le malama nei o kaku ki le lao. Kae na leaise lau le agasala, talie na leaise lao. 14Kae na pule le mate meia Atama o kaku mai kia Moisese, kia latou fuli foki ala na leaise agasala i se maumau e tatau mo leia a Atama, leia ko le paaki o leia na tonu ke au. 15Kae e leaise tatau le sala mo le soli noa ; talie, kapau i le sala a se toka tasi na mamate ai se toka api, e toe feaki ake loa le lasi o le liligi ki se toka api o le kalasia o le Atua ti mo le soli noa o le kalasia, i se fa tagata e toka tasi, ko Sesu-Kilisito. 16Ti e leaise fakatatau le soli noa o le kalasia ki le nea na soko i le agasala a se tagata e toka tasi ; talie na oki le sala e tasi malie, ti na liliu le fakamaau o tautea, kae ko le soli o le kalasia e liliu o fakamatatonu i le oki o ni sala mauke ai. 17Kapau na pule le mate i le sala a se fa toka tasi, e feaki ake loa le pule o le mauli ia latou e tali ia a koloa mauke ai o le kalasia ti mo le nea alofa o le faitotonu ia Sesu-Kilisito toka tasi. 18Koia, i le sala a se tagata e toka tasi, ko Atama, na tupu ai le tautea o tagata fuli, i le gaoi faitotonu foki a se toka tasi, ko Sesu-Kilisito, na mafola ai le fakamatatonu leia e soli ia le mauli ki tagata fuli. 19Talie, i le patigataa a se tagata e toka tasi, na liliu se toka api o agasala, i le fakalogo foki a se tagata e toka tasi, e liliu loa se toka api o faitotonu. 20Kae na ulu mai le lao ke asilisili ai le agasala, kae i le ganea leia na lasi ai le agasala, na toe lasi ake ai le kalasia, 21o tupu, ke faipe le agasala leia na pule ki le mate, ke toe pule foki le kalasia i le faitotonu leia e taki ia ki le mauli ia Sesu-Kilisito ko lotatou Aliki.
Currently Selected:
Loma 5: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
Loma 5
5
Fua o le faitotonu i le tui
1Koia i lotatou fakamatatonu i le tui, e tou maua ai le tokamalie mo le Atua i lotatou Aliki ko Sesu-Kilisito, 2iate ia kua mafai ai i le tui ke tou ulu ki le kalasia lena, leia e tou tuu makeke i ai, ti e tou fiafia i le amanaki malie ki le kololia o le Atua. 3Ti e leaise gato i ai, e tou fiafia foki i mamae, talie e tou iloa e tupu mei le mamae le kataki fualoa, 4mei le kataki fualoa le malo i le asiasi, ti mei le malo le amanaki malie. 5Ti e leaise kaka le amanaki lena, talie kua liligi le alofa o le Atua ki otatou loto e le Laumalie Maokioki leia kua soli mai kia tatou.
6Talie, i le temi leia na tou nonofo ai sala makeke, na mate Kilisito ki le kau agaveli, i le temi leia na fakatuutuu ki ai. 7E faigataa ai le mate ki se tagata agatonu ; e lagi feala loa ke mate se tasi ki se tagata agamalie. 8Kae na fakamaoki e le Atua lona alofa kia tatou, i leia koi tou nonofo ko nea agasala, na mate Kilisito kia tatou. 9Koia, i le temi leinei kua tou fakamatatonu ai e lona toto, e toe asilisili saofaki loa e ia tatou mei le sausau. 10Talie kapau, i le temi leia na tou fefiliaki ai, na fakatokatoka tatou mo le Atua i le mate o lona Alo, e toe tasi ake loa lotatou saofaki e lona mauli i le oki o lotatou fakatokatoka mo le Atua. 11E leaise gato fua i ai, kae e tou fiafia foki i le Atua i lotatou Aliki ko Sesu-Kilisito, leia kua tou maua ai le fakatokatoka i le temi nei.
Le agasala mo le kalasia
12Koia, ofaipe le ulu o le agasala ki le malama nei i se tagata e toka tasi, ti i le agasala le mate, o kaku ai loa le mate ki tagata fuli talie na agasala tagata fuli… 13Talie na nofo le agasala i le malama nei o kaku ki le lao. Kae na leaise lau le agasala, talie na leaise lao. 14Kae na pule le mate meia Atama o kaku mai kia Moisese, kia latou fuli foki ala na leaise agasala i se maumau e tatau mo leia a Atama, leia ko le paaki o leia na tonu ke au. 15Kae e leaise tatau le sala mo le soli noa ; talie, kapau i le sala a se toka tasi na mamate ai se toka api, e toe feaki ake loa le lasi o le liligi ki se toka api o le kalasia o le Atua ti mo le soli noa o le kalasia, i se fa tagata e toka tasi, ko Sesu-Kilisito. 16Ti e leaise fakatatau le soli noa o le kalasia ki le nea na soko i le agasala a se tagata e toka tasi ; talie na oki le sala e tasi malie, ti na liliu le fakamaau o tautea, kae ko le soli o le kalasia e liliu o fakamatatonu i le oki o ni sala mauke ai. 17Kapau na pule le mate i le sala a se fa toka tasi, e feaki ake loa le pule o le mauli ia latou e tali ia a koloa mauke ai o le kalasia ti mo le nea alofa o le faitotonu ia Sesu-Kilisito toka tasi. 18Koia, i le sala a se tagata e toka tasi, ko Atama, na tupu ai le tautea o tagata fuli, i le gaoi faitotonu foki a se toka tasi, ko Sesu-Kilisito, na mafola ai le fakamatatonu leia e soli ia le mauli ki tagata fuli. 19Talie, i le patigataa a se tagata e toka tasi, na liliu se toka api o agasala, i le fakalogo foki a se tagata e toka tasi, e liliu loa se toka api o faitotonu. 20Kae na ulu mai le lao ke asilisili ai le agasala, kae i le ganea leia na lasi ai le agasala, na toe lasi ake ai le kalasia, 21o tupu, ke faipe le agasala leia na pule ki le mate, ke toe pule foki le kalasia i le faitotonu leia e taki ia ki le mauli ia Sesu-Kilisito ko lotatou Aliki.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020