Sɛlɛ 2
2
Ma azubɔdeɛ ne mɔ
1“Saa awie fa ma ara kɛ ɔfa yearabɔ azu yeamaa Ɛdɛnkɛma a, ɔwɔ kɛ ɔpe ɔyɛ ye esamo. Ɔwɔ kɛ ɔgua ɔlivi nwole zolɛ na ɔgua ɛyɛlɛ evuanlɛ nu, 2na ɔfa ɔbɛlɛ Aalɔn amra sɛlɛvolɛma ne. Akee ɔwɔ kɛ sɛlɛvolɛ ne fula esamo ne mɔɔ nwole nee ɛyɛlɛ evuanlɛ ne bie wɔ nu la ɔ sa ko, kɛ ɔle ahenle ne afoa nu ɛdeɛ, na ɔyela yemɔ wɔ azukponle ne azo. Ɔle azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye. 3Esamo ne mɔɔ kɛha la le Aalɔn nee ɔ mra ne mɔ ɛdeɛ. Ɔle ɛyelalɛ azubɔdeɛ mɔɔ bɛva bɛmaa Ɛdɛnkɛma na nwolɛ te kpole kpalɛ a.
4“Saa awie fa ma azubɔdeɛ ara na ɔle debie mɔɔ bɛdo ye wɔ fonlomo nu a, ɛnee ɔwɔ kɛ ɔyɛ angye belɛde mɔɔ bɛva esamo nee nwole a bɛyɛ a, anzɛɛ kpanwo ndɛbandɛba ngukulungukulu mɔɔ mgbɔvonle ɛnle nu na bɛgua nwole zolɛ la.
5“Saa azubɔdeɛ ne le ma azubɔdeɛ mɔɔ bɛloa ye kɛ tata wɔ kyɛnze nu a, ɔwɔ kɛ ɔyɛ esamo mɔɔ mgbɔvonle ɛnle nu na bɛva nwole bɛfɔtɔ la. 6Ɔwɔ kɛ bɛbubu nu na bɛgua nwole zolɛ; ɔle ma azubɔdeɛ.
7“Saa azubɔdeɛ ne le ma azubɔdeɛ mɔɔ bɛdo ye wɔ kyɛnze nu a, ɛnee ɔwɔ kɛ ɔyɛ debie mɔɔ bɛva esamo mɔɔ bɛva nwole bɛfɔtɔ la. 8Ɔwɔ kɛ bɛfa ma azubɔdeɛ mɔɔ bɛva ninyɛne ɛhye mɔ bɛyɛ la bɛbɛlɛ Ɛdɛnkɛma. Saa bɛ nee bɛ ba a bɛva bɛmaa sɛlɛvolɛ ne na sɛlɛvolɛ ne ava ahɔ azukponle ne anwo. 9Akee sɛlɛvolɛ ne bava bie ahile kɛ bɛva bɛra kɛ ɔle azubɔdeɛ, na yeayela ye wɔ azukponle ne azo, kɛ azubɔdeɛ mɔɔ bɛva senle bɛbɔ la, na ye evuanlɛ sɔ Ɛdɛnkɛma anye. 10Aleɛ ma azubɔdeɛ ne mɔɔ kɛha la le Aalɔn nee ɔ mra ne mɔ ɛdeɛ. Ɔle ma ɛyelalɛ azubɔdeɛ mɔɔ bɛva bɛmaa Ɛdɛnkɛma a, na nwolɛ te kpole kpalɛ.
11“Ɔnle kɛ bɛfa mgbɔvonle bɛwula ma azubɔdeɛ biala mɔɔ bɛfa bɛarɛlɛ Ɛdɛnkɛma la anu. Ɔluakɛ ɔnle kɛ bɛyela mgbɔvonle anzɛɛ wolɛ biala kɛ ɛyelalɛ azubɔdeɛ bɛmaa Ɛdɛnkɛma. 12Bɛkola bɛfa bɛ ma mɔɔ bɛkɛlumua bɛkɛnyia ye la bɛbɛlɛ Ɛdɛnkɛma kɛ bɛ azubɔdeɛ ɔ, noko ɔnle kɛ bɛfa bɛkɔ azukponle ne azo kɛ ɔle ɛyelalɛ azubɔdeɛ. 13Ɔwɔ kɛ bɛfa ngyenle bɛgua bɛ ma azubɔdeɛ ne mɔ amuala anu. Ɔnle kɛ bɛmaa ngyenle mɔɔ kile bɛ nee bɛ Nyamenle ne ngyekyeleɛ ne la kpa bɛ ma azubɔdeɛ nu. (Bɛva ngyenle bɛboka bɛ azubɔdeɛ biala.) 14Saa bɛfa ma mɔɔ bɛlumua bɛde la azubɔdeɛ bɛarɛlɛ Ɛdɛnkɛma a, ɔwɔ kɛ bɛ ma azubɔdeɛ ne yɛ ma amolɛ mɔɔ bɔ zo mɔɔ bɛbu anzɛɛ bɛde la; bɛhyehye ye ekyii na bɛgelegele nu. 15Ɔwɔ kɛ bɛgua nwole zolɛ na bɛfa ɛyɛlɛ evuanlɛ bɛgua zolɛ. Ɔle ma azubɔdeɛ. 16Sɛlɛvolɛ ne bayela ma ne mɔɔ bɛgelegele nu la bie. Ɔle ɛyelalɛ azubɔdeɛ ɔmaa Ɛdɛnkɛma.
Currently Selected:
Sɛlɛ 2: NB
Highlight
Copy
Compare
Share
Want to have your highlights saved across all your devices? Sign up or sign in
Bible in Nzema © Bible Society of Ghana, 1998.
Sɛlɛ 2
2
Ma azubɔdeɛ ne mɔ
1“Saa awie fa ma ara kɛ ɔfa yearabɔ azu yeamaa Ɛdɛnkɛma a, ɔwɔ kɛ ɔpe ɔyɛ ye esamo. Ɔwɔ kɛ ɔgua ɔlivi nwole zolɛ na ɔgua ɛyɛlɛ evuanlɛ nu, 2na ɔfa ɔbɛlɛ Aalɔn amra sɛlɛvolɛma ne. Akee ɔwɔ kɛ sɛlɛvolɛ ne fula esamo ne mɔɔ nwole nee ɛyɛlɛ evuanlɛ ne bie wɔ nu la ɔ sa ko, kɛ ɔle ahenle ne afoa nu ɛdeɛ, na ɔyela yemɔ wɔ azukponle ne azo. Ɔle azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye. 3Esamo ne mɔɔ kɛha la le Aalɔn nee ɔ mra ne mɔ ɛdeɛ. Ɔle ɛyelalɛ azubɔdeɛ mɔɔ bɛva bɛmaa Ɛdɛnkɛma na nwolɛ te kpole kpalɛ a.
4“Saa awie fa ma azubɔdeɛ ara na ɔle debie mɔɔ bɛdo ye wɔ fonlomo nu a, ɛnee ɔwɔ kɛ ɔyɛ angye belɛde mɔɔ bɛva esamo nee nwole a bɛyɛ a, anzɛɛ kpanwo ndɛbandɛba ngukulungukulu mɔɔ mgbɔvonle ɛnle nu na bɛgua nwole zolɛ la.
5“Saa azubɔdeɛ ne le ma azubɔdeɛ mɔɔ bɛloa ye kɛ tata wɔ kyɛnze nu a, ɔwɔ kɛ ɔyɛ esamo mɔɔ mgbɔvonle ɛnle nu na bɛva nwole bɛfɔtɔ la. 6Ɔwɔ kɛ bɛbubu nu na bɛgua nwole zolɛ; ɔle ma azubɔdeɛ.
7“Saa azubɔdeɛ ne le ma azubɔdeɛ mɔɔ bɛdo ye wɔ kyɛnze nu a, ɛnee ɔwɔ kɛ ɔyɛ debie mɔɔ bɛva esamo mɔɔ bɛva nwole bɛfɔtɔ la. 8Ɔwɔ kɛ bɛfa ma azubɔdeɛ mɔɔ bɛva ninyɛne ɛhye mɔ bɛyɛ la bɛbɛlɛ Ɛdɛnkɛma. Saa bɛ nee bɛ ba a bɛva bɛmaa sɛlɛvolɛ ne na sɛlɛvolɛ ne ava ahɔ azukponle ne anwo. 9Akee sɛlɛvolɛ ne bava bie ahile kɛ bɛva bɛra kɛ ɔle azubɔdeɛ, na yeayela ye wɔ azukponle ne azo, kɛ azubɔdeɛ mɔɔ bɛva senle bɛbɔ la, na ye evuanlɛ sɔ Ɛdɛnkɛma anye. 10Aleɛ ma azubɔdeɛ ne mɔɔ kɛha la le Aalɔn nee ɔ mra ne mɔ ɛdeɛ. Ɔle ma ɛyelalɛ azubɔdeɛ mɔɔ bɛva bɛmaa Ɛdɛnkɛma a, na nwolɛ te kpole kpalɛ.
11“Ɔnle kɛ bɛfa mgbɔvonle bɛwula ma azubɔdeɛ biala mɔɔ bɛfa bɛarɛlɛ Ɛdɛnkɛma la anu. Ɔluakɛ ɔnle kɛ bɛyela mgbɔvonle anzɛɛ wolɛ biala kɛ ɛyelalɛ azubɔdeɛ bɛmaa Ɛdɛnkɛma. 12Bɛkola bɛfa bɛ ma mɔɔ bɛkɛlumua bɛkɛnyia ye la bɛbɛlɛ Ɛdɛnkɛma kɛ bɛ azubɔdeɛ ɔ, noko ɔnle kɛ bɛfa bɛkɔ azukponle ne azo kɛ ɔle ɛyelalɛ azubɔdeɛ. 13Ɔwɔ kɛ bɛfa ngyenle bɛgua bɛ ma azubɔdeɛ ne mɔ amuala anu. Ɔnle kɛ bɛmaa ngyenle mɔɔ kile bɛ nee bɛ Nyamenle ne ngyekyeleɛ ne la kpa bɛ ma azubɔdeɛ nu. (Bɛva ngyenle bɛboka bɛ azubɔdeɛ biala.) 14Saa bɛfa ma mɔɔ bɛlumua bɛde la azubɔdeɛ bɛarɛlɛ Ɛdɛnkɛma a, ɔwɔ kɛ bɛ ma azubɔdeɛ ne yɛ ma amolɛ mɔɔ bɔ zo mɔɔ bɛbu anzɛɛ bɛde la; bɛhyehye ye ekyii na bɛgelegele nu. 15Ɔwɔ kɛ bɛgua nwole zolɛ na bɛfa ɛyɛlɛ evuanlɛ bɛgua zolɛ. Ɔle ma azubɔdeɛ. 16Sɛlɛvolɛ ne bayela ma ne mɔɔ bɛgelegele nu la bie. Ɔle ɛyelalɛ azubɔdeɛ ɔmaa Ɛdɛnkɛma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible in Nzema © Bible Society of Ghana, 1998.