Romanfoɛ 7
7
So Nyameɛ atee foforɛ so
1Aliɛmaa mɔ, aso ɛmɔnze anaa? Medwudwo mekyire ɛmɔ kyɛ mmenia bɔ bɛse mmeraa ne ɔ. Sɛ sona te ase a, yeɛ mmeraa kyekye ye ɔ. 2#1 Kor 7.39 Yiti brasua bɔ ogya biaa nen, mmeraa kyekye ye bata ohu ne wɔ mmerɛ bɔ ohu ne te ase ɔ; na sɛ ohu ne wu de a, mmeraa ngyekye ye mmata ohu ne ko. 3#Luk 16.18 Yiti sɛ ohu te ase, ná ɔkɔ biaa foforɛ nwo a, né bɛfrɛ ye agyaasɛkyelɛniɛ. Nakoso sɛ ohu ne wu de a, sɔ mmeraa ne ngyekye ye ko, na afei sɛ okogya biaa foforɛ a, né ye de ɔssɛkyele agyaa. 4#Gal 2.19; Kol 1.22 Aliɛmaa mɔ, sɔ ala yeɛ ɛmɔ koso bɛnate Kristo nipadua so ɛmɔawu bama mmeraa ne ɔ, bɔ ɔnate so ebiala te obiɛngo deɛ ɔ, bɔ ɛmɔte bɔ batingye ye bafi ewue nu ne deɛ ɔ, kyɛbɔ ɔkɔyɛ bɔ yɛkosu mmaa yɛkɔma Nyameɛ ɔ. 5#Gal 5.24; Rom 6.13 Mmerɛ bɔ né yɛwɔ anwoɔnaen nu ne de, yɛ bɔne akɔnnɔdeɛ bɔ mmeraa ne kanyane ye ne, ɔyɔle adwuma wɔ yɛ nwonaen akwaa nu osuli mmaa hɔle ewue. 6#2 Kor 3.6 Na afei de, bale yɛ bafi mmeraa ne abo, ofikyɛ bɔ daa ne ɔfale yɛ yɛle ngoaa nen, kekesaala ye de olle yɛ so tumi ko. Yiti yɛwwura daa mmeraa bɔ bɛhyerɛle ne abo ko, na mmom yɛwura Sunzum nu ngoa foforɛ ne abo.
Mmeraa ne bɔne
7 #
Ɛks 20.17
Afei yɛkɔhã ye sɛ? Kyɛ mmeraa ne ɔtte mayee anaa? Dabida! Na sɛ nna mmeraa ne ahɔ a, ahaa menze bɔne. Sɛ mmeraa ne anga kyɛ, “Nnɛma wɔ nye boro ebie nikyee” a, ahaa menze kyɛbɔ besi bɛma bɛ nye boro nikye ɔ. 8#Rom 4.15 Nakoso bɔne nate mmeraa ne aso nyane atee fale anyeboroborolɛ ahoroɔ wurale me nu. Sɛ mmeraa ne nne berɛ a, bɔne te nikyee bɔ wawu ɔ. 9Makwati mmeraa ne matena ase le; nakoso mmeraa ne wale nen, bɔne tingyele na nwuli. 10#Lew 18.5; Luk 10.26-28 Afei mmeraa bɔ ɔsɛ kyɛ ɔfa ngoa ba ne, ɔfale ewue brɛle me. 11Na bɔne fale mmeraa ne aso nyane atee lakalakale me huni me.
12Yiti mmeraa ne te krongron, na ahyɛdeɛ ne koso te krongron, ɔte tenenee, na ɔte paa. 13#Rom 6.23 Aso ɛhe kyire kyɛ nikyee bɔ ɔte paa ne ɔmaa nyane ewue anaa? Dabida! Nakoso kyɛbɔ ɔkɔyɛ na bekonwu bɔne pefee kyɛ ɔte bɔne ne ati, bɔne nate bɔ ɔte paa so maa nwuli, amaa ɔnate ahyɛdeɛ ne aso banwu ye kyɛ bɔne te nikyee bie bɔ ɔtte mayee koraa ɔ.
Paa ne bɔne di me nu apereapereɛ
14 #
1 Ahe 21.20, 25 Yɛse kyɛ mmeraa ne te sunzum nu nikye, na me de, nde anwoɔnaen, bɔ batɔne me bama bɔne ɔ. 15#Gal 5.17 Bɔ me bɔbɔ meyɔ ne, mende ye bo. Ofikyɛ bɔ mekuro kyɛ meyɔ ne, menyɔ, na mmom bɔ menguro ne yeɛ meyɔ ɔ. 16Na sɛ meyɔ bɔ menguro kyɛ meyɔ ne de a, né okyire kyɛ mepene so kyɛ mmeraa ne te paa. 17Né nzaade, né nna me yeɛ mekɔ so meyɔ sɔ nikyee ne ɔ, na mmom bɔne bɔ ɔte me nu ne yeɛ ɔyɔ ɔ. 18#Gal 5.24 Mese kyɛ nikyee paa biala ɔtte me nu: mekyire me bɔne nipadua ne. Ofikyɛ ɔhale me ngome a, ahaa paa yeɛ meyɔ ɔ, nakoso mengora ye yɔ. 19Ɔnate kyɛ menyɔ paa bɔ mekuro ne, na mmom bɔne bɔ menguro ne yeɛ meyɔ ɔ. 20Afei sɛ meyɔ bɔ menguro ne de a, ye de nna me nye kaenn yeɛ mefa meyɔ ɔ, na mmom bɔne bɔ ɔte me nu ne ɔ.
21Yiti mete nga kyɛ mmeraa bie yɔ adwuma wɔ me nu: na mmerɛ biala bɔ mepena kyɛ meyɔ paa nen, né bɔne aye ye ti. 22#Edw 40.8; 1.2 Ofikyɛ me nye gye Nyameɛ mmeraa nwo wɔ me nu paa. 23#Gal 5.17; 1 Pet 2.11 Nakoso menwu mmeraa foforɛ bie wɔ me nwonaen akwaa nu, bɔ ɔko tia mmeraa bɔ ɔwɔ m’adwene nu ɔ, bɔ ɔkye me nnure ma bɔne mmeraa bɔ ɔwɔ me nwonaen akwaa nu ɔ. 24#Rom 6.6 Aa, meyɛ anwumvo! Nwa yeɛ ɔkɔpepɛ kole me kofi sɔ ewue nipadua he anu ɔ? 25#2 Kor 2.14 Mefa y’Awurade Yesu Kristo so meda Nyameɛ ase! Yiti m’adwene nu de, nde Nyameɛ mmeraa n’akoaa, nakoso me nwonaen nu de, nde bɔne akoaa.
Currently Selected:
Romanfoɛ 7: EBP
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.
Romanfoɛ 7
7
So Nyameɛ atee foforɛ so
1Aliɛmaa mɔ, aso ɛmɔnze anaa? Medwudwo mekyire ɛmɔ kyɛ mmenia bɔ bɛse mmeraa ne ɔ. Sɛ sona te ase a, yeɛ mmeraa kyekye ye ɔ. 2#1 Kor 7.39 Yiti brasua bɔ ogya biaa nen, mmeraa kyekye ye bata ohu ne wɔ mmerɛ bɔ ohu ne te ase ɔ; na sɛ ohu ne wu de a, mmeraa ngyekye ye mmata ohu ne ko. 3#Luk 16.18 Yiti sɛ ohu te ase, ná ɔkɔ biaa foforɛ nwo a, né bɛfrɛ ye agyaasɛkyelɛniɛ. Nakoso sɛ ohu ne wu de a, sɔ mmeraa ne ngyekye ye ko, na afei sɛ okogya biaa foforɛ a, né ye de ɔssɛkyele agyaa. 4#Gal 2.19; Kol 1.22 Aliɛmaa mɔ, sɔ ala yeɛ ɛmɔ koso bɛnate Kristo nipadua so ɛmɔawu bama mmeraa ne ɔ, bɔ ɔnate so ebiala te obiɛngo deɛ ɔ, bɔ ɛmɔte bɔ batingye ye bafi ewue nu ne deɛ ɔ, kyɛbɔ ɔkɔyɛ bɔ yɛkosu mmaa yɛkɔma Nyameɛ ɔ. 5#Gal 5.24; Rom 6.13 Mmerɛ bɔ né yɛwɔ anwoɔnaen nu ne de, yɛ bɔne akɔnnɔdeɛ bɔ mmeraa ne kanyane ye ne, ɔyɔle adwuma wɔ yɛ nwonaen akwaa nu osuli mmaa hɔle ewue. 6#2 Kor 3.6 Na afei de, bale yɛ bafi mmeraa ne abo, ofikyɛ bɔ daa ne ɔfale yɛ yɛle ngoaa nen, kekesaala ye de olle yɛ so tumi ko. Yiti yɛwwura daa mmeraa bɔ bɛhyerɛle ne abo ko, na mmom yɛwura Sunzum nu ngoa foforɛ ne abo.
Mmeraa ne bɔne
7 #
Ɛks 20.17
Afei yɛkɔhã ye sɛ? Kyɛ mmeraa ne ɔtte mayee anaa? Dabida! Na sɛ nna mmeraa ne ahɔ a, ahaa menze bɔne. Sɛ mmeraa ne anga kyɛ, “Nnɛma wɔ nye boro ebie nikyee” a, ahaa menze kyɛbɔ besi bɛma bɛ nye boro nikye ɔ. 8#Rom 4.15 Nakoso bɔne nate mmeraa ne aso nyane atee fale anyeboroborolɛ ahoroɔ wurale me nu. Sɛ mmeraa ne nne berɛ a, bɔne te nikyee bɔ wawu ɔ. 9Makwati mmeraa ne matena ase le; nakoso mmeraa ne wale nen, bɔne tingyele na nwuli. 10#Lew 18.5; Luk 10.26-28 Afei mmeraa bɔ ɔsɛ kyɛ ɔfa ngoa ba ne, ɔfale ewue brɛle me. 11Na bɔne fale mmeraa ne aso nyane atee lakalakale me huni me.
12Yiti mmeraa ne te krongron, na ahyɛdeɛ ne koso te krongron, ɔte tenenee, na ɔte paa. 13#Rom 6.23 Aso ɛhe kyire kyɛ nikyee bɔ ɔte paa ne ɔmaa nyane ewue anaa? Dabida! Nakoso kyɛbɔ ɔkɔyɛ na bekonwu bɔne pefee kyɛ ɔte bɔne ne ati, bɔne nate bɔ ɔte paa so maa nwuli, amaa ɔnate ahyɛdeɛ ne aso banwu ye kyɛ bɔne te nikyee bie bɔ ɔtte mayee koraa ɔ.
Paa ne bɔne di me nu apereapereɛ
14 #
1 Ahe 21.20, 25 Yɛse kyɛ mmeraa ne te sunzum nu nikye, na me de, nde anwoɔnaen, bɔ batɔne me bama bɔne ɔ. 15#Gal 5.17 Bɔ me bɔbɔ meyɔ ne, mende ye bo. Ofikyɛ bɔ mekuro kyɛ meyɔ ne, menyɔ, na mmom bɔ menguro ne yeɛ meyɔ ɔ. 16Na sɛ meyɔ bɔ menguro kyɛ meyɔ ne de a, né okyire kyɛ mepene so kyɛ mmeraa ne te paa. 17Né nzaade, né nna me yeɛ mekɔ so meyɔ sɔ nikyee ne ɔ, na mmom bɔne bɔ ɔte me nu ne yeɛ ɔyɔ ɔ. 18#Gal 5.24 Mese kyɛ nikyee paa biala ɔtte me nu: mekyire me bɔne nipadua ne. Ofikyɛ ɔhale me ngome a, ahaa paa yeɛ meyɔ ɔ, nakoso mengora ye yɔ. 19Ɔnate kyɛ menyɔ paa bɔ mekuro ne, na mmom bɔne bɔ menguro ne yeɛ meyɔ ɔ. 20Afei sɛ meyɔ bɔ menguro ne de a, ye de nna me nye kaenn yeɛ mefa meyɔ ɔ, na mmom bɔne bɔ ɔte me nu ne ɔ.
21Yiti mete nga kyɛ mmeraa bie yɔ adwuma wɔ me nu: na mmerɛ biala bɔ mepena kyɛ meyɔ paa nen, né bɔne aye ye ti. 22#Edw 40.8; 1.2 Ofikyɛ me nye gye Nyameɛ mmeraa nwo wɔ me nu paa. 23#Gal 5.17; 1 Pet 2.11 Nakoso menwu mmeraa foforɛ bie wɔ me nwonaen akwaa nu, bɔ ɔko tia mmeraa bɔ ɔwɔ m’adwene nu ɔ, bɔ ɔkye me nnure ma bɔne mmeraa bɔ ɔwɔ me nwonaen akwaa nu ɔ. 24#Rom 6.6 Aa, meyɛ anwumvo! Nwa yeɛ ɔkɔpepɛ kole me kofi sɔ ewue nipadua he anu ɔ? 25#2 Kor 2.14 Mefa y’Awurade Yesu Kristo so meda Nyameɛ ase! Yiti m’adwene nu de, nde Nyameɛ mmeraa n’akoaa, nakoso me nwonaen nu de, nde bɔne akoaa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.