Asomafoɛ 3
3
Bubuaniɛ bie nya ayaresa
1Ɛlɛho bie, ɔbɔle eyia nnɔnmmiɛnza bɔ ɔte dɔnhwere bɔ bɛbɔ mbaeɛ wɔ nu ne, Petro ne Yohane besili nu kyɛ bɛkɔ asɔneyɛɛ sua ne anu. 2#Aso 14.8 Né ebiemɔ bɛso biaa bie bɔ wabubu fi mmerɛ bɔ bɛwole ye ɔ, bɔ daa biala bɛfa ye bɛbato asɔneyɛɛ sua n’anoa bɔ bɛfrɛ ye Anoa Nyemene ne anyunu berɛ, kyɛ ɔsrɛsrɛ nikyee fi bɛ bɔ bɛkwaawura asɔneyɛɛ sua ne anu nemɔ berɛ. 3Na onwuni Petro ne Yohane kyɛ bɛkɔ asɔneyɛɛ sua ne anu nen, ɔsrɛle bɛ kyɛ benwu ye anwumvoin ná bɛto ye sa nu. 4Bɛneane ye haa, na Petro sele ye kyɛ, “Nea yɛ!” 5Yiti ɔneane bɛ haa, na né ɔdwene kyɛ okonya nikyee bie kofi bɛ berɛ. 6#Aso 3.16 Na Petro sele ye kyɛ, “Ɛdwetɛ ne sikaa de, nnne bie, na bɔ nne ye ne yeɛ mefa mema wɔ ɔ. Nasarɛteniɛ Yesu Kristo dumaa nu, dwɔso nate!” 7Na ɔsɔle biaa ne sa famaa ne mane ye so, na berɛ ne ala ye gya nu ne ye aporɛ so yɛle ye se. 8Ohuru gyinane ye gya so, ɔhyɛle ye bo natele, ɔne bɛ wurale asɔneyɛɛ sua ne anu, na ohuruhuruli yele Nyameɛ ayɛ. 9Mmenia bɔ né bɛwɔ berɛ ne, benwuni ye kyɛ ɔnate ná ɔye Nyameɛ ayɛ, 10na mmerɛ bɔ benwuni kyɛ ye yeɛ né ɔtena “Anoa Nyemene” ne anu ɔsrɛsrɛ sikaa nen, ɔyɛle bɛ nwanwa, na bɛ nwo dwirili bɛ wɔ ye tebea foforɛ bɔ wahɔ nu ne nwo.
Petro ka nzɛmba wɔ Nyameɛ asɔneyɛɛ sua nu
11 #
Aso 5.12
Biaa ne te hale Petro ne Yohane so wɔ nekaa bie bɔ bɛfrɛ berɛ Solomon Abrannaa nu, na ɔyɛle mmenia ne amu nwanwa; yiti bɛbɔle twi bɛhɔle bɛ nwo berɛ. 12Na Petro nwuni ye sɔ nen, osele ɛlɔen ne kyɛ, “Ɛmɔ, Yisraelfoɛ, nzu ati yeɛ ɛmɔama ɛhe ayɛ ɛmɔ nwanwa ɔ, anaakyɛ nzu ati yeɛ ɛmɔnea yɛ haa ye, kyɛ ebiaa yɛnate yɛ bɔbɔ yɛ tumi ne yɛ tenenee so yeɛ yɛmaa ɔnatele ɔ? 13#Aso 5.30; Yes 53.11; Ɛks 3.15 Abraham ne Yisake ne Yakob Nyameɛ bɔ ɔte yɛ nana mɔ Nyameɛ ne, ɔhyɛle Ɔwa Yesu animnyam, nakoso ɛmɔyele ye bɛmane mbanyi mɔ, na ɛmɔgyinane Pilato nyunu bɛpole ye wɔ mmerɛ bɔ ahaa né wayɛ ye adwene kyɛ ɔyakyi ye ɔ. 14#Mat 27.15-23; Mak 15.6-14; Luk 23.13-23; Yoh 19.12-15 Ɛmɔpole Krongronniɛ ne Teneneeniɛ ne, na mmom ɛmɔpale kyerɛ maa bɛyakyili kodiawuniɛ ne bɛmane ɛmɔ. 15Na ngoa Hene ne de, ɛmɔhuni ye; na ye yeɛ Nyameɛ tingyele ye fili awufoɛ nu ɔ, na yɛ yeɛ yɛte ye nwo adanzefoɛ ɔ. 16Na ɔnate ye dumaa nu, ye dumaa nu gyidie so, yeɛ wama sɔ bubuaniɛ he bɔ ɛmɔnwu ye ná ɛmɔse ye ne wanya anwoserɛ ɔ. Amba, gyidie bɔ ɔnate Yesu so yeɛ wamaa wate apɔ bɔkɔɔ wɔ ɛmɔ amukoraa bɛ nyunu wa ye.
17 #
Luk 23.34
“Na kekesaala ye de, aliɛmaa mɔ, mese kyɛ ɛselɛ bɔ ɛmɔnze ti yeɛ ɛmɔ ne ɛmɔ mbanyi mɔ bɛfale sɔ lili ye ɔ. 18#Luk 24.27 Nyameɛ ama bɔ ɔfale ngɔmhyɛlɛfoɛ ne amu so ha tole berɛ daa tete ne kyɛ ye Kristo ne konwu amaneɛ ne awa nu. 19#Aso 2.38 Sɔ ati ɛmɔsakyera ɛmɔ adwene na ɛmɔbra Nyameɛ berɛ, na ɔkɔfa ɛmɔ bɔne kɔhyɛ ɛmɔ. 20Na sɛ ɛmɔyɔ sɔ a, sunzum nu anwoserɛ kofi Awurade berɛ kɔwa; na ɔkɔsoma Yesu bɔ ye ole Kristo ne, bɔ waye ye wama ɛmɔ dada ne, 21bɔ ɔsɛ kyɛ nyameɛso ode ye kɔpem mmerɛ bɔ bɛkɔhyehyɛ nningyein bɔ Nyameɛ nate ye ngɔmhyɛlɛfoɛ krongron noa dwirɛ so, fi tetete hane ne amukoraa foforɛ ɔ. 22#Deut 18.15; 18.19 Ofikyɛ Mose hane kyɛ, ‘Awurade, ɛmɔ Nyameɛ kɔsoma ngɔmhyɛlɛniɛ ko maa ɔkɔwa ɛmɔ berɛ kyɛbɔ wasoma me ne, na sɔ sona ne kɔyɛ ɛmɔ nu ko. Odi kyɛ ɛmɔtie ye na ɛmɔyɔ nikyee biala bɔ ɔkɔha kohyire ɛmɔ ne. 23Na sona biala bɔ wandie sɔ ngɔmhyɛlɛniɛ nen, bɛkɔye ye bekofi Nyameɛ mmenia ne anu, na basɛkye ye.’ 24Ngɔmhyɛlɛfoɛ nemɔ amukoraa bɔ bɛso ngraa fi Samuel aberɛ so, ɔne bɛ bɔ bɛwale nziɛ ye ne, bɛbɔle bɔ ɔ́kɔ so ɛnɛ ye anwo dawure. 25#Gye 9.8-10; 22.18 Anohoba bɔ Nyameɛ nate ye ngɔmhyɛlɛfoɛ so bɔle ne te ɛmɔ deɛ, yeɛ Nyameɛ ne ɛmɔ nana mɔ apam ne koso, ɛmɔboka so, kyɛbɔ ɔha hyirele Abraham kyɛ, ‘Ngɔfa wɔ bosofoɛ so ngoyira ewiase abusua mukoraa.’ 26Ɛhe ati, Nyameɛ Somvoɛ bɔ ɔyele ye ne, ɔsomane ye maa olili moa wale ɛmɔ berɛ, kyɛ oyira ɛmɔ na ɔma ebiala hwe ye nwo fi ye bɔne nwo.”
Currently Selected:
Asomafoɛ 3: EBP
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.
Asomafoɛ 3
3
Bubuaniɛ bie nya ayaresa
1Ɛlɛho bie, ɔbɔle eyia nnɔnmmiɛnza bɔ ɔte dɔnhwere bɔ bɛbɔ mbaeɛ wɔ nu ne, Petro ne Yohane besili nu kyɛ bɛkɔ asɔneyɛɛ sua ne anu. 2#Aso 14.8 Né ebiemɔ bɛso biaa bie bɔ wabubu fi mmerɛ bɔ bɛwole ye ɔ, bɔ daa biala bɛfa ye bɛbato asɔneyɛɛ sua n’anoa bɔ bɛfrɛ ye Anoa Nyemene ne anyunu berɛ, kyɛ ɔsrɛsrɛ nikyee fi bɛ bɔ bɛkwaawura asɔneyɛɛ sua ne anu nemɔ berɛ. 3Na onwuni Petro ne Yohane kyɛ bɛkɔ asɔneyɛɛ sua ne anu nen, ɔsrɛle bɛ kyɛ benwu ye anwumvoin ná bɛto ye sa nu. 4Bɛneane ye haa, na Petro sele ye kyɛ, “Nea yɛ!” 5Yiti ɔneane bɛ haa, na né ɔdwene kyɛ okonya nikyee bie kofi bɛ berɛ. 6#Aso 3.16 Na Petro sele ye kyɛ, “Ɛdwetɛ ne sikaa de, nnne bie, na bɔ nne ye ne yeɛ mefa mema wɔ ɔ. Nasarɛteniɛ Yesu Kristo dumaa nu, dwɔso nate!” 7Na ɔsɔle biaa ne sa famaa ne mane ye so, na berɛ ne ala ye gya nu ne ye aporɛ so yɛle ye se. 8Ohuru gyinane ye gya so, ɔhyɛle ye bo natele, ɔne bɛ wurale asɔneyɛɛ sua ne anu, na ohuruhuruli yele Nyameɛ ayɛ. 9Mmenia bɔ né bɛwɔ berɛ ne, benwuni ye kyɛ ɔnate ná ɔye Nyameɛ ayɛ, 10na mmerɛ bɔ benwuni kyɛ ye yeɛ né ɔtena “Anoa Nyemene” ne anu ɔsrɛsrɛ sikaa nen, ɔyɛle bɛ nwanwa, na bɛ nwo dwirili bɛ wɔ ye tebea foforɛ bɔ wahɔ nu ne nwo.
Petro ka nzɛmba wɔ Nyameɛ asɔneyɛɛ sua nu
11 #
Aso 5.12
Biaa ne te hale Petro ne Yohane so wɔ nekaa bie bɔ bɛfrɛ berɛ Solomon Abrannaa nu, na ɔyɛle mmenia ne amu nwanwa; yiti bɛbɔle twi bɛhɔle bɛ nwo berɛ. 12Na Petro nwuni ye sɔ nen, osele ɛlɔen ne kyɛ, “Ɛmɔ, Yisraelfoɛ, nzu ati yeɛ ɛmɔama ɛhe ayɛ ɛmɔ nwanwa ɔ, anaakyɛ nzu ati yeɛ ɛmɔnea yɛ haa ye, kyɛ ebiaa yɛnate yɛ bɔbɔ yɛ tumi ne yɛ tenenee so yeɛ yɛmaa ɔnatele ɔ? 13#Aso 5.30; Yes 53.11; Ɛks 3.15 Abraham ne Yisake ne Yakob Nyameɛ bɔ ɔte yɛ nana mɔ Nyameɛ ne, ɔhyɛle Ɔwa Yesu animnyam, nakoso ɛmɔyele ye bɛmane mbanyi mɔ, na ɛmɔgyinane Pilato nyunu bɛpole ye wɔ mmerɛ bɔ ahaa né wayɛ ye adwene kyɛ ɔyakyi ye ɔ. 14#Mat 27.15-23; Mak 15.6-14; Luk 23.13-23; Yoh 19.12-15 Ɛmɔpole Krongronniɛ ne Teneneeniɛ ne, na mmom ɛmɔpale kyerɛ maa bɛyakyili kodiawuniɛ ne bɛmane ɛmɔ. 15Na ngoa Hene ne de, ɛmɔhuni ye; na ye yeɛ Nyameɛ tingyele ye fili awufoɛ nu ɔ, na yɛ yeɛ yɛte ye nwo adanzefoɛ ɔ. 16Na ɔnate ye dumaa nu, ye dumaa nu gyidie so, yeɛ wama sɔ bubuaniɛ he bɔ ɛmɔnwu ye ná ɛmɔse ye ne wanya anwoserɛ ɔ. Amba, gyidie bɔ ɔnate Yesu so yeɛ wamaa wate apɔ bɔkɔɔ wɔ ɛmɔ amukoraa bɛ nyunu wa ye.
17 #
Luk 23.34
“Na kekesaala ye de, aliɛmaa mɔ, mese kyɛ ɛselɛ bɔ ɛmɔnze ti yeɛ ɛmɔ ne ɛmɔ mbanyi mɔ bɛfale sɔ lili ye ɔ. 18#Luk 24.27 Nyameɛ ama bɔ ɔfale ngɔmhyɛlɛfoɛ ne amu so ha tole berɛ daa tete ne kyɛ ye Kristo ne konwu amaneɛ ne awa nu. 19#Aso 2.38 Sɔ ati ɛmɔsakyera ɛmɔ adwene na ɛmɔbra Nyameɛ berɛ, na ɔkɔfa ɛmɔ bɔne kɔhyɛ ɛmɔ. 20Na sɛ ɛmɔyɔ sɔ a, sunzum nu anwoserɛ kofi Awurade berɛ kɔwa; na ɔkɔsoma Yesu bɔ ye ole Kristo ne, bɔ waye ye wama ɛmɔ dada ne, 21bɔ ɔsɛ kyɛ nyameɛso ode ye kɔpem mmerɛ bɔ bɛkɔhyehyɛ nningyein bɔ Nyameɛ nate ye ngɔmhyɛlɛfoɛ krongron noa dwirɛ so, fi tetete hane ne amukoraa foforɛ ɔ. 22#Deut 18.15; 18.19 Ofikyɛ Mose hane kyɛ, ‘Awurade, ɛmɔ Nyameɛ kɔsoma ngɔmhyɛlɛniɛ ko maa ɔkɔwa ɛmɔ berɛ kyɛbɔ wasoma me ne, na sɔ sona ne kɔyɛ ɛmɔ nu ko. Odi kyɛ ɛmɔtie ye na ɛmɔyɔ nikyee biala bɔ ɔkɔha kohyire ɛmɔ ne. 23Na sona biala bɔ wandie sɔ ngɔmhyɛlɛniɛ nen, bɛkɔye ye bekofi Nyameɛ mmenia ne anu, na basɛkye ye.’ 24Ngɔmhyɛlɛfoɛ nemɔ amukoraa bɔ bɛso ngraa fi Samuel aberɛ so, ɔne bɛ bɔ bɛwale nziɛ ye ne, bɛbɔle bɔ ɔ́kɔ so ɛnɛ ye anwo dawure. 25#Gye 9.8-10; 22.18 Anohoba bɔ Nyameɛ nate ye ngɔmhyɛlɛfoɛ so bɔle ne te ɛmɔ deɛ, yeɛ Nyameɛ ne ɛmɔ nana mɔ apam ne koso, ɛmɔboka so, kyɛbɔ ɔha hyirele Abraham kyɛ, ‘Ngɔfa wɔ bosofoɛ so ngoyira ewiase abusua mukoraa.’ 26Ɛhe ati, Nyameɛ Somvoɛ bɔ ɔyele ye ne, ɔsomane ye maa olili moa wale ɛmɔ berɛ, kyɛ oyira ɛmɔ na ɔma ebiala hwe ye nwo fi ye bɔne nwo.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.