Asomafoɛ 27
27
Asraafoɛ fa Pɔɔlo kɔ Rome
1Nziɛ ye bɔ besili ye pi kyɛ ɔsɛ kyɛ yɛkɔ Yitalia nen, bɛfale Pɔɔlo ne kukunufoɛ biemɔ bewurale Roman asraafoɛ ɛyaa so panyi bie sa. Oli Yulio. Né ɔboka “Roman Panyi Asraafoɛ Fekue” ne aso. 2Yɛɛfole ɛlɛen bie bɔ ofi Adramitiom ɔkɔ Asia mbɔtam, na ɛlɛen ne tuli. Né Aristako, Makedonianiɛ bɔ ofi Tɛsalonika boka yɛ so. 3Aleɛ hyene ne, yɛɛgyinane Sidon. Yulio yɛle Pɔɔlo paa paa. Ɔmane ye ate maa ɔhɔle ye damvo mɔ berɛ oolele nningyein kãa bɔ okohia ɔ. 4Yɛtu yɛfili Sidon nen, né mvrama ne tu yia yɛ. Yiti yɛɛfale supɔ Kipro aseɛnwo dɔ nekaa bie bɔ né mvrama ndu nyia yɛ ɔ. 5Yɛfale Kilikia ne Pamfilia manzini nu ɛpo so yɛwale Lisia manzini nu kuro bɔ bɛfrɛ ye Mira so. 6Berɛ yeɛ asraafoɛ ɛyaa so panyi ne nwuni ɛlɛen bie bɔ ofi Aleksandria kyɛ ɔkɔ Yitalia ɔ, na ɔmaa yɛɛfole.
7Né ɛlɛen ne ngora kɔ paa biala, yiti yɛlili ngyẽa pee wɔ nzue so; na yɛfɛle paa koraa yeɛ yɛpingye Kinido ɔ. Mvrama ne amma yangɔ yɛ nyunu moa ko; yiti yɛɛfale supɔ Krete aseɛnwo dɔ nekaa bie bɔ né mvrama ndu nyia yɛ ɔ, na yɛtrale Salmone mboanoa. 8Yɛfale ɛpo ne noa alaa, na yɛfɛle paa koraa yeɛ yɛbaadwu nekaa bie bɔ bɛfrɛ ye “Ɛlɛen Agyinaleɛ Paa” bɔ opingye Lasia kuro ne ɔ.
Pɔɔlo tu akwandufoɛ nemɔ foɛ
9Yɛsɛkyele mmerɛ pee wɔ berɛ; na nzue ne aso falɛ yɛle suro, ɔnate kyɛ né Bɔnefakyɛ Akɔngyere Kyẽa ne apɛnu. Yiti Pɔɔlo tuli bɛ foɛ kyɛ, 10“Biamɔ, menwu ye kyɛ yɛ ateetulɛ ye anu kɔyɛ suro kɔma yɛ. Nna kyɛ nningyein pee yeɛ yɛkɔhwere, anaa ɛlɛen ne yeɛ ɔkɔsɛkye angome, na mmom annea a, yɛ ngoa po kɔpɛ so.” 11Nakoso asraafoɛ ɛyaa so panyi ne amva edwirɛ bɔ Pɔɔlo hane ne, na mmom ɔfale bɔ ɛlɛen mene ne ne ɛlɛenhanɛfoɛ ne hane ne. 12Né ɛlɛen agyinaleɛ berɛ ɔtte mayee bɔ bedi prakasua mmerɛ ne berɛ a ɔyɛ yé ɔ, yiti mmeni soma yɛle kyɛ bɛkɔtoa ateetulɛ ne aso, na sɛ ɔkɔyɛ yee po a, baadwu Fonike na bali prakasua mmerɛ ne berɛ. Fonike te ɛlɛen agyinaleɛ wɔ Krete, na ɔla sorɔ ne eyia atɔleɛ, ɔne ngwaen ne eyia atɔleɛ b’afia.
Mvrama piri bie tuli ɛpo ne aso
13Mvrama bɛtɛɛ bie hyɛle ye bo bɔ fili ngwaen na benyane adwene kyɛ bɛ nzusuleɛ ne kɔhɔ so kama. Yiti betuli sɛkyɛ ne, na yɛfale Krete ɛpo ne noa pɛɛ. 14Nakoso wangyɛ biala, mvrama piri bie bɔ bɛfrɛ ye “Sorɔ-Afiteleɛ” bɔ fili supɔ ne aso. 15Oofini ɛlɛen ne bɔ né yɛyɔ ye nwo hwee biala a ɔnyɛ yé ɔ, yiti yɛyakyili maa ɔhwene yɛ hɔle. 16Ɔpale yɛ sɔ alaa maa yɛɛgyinane supɔ kaaba bie bɔ bɛfrɛ ye Klɔda so. Na yɛbɔle mmɔden yɛbɔle ɛlɛen ba#27.16: ƐLƐEN BA: Sɛ sona tɔ nzue nu a, ɛhe yeɛ bɛfa bɛye ye ɔ. bɔ bafa babɔ y’ɛlɛen piri ne nwo waen. 17Bɛpagyale ɛlɛen ba ne, na bɛkyekyele bɛbɔle ɛlɛen piri ne. Né besuro kyɛ ɛlɛen ne kɔɔfofo (Libia mboanoa) Anweaa sire ne aso, yiti bɛfandili bɔ ɔsosɔ ɛlɛen ne anu maa mvrama ne fale ye hɔle. 18Mvrama piri ne hɔle so fale yɛ hyinini alaa; yiti aleɛ hyene ne, ɛlɛenhanɛfoɛ nemɔ gyili ɛlɛen ne anu nningyein ne bie beguale nzue nu. 19Ye ɛlɛsa ne aso, bɛ bɔbɔ befindini ɛlɛen ne nwo nningyein ne bie beguale. 20Ngyẽa pee se hɔle bɔ né yɛ nye nnwuni eyia anaa nzramaa ɔ; yeɛ kyɛbɔ mvrama ne si gyinane yɛ so ne ati yɛ anyelasoɛ amukoraa yiele maa yɛnwuni kyɛ yɛ ti kekã.
Pɔɔlo kyekye bɛ wora
21Ngyẽa pee se hɔle bɔ né yɛllili hwee ɔ. Yiti Pɔɔlo dwɔso gyinane b’afia sele bɛ kyɛ, “Biamɔ, sɛ ɛmɔtiele me yeɛ yandu yamvi Krete a, ahaa yɛngonwu sɔ amaneɛ ne nningyein bɔ yahwere ye. 22Nakoso, mesrɛ ɛmɔ, nnɛma ɛmɔ abasa nu bu! Ofikyɛ ɛmɔ nu biala ngɔhwere ye ngoa, sana ɛlɛen ne ngome yeɛ ɔkɔsɛkye ɔ. 23Ɔnate kyɛ, ɛnɛ kɔngɔen ye, Nyameɛ bɔ nde ye deɛ ná meso ye n’abɔfo wale me berɛ, 24na osele me kyɛ, ‘Pɔɔlo, nnɛsuro, na odi kyɛ ekogyina Kaesare nyunu. Na tie, ɔnate wɔ ti Nyameɛ ale bɛ bɔ bɛ ne wɔ tu atee ne amukoraa bɛ ngoa.’ 25Yiti, biamɔ, nnɛma ɛmɔ abasa nu bu! Na mede Nyameɛ medi kyɛ bɔ ɔhã hyirele me ne kɔyɛ berɛ pɛpɛɛpɛ. 26Nakoso ɔsɛ kyɛ mvrama ne bɔ yɛ kogua supɔ bie aso.”
27Odwuli ngyẽa buru ne nna, bɔ né mvrama ne tɛfa yɛ kyinikyini wɔ Mediterenia ɛpo so ne, kɔyɛ abunnamu ne, ɛlɛenhanɛfoɛ nemɔ dwenene kyɛ yɛpena yɛpingye aseɛ bie aso. 28Yiti bɛyakyili nyamaa nu beguale nzue ne anu bɛfa besusuli, na benwuni kyɛ buma ne bo te abasanu aburanyɔ. Yɛhɔle yɛ nyunu kãa nen, besa besusuli nzue ne, na benwuni kyɛ ɔte abasanu buru ne nnu. 29Né besuro kyɛ yɛkɔɔfofo nyɔbotaen bie so; yiti bɛyakyili sɛkyɛ nna nu befili ɛlɛen ne abo dɔ beguale nzue ne anu, na yɛfa yɛnwondɛle alehyeleɛ. 30Afei ɛlɛenhanɛfoɛ nemɔ yɛle kyɛ bɛnwati befi ɛlɛen ne anu; yiti bɛyakyili ɛlɛen ba ne anu bɛtole nzue ne anu, na bɛyɛle kanda nikyee bie kyɛ bɛkwaayakyi sɛkyɛ nemɔ nu begua nzue ne anu wɔ y’ɛlɛen ne nyunu dɔ. 31Na Pɔɔlo sele asraafoɛ ɛyaa so panyi ɔne asraafoɛ nemɔ kyɛ, “Sɛ ɛlɛenhanɛfoɛ nemɔ anyakyi nwatilɛ bandena ɛlɛen ne anu a, ye de ɛmɔngonya ngoa.” 32Yiti asraafoɛ nemɔ pepɛle ɛlɛen ba ne nyamaa nu, na bɛmaa nzue ne fale ye hɔle.
33Aleɛ baahye ne, Pɔɔlo srɛle bɛ mukoraa kyɛ bedidi. Na osele bɛ kyɛ, “Eleburu ne nna ɛhe yeɛ ɛmɔafa ahunundetelɛ batena bahye hɔen bɔ bellili hwee ɔ. 34Yiti mesrɛ ɛmɔ, ɛmɔdidi kãa ná ɛmɔnya anwoserɛ, ɔnate kyɛ ɛmɔ nu biala ti nwiaa ko po ngotu ngomini.” 35Na ɔhane sɔ dwirɛ nen, ɔfale paanoo, ɔlale Nyameɛ ase wɔ bɛ mukoraa bɛ nyunu berɛ, obubuli nu, na ɔhyɛle ye bo didili. 36Afei bɛ mukoraa bɛ wora kyekyele, na ebiala didili. 37Né yɛ bɔ yɛwɔ ɛlɛen ne anu amu yɛte mmenia ɛyaa nyɔ ne aburasoo ɔne nzia. 38Afei ebiala ko yili yiele nen, begyili ɛlɛen ne anu atokoɔ ne beguale ɛpo nu maa ɛlɛen ne anu yɛle nyera.
Ɛlɛen ne butuli
39Aleɛ hyene ne, né ɛlɛenhanɛfoɛ nemɔ ngora nwu aseɛ horɛ bɔ yadwu so ɔ; nakoso benwuni mboanoa nekaa bie bɔ ɔla ase ɔ, na bɛyɛle kyɛ bɛbɔ mmɔden bɛka ɛlɛen ne bɛkɔ berɛ. 40Yiti bɛpepɛle sɛkyɛ nemɔ nyamaa nu maa beguale ɛpo nu, na besa bɛsangyele ɛlɛen ne sitiya nyamaa nemɔ. Afei bɛfale ɛtena pirikua bie bɛkatale ɛlɛen ne nyunu maa mvrama ne bɔle ye hɔle moa, na ɔfale yɛ hɔle mboanoa. 41Nakoso ɛlɛen ne fofole anweaa sire bie aso, na ɔhale berɛ; ye ti ne timuni bɔ betu ye a ondu ɔ, na asorɔkye bɔ né ɔbɔ serɛserɛ ne koso bubuli ye bo ne.
42Asraafoɛ nemɔ bɔle porɛ kyɛ bekohu kukunufoɛ ne ná bɛ nu biala wammia wannwati wangɔ. 43Nakoso né asraafoɛ ɛyaa so panyi ne kuro kyɛ ode Pɔɔlo ngoa; yiti wambene so. Na mmom ɔhyɛle kyɛ bɛ bɔ bɛkɔhora bia ne beli moa begua nzue ne anu bɛhɔ etii so; 44na afei bɛ ngaa ne koso bɛpo bɛ; ebie butubutu ndaboa nemɔ so, na ebiemɔ koso bebutubutu ɛlɛen buburuwaa asiiasii nemɔ so. Yiti kyɛbɔ ɔyɛle bɔ yɛ mukoraa yɛnyane yɛ ti ngoa yɛwale etii so hɔ ɛne o.
Currently Selected:
Asomafoɛ 27: EBP
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.
Asomafoɛ 27
27
Asraafoɛ fa Pɔɔlo kɔ Rome
1Nziɛ ye bɔ besili ye pi kyɛ ɔsɛ kyɛ yɛkɔ Yitalia nen, bɛfale Pɔɔlo ne kukunufoɛ biemɔ bewurale Roman asraafoɛ ɛyaa so panyi bie sa. Oli Yulio. Né ɔboka “Roman Panyi Asraafoɛ Fekue” ne aso. 2Yɛɛfole ɛlɛen bie bɔ ofi Adramitiom ɔkɔ Asia mbɔtam, na ɛlɛen ne tuli. Né Aristako, Makedonianiɛ bɔ ofi Tɛsalonika boka yɛ so. 3Aleɛ hyene ne, yɛɛgyinane Sidon. Yulio yɛle Pɔɔlo paa paa. Ɔmane ye ate maa ɔhɔle ye damvo mɔ berɛ oolele nningyein kãa bɔ okohia ɔ. 4Yɛtu yɛfili Sidon nen, né mvrama ne tu yia yɛ. Yiti yɛɛfale supɔ Kipro aseɛnwo dɔ nekaa bie bɔ né mvrama ndu nyia yɛ ɔ. 5Yɛfale Kilikia ne Pamfilia manzini nu ɛpo so yɛwale Lisia manzini nu kuro bɔ bɛfrɛ ye Mira so. 6Berɛ yeɛ asraafoɛ ɛyaa so panyi ne nwuni ɛlɛen bie bɔ ofi Aleksandria kyɛ ɔkɔ Yitalia ɔ, na ɔmaa yɛɛfole.
7Né ɛlɛen ne ngora kɔ paa biala, yiti yɛlili ngyẽa pee wɔ nzue so; na yɛfɛle paa koraa yeɛ yɛpingye Kinido ɔ. Mvrama ne amma yangɔ yɛ nyunu moa ko; yiti yɛɛfale supɔ Krete aseɛnwo dɔ nekaa bie bɔ né mvrama ndu nyia yɛ ɔ, na yɛtrale Salmone mboanoa. 8Yɛfale ɛpo ne noa alaa, na yɛfɛle paa koraa yeɛ yɛbaadwu nekaa bie bɔ bɛfrɛ ye “Ɛlɛen Agyinaleɛ Paa” bɔ opingye Lasia kuro ne ɔ.
Pɔɔlo tu akwandufoɛ nemɔ foɛ
9Yɛsɛkyele mmerɛ pee wɔ berɛ; na nzue ne aso falɛ yɛle suro, ɔnate kyɛ né Bɔnefakyɛ Akɔngyere Kyẽa ne apɛnu. Yiti Pɔɔlo tuli bɛ foɛ kyɛ, 10“Biamɔ, menwu ye kyɛ yɛ ateetulɛ ye anu kɔyɛ suro kɔma yɛ. Nna kyɛ nningyein pee yeɛ yɛkɔhwere, anaa ɛlɛen ne yeɛ ɔkɔsɛkye angome, na mmom annea a, yɛ ngoa po kɔpɛ so.” 11Nakoso asraafoɛ ɛyaa so panyi ne amva edwirɛ bɔ Pɔɔlo hane ne, na mmom ɔfale bɔ ɛlɛen mene ne ne ɛlɛenhanɛfoɛ ne hane ne. 12Né ɛlɛen agyinaleɛ berɛ ɔtte mayee bɔ bedi prakasua mmerɛ ne berɛ a ɔyɛ yé ɔ, yiti mmeni soma yɛle kyɛ bɛkɔtoa ateetulɛ ne aso, na sɛ ɔkɔyɛ yee po a, baadwu Fonike na bali prakasua mmerɛ ne berɛ. Fonike te ɛlɛen agyinaleɛ wɔ Krete, na ɔla sorɔ ne eyia atɔleɛ, ɔne ngwaen ne eyia atɔleɛ b’afia.
Mvrama piri bie tuli ɛpo ne aso
13Mvrama bɛtɛɛ bie hyɛle ye bo bɔ fili ngwaen na benyane adwene kyɛ bɛ nzusuleɛ ne kɔhɔ so kama. Yiti betuli sɛkyɛ ne, na yɛfale Krete ɛpo ne noa pɛɛ. 14Nakoso wangyɛ biala, mvrama piri bie bɔ bɛfrɛ ye “Sorɔ-Afiteleɛ” bɔ fili supɔ ne aso. 15Oofini ɛlɛen ne bɔ né yɛyɔ ye nwo hwee biala a ɔnyɛ yé ɔ, yiti yɛyakyili maa ɔhwene yɛ hɔle. 16Ɔpale yɛ sɔ alaa maa yɛɛgyinane supɔ kaaba bie bɔ bɛfrɛ ye Klɔda so. Na yɛbɔle mmɔden yɛbɔle ɛlɛen ba#27.16: ƐLƐEN BA: Sɛ sona tɔ nzue nu a, ɛhe yeɛ bɛfa bɛye ye ɔ. bɔ bafa babɔ y’ɛlɛen piri ne nwo waen. 17Bɛpagyale ɛlɛen ba ne, na bɛkyekyele bɛbɔle ɛlɛen piri ne. Né besuro kyɛ ɛlɛen ne kɔɔfofo (Libia mboanoa) Anweaa sire ne aso, yiti bɛfandili bɔ ɔsosɔ ɛlɛen ne anu maa mvrama ne fale ye hɔle. 18Mvrama piri ne hɔle so fale yɛ hyinini alaa; yiti aleɛ hyene ne, ɛlɛenhanɛfoɛ nemɔ gyili ɛlɛen ne anu nningyein ne bie beguale nzue nu. 19Ye ɛlɛsa ne aso, bɛ bɔbɔ befindini ɛlɛen ne nwo nningyein ne bie beguale. 20Ngyẽa pee se hɔle bɔ né yɛ nye nnwuni eyia anaa nzramaa ɔ; yeɛ kyɛbɔ mvrama ne si gyinane yɛ so ne ati yɛ anyelasoɛ amukoraa yiele maa yɛnwuni kyɛ yɛ ti kekã.
Pɔɔlo kyekye bɛ wora
21Ngyẽa pee se hɔle bɔ né yɛllili hwee ɔ. Yiti Pɔɔlo dwɔso gyinane b’afia sele bɛ kyɛ, “Biamɔ, sɛ ɛmɔtiele me yeɛ yandu yamvi Krete a, ahaa yɛngonwu sɔ amaneɛ ne nningyein bɔ yahwere ye. 22Nakoso, mesrɛ ɛmɔ, nnɛma ɛmɔ abasa nu bu! Ofikyɛ ɛmɔ nu biala ngɔhwere ye ngoa, sana ɛlɛen ne ngome yeɛ ɔkɔsɛkye ɔ. 23Ɔnate kyɛ, ɛnɛ kɔngɔen ye, Nyameɛ bɔ nde ye deɛ ná meso ye n’abɔfo wale me berɛ, 24na osele me kyɛ, ‘Pɔɔlo, nnɛsuro, na odi kyɛ ekogyina Kaesare nyunu. Na tie, ɔnate wɔ ti Nyameɛ ale bɛ bɔ bɛ ne wɔ tu atee ne amukoraa bɛ ngoa.’ 25Yiti, biamɔ, nnɛma ɛmɔ abasa nu bu! Na mede Nyameɛ medi kyɛ bɔ ɔhã hyirele me ne kɔyɛ berɛ pɛpɛɛpɛ. 26Nakoso ɔsɛ kyɛ mvrama ne bɔ yɛ kogua supɔ bie aso.”
27Odwuli ngyẽa buru ne nna, bɔ né mvrama ne tɛfa yɛ kyinikyini wɔ Mediterenia ɛpo so ne, kɔyɛ abunnamu ne, ɛlɛenhanɛfoɛ nemɔ dwenene kyɛ yɛpena yɛpingye aseɛ bie aso. 28Yiti bɛyakyili nyamaa nu beguale nzue ne anu bɛfa besusuli, na benwuni kyɛ buma ne bo te abasanu aburanyɔ. Yɛhɔle yɛ nyunu kãa nen, besa besusuli nzue ne, na benwuni kyɛ ɔte abasanu buru ne nnu. 29Né besuro kyɛ yɛkɔɔfofo nyɔbotaen bie so; yiti bɛyakyili sɛkyɛ nna nu befili ɛlɛen ne abo dɔ beguale nzue ne anu, na yɛfa yɛnwondɛle alehyeleɛ. 30Afei ɛlɛenhanɛfoɛ nemɔ yɛle kyɛ bɛnwati befi ɛlɛen ne anu; yiti bɛyakyili ɛlɛen ba ne anu bɛtole nzue ne anu, na bɛyɛle kanda nikyee bie kyɛ bɛkwaayakyi sɛkyɛ nemɔ nu begua nzue ne anu wɔ y’ɛlɛen ne nyunu dɔ. 31Na Pɔɔlo sele asraafoɛ ɛyaa so panyi ɔne asraafoɛ nemɔ kyɛ, “Sɛ ɛlɛenhanɛfoɛ nemɔ anyakyi nwatilɛ bandena ɛlɛen ne anu a, ye de ɛmɔngonya ngoa.” 32Yiti asraafoɛ nemɔ pepɛle ɛlɛen ba ne nyamaa nu, na bɛmaa nzue ne fale ye hɔle.
33Aleɛ baahye ne, Pɔɔlo srɛle bɛ mukoraa kyɛ bedidi. Na osele bɛ kyɛ, “Eleburu ne nna ɛhe yeɛ ɛmɔafa ahunundetelɛ batena bahye hɔen bɔ bellili hwee ɔ. 34Yiti mesrɛ ɛmɔ, ɛmɔdidi kãa ná ɛmɔnya anwoserɛ, ɔnate kyɛ ɛmɔ nu biala ti nwiaa ko po ngotu ngomini.” 35Na ɔhane sɔ dwirɛ nen, ɔfale paanoo, ɔlale Nyameɛ ase wɔ bɛ mukoraa bɛ nyunu berɛ, obubuli nu, na ɔhyɛle ye bo didili. 36Afei bɛ mukoraa bɛ wora kyekyele, na ebiala didili. 37Né yɛ bɔ yɛwɔ ɛlɛen ne anu amu yɛte mmenia ɛyaa nyɔ ne aburasoo ɔne nzia. 38Afei ebiala ko yili yiele nen, begyili ɛlɛen ne anu atokoɔ ne beguale ɛpo nu maa ɛlɛen ne anu yɛle nyera.
Ɛlɛen ne butuli
39Aleɛ hyene ne, né ɛlɛenhanɛfoɛ nemɔ ngora nwu aseɛ horɛ bɔ yadwu so ɔ; nakoso benwuni mboanoa nekaa bie bɔ ɔla ase ɔ, na bɛyɛle kyɛ bɛbɔ mmɔden bɛka ɛlɛen ne bɛkɔ berɛ. 40Yiti bɛpepɛle sɛkyɛ nemɔ nyamaa nu maa beguale ɛpo nu, na besa bɛsangyele ɛlɛen ne sitiya nyamaa nemɔ. Afei bɛfale ɛtena pirikua bie bɛkatale ɛlɛen ne nyunu maa mvrama ne bɔle ye hɔle moa, na ɔfale yɛ hɔle mboanoa. 41Nakoso ɛlɛen ne fofole anweaa sire bie aso, na ɔhale berɛ; ye ti ne timuni bɔ betu ye a ondu ɔ, na asorɔkye bɔ né ɔbɔ serɛserɛ ne koso bubuli ye bo ne.
42Asraafoɛ nemɔ bɔle porɛ kyɛ bekohu kukunufoɛ ne ná bɛ nu biala wammia wannwati wangɔ. 43Nakoso né asraafoɛ ɛyaa so panyi ne kuro kyɛ ode Pɔɔlo ngoa; yiti wambene so. Na mmom ɔhyɛle kyɛ bɛ bɔ bɛkɔhora bia ne beli moa begua nzue ne anu bɛhɔ etii so; 44na afei bɛ ngaa ne koso bɛpo bɛ; ebie butubutu ndaboa nemɔ so, na ebiemɔ koso bebutubutu ɛlɛen buburuwaa asiiasii nemɔ so. Yiti kyɛbɔ ɔyɛle bɔ yɛ mukoraa yɛnyane yɛ ti ngoa yɛwale etii so hɔ ɛne o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.