Asomafoɛ 20
20
Pɔɔlo kɔ Makedonia ne Hela bieku
1Nziɛ ye bɔ basabasa ne noa dwole ase ne, Pɔɔlo frɛle agyidifoɛ nemɔ maa beyiale; otuli bɛ foɛ na ɔne bɛ lili ngraa, na afei ɔhɔle Makedonia. 2Ɔfale manzini nemɔ nu hyɛle agyidifoɛ nemɔ nguraen pee yiele ne, afei ɔwale Hela aseɛ so. 3Olili berɛ bosome nza. Na mmerɛ bɔ ɔboaboa ye nwo kɔfa ɛlɛen kɔ Siria nen, ɔtele kyɛ Yudafoɛ ne abɔ ye ti so porɛ bɛtɛ ye; yiti ɔyɛle kyɛ osa ye si fa ase kɔfa Makedonia kɔ. 4Ɔne ɛhemɔ yeɛ bɛhɔle ɔ: Piro awa Sopata bɔ ofi Bɛrea; Aristako ne Sekunduse bɔ befi Tɛsalonika; Gayɔso bɔ ofi Dɛɛbi, Timoteo yeɛ Asiafoɛ Tihiko ne Trofimo. 5Bɛ de belili moa bɛɛnwondɛle yɛ wɔ Troase, 6na yɛ koso de, Paanoo kabrɛdi aluolue ne pɛle nu ne, yɛfale ɛlɛen yɛfili Filipi, na ye elennu ne aso yɛɛtole bɛ wɔ Troase, na yɛlili berɛ ɛlɛsoo.
Pɔɔlo kɔ Troase
7Kyẽa bɔ oli moa wɔ dapɛn ne anu ne, mmerɛ bɔ yɛyiale nu kyɛ yɛdidi ne, Pɔɔlo yɛle ngyerɛkyerɛ hyirele bɛ, na ɔtoale so alaa maa oodwuli abunnamu; ofikyɛ né aleɛ kye a, ɔkɔ. 8Né nganea pee wɔ aborɔsaen ne aso nekaa bɔ yɛyiale ne. 9Né aberandeɛ bie bɔ bɛfrɛ ye Yutiko te mboma noa, na ɔnate kyɛ Pɔɔlo dwudwo hyɛle ne ati, Yutiko tɔle ngosie, na nziɛ ye ɔlafele hatee; na ofili aborɔsaen bɔ ɔtɔ so nza ne aso te tɔle ase, na bɛɛpagyale ye nen, né wawu. 10Na Pɔɔlo dwuli ase oobutuli ye so; ɔto brale ye, na ɔhane kyɛ, “Nnɛma ɛmɔ kunu tete ɛmɔ, na owwuli.” 11Afei Pɔɔlo sa hɔle aborɔsaen ne aso, ɔfale nikyee kãa hane ye noa; na ɔtoale so dwudwole tonn ma aleɛ hyene, na ofili berɛ hɔle. 12Afei bɛ ne aberandeɛ ne hɔle awuro bɔ né ye nwo asande ye ɔ, na benyane aworakyekyerɛ somaa.
Pɔɔlo fi Troase kɔ Mileto
13Yɛfale ɛlɛen yɛlili moa yɛhɔle Asɔso kyɛ yɛkwaafa Pɔɔlo wɔ berɛ, ofikyɛ né ɔne yɛ ahyehyɛ kyɛ ɔfa ase odi moa kɔ dɔ. 14Oyiale yɛ wɔ Asɔso nen, ɔfole ɛlɛen ne anu, na yɛtoale so yɛhɔle Mitilene. 15Yɛfili berɛ, na aleɛ hyene ne, yɛdwuli Kiose ndendeneɛ so. Aleɛ sa hyene ne, yɛdwuli Samo na ye alehyeleɛ nu bieku ne, yɛdwuli Mileto. 16Né Pɔɔlo ayɛ ye adwene kyɛ ongogyina Ɛfeso amaa wanzɛkye mmerɛ wɔ Asia mbɔtam, ofikyɛ né ɔpe ndɛen kyɛ sɛ ɔkɔyɛ yee a, okodwu Yerusalem wɔ Pɛntekɔso kyẽa ne.
Pɔɔlo ne Ɛfeso asɔre mbanyi di ngraa
17Pɔɔlo tole Ɛfeso asɔre mbanyi ne ngraa fili Mileto kyɛ bɛbra bɛbra. 18Bɛwale ne, osele bɛ kyɛ, “Ɛmɔ bɔbɔ ɛmɔse kyɛbɔ ofi kyẽa bɔ mmale Asia me ne ɛmɔ yɛɛtenane ye, nzi mmɔle me bra mmerɛ biala ɔ. 19Na mmrɛle me nwo ase mvale me nye moen nyɔle m’adwuma wɔ amaneɛ bɔ Yudafoɛ biemɔ bɔle me ti so porɛ maa nwuni ye ne anu. 20Yeɛ dwaaso ne ɛmɔ awuro nu nzɛmbahanɛ ne ngyerɛkyerɛ bɔ nyɔle ne, mangata nikyee biala bɔ ɔkɔboka ɛmɔ ɔ so; 21na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie. 22Na kekesaala ye, ɔnate kyɛ mayɛ asoɛmmerɛlɛ mama Sunzum Krongron ne ati, mekɔ Yerusalem, na menze nikyee bɔ ɔkɔto me dɔ ɔ; 23sana bɔ Sunzum Krongron ne ahã ahyire me wɔ kuro biala so kyɛ mmenia kɔto me kuku nu na bamaa manwu amaneɛ ɔ. 24#2 Tim 4.7 Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.
25“Na afei, ɛ́mɔtie. Mahyini ɛmɔ amukoraa so mahã Nyameɛ ahennie ne nwo dwirɛ, na kekesaala ye de, mese kyɛ ɛmɔ nu biala ngonwu me ko. 26Ɛhe ati ɛnɛ kyẽa ye mekã mekyire ɛmɔ kyɛ, menni ɛmɔ nu biala mogya nwo fɔ; 27ɔnate kyɛ mamva nikyee biala bɔ ɔfa Nyameɛ nhyehyɛleɛ ne nwo mamvea ɛmɔ. 28Yiti ɛ́mɔnea ɛmɔ nwo ne mmoaen#20.28: ‘Mmoaen ne’ kyire agyidifoɛ ne. amukoraa bɔ Sunzum Krongron afa bɛ awura ɛmɔ sa ne aso yé. Ɛ́mɔyɛ Nyameɛ asɔre ne bɔ ɔnate ye bɔbɔ Ɔwa ne mogya so nyane ye ne neafoɛ. 29Na mese kyɛ mefi wa mekɔ a, mbataku awerɔm koowura ɛmɔ nu, na bɛngɔyakyi mmoaen ne koraa. 30Asa koso, ɛmɔ bɔbɔ bɛ nu mmenia ne bie kodwɔso ná baha ngondombo dwirɛ bafa bahwe agyidifoɛ ne bie bali bɛ si. 31Yiti ɛmɔla ɛmɔ nwo so, na ɛ́mɔkaye kyɛ mvale me nye moen eyia ne kɔngɔen nduli ɛmɔ nu biala foɛ sɔ alaa afoɛ nza.
32“Afei, mefa ɛmɔ mewura Nyameɛ sa, ɔne ye adom dwirɛ ne anu; na adom dwirɛ ne yeɛ ɔkɔhora kɔma ɛmɔkonyi ná wama ɛmɔ agyapadeɛ bɔ wahyehyɛ wato berɛ wama anwoteefoɛ mukoraa ne ɔ. 33Me nye ammoro ebiala dwetɛ anaa sikaa kɔkorɛ anaa ataadeɛ. 34Ɛmɔ bɔbɔ ɛmɔse kyɛ me sa noa adwuma yeɛ mva neane me nwo ne bɛ bɔ bɛboka me so ne ɔ. 35Mahyire ɛmɔ wɔ nikyee biala nu kyɛ ɔsɛ kyɛ ɛmɔyɔ adwuma sɔa bɛfa bɛboka ehiafoɛ, ná ɛmɔma yɛkaye Awurade Yesu dwirɛ bɔ ɔhane ne. Ɔnwa: ‘Ɔte saleɛ pee kyɛ ɛkɔma tra kyɛ ekole ɔ.’ ”
36Na ye noa pene ne, obuli ndwerɛ ɔne bɛ mukoraa bɛbɔle mbaeɛ. 37Na bɛ mukoraa bɛfale esuɛ bɛtotɔle ye nu bɛ ne ye lili ngraa; 38na bɔ ɔmane bɛ wora bɔle koraa ole ye dwirɛ bɔ ɔhane kyɛ bengonwu ye ko ne. Na afei beesomane ye ate bedwuli ɛlɛen ne anwo.
Currently Selected:
Asomafoɛ 20: EBP
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.
Asomafoɛ 20
20
Pɔɔlo kɔ Makedonia ne Hela bieku
1Nziɛ ye bɔ basabasa ne noa dwole ase ne, Pɔɔlo frɛle agyidifoɛ nemɔ maa beyiale; otuli bɛ foɛ na ɔne bɛ lili ngraa, na afei ɔhɔle Makedonia. 2Ɔfale manzini nemɔ nu hyɛle agyidifoɛ nemɔ nguraen pee yiele ne, afei ɔwale Hela aseɛ so. 3Olili berɛ bosome nza. Na mmerɛ bɔ ɔboaboa ye nwo kɔfa ɛlɛen kɔ Siria nen, ɔtele kyɛ Yudafoɛ ne abɔ ye ti so porɛ bɛtɛ ye; yiti ɔyɛle kyɛ osa ye si fa ase kɔfa Makedonia kɔ. 4Ɔne ɛhemɔ yeɛ bɛhɔle ɔ: Piro awa Sopata bɔ ofi Bɛrea; Aristako ne Sekunduse bɔ befi Tɛsalonika; Gayɔso bɔ ofi Dɛɛbi, Timoteo yeɛ Asiafoɛ Tihiko ne Trofimo. 5Bɛ de belili moa bɛɛnwondɛle yɛ wɔ Troase, 6na yɛ koso de, Paanoo kabrɛdi aluolue ne pɛle nu ne, yɛfale ɛlɛen yɛfili Filipi, na ye elennu ne aso yɛɛtole bɛ wɔ Troase, na yɛlili berɛ ɛlɛsoo.
Pɔɔlo kɔ Troase
7Kyẽa bɔ oli moa wɔ dapɛn ne anu ne, mmerɛ bɔ yɛyiale nu kyɛ yɛdidi ne, Pɔɔlo yɛle ngyerɛkyerɛ hyirele bɛ, na ɔtoale so alaa maa oodwuli abunnamu; ofikyɛ né aleɛ kye a, ɔkɔ. 8Né nganea pee wɔ aborɔsaen ne aso nekaa bɔ yɛyiale ne. 9Né aberandeɛ bie bɔ bɛfrɛ ye Yutiko te mboma noa, na ɔnate kyɛ Pɔɔlo dwudwo hyɛle ne ati, Yutiko tɔle ngosie, na nziɛ ye ɔlafele hatee; na ofili aborɔsaen bɔ ɔtɔ so nza ne aso te tɔle ase, na bɛɛpagyale ye nen, né wawu. 10Na Pɔɔlo dwuli ase oobutuli ye so; ɔto brale ye, na ɔhane kyɛ, “Nnɛma ɛmɔ kunu tete ɛmɔ, na owwuli.” 11Afei Pɔɔlo sa hɔle aborɔsaen ne aso, ɔfale nikyee kãa hane ye noa; na ɔtoale so dwudwole tonn ma aleɛ hyene, na ofili berɛ hɔle. 12Afei bɛ ne aberandeɛ ne hɔle awuro bɔ né ye nwo asande ye ɔ, na benyane aworakyekyerɛ somaa.
Pɔɔlo fi Troase kɔ Mileto
13Yɛfale ɛlɛen yɛlili moa yɛhɔle Asɔso kyɛ yɛkwaafa Pɔɔlo wɔ berɛ, ofikyɛ né ɔne yɛ ahyehyɛ kyɛ ɔfa ase odi moa kɔ dɔ. 14Oyiale yɛ wɔ Asɔso nen, ɔfole ɛlɛen ne anu, na yɛtoale so yɛhɔle Mitilene. 15Yɛfili berɛ, na aleɛ hyene ne, yɛdwuli Kiose ndendeneɛ so. Aleɛ sa hyene ne, yɛdwuli Samo na ye alehyeleɛ nu bieku ne, yɛdwuli Mileto. 16Né Pɔɔlo ayɛ ye adwene kyɛ ongogyina Ɛfeso amaa wanzɛkye mmerɛ wɔ Asia mbɔtam, ofikyɛ né ɔpe ndɛen kyɛ sɛ ɔkɔyɛ yee a, okodwu Yerusalem wɔ Pɛntekɔso kyẽa ne.
Pɔɔlo ne Ɛfeso asɔre mbanyi di ngraa
17Pɔɔlo tole Ɛfeso asɔre mbanyi ne ngraa fili Mileto kyɛ bɛbra bɛbra. 18Bɛwale ne, osele bɛ kyɛ, “Ɛmɔ bɔbɔ ɛmɔse kyɛbɔ ofi kyẽa bɔ mmale Asia me ne ɛmɔ yɛɛtenane ye, nzi mmɔle me bra mmerɛ biala ɔ. 19Na mmrɛle me nwo ase mvale me nye moen nyɔle m’adwuma wɔ amaneɛ bɔ Yudafoɛ biemɔ bɔle me ti so porɛ maa nwuni ye ne anu. 20Yeɛ dwaaso ne ɛmɔ awuro nu nzɛmbahanɛ ne ngyerɛkyerɛ bɔ nyɔle ne, mangata nikyee biala bɔ ɔkɔboka ɛmɔ ɔ so; 21na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie. 22Na kekesaala ye, ɔnate kyɛ mayɛ asoɛmmerɛlɛ mama Sunzum Krongron ne ati, mekɔ Yerusalem, na menze nikyee bɔ ɔkɔto me dɔ ɔ; 23sana bɔ Sunzum Krongron ne ahã ahyire me wɔ kuro biala so kyɛ mmenia kɔto me kuku nu na bamaa manwu amaneɛ ɔ. 24#2 Tim 4.7 Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.
25“Na afei, ɛ́mɔtie. Mahyini ɛmɔ amukoraa so mahã Nyameɛ ahennie ne nwo dwirɛ, na kekesaala ye de, mese kyɛ ɛmɔ nu biala ngonwu me ko. 26Ɛhe ati ɛnɛ kyẽa ye mekã mekyire ɛmɔ kyɛ, menni ɛmɔ nu biala mogya nwo fɔ; 27ɔnate kyɛ mamva nikyee biala bɔ ɔfa Nyameɛ nhyehyɛleɛ ne nwo mamvea ɛmɔ. 28Yiti ɛ́mɔnea ɛmɔ nwo ne mmoaen#20.28: ‘Mmoaen ne’ kyire agyidifoɛ ne. amukoraa bɔ Sunzum Krongron afa bɛ awura ɛmɔ sa ne aso yé. Ɛ́mɔyɛ Nyameɛ asɔre ne bɔ ɔnate ye bɔbɔ Ɔwa ne mogya so nyane ye ne neafoɛ. 29Na mese kyɛ mefi wa mekɔ a, mbataku awerɔm koowura ɛmɔ nu, na bɛngɔyakyi mmoaen ne koraa. 30Asa koso, ɛmɔ bɔbɔ bɛ nu mmenia ne bie kodwɔso ná baha ngondombo dwirɛ bafa bahwe agyidifoɛ ne bie bali bɛ si. 31Yiti ɛmɔla ɛmɔ nwo so, na ɛ́mɔkaye kyɛ mvale me nye moen eyia ne kɔngɔen nduli ɛmɔ nu biala foɛ sɔ alaa afoɛ nza.
32“Afei, mefa ɛmɔ mewura Nyameɛ sa, ɔne ye adom dwirɛ ne anu; na adom dwirɛ ne yeɛ ɔkɔhora kɔma ɛmɔkonyi ná wama ɛmɔ agyapadeɛ bɔ wahyehyɛ wato berɛ wama anwoteefoɛ mukoraa ne ɔ. 33Me nye ammoro ebiala dwetɛ anaa sikaa kɔkorɛ anaa ataadeɛ. 34Ɛmɔ bɔbɔ ɛmɔse kyɛ me sa noa adwuma yeɛ mva neane me nwo ne bɛ bɔ bɛboka me so ne ɔ. 35Mahyire ɛmɔ wɔ nikyee biala nu kyɛ ɔsɛ kyɛ ɛmɔyɔ adwuma sɔa bɛfa bɛboka ehiafoɛ, ná ɛmɔma yɛkaye Awurade Yesu dwirɛ bɔ ɔhane ne. Ɔnwa: ‘Ɔte saleɛ pee kyɛ ɛkɔma tra kyɛ ekole ɔ.’ ”
36Na ye noa pene ne, obuli ndwerɛ ɔne bɛ mukoraa bɛbɔle mbaeɛ. 37Na bɛ mukoraa bɛfale esuɛ bɛtotɔle ye nu bɛ ne ye lili ngraa; 38na bɔ ɔmane bɛ wora bɔle koraa ole ye dwirɛ bɔ ɔhane kyɛ bengonwu ye ko ne. Na afei beesomane ye ate bedwuli ɛlɛen ne anwo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.