Asomafoɛ 18
18
Pɔɔlo ka nzɛmba wɔ Korinto
1Ɛhe asi ne, Pɔɔlo fili Atense hɔle Korinto. 2Na onwuni Yudaniɛ bie bɔ oli Akwila bɔ bɛwole ye Ponto ɔ. Né ɔne ɔye Prisila#18.2: Prisila anaa Prisika. befili Yitalia bɛwale berɛ ɔ ɔhhyɛle biala, ofikyɛ né Klɔdio ahyɛ mmeraa kyɛ Yudafoɛ amukoraa bétu befi Rome bɛhɔ. Pɔɔlo hɔle bɛ berɛ, 3na kyɛbɔ ɛtena sua nwonɛ te bɛ mukoraa bɛ sa noa adwuma ne ati, ɔne bɛ tenane, na ɔne bɛ yɔle adwuma. 4Né afofikyẽa biala ɔkɔyɛ ngyerɛkyerɛ wɔ nyianu sua nu, na otuli Yudafoɛ ne Helafoɛ foɛ maa bele belili.
5Na mmerɛ bɔ Silase ne Timoteo befili Makedonia bɛwale ne, Pɔɔlo fale ye mmerɛ tole berɛ hane nzɛmba ne, na olili adanzeɛ hyirele Yudafoɛ nemɔ kyɛ Yesu ole Kristo ne. 6Na sɛ né Yudafoɛ nemɔ bedwɔso betia ye, ná bɛkã musue dwirɛ betia ye a, ye koso ɔporoporo ye ataadeɛ nu kã kyire bɛ kyɛ, “Ɛmɔ bɔbɔ ɛmɔ mogya bɔ ɛmɔ ti so, ofikyɛ me de, menni ye nwo fɔ. Na ofi ɛnɛ bɔ ɔkɔ ɔ, ngɔhɔ Amaenmaensofoɛ mɔ dɔ.” 7Yiti ɔyakyili bɛ berɛ ɔɔtenane biaa bie bɔ ye dumaa li Tito Yusto, bɔ ɔso Nyameɛ ɔ ye awuro. Né ye awuro ne pingye nyianu sua ne pɛɛ. 8Na Krispo, bɔ ɔte nyianu sua ne aso panyi ne, ɔne ye awuro ama mukoraa belele Awurade belili; yeɛ afei Korintofoɛ pee bɔ bɛtele Pɔɔlo dwirɛ ne koso, bele belili, na bɛ mukoraa bɛmaa bɛbɔle bɛ asu.
9 #
Yes 43.5; Yer 1.8 Na ɛlɛho bie kɔngɔen, Awurade hã hyirele Pɔɔlo wɔ nyekyire kyɛ, “Nnɛsuro, dwudwo, na nnɛmua wɔ noa, 10ofikyɛ ngyi wɔ si, na ebiala ngɔwa wɔ so ngɔyɔ wɔ hwee, ɔnate kyɛ nne mmenia pee wɔ kuro ye anu.” 11Yiti Pɔɔlo lili berɛ afoɛ ko ne bosome nzia hane Nyameɛ dwirɛ ne hyirele berɛ ama.
Yudafoɛ fa Pɔɔlo kɔ Galio nyunu
12Mmerɛ bɔ né Galio te amrado wɔ Akaia#18.12: Akaia te Hela manzini. nen, Yudafoɛ nemɔ yɛle ko, bɛhyele Pɔɔlo, na bɛhwene ye bɛhɔle badwafoɛ nyunu. 13Na besele Galio kyɛ, “Sɔ biaa he afa atee bɔ otia Yudafoɛ mmeraa so ɔma mmenia sɔne Nyameɛ.” 14Na Pɔɔlo yɛle kyɛ ɔye ye noa pɛ yeɛ Galio sele Yudafoɛ ne kyɛ, “O Yudafoɛ, sɛ ɔyɛle nzɛmmɔnelilɛ anaakyɛ awuelilɛ dwirɛ bie de a, ahaa ngotie ɛmɔ. 15Nakoso kyɛbɔ waayɛ edwirɛ, ɔne dumaa ne ɛmɔ bɔbɔ ɛmɔ mmeraa nwo aporowaasulɛ ye de, ɛmɔ bɔbɔ beesiesie; na edwirɛ sɔaa mɔ de, mengɔyɛ ye nwo ndɛenbualɛniɛ!” 16Na ofoane bɛ fili nekaa bɔ bedi dwirɛ ne. 17Yiti bɛ#18.17: Helafoɛ anaa Yudafoɛ. mukoraa bɛhyele nyianu sua ne aso panyi Sositene, na bɛbole ye wɔ nekaa bɔ bedi dwirɛ n’anyunu berɛ, nakoso Galio anga ye nwo bie.
Pɔɔlo sa ba Antiokia
18 #
Num 6.9; 6.18; Aso 21.24 Na Pɔɔlo tenane berɛ hyɛle kãa, na nziɛ ye ɔne aliɛmaa nemɔ belili ngraa, na ofili berɛ fale ɛlɛen hɔle Siria. Prisila ne Akwila koso bokale ye so bɛne ye hɔle. Pɔɔlo bɔle tikwa,#18.18: Sɔ nikyee ne kyire kyɛ wali ye bɔhyɛ so. wɔ Kɛnkrea, ɔnate kyɛ né wabɔ anohoba. 19Bedwuli Ɛfeso nen, ɔyakyili bɛ wɔ berɛ; na ye de, ɔhɔle nyianu sua nu ɔne Yudafoɛ bɛɛyɛle ngyerɛkyerɛ. 20Na bɛsrɛle ye kyɛ ɔne bɛ tena berɛ kãa, nakoso wambene. 21Na mmom ɔhrale bɛ kyɛ, “Sɛ Nyameɛ ma ate a, ngosa ngɔwa ɛmɔ wa.” Na ɔfale ɛlɛen fili Ɛfeso hɔle. 22Na odwuli Kaesarea nen, ɔbɔle hwii hɔle Yerusalem oobisale asɔremma nemɔ ahye, na afei osili nu hɔle Antiokia. 23Ɔhyɛle berɛ kãa, na afei ofili berɛ oohyinini Galatia ne Frigyea mbɔtam hyɛle asuafoɛ nemɔ amukoraa nguraen.
Apolo ka nzɛmba wɔ Ɛfeso ne Korinto
24Yudaniɛ bie bɔ bɛfrɛ ye Apolo, bɔ bɛwole ye Aleksandria ɔ, ɔwale Ɛfeso. Ɔte sona bɔ ye noa ate ná afei wasa wabe wɔ Ahyerɛlɛ ne anu paa. 25Bɛfale Awurade Atee so yeɛ behyirele ye nikye ɔ, na ɔnate kyɛ ɔyɛ se wɔ sunzum nu ne ati, odwudwole, na ohyirehyirele Yesu nwo dwirɛ turoloo; ɔwɔ nu kyɛ né Yohane asubɔlɛ ne angome yeɛ ɔse ɔ. 26Ɔhyɛle ye bo sili ye ahone dwudwole wɔ nyianu sua nu; na mmerɛ bɔ Prisila ne Akwila nwuni ye ne, bɛ ne ye hɔle b’awuro, na behyirehyirele ye Nyameɛ Atee ne anu pɛpɛɛpɛ. 27Na Apolo yɛle ye adwene kyɛ ɔkɔ Akaia nen, aliɛmaa nemɔ bɛhyɛle ye nguraen, na bɛhyerɛle krataa bɛɛmane asuafoɛ nemɔ kyɛ bele ye bɛto nu nyemene so. Oodwuli ne, ɔbokale bɛ bɔ bɛnate adom so bayɛ agyidifoɛ ne paa. 28Ofikyɛ ɔnate ye ngyerɛkyerɛ so lili Yudafoɛ so ngonim wɔ badwa nu, na ɔfale Ahyerɛlɛ ne hyirele nu pefee kyɛ Yesu ole Kristo ne.
Currently Selected:
Asomafoɛ 18: EBP
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.
Asomafoɛ 18
18
Pɔɔlo ka nzɛmba wɔ Korinto
1Ɛhe asi ne, Pɔɔlo fili Atense hɔle Korinto. 2Na onwuni Yudaniɛ bie bɔ oli Akwila bɔ bɛwole ye Ponto ɔ. Né ɔne ɔye Prisila#18.2: Prisila anaa Prisika. befili Yitalia bɛwale berɛ ɔ ɔhhyɛle biala, ofikyɛ né Klɔdio ahyɛ mmeraa kyɛ Yudafoɛ amukoraa bétu befi Rome bɛhɔ. Pɔɔlo hɔle bɛ berɛ, 3na kyɛbɔ ɛtena sua nwonɛ te bɛ mukoraa bɛ sa noa adwuma ne ati, ɔne bɛ tenane, na ɔne bɛ yɔle adwuma. 4Né afofikyẽa biala ɔkɔyɛ ngyerɛkyerɛ wɔ nyianu sua nu, na otuli Yudafoɛ ne Helafoɛ foɛ maa bele belili.
5Na mmerɛ bɔ Silase ne Timoteo befili Makedonia bɛwale ne, Pɔɔlo fale ye mmerɛ tole berɛ hane nzɛmba ne, na olili adanzeɛ hyirele Yudafoɛ nemɔ kyɛ Yesu ole Kristo ne. 6Na sɛ né Yudafoɛ nemɔ bedwɔso betia ye, ná bɛkã musue dwirɛ betia ye a, ye koso ɔporoporo ye ataadeɛ nu kã kyire bɛ kyɛ, “Ɛmɔ bɔbɔ ɛmɔ mogya bɔ ɛmɔ ti so, ofikyɛ me de, menni ye nwo fɔ. Na ofi ɛnɛ bɔ ɔkɔ ɔ, ngɔhɔ Amaenmaensofoɛ mɔ dɔ.” 7Yiti ɔyakyili bɛ berɛ ɔɔtenane biaa bie bɔ ye dumaa li Tito Yusto, bɔ ɔso Nyameɛ ɔ ye awuro. Né ye awuro ne pingye nyianu sua ne pɛɛ. 8Na Krispo, bɔ ɔte nyianu sua ne aso panyi ne, ɔne ye awuro ama mukoraa belele Awurade belili; yeɛ afei Korintofoɛ pee bɔ bɛtele Pɔɔlo dwirɛ ne koso, bele belili, na bɛ mukoraa bɛmaa bɛbɔle bɛ asu.
9 #
Yes 43.5; Yer 1.8 Na ɛlɛho bie kɔngɔen, Awurade hã hyirele Pɔɔlo wɔ nyekyire kyɛ, “Nnɛsuro, dwudwo, na nnɛmua wɔ noa, 10ofikyɛ ngyi wɔ si, na ebiala ngɔwa wɔ so ngɔyɔ wɔ hwee, ɔnate kyɛ nne mmenia pee wɔ kuro ye anu.” 11Yiti Pɔɔlo lili berɛ afoɛ ko ne bosome nzia hane Nyameɛ dwirɛ ne hyirele berɛ ama.
Yudafoɛ fa Pɔɔlo kɔ Galio nyunu
12Mmerɛ bɔ né Galio te amrado wɔ Akaia#18.12: Akaia te Hela manzini. nen, Yudafoɛ nemɔ yɛle ko, bɛhyele Pɔɔlo, na bɛhwene ye bɛhɔle badwafoɛ nyunu. 13Na besele Galio kyɛ, “Sɔ biaa he afa atee bɔ otia Yudafoɛ mmeraa so ɔma mmenia sɔne Nyameɛ.” 14Na Pɔɔlo yɛle kyɛ ɔye ye noa pɛ yeɛ Galio sele Yudafoɛ ne kyɛ, “O Yudafoɛ, sɛ ɔyɛle nzɛmmɔnelilɛ anaakyɛ awuelilɛ dwirɛ bie de a, ahaa ngotie ɛmɔ. 15Nakoso kyɛbɔ waayɛ edwirɛ, ɔne dumaa ne ɛmɔ bɔbɔ ɛmɔ mmeraa nwo aporowaasulɛ ye de, ɛmɔ bɔbɔ beesiesie; na edwirɛ sɔaa mɔ de, mengɔyɛ ye nwo ndɛenbualɛniɛ!” 16Na ofoane bɛ fili nekaa bɔ bedi dwirɛ ne. 17Yiti bɛ#18.17: Helafoɛ anaa Yudafoɛ. mukoraa bɛhyele nyianu sua ne aso panyi Sositene, na bɛbole ye wɔ nekaa bɔ bedi dwirɛ n’anyunu berɛ, nakoso Galio anga ye nwo bie.
Pɔɔlo sa ba Antiokia
18 #
Num 6.9; 6.18; Aso 21.24 Na Pɔɔlo tenane berɛ hyɛle kãa, na nziɛ ye ɔne aliɛmaa nemɔ belili ngraa, na ofili berɛ fale ɛlɛen hɔle Siria. Prisila ne Akwila koso bokale ye so bɛne ye hɔle. Pɔɔlo bɔle tikwa,#18.18: Sɔ nikyee ne kyire kyɛ wali ye bɔhyɛ so. wɔ Kɛnkrea, ɔnate kyɛ né wabɔ anohoba. 19Bedwuli Ɛfeso nen, ɔyakyili bɛ wɔ berɛ; na ye de, ɔhɔle nyianu sua nu ɔne Yudafoɛ bɛɛyɛle ngyerɛkyerɛ. 20Na bɛsrɛle ye kyɛ ɔne bɛ tena berɛ kãa, nakoso wambene. 21Na mmom ɔhrale bɛ kyɛ, “Sɛ Nyameɛ ma ate a, ngosa ngɔwa ɛmɔ wa.” Na ɔfale ɛlɛen fili Ɛfeso hɔle. 22Na odwuli Kaesarea nen, ɔbɔle hwii hɔle Yerusalem oobisale asɔremma nemɔ ahye, na afei osili nu hɔle Antiokia. 23Ɔhyɛle berɛ kãa, na afei ofili berɛ oohyinini Galatia ne Frigyea mbɔtam hyɛle asuafoɛ nemɔ amukoraa nguraen.
Apolo ka nzɛmba wɔ Ɛfeso ne Korinto
24Yudaniɛ bie bɔ bɛfrɛ ye Apolo, bɔ bɛwole ye Aleksandria ɔ, ɔwale Ɛfeso. Ɔte sona bɔ ye noa ate ná afei wasa wabe wɔ Ahyerɛlɛ ne anu paa. 25Bɛfale Awurade Atee so yeɛ behyirele ye nikye ɔ, na ɔnate kyɛ ɔyɛ se wɔ sunzum nu ne ati, odwudwole, na ohyirehyirele Yesu nwo dwirɛ turoloo; ɔwɔ nu kyɛ né Yohane asubɔlɛ ne angome yeɛ ɔse ɔ. 26Ɔhyɛle ye bo sili ye ahone dwudwole wɔ nyianu sua nu; na mmerɛ bɔ Prisila ne Akwila nwuni ye ne, bɛ ne ye hɔle b’awuro, na behyirehyirele ye Nyameɛ Atee ne anu pɛpɛɛpɛ. 27Na Apolo yɛle ye adwene kyɛ ɔkɔ Akaia nen, aliɛmaa nemɔ bɛhyɛle ye nguraen, na bɛhyerɛle krataa bɛɛmane asuafoɛ nemɔ kyɛ bele ye bɛto nu nyemene so. Oodwuli ne, ɔbokale bɛ bɔ bɛnate adom so bayɛ agyidifoɛ ne paa. 28Ofikyɛ ɔnate ye ngyerɛkyerɛ so lili Yudafoɛ so ngonim wɔ badwa nu, na ɔfale Ahyerɛlɛ ne hyirele nu pefee kyɛ Yesu ole Kristo ne.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.