NAHUMA 2
2
MOKUNA II.
1 He wānana no ka luku ʻia ʻana o Nineva, a me ka hoʻopau ʻana o ke aupuni o ʻAsuria no ko lākou hewa, no ka hoʻokaumaha, no ka hana ʻino a me ka hoʻokiʻekiʻe.
1¶ Ua piʻi mai ka mea luku i mua o kou alo;
E mālama i kahi paʻa, e kiaʻi i ke ala,
E kāʻei i nā pūhaka, e hoʻokūpaʻa loa i ka ikaika.
2No ka mea, ua hoʻihoʻi mai ʻo Iēhova i ka nani o Iakoba,
E like me ka nani o ʻIseraʻela;
No ka mea, ua luku aku ka poʻe luku iā lākou,
A ua hoʻokai lākou i kā lākou mau lālā waina.
3¶ ʻO ka pale kaua o ka poʻe ikaika, ua ʻulaʻula;
A ʻo nā kānaka koa, ua kāhiko ʻia lākou i ke kapa ʻulaʻula;
Me ka wakawaka o nā kila o nā hale kaʻa
I ka lā o kona hoʻomākaukau ʻana,
A e haʻalulu nā ihe paina.
4A e holo kikī nā hale kaʻa ma nā alanui;
Holo lākou ma ʻō ma ʻō, ma nā ala pālahalaha,
Like ko lākou ʻike ʻia ʻana me nā lamakū,
A holo lākou me he uila lā.
5Hoʻomanaʻo nō ʻo ia i kona poʻe ikaika;
E hina lākou i ko lākou hele ʻana,
A holo lākou i kona pā pōhaku,
A e hoʻomākaukau ʻia kahi e uhi ai.
6A e wehe ʻia nā puka pā o nā muliwai,
A e heheʻe iho ko ka hale aliʻi, a ua hoʻokūpaʻa ʻia.
7A ua wehe ʻia kona kapa,
A alakaʻi ʻia aku ia,
A ʻo kāna poʻe kauā wahine e ʻū ana, e like me ka leo o nā manu nūnū,
E hahau ana i ko lākou umauma.
8¶ A ua like ʻo Nineva me he kiʻo wai lā, mai ka manawa ma mua mai;
Akā, e holo aku nō lākou.
“E kū ʻoukou, e kū!”
ʻAʻohe mea e nānā i hope.
9E lawe aku ʻoukou i ke kālā,
E lawe aku i ke gula;
ʻAʻole he hope no ka waiwai,
No ka nani, a me kona mau mea maikaʻi a pau.
10Ua nele, ua neoneo, a ua luku ʻia ʻo ia;
Ua heheʻe ka naʻau, ua palupalu nā kuli,
A he haʻalulu ma nā pūhaka a pau,
A ke nananakea nā maka a pau.
11ʻAuhea ka noho ʻana o nā liona;
A ma hea lā kahi e ʻai ai nā liona ʻōpio;
Kahi i hele ai ka liona, ka liona wahine, a me ke keiki liona,
ʻAʻohe mea nāna lākou e hoʻomakaʻu?
12Ua haehae ka liona a nui no kāna poʻe keiki,
A ʻuʻumi nō ia no kāna liona wahine,
A hoʻopiha nō ia i kona mau lua i ka mea pio,
A i kona mau ana i ka mea i lawe ʻia.
13“Aia hoʻi, ua makaʻē aku au iā ʻoe,” wahi a Iēhova o nā kaua, “a e puhi aku au i kona mau hale kaʻa i loko o ka uahi, a e luku aku ka pahi kaua i kāu mau liona ʻōpiopio; a e ʻoki aku au i kou mea pio mai ka honua aku, ʻaʻole loa e lohe hou ʻia ka leo o kāu mau ʻelele.”
Currently Selected:
NAHUMA 2: KBH
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.
NAHUMA 2
2
MOKUNA II.
1 He wānana no ka luku ʻia ʻana o Nineva, a me ka hoʻopau ʻana o ke aupuni o ʻAsuria no ko lākou hewa, no ka hoʻokaumaha, no ka hana ʻino a me ka hoʻokiʻekiʻe.
1¶ Ua piʻi mai ka mea luku i mua o kou alo;
E mālama i kahi paʻa, e kiaʻi i ke ala,
E kāʻei i nā pūhaka, e hoʻokūpaʻa loa i ka ikaika.
2No ka mea, ua hoʻihoʻi mai ʻo Iēhova i ka nani o Iakoba,
E like me ka nani o ʻIseraʻela;
No ka mea, ua luku aku ka poʻe luku iā lākou,
A ua hoʻokai lākou i kā lākou mau lālā waina.
3¶ ʻO ka pale kaua o ka poʻe ikaika, ua ʻulaʻula;
A ʻo nā kānaka koa, ua kāhiko ʻia lākou i ke kapa ʻulaʻula;
Me ka wakawaka o nā kila o nā hale kaʻa
I ka lā o kona hoʻomākaukau ʻana,
A e haʻalulu nā ihe paina.
4A e holo kikī nā hale kaʻa ma nā alanui;
Holo lākou ma ʻō ma ʻō, ma nā ala pālahalaha,
Like ko lākou ʻike ʻia ʻana me nā lamakū,
A holo lākou me he uila lā.
5Hoʻomanaʻo nō ʻo ia i kona poʻe ikaika;
E hina lākou i ko lākou hele ʻana,
A holo lākou i kona pā pōhaku,
A e hoʻomākaukau ʻia kahi e uhi ai.
6A e wehe ʻia nā puka pā o nā muliwai,
A e heheʻe iho ko ka hale aliʻi, a ua hoʻokūpaʻa ʻia.
7A ua wehe ʻia kona kapa,
A alakaʻi ʻia aku ia,
A ʻo kāna poʻe kauā wahine e ʻū ana, e like me ka leo o nā manu nūnū,
E hahau ana i ko lākou umauma.
8¶ A ua like ʻo Nineva me he kiʻo wai lā, mai ka manawa ma mua mai;
Akā, e holo aku nō lākou.
“E kū ʻoukou, e kū!”
ʻAʻohe mea e nānā i hope.
9E lawe aku ʻoukou i ke kālā,
E lawe aku i ke gula;
ʻAʻole he hope no ka waiwai,
No ka nani, a me kona mau mea maikaʻi a pau.
10Ua nele, ua neoneo, a ua luku ʻia ʻo ia;
Ua heheʻe ka naʻau, ua palupalu nā kuli,
A he haʻalulu ma nā pūhaka a pau,
A ke nananakea nā maka a pau.
11ʻAuhea ka noho ʻana o nā liona;
A ma hea lā kahi e ʻai ai nā liona ʻōpio;
Kahi i hele ai ka liona, ka liona wahine, a me ke keiki liona,
ʻAʻohe mea nāna lākou e hoʻomakaʻu?
12Ua haehae ka liona a nui no kāna poʻe keiki,
A ʻuʻumi nō ia no kāna liona wahine,
A hoʻopiha nō ia i kona mau lua i ka mea pio,
A i kona mau ana i ka mea i lawe ʻia.
13“Aia hoʻi, ua makaʻē aku au iā ʻoe,” wahi a Iēhova o nā kaua, “a e puhi aku au i kona mau hale kaʻa i loko o ka uahi, a e luku aku ka pahi kaua i kāu mau liona ʻōpiopio; a e ʻoki aku au i kou mea pio mai ka honua aku, ʻaʻole loa e lohe hou ʻia ka leo o kāu mau ʻelele.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.