KA ʻEUANELIO I KĀKAU ʻIA AI E MATAIO 12
12
MOKUNA XII.
1 No ka mālama ʻana i ka lā Sābati. 13 Hoʻōla ʻo ia i ka lima maloʻo ia lā. 22 Hoʻōla ʻia ka mea makapō leo paʻa. 31 No ka ʻōlelo hōʻino i ka ʻUhane Hemolele. 38 Ka poʻe ʻimi i hōʻailona. 46 Kona makuahine a me nā hoahānau.
1¶ Ia wā lā, hele akula ʻo Iesū i ka lā Sābati ma waena o nā mahina ʻai, pōloli ihola nā haumāna āna, a hoʻomaka akula lākou e lālau i nā huhui palaoa, a ʻai ihola.
2ʻIke akula ka poʻe Parisaio, ʻī akula lākou iā ia, “Aia ke hana nei kāu poʻe haumāna i ka mea kū ʻole i ke kānāwai ke hana i ka lā Sābati.”
3ʻĪ maila ʻo ia iā lākou, “ʻAʻole anei ʻoukou i heluhelu i ka mea a Dāvida i hana ai, a me ka poʻe me ia, i ka wā i pōloli ai lākou?
4“Iā ia i komo aku ai i loko o ka hale o ke Akua, a ʻai ihola i ka berena hōʻike, ka mea kū pono ʻole iā ia ke ʻai, ʻaʻole hoʻi i ka poʻe me ia, na ka poʻe kāhuna wale nō.
5“ʻAʻole anei ʻoukou i heluhelu ma ke kānāwai, ʻo ka poʻe kāhuna i loko o ka luakini i nā lā Sābati, ua hana lākou i ka lā Sābati, ʻaʻole hoʻi a lākou hala?
6“Ke ʻōlelo aku nei au iā ʻoukou, eia ma ʻaneʻi kekahi, ua ʻoi aku ia ma mua o ka luakini.
7“Inā paha i ʻike ʻoukou i ke ʻano o kēia, ‘ʻO ke aloha koʻu makemake, ʻaʻole ka mōhai»,’ inā ua hoʻohewa ʻole mai ʻoukou i ka poʻe hala ʻole.
8“No ka mea, ʻo ke Keiki a ke Kanaka, ʻo ia ka Haku no ka lā Sābati.”
9¶ Hele akula ia mai ia wahi aku, a komo akula i loko o ko lākou hale hālāwai.
10Aia i laila he kanaka, ua maloʻo kona lima; nīnau maila lākou iā ia, i mea e hoʻopiʻi aku ai lākou iā ia, ʻī maila, “He mea pono anei ke hoʻōla aku i ka lā Sābati?”
11ʻĪ akula ʻo ia iā lākou, “ʻO wai lā ke kanaka o ʻoukou hoʻokahi hipa kāna, a i hāʻule iho i ka lua i ka lā Sābati, ʻaʻole anei ia e lālau aku iā ia, a e huki mai i luna?
12“ʻAʻole anei e ʻoi aku ke kanaka ma mua o ka hipa? He mea pono nō ke hana maikaʻi i ka lā Sābati.”
13A laila, ʻōlelo akula ia i ua kanaka lā, “E ʻō mai kou lima;” ʻō maila ia, a ola aʻela ia e like me kēlā lima.
14Hele akula ka poʻe Parisaio i waho, kūkākūkā aʻela lākou i mea e make ai ʻo ia iā lākou.
15¶ A ʻike ihola ʻo Iesū ia mea, hele akula ia mai ia wahi aku; a he nui ka poʻe kānaka i hahai aku iā ia, hoʻōla ihola ʻo ia iā lākou a pau.
16Pāpā maila ʻo ia iā lākou, ʻaʻole lākou e haʻi hōʻike aku iā ia.
17I kō ai ka ʻōlelo a ke kāula a ʻIsaia, i ʻī mai ai:
18“«Aia hoʻi kuʻu kauā aʻu i koho ai,
Kuʻu mea aloha, iā ia ka ʻoliʻoli o kuʻu naʻau;
E kau aku ana au i kuʻu ʻUhane ma luna iho ona,
A e haʻi aku ia i ke kānāwai i nā lāhui kanaka.
19“ʻAʻole ia e hakakā, ʻaʻole hoʻi e walaʻau aku,
ʻAʻole hoʻi e lohea kona leo ma nā alanui.
20“ʻAʻole e haʻi iā ia ka ʻohe pēpē,
ʻAʻole hoʻi ia e kinai i ka ʻuiki e hoʻopīpī ana,
A kuʻi aku ia i ke kānāwai a lanakila.
21“A e paulele hoʻi nā lāhui kanaka ma kona inoa».”
22¶ A laila, hali ʻia mai i ona lā kekahi kanaka i uluhia e ka daimonio, ua makapō, ua paʻa hoʻi ka leo; a hoʻōla ihola kēlā iā ia, a ʻōlelo aʻela ka leo paʻa, a ʻike aʻela ka makapō.
23Kāhāhā ihola nā kānaka a pau, ʻī aʻela, “ʻO ka Mamo anei kēia a Dāvida?”
24A lohe aʻela ka poʻe Parisaio, ʻī aʻela lākou, “Ma o Belezebuba lā wale nō, ke aliʻi o nā daimonio, kāna mahiki ʻana aku i nā daimonio.”
25ʻIke aʻela ʻo Iesū i ko lākou manaʻo ʻana, ʻī akula iā lākou, “ʻO ke aupuni i mokuāhana iā ia iho, e pau ia, a ʻo ke kūlanakauhale a ʻo ka poʻe ʻohana i mokuāhana iā ia iho, ʻaʻole ia e mau.
26“Inā paha ʻo Sātana e mahiki aku iā Sātana, ua mokuāhana ʻo ia iā ia iho, a pehea lā hoʻi e mau ai kona aupuni?
27“Inā paha ʻo wau e mahiki aku i nā daimonio ma o Belezebuba lā, ma o wai lā hoʻi e mahiki aku ai nā keiki a ʻoukou iā lākou? No laila, e lilo lākou i poʻe hoʻoponopono iā ʻoukou.
28“Inā paha ʻo wau e mahiki aku i nā daimonio ma ka ʻUhane o ke Akua, inā ua kokoke mai ke aupuni o ke Akua i o ʻoukou nei.
29“Pehea lā e hiki ai i kekahi ke komo i loko o ka hale o ke kanaka ikaika, a hao i kona waiwai? Aia nakinaki ia ma mua i ke kanaka ikaika a paʻa, a laila e hao ia i nā mea o kona hale.
30“ʻO ka mea ʻaʻole me aʻu nei, ʻo koʻu ʻenemi nō ia; a ʻo ka mea hōʻiliʻili pū ʻole me aʻu, ua hoʻoleilei wale aku nō ia.
31“Ke ʻōlelo aku nei hoʻi au iā ʻoukou, ʻo nā hala a pau, a me nā ʻōlelo hōʻino e kala ʻia ana nō nā kānaka; akā, ʻo ka ʻōlelo hōʻino aku i ka ʻUhane Hemolele, ʻaʻole ia e kala ʻia nō nā kānaka.
32“ʻO ka mea ʻōlelo hōʻino mai i ke Keiki a ke Kanaka, e kala ʻia ana ʻo ia; akā, ʻo ka mea ʻōlelo hōʻino i ka ʻUhane Hemolele, ʻaʻole loa e kala ʻia ana ʻo ia i kēia ao, ʻaʻole hoʻi i kēlā ao aku.
33“Inā e hoʻomaikaʻi aku ʻoukou i ka lāʻau, e hoʻomaikaʻi pū nō hoʻi i ko nā hua; akā i ʻole, a laila e hōʻino aku i ka lāʻau me ka hōʻino pū i kona hua; no ka mea, ua ʻikea ka lāʻau ma kona hua.
34“E ka hanauna moʻo niho ʻawa! Pehea lā e hiki ai iā ʻoukou ka poʻe ʻino ke ʻōlelo i nā mea maikaʻi? No ka mea, no ka piha o ka naʻau e ʻōlelo ai ka waha.
35“ʻO ke kanaka maikaʻi, ua lawe mai ia i nā mea maikaʻi mai loko aʻe o ka waiwai maikaʻi o ka naʻau; a ʻo ke kanaka ʻino, ua lawe mai ia i nā mea ʻino mai loko aʻe o ka waiwai ʻino.
36“Ke ʻōlelo aku nei au iā ʻoukou, ‘ʻO nā hua ʻōlelo ʻino a pau a nā kānaka e ʻōlelo ai, e hoʻokolokolo ʻia ana lākou ia mea, i ka lā e hoʻokolokolo ai.’
37“No ka mea, ma kāu mau ʻōlelo e hoʻāpono ʻia ai ʻoe, a ma kāu mau ʻōlelo e hoʻāhewa ʻia ai ʻoe.”
38¶ A laila, ʻōlelo maila kekahi poʻe kākau ʻōlelo a me nā Parisaio, ʻī maila, “E ke Kumu, ke ake nei mākou e ʻike aku i hōʻailona nou.”
39ʻŌlelo akula ia, ʻī akula iā lākou, “Ke ʻimi nei ka hanauna hewa, moekolohe, i hōʻailona; ʻaʻole loa e hāʻawi ʻia ka hōʻailona iā lākou, ʻo ka hōʻailona a ke kāula a Iona wale nō.
40“E like me «Iona ʻekolu lā ʻekolu pō i loko o ka ʻōpū o ka iʻa nui», pēlā auaneʻi ke Keiki a ke Kanaka, ʻekolu lā ʻekolu pō i loko o ka ʻōpū o ka honua.
41“E kūʻē mai auaneʻi nā kānaka o Nineva i kēia hanauna i ka lā hoʻokolokolo, a e hoʻohewa mai iā lākou nei; no ka mea, mihi ihola lākou i ka ʻōlelo ʻana a Iona; eia hoʻi, ma ʻaneʻi kekahi i ʻoi aku ma mua o Iona.
42“I ka lā hoʻokolokolo e kūʻē mai auaneʻi ke aliʻi wahine o ke Kūkulu Hema i kēia hanauna, a e hoʻohewa mai iā lākou nei; no ka mea, i hele mai ia mai nā palena o ka honua e hoʻolohe i ka ʻōlelo naʻauao a Solomona; eia hoʻi, ma ʻaneʻi kekahi i ʻoi aku ma mua o Solomona.
43“A puka mai ka ʻuhane ʻino mai loko mai o kekahi kanaka, hele aku nō ia ma nā wahi panoa, e ʻimi ana i kahi e maha ai, a loaʻa ʻole.
44“A laila, ʻōlelo iho nō ia, ‘E hoʻi ana au i koʻu hale, kahi aʻu i puka mai ai.’ A hiki mai, ʻike ihola ia, ua kaʻawale ia, ua kāhili ʻia, a ua hoʻolakolako ʻia.
45“A laila, hele aku nō ia, a lawe pū mai me ia i nā ʻuhane ʻē aʻe i ʻehiku, ua ʻoi aku ko lākou ʻino i kona iho; komo lākou i loko, a noho i laila; a hewa loa aku ka hope o ua kanaka lā i kona noho ʻana ma mua. Pēlā auaneʻi nō hoʻi kēia hanauna hewa.”
46¶ Iā ia i ʻōlelo ai i nā kānaka, aia kū maila i waho kona makuahine, a me kona poʻe hoahānau, e ake e ʻōlelo pū me ia.
47ʻĪ akula kekahi iā ia, “Aiʻa, ke kū maila i waho kou makuahine a me ou mau hoahānau, e ake e ʻōlelo pū me ʻoe.”
48ʻŌlelo maila ia, ʻī maila i ka mea nāna i haʻi aku iā ia, “ʻO wai lā koʻu makuahine a me oʻu mau hoahānau?”
49ʻŌ maila ia i kona lima i nā haumāna āna, ʻī akula ia, “Aia hoʻi, koʻu makuahine a me oʻu mau hoahānau!
50“ʻO ka mea i hana i ka makemake o koʻu Makua i ka lani, ʻo ia koʻu kaikaina a me koʻu kaikuahine, a me koʻu makuahine.”
Currently Selected:
KA ʻEUANELIO I KĀKAU ʻIA AI E MATAIO 12: KBH
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.
KA ʻEUANELIO I KĀKAU ʻIA AI E MATAIO 12
12
MOKUNA XII.
1 No ka mālama ʻana i ka lā Sābati. 13 Hoʻōla ʻo ia i ka lima maloʻo ia lā. 22 Hoʻōla ʻia ka mea makapō leo paʻa. 31 No ka ʻōlelo hōʻino i ka ʻUhane Hemolele. 38 Ka poʻe ʻimi i hōʻailona. 46 Kona makuahine a me nā hoahānau.
1¶ Ia wā lā, hele akula ʻo Iesū i ka lā Sābati ma waena o nā mahina ʻai, pōloli ihola nā haumāna āna, a hoʻomaka akula lākou e lālau i nā huhui palaoa, a ʻai ihola.
2ʻIke akula ka poʻe Parisaio, ʻī akula lākou iā ia, “Aia ke hana nei kāu poʻe haumāna i ka mea kū ʻole i ke kānāwai ke hana i ka lā Sābati.”
3ʻĪ maila ʻo ia iā lākou, “ʻAʻole anei ʻoukou i heluhelu i ka mea a Dāvida i hana ai, a me ka poʻe me ia, i ka wā i pōloli ai lākou?
4“Iā ia i komo aku ai i loko o ka hale o ke Akua, a ʻai ihola i ka berena hōʻike, ka mea kū pono ʻole iā ia ke ʻai, ʻaʻole hoʻi i ka poʻe me ia, na ka poʻe kāhuna wale nō.
5“ʻAʻole anei ʻoukou i heluhelu ma ke kānāwai, ʻo ka poʻe kāhuna i loko o ka luakini i nā lā Sābati, ua hana lākou i ka lā Sābati, ʻaʻole hoʻi a lākou hala?
6“Ke ʻōlelo aku nei au iā ʻoukou, eia ma ʻaneʻi kekahi, ua ʻoi aku ia ma mua o ka luakini.
7“Inā paha i ʻike ʻoukou i ke ʻano o kēia, ‘ʻO ke aloha koʻu makemake, ʻaʻole ka mōhai»,’ inā ua hoʻohewa ʻole mai ʻoukou i ka poʻe hala ʻole.
8“No ka mea, ʻo ke Keiki a ke Kanaka, ʻo ia ka Haku no ka lā Sābati.”
9¶ Hele akula ia mai ia wahi aku, a komo akula i loko o ko lākou hale hālāwai.
10Aia i laila he kanaka, ua maloʻo kona lima; nīnau maila lākou iā ia, i mea e hoʻopiʻi aku ai lākou iā ia, ʻī maila, “He mea pono anei ke hoʻōla aku i ka lā Sābati?”
11ʻĪ akula ʻo ia iā lākou, “ʻO wai lā ke kanaka o ʻoukou hoʻokahi hipa kāna, a i hāʻule iho i ka lua i ka lā Sābati, ʻaʻole anei ia e lālau aku iā ia, a e huki mai i luna?
12“ʻAʻole anei e ʻoi aku ke kanaka ma mua o ka hipa? He mea pono nō ke hana maikaʻi i ka lā Sābati.”
13A laila, ʻōlelo akula ia i ua kanaka lā, “E ʻō mai kou lima;” ʻō maila ia, a ola aʻela ia e like me kēlā lima.
14Hele akula ka poʻe Parisaio i waho, kūkākūkā aʻela lākou i mea e make ai ʻo ia iā lākou.
15¶ A ʻike ihola ʻo Iesū ia mea, hele akula ia mai ia wahi aku; a he nui ka poʻe kānaka i hahai aku iā ia, hoʻōla ihola ʻo ia iā lākou a pau.
16Pāpā maila ʻo ia iā lākou, ʻaʻole lākou e haʻi hōʻike aku iā ia.
17I kō ai ka ʻōlelo a ke kāula a ʻIsaia, i ʻī mai ai:
18“«Aia hoʻi kuʻu kauā aʻu i koho ai,
Kuʻu mea aloha, iā ia ka ʻoliʻoli o kuʻu naʻau;
E kau aku ana au i kuʻu ʻUhane ma luna iho ona,
A e haʻi aku ia i ke kānāwai i nā lāhui kanaka.
19“ʻAʻole ia e hakakā, ʻaʻole hoʻi e walaʻau aku,
ʻAʻole hoʻi e lohea kona leo ma nā alanui.
20“ʻAʻole e haʻi iā ia ka ʻohe pēpē,
ʻAʻole hoʻi ia e kinai i ka ʻuiki e hoʻopīpī ana,
A kuʻi aku ia i ke kānāwai a lanakila.
21“A e paulele hoʻi nā lāhui kanaka ma kona inoa».”
22¶ A laila, hali ʻia mai i ona lā kekahi kanaka i uluhia e ka daimonio, ua makapō, ua paʻa hoʻi ka leo; a hoʻōla ihola kēlā iā ia, a ʻōlelo aʻela ka leo paʻa, a ʻike aʻela ka makapō.
23Kāhāhā ihola nā kānaka a pau, ʻī aʻela, “ʻO ka Mamo anei kēia a Dāvida?”
24A lohe aʻela ka poʻe Parisaio, ʻī aʻela lākou, “Ma o Belezebuba lā wale nō, ke aliʻi o nā daimonio, kāna mahiki ʻana aku i nā daimonio.”
25ʻIke aʻela ʻo Iesū i ko lākou manaʻo ʻana, ʻī akula iā lākou, “ʻO ke aupuni i mokuāhana iā ia iho, e pau ia, a ʻo ke kūlanakauhale a ʻo ka poʻe ʻohana i mokuāhana iā ia iho, ʻaʻole ia e mau.
26“Inā paha ʻo Sātana e mahiki aku iā Sātana, ua mokuāhana ʻo ia iā ia iho, a pehea lā hoʻi e mau ai kona aupuni?
27“Inā paha ʻo wau e mahiki aku i nā daimonio ma o Belezebuba lā, ma o wai lā hoʻi e mahiki aku ai nā keiki a ʻoukou iā lākou? No laila, e lilo lākou i poʻe hoʻoponopono iā ʻoukou.
28“Inā paha ʻo wau e mahiki aku i nā daimonio ma ka ʻUhane o ke Akua, inā ua kokoke mai ke aupuni o ke Akua i o ʻoukou nei.
29“Pehea lā e hiki ai i kekahi ke komo i loko o ka hale o ke kanaka ikaika, a hao i kona waiwai? Aia nakinaki ia ma mua i ke kanaka ikaika a paʻa, a laila e hao ia i nā mea o kona hale.
30“ʻO ka mea ʻaʻole me aʻu nei, ʻo koʻu ʻenemi nō ia; a ʻo ka mea hōʻiliʻili pū ʻole me aʻu, ua hoʻoleilei wale aku nō ia.
31“Ke ʻōlelo aku nei hoʻi au iā ʻoukou, ʻo nā hala a pau, a me nā ʻōlelo hōʻino e kala ʻia ana nō nā kānaka; akā, ʻo ka ʻōlelo hōʻino aku i ka ʻUhane Hemolele, ʻaʻole ia e kala ʻia nō nā kānaka.
32“ʻO ka mea ʻōlelo hōʻino mai i ke Keiki a ke Kanaka, e kala ʻia ana ʻo ia; akā, ʻo ka mea ʻōlelo hōʻino i ka ʻUhane Hemolele, ʻaʻole loa e kala ʻia ana ʻo ia i kēia ao, ʻaʻole hoʻi i kēlā ao aku.
33“Inā e hoʻomaikaʻi aku ʻoukou i ka lāʻau, e hoʻomaikaʻi pū nō hoʻi i ko nā hua; akā i ʻole, a laila e hōʻino aku i ka lāʻau me ka hōʻino pū i kona hua; no ka mea, ua ʻikea ka lāʻau ma kona hua.
34“E ka hanauna moʻo niho ʻawa! Pehea lā e hiki ai iā ʻoukou ka poʻe ʻino ke ʻōlelo i nā mea maikaʻi? No ka mea, no ka piha o ka naʻau e ʻōlelo ai ka waha.
35“ʻO ke kanaka maikaʻi, ua lawe mai ia i nā mea maikaʻi mai loko aʻe o ka waiwai maikaʻi o ka naʻau; a ʻo ke kanaka ʻino, ua lawe mai ia i nā mea ʻino mai loko aʻe o ka waiwai ʻino.
36“Ke ʻōlelo aku nei au iā ʻoukou, ‘ʻO nā hua ʻōlelo ʻino a pau a nā kānaka e ʻōlelo ai, e hoʻokolokolo ʻia ana lākou ia mea, i ka lā e hoʻokolokolo ai.’
37“No ka mea, ma kāu mau ʻōlelo e hoʻāpono ʻia ai ʻoe, a ma kāu mau ʻōlelo e hoʻāhewa ʻia ai ʻoe.”
38¶ A laila, ʻōlelo maila kekahi poʻe kākau ʻōlelo a me nā Parisaio, ʻī maila, “E ke Kumu, ke ake nei mākou e ʻike aku i hōʻailona nou.”
39ʻŌlelo akula ia, ʻī akula iā lākou, “Ke ʻimi nei ka hanauna hewa, moekolohe, i hōʻailona; ʻaʻole loa e hāʻawi ʻia ka hōʻailona iā lākou, ʻo ka hōʻailona a ke kāula a Iona wale nō.
40“E like me «Iona ʻekolu lā ʻekolu pō i loko o ka ʻōpū o ka iʻa nui», pēlā auaneʻi ke Keiki a ke Kanaka, ʻekolu lā ʻekolu pō i loko o ka ʻōpū o ka honua.
41“E kūʻē mai auaneʻi nā kānaka o Nineva i kēia hanauna i ka lā hoʻokolokolo, a e hoʻohewa mai iā lākou nei; no ka mea, mihi ihola lākou i ka ʻōlelo ʻana a Iona; eia hoʻi, ma ʻaneʻi kekahi i ʻoi aku ma mua o Iona.
42“I ka lā hoʻokolokolo e kūʻē mai auaneʻi ke aliʻi wahine o ke Kūkulu Hema i kēia hanauna, a e hoʻohewa mai iā lākou nei; no ka mea, i hele mai ia mai nā palena o ka honua e hoʻolohe i ka ʻōlelo naʻauao a Solomona; eia hoʻi, ma ʻaneʻi kekahi i ʻoi aku ma mua o Solomona.
43“A puka mai ka ʻuhane ʻino mai loko mai o kekahi kanaka, hele aku nō ia ma nā wahi panoa, e ʻimi ana i kahi e maha ai, a loaʻa ʻole.
44“A laila, ʻōlelo iho nō ia, ‘E hoʻi ana au i koʻu hale, kahi aʻu i puka mai ai.’ A hiki mai, ʻike ihola ia, ua kaʻawale ia, ua kāhili ʻia, a ua hoʻolakolako ʻia.
45“A laila, hele aku nō ia, a lawe pū mai me ia i nā ʻuhane ʻē aʻe i ʻehiku, ua ʻoi aku ko lākou ʻino i kona iho; komo lākou i loko, a noho i laila; a hewa loa aku ka hope o ua kanaka lā i kona noho ʻana ma mua. Pēlā auaneʻi nō hoʻi kēia hanauna hewa.”
46¶ Iā ia i ʻōlelo ai i nā kānaka, aia kū maila i waho kona makuahine, a me kona poʻe hoahānau, e ake e ʻōlelo pū me ia.
47ʻĪ akula kekahi iā ia, “Aiʻa, ke kū maila i waho kou makuahine a me ou mau hoahānau, e ake e ʻōlelo pū me ʻoe.”
48ʻŌlelo maila ia, ʻī maila i ka mea nāna i haʻi aku iā ia, “ʻO wai lā koʻu makuahine a me oʻu mau hoahānau?”
49ʻŌ maila ia i kona lima i nā haumāna āna, ʻī akula ia, “Aia hoʻi, koʻu makuahine a me oʻu mau hoahānau!
50“ʻO ka mea i hana i ka makemake o koʻu Makua i ka lani, ʻo ia koʻu kaikaina a me koʻu kaikuahine, a me koʻu makuahine.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.