ʻO KA ʻEPISETOLE A PAULO KA LUNAʻŌLELO I KO GALATIA 4
4
MOKUNA IV.
1 ʻO ka poʻe manaʻoʻiʻo, ua hoʻopakele ʻia aku lākou i ke Kānāwai, a ua lilo i poʻe keiki na ʻAberahama.
1¶ Ke ʻōlelo aku nei hoʻi au, ʻo ka hoʻoilina i kona wā ʻōpiopio, ʻaʻole he ʻano ʻē kona i ko ke kauā; akā, nona ka waiwai a pau;
2aia nō ia ma lalo o nā kumu a me nā kahu, a hiki i ka manawa i hōʻike ʻia mai ai e ka makua.
3Pēlā nō kākou i ko kākou wā kamaliʻi, ua hoʻoluhi ʻia e nā ʻoihana mua o ke ao nei.
4Akā, i ka hiki ʻana mai o ka manawa maopopo, hoʻouna maila ke Akua i kāna Keiki, a ka wahine i hānau ai, i hānau ma lalo o ke Kānāwai.
5E hoʻopakele aʻe i ka poʻe ma lalo o ke Kānāwai, i hoʻokama ʻia mai ai kākou he poʻe keiki.
6No ka mea, no ko ʻoukou keiki ʻana, ua hoʻouna maila ke Akua i ka ʻUhane o kāna Keiki i loko o ko ʻoukou mau naʻau, e kāhea ana, “E ʻAba, ka Makua!”
7No ia mea, ʻaʻole he kauā luhi ʻoe ma ia hope aku; akā, he keiki nō; inā he keiki, he hoʻoilina nō hoʻi na ke Akua ma o Kristo lā.
8¶ Akā, i ka manawa i ʻike ʻole ai ʻoukou i ke Akua, hoʻokauā akula ʻoukou na nā akua ʻoiaʻiʻo ʻole.
9ʻĀnō hoʻi, ua ʻike ʻoukou i ke Akua, he ʻoiaʻiʻo ua ʻike ʻia mai e ke Akua, pehea lā hoʻi ʻoukou i huli hou aku ai i nā ʻoihana mua palupalu ʻilihune, i nā mea a ʻoukou i makemake hou ai e hoʻokauā aku na lākou?
10Ke mālama nei ʻoukou i nā lā, a me nā mahina, i nā manawa a me nā makahiki.
11Ua hopohopo wau iā ʻoukou, o makehewa paha kuʻu hoʻoluhi ʻana no ʻoukou.
12¶ E nā hoahānau, ke nonoi aku nei au iā ʻoukou, i like ʻoukou me aʻu; no ka mea, ua like hoʻi au me ʻoukou; ʻaʻole nō ʻoukou i hana ʻino iki mai iaʻu.
13Ua ʻike nō ʻoukou me ka palupalu o ke kino i haʻi aku ai au i ka ʻeuanelio iā ʻoukou i kinohou.
14ʻAʻole nō ʻoukou i hoʻowahāwahā mai i ka ʻino o kuʻu kino, ʻaʻole hoʻi ʻoukou i hoʻopailua mai; akā, ua hoʻokipa mai nō ʻoukou iaʻu me he ʻānela lā no ke Akua, me Kristo Iesū hoʻi.
15He aha lā hoʻi ko ʻoukou pōmaikaʻi ʻana? No ka mea, ke hōʻike maka aku nei au no ʻoukou, inā he mea hiki ia, inā ua pōʻalo aʻe ʻoukou i ko ʻoukou mau maka a hāʻawi mai iaʻu.
16Ua lilo anei au i ʻenemi no ʻoukou, i kuʻu haʻi ʻana aku i ka ʻoiaʻiʻo iā ʻoukou?
17Ua hū mai ko lākou aloha iā ʻoukou, ʻaʻole naʻe ma ka pono; ke ake nei lākou e hoʻokaʻawale iā ʻoukou, i hū mai ko ʻoukou aloha iā lākou.
18Akā, he mea pono nō ke hū aʻe a mau mai ke aloha i ka mea maikaʻi, ʻaʻole i ka wā wale nō e noho ai au me ʻoukou.
19E kuʻu mau keiki liʻiliʻi, ka poʻe aʻu e haʻakōhi nei e hoʻohānau hou aku, a loaʻa mai ʻo Kristo i loko o ʻoukou,
20ke ake nei au e ʻike iā ʻoukou i nēia manawa, a e hoʻololi aʻe i kuʻu leo; no ka mea, ke haʻohaʻo nui nei au iā ʻoukou.
21¶ E haʻi mai ʻoukou iaʻu, e ka poʻe i makemake e noho ma lalo o ke kānāwai, ʻaʻole anei ʻoukou i lohe i ke kānāwai?
22No ka mea, ua palapala ʻia, ʻelua a ʻAberahama keiki kāne; hoʻokahi na ke kauā wahine, hoʻokahi hoʻi na ka haku wahine.
23ʻO ka mea na ke kauā wahine, ua hānau ia ma ko ke kino; akā, ʻo ka mea na ka haku wahine, ma ka ʻōlelo hoʻopōmaikaʻi mai ʻo ia.
24ʻO kēia mau mea, he hōʻailona ia; ʻo lāua nō nā kauoha ʻelua; ʻo kekahi naʻe no ke kuahiwi no Sinai mai, e hānau ana i nā keiki kauā, ʻo ia ʻo Hagara.
25No ka mea, ʻo ua Hagara lā ʻo ia ke kuahiwi ʻo Sinai i ʻArabia; ua like hoʻi ia me Ierusalema i nēia manawa, a e hoʻoluhi ana ʻo ia me kāna poʻe keiki.
26Akā, ʻo ka Ierusalema ma luna ka haku wahine, ʻo ia ka makuahine o kākou a pau.
27No ka mea, ua palapala ʻia,
“«E ʻoliʻoli ʻoe, e ka mea pā, i hānau ʻole i keiki;
E pohā aku me ka hea nui, e ka mea i hānau keiki ʻole;
No ka mea, he nui nā keiki a ka mea i haʻalele ʻia,
He hapa kā ka mea kāne».”
28E nā hoahānau, he poʻe keiki nō hoʻi kākou ma ka ʻōlelo hoʻopōmaikaʻi mai e like me ʻIsaʻaka.
29E like ma mua, hoʻomaʻau akula ka mea i hānau ma ke kino i ka mea i hānau ma ka ʻUhane, pēlā nō hoʻi i nēia manawa.
30Akā, he aha kā ka Palapala Hemolele i ʻī mai ai?
“«E hoʻokuke aku ʻoe i ua kauā wahine lā a me kāna keiki;
No ka mea, ʻaʻole e hoʻoili pū ʻia aku ka waiwai i ke keiki a ke kauā wahine me ke keiki a ka haku wahine».”
31No laila, e nā hoahānau, ʻaʻole he poʻe keiki kākou na ke kauā wahine, na ka haku wahine nō.
Currently Selected:
ʻO KA ʻEPISETOLE A PAULO KA LUNAʻŌLELO I KO GALATIA 4: KBH
Highlight
Copy
Compare
Share
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.
ʻO KA ʻEPISETOLE A PAULO KA LUNAʻŌLELO I KO GALATIA 4
4
MOKUNA IV.
1 ʻO ka poʻe manaʻoʻiʻo, ua hoʻopakele ʻia aku lākou i ke Kānāwai, a ua lilo i poʻe keiki na ʻAberahama.
1¶ Ke ʻōlelo aku nei hoʻi au, ʻo ka hoʻoilina i kona wā ʻōpiopio, ʻaʻole he ʻano ʻē kona i ko ke kauā; akā, nona ka waiwai a pau;
2aia nō ia ma lalo o nā kumu a me nā kahu, a hiki i ka manawa i hōʻike ʻia mai ai e ka makua.
3Pēlā nō kākou i ko kākou wā kamaliʻi, ua hoʻoluhi ʻia e nā ʻoihana mua o ke ao nei.
4Akā, i ka hiki ʻana mai o ka manawa maopopo, hoʻouna maila ke Akua i kāna Keiki, a ka wahine i hānau ai, i hānau ma lalo o ke Kānāwai.
5E hoʻopakele aʻe i ka poʻe ma lalo o ke Kānāwai, i hoʻokama ʻia mai ai kākou he poʻe keiki.
6No ka mea, no ko ʻoukou keiki ʻana, ua hoʻouna maila ke Akua i ka ʻUhane o kāna Keiki i loko o ko ʻoukou mau naʻau, e kāhea ana, “E ʻAba, ka Makua!”
7No ia mea, ʻaʻole he kauā luhi ʻoe ma ia hope aku; akā, he keiki nō; inā he keiki, he hoʻoilina nō hoʻi na ke Akua ma o Kristo lā.
8¶ Akā, i ka manawa i ʻike ʻole ai ʻoukou i ke Akua, hoʻokauā akula ʻoukou na nā akua ʻoiaʻiʻo ʻole.
9ʻĀnō hoʻi, ua ʻike ʻoukou i ke Akua, he ʻoiaʻiʻo ua ʻike ʻia mai e ke Akua, pehea lā hoʻi ʻoukou i huli hou aku ai i nā ʻoihana mua palupalu ʻilihune, i nā mea a ʻoukou i makemake hou ai e hoʻokauā aku na lākou?
10Ke mālama nei ʻoukou i nā lā, a me nā mahina, i nā manawa a me nā makahiki.
11Ua hopohopo wau iā ʻoukou, o makehewa paha kuʻu hoʻoluhi ʻana no ʻoukou.
12¶ E nā hoahānau, ke nonoi aku nei au iā ʻoukou, i like ʻoukou me aʻu; no ka mea, ua like hoʻi au me ʻoukou; ʻaʻole nō ʻoukou i hana ʻino iki mai iaʻu.
13Ua ʻike nō ʻoukou me ka palupalu o ke kino i haʻi aku ai au i ka ʻeuanelio iā ʻoukou i kinohou.
14ʻAʻole nō ʻoukou i hoʻowahāwahā mai i ka ʻino o kuʻu kino, ʻaʻole hoʻi ʻoukou i hoʻopailua mai; akā, ua hoʻokipa mai nō ʻoukou iaʻu me he ʻānela lā no ke Akua, me Kristo Iesū hoʻi.
15He aha lā hoʻi ko ʻoukou pōmaikaʻi ʻana? No ka mea, ke hōʻike maka aku nei au no ʻoukou, inā he mea hiki ia, inā ua pōʻalo aʻe ʻoukou i ko ʻoukou mau maka a hāʻawi mai iaʻu.
16Ua lilo anei au i ʻenemi no ʻoukou, i kuʻu haʻi ʻana aku i ka ʻoiaʻiʻo iā ʻoukou?
17Ua hū mai ko lākou aloha iā ʻoukou, ʻaʻole naʻe ma ka pono; ke ake nei lākou e hoʻokaʻawale iā ʻoukou, i hū mai ko ʻoukou aloha iā lākou.
18Akā, he mea pono nō ke hū aʻe a mau mai ke aloha i ka mea maikaʻi, ʻaʻole i ka wā wale nō e noho ai au me ʻoukou.
19E kuʻu mau keiki liʻiliʻi, ka poʻe aʻu e haʻakōhi nei e hoʻohānau hou aku, a loaʻa mai ʻo Kristo i loko o ʻoukou,
20ke ake nei au e ʻike iā ʻoukou i nēia manawa, a e hoʻololi aʻe i kuʻu leo; no ka mea, ke haʻohaʻo nui nei au iā ʻoukou.
21¶ E haʻi mai ʻoukou iaʻu, e ka poʻe i makemake e noho ma lalo o ke kānāwai, ʻaʻole anei ʻoukou i lohe i ke kānāwai?
22No ka mea, ua palapala ʻia, ʻelua a ʻAberahama keiki kāne; hoʻokahi na ke kauā wahine, hoʻokahi hoʻi na ka haku wahine.
23ʻO ka mea na ke kauā wahine, ua hānau ia ma ko ke kino; akā, ʻo ka mea na ka haku wahine, ma ka ʻōlelo hoʻopōmaikaʻi mai ʻo ia.
24ʻO kēia mau mea, he hōʻailona ia; ʻo lāua nō nā kauoha ʻelua; ʻo kekahi naʻe no ke kuahiwi no Sinai mai, e hānau ana i nā keiki kauā, ʻo ia ʻo Hagara.
25No ka mea, ʻo ua Hagara lā ʻo ia ke kuahiwi ʻo Sinai i ʻArabia; ua like hoʻi ia me Ierusalema i nēia manawa, a e hoʻoluhi ana ʻo ia me kāna poʻe keiki.
26Akā, ʻo ka Ierusalema ma luna ka haku wahine, ʻo ia ka makuahine o kākou a pau.
27No ka mea, ua palapala ʻia,
“«E ʻoliʻoli ʻoe, e ka mea pā, i hānau ʻole i keiki;
E pohā aku me ka hea nui, e ka mea i hānau keiki ʻole;
No ka mea, he nui nā keiki a ka mea i haʻalele ʻia,
He hapa kā ka mea kāne».”
28E nā hoahānau, he poʻe keiki nō hoʻi kākou ma ka ʻōlelo hoʻopōmaikaʻi mai e like me ʻIsaʻaka.
29E like ma mua, hoʻomaʻau akula ka mea i hānau ma ke kino i ka mea i hānau ma ka ʻUhane, pēlā nō hoʻi i nēia manawa.
30Akā, he aha kā ka Palapala Hemolele i ʻī mai ai?
“«E hoʻokuke aku ʻoe i ua kauā wahine lā a me kāna keiki;
No ka mea, ʻaʻole e hoʻoili pū ʻia aku ka waiwai i ke keiki a ke kauā wahine me ke keiki a ka haku wahine».”
31No laila, e nā hoahānau, ʻaʻole he poʻe keiki kākou na ke kauā wahine, na ka haku wahine nō.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.