ʻO KA ʻEPISETOLE A PAULO KA LUNAʻŌLELO I KO ʻEPESO 4
4
MOKUNA IV.
1 No ka pono o ka lōkahi a me ke kuʻikahi. No nā haʻawina.
1¶ No ia mea, ʻo wau ka paʻahao no ka Haku, ke nonoi aku nei iā ʻoukou, e hele ʻoukou ma ka mea e kū i ke koho ʻana a ʻoukou i koho ʻia mai ai.
2Me ka haʻahaʻa nui o ka naʻau, a me ke akahai, a me ka hoʻomanawanui hoʻi, a e ahonui aku kekahi i kekahi me ke aloha.
3E hoʻoikaika ʻoukou e hoʻomau i ka lōkahi ʻana o ka manaʻo, ma ke ʻapo o ke kuʻikahi.
4Hoʻokahi nō kino, hoʻokahi hoʻi ʻUhane, e like me kā ʻoukou i koho ʻia mai ai i ka manaʻolana hoʻokahi o ko ʻoukou koho ʻia ʻana;
5hoʻokahi nō Haku, hoʻokahi manaʻoʻiʻo, hoʻokahi bapetizo ʻana;
6hoʻokahi hoʻi Akua, ka Makua o nā mea a pau, ʻo ia ma luna o nā mea a pau, ma nā mea a pau a i loko hoʻi o kākou a pau.
7Ua hāʻawi ʻia mai hoʻi ka lokomaikaʻi iā kākou a pau, e like me ke ana a Kristo i hāʻawi mai ai.
8No laila, i ʻōlelo mai ai ʻo ia,
“«I kona piʻi ʻana i luna,
Ua kaʻi pio ia i ka poʻe i pio,
A hāʻawi maila hoʻi i nā haʻawina i kānaka».”
9(A ʻo kēia, “Ua piʻi akula ia i luna,” he aha anei ia mea, i ʻole kēlā i iho aʻe ma mua i nā wahi ma lalo aʻe o ka honua?
10ʻO ka mea i iho aʻe i lalo, ʻo ia nō ka mea i piʻi aku ma luna aʻe o ka lani kiʻekiʻe loa, i hoʻopiha ai ʻo ia i nā mea a pau.)
11Ua hoʻolilo ihola ʻo ia i kekahi poʻe i lunaʻōlelo; a i kekahi poʻe i kāula; a i kekahi poʻe i kāhuna haʻiʻōlelo; a i kekahi poʻe i kahu ʻekalesia a me nā kumu;
12i mea e hoʻoponopono ai i nā haipule no ka ʻoihana kahuna, a no ke kūkulu paʻa ʻana i ke kino o Kristo;
13a hiki aku kākou a pau i ka lōkahi ʻana o ka manaʻoʻiʻo, a me ka ʻike aku i ke Keiki a ke Akua, a lilo i kanaka makua, i poʻe naʻauao loa ma nā mea o Kristo.
14I kamaliʻi ʻole ai kākou ma ia hope aku i ka ʻaleʻale ʻia a me ka lauwili ʻia e nā makani a pau o ka ʻōlelo, ma ka ʻāpiki a kānaka, a me ka maʻalea a lākou e ʻimi ai i ka hoʻopunipuni;
15akā, e ʻōlelo ʻoiaʻiʻo aku ana me ke aloha, i nui aʻe kākou i nā mea a pau i loko ona, ʻo ia ʻo Kristo ʻo ke poʻo.
16Ua kāpili pono ʻia ke kino a pau e ia a paʻa i ke kōkua ʻia mai e nā ʻami a pau, ua hoʻonui aʻela ʻo ia i ke kino e like me ke ʻano o ka ikaika o kēlā lālā o kēia lālā, no ke kūkulu paʻa ʻana iā ia iho ma ke aloha.
17¶ ʻO kēia hoʻi kaʻu e ʻōlelo aku nei, a hōʻike aku hoʻi ma ka Haku, mai haele hou ʻoukou e like me nā lāhui kanaka ʻē ma ka lapuwale o ko lākou naʻau;
18ua pōʻeleʻele ko lākou manaʻo ʻana, ua mamao loa mai ke ola aku o ke Akua, no ka naʻaupō i loko o lākou, a me ka paʻakikī o ko lākou naʻau;
19a no ko lākou makaʻu ʻole, ua hoʻolilo iā lākou iho i ka makaleho, e hana aku ai i ka haumia a pau me ka makemake.
20Akā, ʻaʻole pēlā kā ʻoukou i aʻo aku ai i kā Kristo;
21inā paha i lohe ʻoukou i kāna, i aʻo ʻia hoʻi ʻoukou e ia, e like me ka ʻoiaʻiʻo i loko o Iesū;
22a no ka noho ʻana ma mua, e haʻalele aku ʻoukou i ke kanaka kahiko i haumia i nā kuko hewa hoʻopunipuni;
23e hōʻano hou ʻia hoʻi ʻoukou ma ka manaʻo ʻana o ko ʻoukou naʻau;
24e hōʻaʻahu iho hoʻi ʻoukou i ke kanaka hou, i hana ʻia ma muli o ke Akua ma ka pono a me ka hemolele ʻiʻo.
25¶ No laila, e haʻalele ʻoukou i ka wahaheʻe, «e ʻōlelo ʻoiaʻiʻo aku hoʻi kēlā mea kēia mea a pau i kona hoalauna»; no ka mea, he mau lālā kākou ʻo kekahi me kekahi.
26«A i huhū ʻoukou, e ao o hewa auaneʻi»; mai hoʻomau i ko ʻoukou inaina a napoʻo ka lā.
27ʻAʻole hoʻi e hāʻawi aku ʻoukou i kauwahi no ka diabolō.
28ʻO ka mea i ʻaihue, mai ʻaihue hou aku ia; akā hoʻi, e hana ia, e hoʻoikaika ana me nā lima i ka mea maikaʻi, i loaʻa ai iā ia ka mea e hāʻawi aku na ka mea nele.
29Mai hoʻopuka aʻe ʻoukou i ka ʻōlelo ʻino mai loko mai o ko ʻoukou waha; akā, ʻo ka ʻōlelo maikaʻi no ke kūpaʻa ʻana, i hōʻoluʻolu aku ai ia i ka poʻe lohe.
30Mai hoʻoʻeha hoʻi i ka ʻUhane Hemolele o ke Akua, nāna ʻoukou i hōʻailona mai no ka lā e hoʻōla ʻia mai ai.
31E hoʻokaʻawale ʻia nā mea ʻawaʻawa a pau mai o ʻoukou aku, a me ka inaina, ka huhū, ka ʻuā, ka ʻōlelo ʻino, a me ka manaʻo ʻino a pau.
32E lokomaikaʻi ʻoukou i kekahi i kekahi, e aloha aku me ka naʻau, e kala ana hoʻi kekahi i kekahi, e like me kā ke Akua i kala mai ai i ko ʻoukou ma o Kristo lā.
Currently Selected:
ʻO KA ʻEPISETOLE A PAULO KA LUNAʻŌLELO I KO ʻEPESO 4: KBH
Highlight
Copy
Compare
Share
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.
ʻO KA ʻEPISETOLE A PAULO KA LUNAʻŌLELO I KO ʻEPESO 4
4
MOKUNA IV.
1 No ka pono o ka lōkahi a me ke kuʻikahi. No nā haʻawina.
1¶ No ia mea, ʻo wau ka paʻahao no ka Haku, ke nonoi aku nei iā ʻoukou, e hele ʻoukou ma ka mea e kū i ke koho ʻana a ʻoukou i koho ʻia mai ai.
2Me ka haʻahaʻa nui o ka naʻau, a me ke akahai, a me ka hoʻomanawanui hoʻi, a e ahonui aku kekahi i kekahi me ke aloha.
3E hoʻoikaika ʻoukou e hoʻomau i ka lōkahi ʻana o ka manaʻo, ma ke ʻapo o ke kuʻikahi.
4Hoʻokahi nō kino, hoʻokahi hoʻi ʻUhane, e like me kā ʻoukou i koho ʻia mai ai i ka manaʻolana hoʻokahi o ko ʻoukou koho ʻia ʻana;
5hoʻokahi nō Haku, hoʻokahi manaʻoʻiʻo, hoʻokahi bapetizo ʻana;
6hoʻokahi hoʻi Akua, ka Makua o nā mea a pau, ʻo ia ma luna o nā mea a pau, ma nā mea a pau a i loko hoʻi o kākou a pau.
7Ua hāʻawi ʻia mai hoʻi ka lokomaikaʻi iā kākou a pau, e like me ke ana a Kristo i hāʻawi mai ai.
8No laila, i ʻōlelo mai ai ʻo ia,
“«I kona piʻi ʻana i luna,
Ua kaʻi pio ia i ka poʻe i pio,
A hāʻawi maila hoʻi i nā haʻawina i kānaka».”
9(A ʻo kēia, “Ua piʻi akula ia i luna,” he aha anei ia mea, i ʻole kēlā i iho aʻe ma mua i nā wahi ma lalo aʻe o ka honua?
10ʻO ka mea i iho aʻe i lalo, ʻo ia nō ka mea i piʻi aku ma luna aʻe o ka lani kiʻekiʻe loa, i hoʻopiha ai ʻo ia i nā mea a pau.)
11Ua hoʻolilo ihola ʻo ia i kekahi poʻe i lunaʻōlelo; a i kekahi poʻe i kāula; a i kekahi poʻe i kāhuna haʻiʻōlelo; a i kekahi poʻe i kahu ʻekalesia a me nā kumu;
12i mea e hoʻoponopono ai i nā haipule no ka ʻoihana kahuna, a no ke kūkulu paʻa ʻana i ke kino o Kristo;
13a hiki aku kākou a pau i ka lōkahi ʻana o ka manaʻoʻiʻo, a me ka ʻike aku i ke Keiki a ke Akua, a lilo i kanaka makua, i poʻe naʻauao loa ma nā mea o Kristo.
14I kamaliʻi ʻole ai kākou ma ia hope aku i ka ʻaleʻale ʻia a me ka lauwili ʻia e nā makani a pau o ka ʻōlelo, ma ka ʻāpiki a kānaka, a me ka maʻalea a lākou e ʻimi ai i ka hoʻopunipuni;
15akā, e ʻōlelo ʻoiaʻiʻo aku ana me ke aloha, i nui aʻe kākou i nā mea a pau i loko ona, ʻo ia ʻo Kristo ʻo ke poʻo.
16Ua kāpili pono ʻia ke kino a pau e ia a paʻa i ke kōkua ʻia mai e nā ʻami a pau, ua hoʻonui aʻela ʻo ia i ke kino e like me ke ʻano o ka ikaika o kēlā lālā o kēia lālā, no ke kūkulu paʻa ʻana iā ia iho ma ke aloha.
17¶ ʻO kēia hoʻi kaʻu e ʻōlelo aku nei, a hōʻike aku hoʻi ma ka Haku, mai haele hou ʻoukou e like me nā lāhui kanaka ʻē ma ka lapuwale o ko lākou naʻau;
18ua pōʻeleʻele ko lākou manaʻo ʻana, ua mamao loa mai ke ola aku o ke Akua, no ka naʻaupō i loko o lākou, a me ka paʻakikī o ko lākou naʻau;
19a no ko lākou makaʻu ʻole, ua hoʻolilo iā lākou iho i ka makaleho, e hana aku ai i ka haumia a pau me ka makemake.
20Akā, ʻaʻole pēlā kā ʻoukou i aʻo aku ai i kā Kristo;
21inā paha i lohe ʻoukou i kāna, i aʻo ʻia hoʻi ʻoukou e ia, e like me ka ʻoiaʻiʻo i loko o Iesū;
22a no ka noho ʻana ma mua, e haʻalele aku ʻoukou i ke kanaka kahiko i haumia i nā kuko hewa hoʻopunipuni;
23e hōʻano hou ʻia hoʻi ʻoukou ma ka manaʻo ʻana o ko ʻoukou naʻau;
24e hōʻaʻahu iho hoʻi ʻoukou i ke kanaka hou, i hana ʻia ma muli o ke Akua ma ka pono a me ka hemolele ʻiʻo.
25¶ No laila, e haʻalele ʻoukou i ka wahaheʻe, «e ʻōlelo ʻoiaʻiʻo aku hoʻi kēlā mea kēia mea a pau i kona hoalauna»; no ka mea, he mau lālā kākou ʻo kekahi me kekahi.
26«A i huhū ʻoukou, e ao o hewa auaneʻi»; mai hoʻomau i ko ʻoukou inaina a napoʻo ka lā.
27ʻAʻole hoʻi e hāʻawi aku ʻoukou i kauwahi no ka diabolō.
28ʻO ka mea i ʻaihue, mai ʻaihue hou aku ia; akā hoʻi, e hana ia, e hoʻoikaika ana me nā lima i ka mea maikaʻi, i loaʻa ai iā ia ka mea e hāʻawi aku na ka mea nele.
29Mai hoʻopuka aʻe ʻoukou i ka ʻōlelo ʻino mai loko mai o ko ʻoukou waha; akā, ʻo ka ʻōlelo maikaʻi no ke kūpaʻa ʻana, i hōʻoluʻolu aku ai ia i ka poʻe lohe.
30Mai hoʻoʻeha hoʻi i ka ʻUhane Hemolele o ke Akua, nāna ʻoukou i hōʻailona mai no ka lā e hoʻōla ʻia mai ai.
31E hoʻokaʻawale ʻia nā mea ʻawaʻawa a pau mai o ʻoukou aku, a me ka inaina, ka huhū, ka ʻuā, ka ʻōlelo ʻino, a me ka manaʻo ʻino a pau.
32E lokomaikaʻi ʻoukou i kekahi i kekahi, e aloha aku me ka naʻau, e kala ana hoʻi kekahi i kekahi, e like me kā ke Akua i kala mai ai i ko ʻoukou ma o Kristo lā.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.