पिलिपितोर 2
2
उड्ला बुदते ताकाटु
1-2मीट इंजेके किर्स्तुना संगे जोळेम आताह्कु, मीक दीरा वास्ता. देवुळि मीक जीवा कीसि, मीवा जीवातुह्क सितुर ईयलाह आता. ओसो मीक तना जीवा ईसि, मियगा जागा आता.#योहन 14:17; 17:22-23; रोम सहरतोर 8:9-11; 2 कुरिंततोर 13:14; याकुब 4:5 अह कीसि मीकु तना दया कीयनद, जीवा वाटनद बुदि ईता. इव सबे पोल्लोङ निटम आताह्कु, मीवाङ विचर्क अमेसा ओर्विह्क-ओर्वोना संगे कलियिस मनिङ. देवुळि मीक जीवा कीतपु, मीट वने ओर्विह्क-ओर्वोग़ जीवा कीम्ह्टु. मीट सबेटोरिर उंदिय एकाते मन्जि, देवुळता अग़दे ऐंगेन ताकाटु.#रोम सहरतोर 12:16; पिलिपितोर 4:2; कुलुसितोर 3:12 अह ताकतिर इतेके, नावा गिर्दा पूरा आयग़ा. 3मियग्डाहि बोग़े तना कुदता कदर पर्ह्कमाकेग़,#रोम सहरतोर 2:8; पिलिपितोर 1:15-17 अहे उगसताङ पोमाडेङ केमाकेग़. मति कुदि उड्ला बुदतोग़ आसि, दुस्रोरिन आपुह्काय वीळिसि, कदरतोरा लेह्काने ऊळना.#रोम सहरतोर 12:10; गलातितोर 5:26; इपिसुसतोर 5:21; कुलुसितोर 3:12; 1 पत्रु 3:8 4सिरप आपुनाय पाय्दातेनाह्क बोग़े बाताले केमाकेग़, मति दुस्रोरा पाय्दातेनाह्क वने ऊळेग़.#रोम सहरतोर 15:1-2; गलातितोर 6:3 5बेद्रम येसु किर्स्तुना बुद मता, अद्रमे मीवा वने बुद मनि.#मत्याल 11:29; रोम सहरतोर 15:3
6ओग़ पूरा देवुळिय मतोग़.#योहन 1:1; 2 कुरिंततोर 4:4
अद्रम मन्ज तेला, देवुळता बराबरतोनन इनजोर#योहन 5:18; 10:33
अद अदिकरतुन पोस मनोग़.
7मति ओग़ अद अदिकरतुन पूरा विळ्सतोग़,
विळ्सिसि ओर्युलतोना लेह्का आतोग़.#मत्याल 20:28; मार्कल 10:45
आसि मन्कल मारियिस, इद बूमतगा वातोग़.#योहन 1:14; रोम सहरतोर 8:3
8मन्कल आसि, ओग़ इचोन उड्ला बुदतोग़ आतोग़ इतेके,#मत्याल 11:29
देवुळबाबाना पोल्लोतुन केंजिसि, तना जीवा वने ईतोग़.#मत्याल 26:39; मार्कल 14:36; लूकाल 22:42; योहन 10:18; रोम सहरतोर 5:19; इब्रितोर 5:8
हव्कनागुटाता हामुर ओसोय लजाता मन्ज तेला#2:8 हव्कनागुटातगा वेळ्हतोग़ मन्कन लोकुर उस्किंदुर-पास्किंदुर. ओसो सबेटोर ऊळनाह, ओन कूळल कीसि वेळ्हंदुर., अदिन वने ओग़ तना पोग़ोन एतोग़.#2 कुरिंततोर 8:9; 13:4; इब्रितोर 12:2,4
9अदिनेनाह्क देवुळि ओन सबेटोरिह्क बेरोग़ कीता,
ओसो सबे पेदिर्किह्काय, ओनाय पेदिरतुन बेरा कीता.#मत्याल 28:18; बळयिर 2:33; इब्रितोर 1:9; 2:9
10देवुळदीपते मनवालोर, हानादीपते मनवालोर,
इद बूमते मनवालोर#इपिसुसतोर 1:10; तोहचीतव पोल्लोङ 5:3,13सबेटोर, येसुन दंडुम अरयिर.
11 अहे सबेटोराङ वेंजेह्कु, “येसु किर्स्तुये कतमतोरा सामि” इनजोर कबुल आसि,#योहन 13:13-16; रोम सहरतोर 10:9; 14:9
देवुळबाबाह्क मान ईयिर इनजोर,#यशायाह 45:23; रोम सहरतोर 14:11 देवुळि येसुन इद्रम कीता.#इपिसुसतोर 1:21
इद बूमतगा वेह्चता लेह्का मीट दींचाट
12अदिनेनाह्क गोततोरिर, मीक वेहतलाह आतन: नना मियगा मतन अस्के, बेद्रम मीट नना काग़्हतव पोल्लोन केंजिस ताकतिर, अद्रमलेह्का इंजेक वने नना मियग्डाहि जेक मनदह्पा, इंका पका जिदते मीट अव पोल्लोन केंजिसि ताकाटु. बेद पिसमुळता अग़दे देवुळि मीक ताकिह कीयलाह आता, अदे अग़दे मीट तान रेयिसि, उड्ला बुदते ताकसोर मन्ह्टु. 13बाराह्क इतेके देवुळिये इद्रम ताकलाह, मियगा विचर्क पुटिह कीस्ता, ओसो तान्क विचर वायनव कबस्क कीयलाह, तोळ वने ईस्ता.#रोम सहरतोर 12:3; 1 कुरिंततोर 12:6; 15:10; इब्रितोर 13:20-21
14बाताल कीतेक तेला मुयोग़ आयवा, गिटोगटो आयवा कीसोर मन्ह्टु.#1 कुरिंततोर 10:10; 1 पत्रु 4:9 15अस्के मीट कसुरलेवोरिर, लाग्वदिन पुनवोरिर, देवुळताङ पेकोरिर दिसकिर.#मत्याल 5:45; इपिसुसतोर 5:1 तेल्वेरा ओसो करब बुदतोर मन्कलोरा नडुम मन्जि,#व्यवस्थाविवरण 32:5; बळयिर 2:40 पोग़ोटाङ उकाना लेह्का, ईकळते मांजवालोरिर दिसकिर.#मत्याल 5:14-16; 2 पत्रु 3:14 16मीट देवुळता पिसमुळ ईयनद पोल्लोतुन पोस विळ्समाटु. अद्रम मीट मतेके, नना मियगा पूरा दोगनाह, कह्टेम कीतद उगसिन अनो इनजोर,#यशायाह 49:4; गलातितोर 2:2; 4:11; 1 तिसलुनितोर 3:5 किर्स्तु वायनद दिया वेहता पग़यकन. वेर मावोर बेसतोर विस्वसिर इनजोर, मीवा लोप्पा इनदा पग़यकन.#1:26 17बूमयालोर देवुळतुह्क जन्वरता पूरा मोक ईतप लेह्का, मीट अगा पिलिपि सहरते, मीवा विस्वसतेनाह्कु, तिपल आसोरेन मह्निर, अद्रम मीट देवुळतुन माळिह्निर. (नाक इगा रोम सहरतेहव्कतेक वने,) नावा नेतुर मीवा मोकतगा वळ्पतप आयग़ा.#गिनती 28:6-7; रोम सहरतोर 15:16; 2 कुरिंततोर 12:15; 2 तिमोति 4:6 अदिह्क नना बेस गिर्दा आयकन.#1 योहन 3:16 इंगो! मीवा संगे बेस गिर्दा आयकन.#2 कुरिंततोर 6:10; 12:15 18अद्रम मीट वने बेस गिर्दा आम्ह्टु. नावा संगे बेस गिर्दा आम्ह्टु.#3:1
तिमोति ओसो इपप्रुदितुस, वेरा पोल्लो
19येसुसामिना विचर मतेके, नना नावा तोळतोग़ तिमोतिन#1:1 मियगा चट्पिटे लोहतकन इनजोर, आसा कीयलाह आतन. ओग़ मल्स नयेके वायनोग़ अस्के, मियग्डा कबुरतुन केंजिसि, निटमे नावा जीवातुह्क सितुर आयग़ा. 20नावा लेह्कान मीक निटम आलिह केवाल,#1 कुरिंततोर 16:10; 2 तिमोति 3:10 ओन विळ्सिसि इगा बोग़े इलेग़. मीट बेस मह्निरो, इलविरो इनजोर, ओग़ इगा अमेसा आलिह कीसोर मन्ह्तोग़. 21दुस्रोर आपुनाङ-आपुनाङ विचर्कने ताकिह्तोर, किर्स्तुना विचर बाताल मन्ह्ता, तान बोरे सीता केवोर.#1 कुरिंततोर 10:24,33; 13:5; 2 तिमोति 3:2 22मति तिमोति अद्रमतोग़ आयोग़. ओग़ सेतेम बुदतोग़ आंदोग़, इदिन मीट इतेके पुतिरे.#बळयिर 16:2 मग़ि तपेना सेवा कीतप लेह्का,#1 कुरिंततोर 4:17 किर्स्तुना बेसता कबुरतुन पोकुर कीयलाह, नावा संगे कबळ कीतोग़.#बळयिर 16:3; 1 कुरिंततोर 16:10; 2 तिमोति 3:10 23जेलताहि नाक विळ्सनुरा, विळ्सोरा, इद पोल्लो एर्का आतस्के, ओन नना मियगा लोहचीकन इनजोर, विचर कीयलाह आतन. 24मति नाक मियगा वायलाह चट्पिटे अग़ दोर्कग़ा इनजोर, सामिना पोग़ोन नना आसा तासतन.#1:25; पिलेमोन 22
25 (तिमोति मियेके पया वायनोग़ निटमे, मति) इंजेके मावा तोळतोग़ विस्वसि मियग्डोग़ इपप्रुदितुन#4:18 मियगा मल्हच लोहतलाह, विचर कीयलाह आतन. ओग़ बेसता कबुर वेहतलाह नावा संगे तोळ आंदोग़, ओसो अद कबुरतेनाह्क नावा संगे लळेम आयवाल वने आंदोग़. नावा साय्ता कीयलाह, मीट ओन लोहच मतिर. 26मति ओग़ मीक ऊळलाह पका आलिह कींदोग़. ओग़ बेमरते मतदिन मीट केंजतिर, केंजिसि मीट पका आलिह कीय्ह्निर इनजोर ओन्क एर्का आतस्के, ओना जीवा चुहेम आयो. 27ओग़ निटम इचोन बेमरते मतोग़ इतेके, पूरा डोलनाह आस मतोग़. मति देवुळि ओना पोग़ोन दया कीताह्कु सव्रेम आतोग़. ओग़ सव्रेम बार आयवा मतेके, जेलते मनदनद नावा दुकमता पोग़ोन, इद ओसो दुकम अर्स मनालि. मति अद्रम आयवा, देवुळि नावा पोग़ोन वने दया कीता. 28अदिह्क ओन मियगा चट्पिट लोहतलाह, विचर कीयलाह आतन. ओन ऊळकिर अस्के, मीक बेस गिर्दा आयग़ा; ओसो नावा जीवातुह्क वने सितुर आयग़ा. 29-30बेद सेवातुन जेकताहि मीट नयेनाह्क कीया पग़विर, अद सेवातुन ओग़ इगा वासि नयेनाह्क कीसीतोग़.#1 कुरिंततोर 16:17; पिलिपितोर 4:10 अद सेवा कीनेके, ओना जीवा दोकाते अर्स मता, किर्स्तुना कबळतेनाह्क डोलसोर मतोग़. अदिनेनाह्क ओग़ मियगा वायनोग़ अस्के, सामिना सेवक इनजोर, ओन मीटु बेस गिर्दाते कलियाटु. ओना लेह्का सेवा केवालोरिह्क बेस कदर ईम्ह्टु.#रोम सहरतोर 16:2; 1 कुरिंततोर 16:18
Currently Selected:
पिलिपितोर 2: माडियाबाय्बल
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
पिलिपितोर 2
2
उड्ला बुदते ताकाटु
1-2मीट इंजेके किर्स्तुना संगे जोळेम आताह्कु, मीक दीरा वास्ता. देवुळि मीक जीवा कीसि, मीवा जीवातुह्क सितुर ईयलाह आता. ओसो मीक तना जीवा ईसि, मियगा जागा आता.#योहन 14:17; 17:22-23; रोम सहरतोर 8:9-11; 2 कुरिंततोर 13:14; याकुब 4:5 अह कीसि मीकु तना दया कीयनद, जीवा वाटनद बुदि ईता. इव सबे पोल्लोङ निटम आताह्कु, मीवाङ विचर्क अमेसा ओर्विह्क-ओर्वोना संगे कलियिस मनिङ. देवुळि मीक जीवा कीतपु, मीट वने ओर्विह्क-ओर्वोग़ जीवा कीम्ह्टु. मीट सबेटोरिर उंदिय एकाते मन्जि, देवुळता अग़दे ऐंगेन ताकाटु.#रोम सहरतोर 12:16; पिलिपितोर 4:2; कुलुसितोर 3:12 अह ताकतिर इतेके, नावा गिर्दा पूरा आयग़ा. 3मियग्डाहि बोग़े तना कुदता कदर पर्ह्कमाकेग़,#रोम सहरतोर 2:8; पिलिपितोर 1:15-17 अहे उगसताङ पोमाडेङ केमाकेग़. मति कुदि उड्ला बुदतोग़ आसि, दुस्रोरिन आपुह्काय वीळिसि, कदरतोरा लेह्काने ऊळना.#रोम सहरतोर 12:10; गलातितोर 5:26; इपिसुसतोर 5:21; कुलुसितोर 3:12; 1 पत्रु 3:8 4सिरप आपुनाय पाय्दातेनाह्क बोग़े बाताले केमाकेग़, मति दुस्रोरा पाय्दातेनाह्क वने ऊळेग़.#रोम सहरतोर 15:1-2; गलातितोर 6:3 5बेद्रम येसु किर्स्तुना बुद मता, अद्रमे मीवा वने बुद मनि.#मत्याल 11:29; रोम सहरतोर 15:3
6ओग़ पूरा देवुळिय मतोग़.#योहन 1:1; 2 कुरिंततोर 4:4
अद्रम मन्ज तेला, देवुळता बराबरतोनन इनजोर#योहन 5:18; 10:33
अद अदिकरतुन पोस मनोग़.
7मति ओग़ अद अदिकरतुन पूरा विळ्सतोग़,
विळ्सिसि ओर्युलतोना लेह्का आतोग़.#मत्याल 20:28; मार्कल 10:45
आसि मन्कल मारियिस, इद बूमतगा वातोग़.#योहन 1:14; रोम सहरतोर 8:3
8मन्कल आसि, ओग़ इचोन उड्ला बुदतोग़ आतोग़ इतेके,#मत्याल 11:29
देवुळबाबाना पोल्लोतुन केंजिसि, तना जीवा वने ईतोग़.#मत्याल 26:39; मार्कल 14:36; लूकाल 22:42; योहन 10:18; रोम सहरतोर 5:19; इब्रितोर 5:8
हव्कनागुटाता हामुर ओसोय लजाता मन्ज तेला#2:8 हव्कनागुटातगा वेळ्हतोग़ मन्कन लोकुर उस्किंदुर-पास्किंदुर. ओसो सबेटोर ऊळनाह, ओन कूळल कीसि वेळ्हंदुर., अदिन वने ओग़ तना पोग़ोन एतोग़.#2 कुरिंततोर 8:9; 13:4; इब्रितोर 12:2,4
9अदिनेनाह्क देवुळि ओन सबेटोरिह्क बेरोग़ कीता,
ओसो सबे पेदिर्किह्काय, ओनाय पेदिरतुन बेरा कीता.#मत्याल 28:18; बळयिर 2:33; इब्रितोर 1:9; 2:9
10देवुळदीपते मनवालोर, हानादीपते मनवालोर,
इद बूमते मनवालोर#इपिसुसतोर 1:10; तोहचीतव पोल्लोङ 5:3,13सबेटोर, येसुन दंडुम अरयिर.
11 अहे सबेटोराङ वेंजेह्कु, “येसु किर्स्तुये कतमतोरा सामि” इनजोर कबुल आसि,#योहन 13:13-16; रोम सहरतोर 10:9; 14:9
देवुळबाबाह्क मान ईयिर इनजोर,#यशायाह 45:23; रोम सहरतोर 14:11 देवुळि येसुन इद्रम कीता.#इपिसुसतोर 1:21
इद बूमतगा वेह्चता लेह्का मीट दींचाट
12अदिनेनाह्क गोततोरिर, मीक वेहतलाह आतन: नना मियगा मतन अस्के, बेद्रम मीट नना काग़्हतव पोल्लोन केंजिस ताकतिर, अद्रमलेह्का इंजेक वने नना मियग्डाहि जेक मनदह्पा, इंका पका जिदते मीट अव पोल्लोन केंजिसि ताकाटु. बेद पिसमुळता अग़दे देवुळि मीक ताकिह कीयलाह आता, अदे अग़दे मीट तान रेयिसि, उड्ला बुदते ताकसोर मन्ह्टु. 13बाराह्क इतेके देवुळिये इद्रम ताकलाह, मियगा विचर्क पुटिह कीस्ता, ओसो तान्क विचर वायनव कबस्क कीयलाह, तोळ वने ईस्ता.#रोम सहरतोर 12:3; 1 कुरिंततोर 12:6; 15:10; इब्रितोर 13:20-21
14बाताल कीतेक तेला मुयोग़ आयवा, गिटोगटो आयवा कीसोर मन्ह्टु.#1 कुरिंततोर 10:10; 1 पत्रु 4:9 15अस्के मीट कसुरलेवोरिर, लाग्वदिन पुनवोरिर, देवुळताङ पेकोरिर दिसकिर.#मत्याल 5:45; इपिसुसतोर 5:1 तेल्वेरा ओसो करब बुदतोर मन्कलोरा नडुम मन्जि,#व्यवस्थाविवरण 32:5; बळयिर 2:40 पोग़ोटाङ उकाना लेह्का, ईकळते मांजवालोरिर दिसकिर.#मत्याल 5:14-16; 2 पत्रु 3:14 16मीट देवुळता पिसमुळ ईयनद पोल्लोतुन पोस विळ्समाटु. अद्रम मीट मतेके, नना मियगा पूरा दोगनाह, कह्टेम कीतद उगसिन अनो इनजोर,#यशायाह 49:4; गलातितोर 2:2; 4:11; 1 तिसलुनितोर 3:5 किर्स्तु वायनद दिया वेहता पग़यकन. वेर मावोर बेसतोर विस्वसिर इनजोर, मीवा लोप्पा इनदा पग़यकन.#1:26 17बूमयालोर देवुळतुह्क जन्वरता पूरा मोक ईतप लेह्का, मीट अगा पिलिपि सहरते, मीवा विस्वसतेनाह्कु, तिपल आसोरेन मह्निर, अद्रम मीट देवुळतुन माळिह्निर. (नाक इगा रोम सहरतेहव्कतेक वने,) नावा नेतुर मीवा मोकतगा वळ्पतप आयग़ा.#गिनती 28:6-7; रोम सहरतोर 15:16; 2 कुरिंततोर 12:15; 2 तिमोति 4:6 अदिह्क नना बेस गिर्दा आयकन.#1 योहन 3:16 इंगो! मीवा संगे बेस गिर्दा आयकन.#2 कुरिंततोर 6:10; 12:15 18अद्रम मीट वने बेस गिर्दा आम्ह्टु. नावा संगे बेस गिर्दा आम्ह्टु.#3:1
तिमोति ओसो इपप्रुदितुस, वेरा पोल्लो
19येसुसामिना विचर मतेके, नना नावा तोळतोग़ तिमोतिन#1:1 मियगा चट्पिटे लोहतकन इनजोर, आसा कीयलाह आतन. ओग़ मल्स नयेके वायनोग़ अस्के, मियग्डा कबुरतुन केंजिसि, निटमे नावा जीवातुह्क सितुर आयग़ा. 20नावा लेह्कान मीक निटम आलिह केवाल,#1 कुरिंततोर 16:10; 2 तिमोति 3:10 ओन विळ्सिसि इगा बोग़े इलेग़. मीट बेस मह्निरो, इलविरो इनजोर, ओग़ इगा अमेसा आलिह कीसोर मन्ह्तोग़. 21दुस्रोर आपुनाङ-आपुनाङ विचर्कने ताकिह्तोर, किर्स्तुना विचर बाताल मन्ह्ता, तान बोरे सीता केवोर.#1 कुरिंततोर 10:24,33; 13:5; 2 तिमोति 3:2 22मति तिमोति अद्रमतोग़ आयोग़. ओग़ सेतेम बुदतोग़ आंदोग़, इदिन मीट इतेके पुतिरे.#बळयिर 16:2 मग़ि तपेना सेवा कीतप लेह्का,#1 कुरिंततोर 4:17 किर्स्तुना बेसता कबुरतुन पोकुर कीयलाह, नावा संगे कबळ कीतोग़.#बळयिर 16:3; 1 कुरिंततोर 16:10; 2 तिमोति 3:10 23जेलताहि नाक विळ्सनुरा, विळ्सोरा, इद पोल्लो एर्का आतस्के, ओन नना मियगा लोहचीकन इनजोर, विचर कीयलाह आतन. 24मति नाक मियगा वायलाह चट्पिटे अग़ दोर्कग़ा इनजोर, सामिना पोग़ोन नना आसा तासतन.#1:25; पिलेमोन 22
25 (तिमोति मियेके पया वायनोग़ निटमे, मति) इंजेके मावा तोळतोग़ विस्वसि मियग्डोग़ इपप्रुदितुन#4:18 मियगा मल्हच लोहतलाह, विचर कीयलाह आतन. ओग़ बेसता कबुर वेहतलाह नावा संगे तोळ आंदोग़, ओसो अद कबुरतेनाह्क नावा संगे लळेम आयवाल वने आंदोग़. नावा साय्ता कीयलाह, मीट ओन लोहच मतिर. 26मति ओग़ मीक ऊळलाह पका आलिह कींदोग़. ओग़ बेमरते मतदिन मीट केंजतिर, केंजिसि मीट पका आलिह कीय्ह्निर इनजोर ओन्क एर्का आतस्के, ओना जीवा चुहेम आयो. 27ओग़ निटम इचोन बेमरते मतोग़ इतेके, पूरा डोलनाह आस मतोग़. मति देवुळि ओना पोग़ोन दया कीताह्कु सव्रेम आतोग़. ओग़ सव्रेम बार आयवा मतेके, जेलते मनदनद नावा दुकमता पोग़ोन, इद ओसो दुकम अर्स मनालि. मति अद्रम आयवा, देवुळि नावा पोग़ोन वने दया कीता. 28अदिह्क ओन मियगा चट्पिट लोहतलाह, विचर कीयलाह आतन. ओन ऊळकिर अस्के, मीक बेस गिर्दा आयग़ा; ओसो नावा जीवातुह्क वने सितुर आयग़ा. 29-30बेद सेवातुन जेकताहि मीट नयेनाह्क कीया पग़विर, अद सेवातुन ओग़ इगा वासि नयेनाह्क कीसीतोग़.#1 कुरिंततोर 16:17; पिलिपितोर 4:10 अद सेवा कीनेके, ओना जीवा दोकाते अर्स मता, किर्स्तुना कबळतेनाह्क डोलसोर मतोग़. अदिनेनाह्क ओग़ मियगा वायनोग़ अस्के, सामिना सेवक इनजोर, ओन मीटु बेस गिर्दाते कलियाटु. ओना लेह्का सेवा केवालोरिह्क बेस कदर ईम्ह्टु.#रोम सहरतोर 16:2; 1 कुरिंततोर 16:18
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.