गलातितोर 6
6
1मति मावोरिर, ओर्विना-ओर्वोग़ सेवा कीम्ह्टु. बोग़ाय मीवा ऐंगेटोग़ विस्वसि पापमते एग़्कतदिन ऊळतेके, बोर पवित्र जीवाता पेग़्के ताकवालोरिर मह्निर,#1 कुरिंततोर 2:15; 3:1 मीट ओनगा अन्जि, कुलुल बुदते ओनु सेतेमता अग़दे ताटु.#1 कुरिंततोर 4:21; 2 कुरिंततोर 2:7; 2 तिसलुनितोर 3:15; 2 तिमोति 2:25; इब्रितोर 12:13; याकुब 5:19 मति ततह्पा, मीट वने अद्रमता पापमते एग़्कनदायो इन्जि, उसरते मन्ह्टु.
2मीट ओर्विना-ओर्वोग़ तिपलतुन-मोतातुन कांजाटु. इदे रीतते किर्स्तु वेहतद अडोतुन माळकिर#योहन 13:34; रोम सहरतोर 12:13; 1 कुरिंततोर 9:21; गलातितोर 5:14; याकुब 1:25; 2:12. 3बोग़ाय विस्वसि केनकेनेतोग़ मन्जि, नना दुस्रोर्काय बेरोनन इन्जि, दुस्रोरा सीता केवोग़ इतेके, ओना विचर चुकिह्ता.#बळयिर 5:36; रोम सहरतोर 12:3; 1 कुरिंततोर 3:18; पिलिपितोर 2:3-4 4मति मीट ओर्वोग़-ओर्वोग़ दुस्रोनाङ कबस्किन जोकवा, आप-आपुनाङ कुदताङ कबस्किन जोकनदु.#1 कुरिंततोर 11:28 अस्के नीवाङे कबस्किन ऊळिसि, नना बेद्रमतोनन इन्जि पुनदकिन. मति दुस्रोर्काय बेरोनन इनदा वावो. 5बाराह्क इतेके देवुळ नीके ईतद जबब्दरतुन, निमा एतना गावले.#रोम सहरतोर 14:12; 1 कुरिंततोर 3:8
6देवुळता पोल्लो केंजवालोर, तमा सबे बेसता मालसोमता कोडि, पोल्लो काग़्हवालोरिह्क ईयिर.#1 कुरिंततोर 9:11,14
7ओसो मीट नाळेम आयमाटु. देवुळि मावाङ कबस्किन ऊळो, नेयम केवो इन्जि, देवुळतुन बोग़े नाळेह कीया पग़वोग़.#अय्यूब 13:9 इतेके मीट बेव वीतिह्निर, अविने कोयकिर.#2 कुरिंततोर 9:6 8इतेके बोर तमा मन्कना बुद वेहतपु, लाग्वाङ कबस्क वीतिह्तोर, ओरिह्क अदे मन्कना बुदतुह्कु, बूळेम आयनद सिक्साता पंटा दोर्कग़ा.#अय्यूब 4:8; होशे 8:7; रोम सहरतोर 6:21-22 बोर बार देवुळता जीवा वेहतपु बेसताङ कबस्क वीतिह्तोर, ओरिह्क देवुळता जीवाये ईतदु अमेसाता पिसमुळता पंटा दोर्कग़ा.#रोम सहरतोर 8:11; याकुब 3:18 9अद्रमे माट बेसताङ कबस्क कीयलाह, बेस्के लंडा आयनदायो. इद्रम माट आरेम आयवेके,#2 तिसलुनितोर 3:13 देवुळ तासतद कगोते माक अव कबस्कना पाय्दा दोर्कग़ा.#मत्याल 10:22; मार्कल 13:13; लूकाल 21:19; 1 कुरिंततोर 15:58; 2 कुरिंततोर 4:1; 9:6; इब्रितोर 12:3 10अदिनेनाह्कु माक बह मोका दोर्किह्ता, अह माट सबेटोरेनाह्क बेसताङ कबस्क कीयिङ,#बुदताङ पोल्लोङ 3:27; 1 तिसलुनितोर 5:15 कास कीसि मावोर विस्वसिरेनाह्कु. (इद्रमलेह्का माट देवुळता जीवाता पेग़्के ताकना गावले.)
देवुळतग्डाहे कदर पर्ह्कनदु
11इंजेके इव आक्रिताङ पोल्लोङ, नना नावाय कुदता कयदे रासिह्नन.#1 कुरिंततोर 16:21; कुलुसितोर 4:18; 2 तिसलुनितोर 3:17; पिलेमोन 19 अदिह्क मीक इगा बेराङ-बेराङे अक्सर्क दिसिह्ताङ. 12बोर यहुदिरा मान दोर्किह कीयलाह ऊळिह्तोर, ओरे मीकु डायना रिवज कीयलाह जबर्दस्त कीस्तोर.#बळयिर 15:1 हव्कनागुटातगा ईतद मोकतेनाह्के माट देवुळतगा सेतेमतोरल आय्ह्नल, इद्रम पोकुर कीतेके, यहुदिर माक विरुद कीयनुर इन्जिये, ओर मीकु इद्रम कीया वेहतह्तोर.#5:11 13बह इतेके डायना रिवज नोमवालोर कुदि मोसानाङ अडोन माळोर आस्तोर.#रोम सहरतोर 2:25 मीट ओराङ केंजिसि, डायना रिवज कीतिर इतेके, ओर पोग़यना इन्जिये ओरु मीकु डायलाह वेहतह्तोर.#पिलिपितोर 3:3 14नाक बार अद्रमता दुनियातोरा कदर मुर्तिय गावल आयो; मति नना हव्कनागुटातगा हातोग़ सामि येसु किर्स्तुन नमवानन इन्जिये पोग़यिह्नन. अद हव्कनागुटातेनाह्के, इद दुनियाताङ पोल्लोङ नाक पट अरवोङ, अहे नावा ताकमुळि दुनियातोरिह्कु पट अरवो.#रोम सहरतोर 6:6; गलातितोर 2:20; 5:24; पिलिपितोर 3:18; कुलुसितोर 2:20-22 15नाक अद्रमता कदर गावल आयो, बह इतेके डायना रिवज कीयनद वन बार आयो, केवद वन बार आयो; देवुळि मावा लोप्पा पूना जीवा पुटिह कीता, अदे मोदुल पोल्लो आंदु.#रोम सहरतोर 2:26,28; 6:2-4; गलातितोर 5:6; इपिसुसतोर 2:10,15; पिलिपितोर 3:3 16इद पोल्लोते बोर ताकनुर, ओर सबेटोरिह्कु देवुळि सुकम ईयि, ओसो किर्स्तुन नमवालोर इस्रयेलतोरा पोग़ोन इंका,#रोम सहरतोर 9:6; गलातितोर 3:7,29 देवुळि दया कीयि.#1 पत्रु 1:3; यहुदाल 2 17ओसो इंजेटाहि मियग्डाहि बोग़े जोल काग़्हमुळतुन केंजिसि, नाक तिपल कीयनदायो. बाराह्क इतेके येसुसामिना कबुरतुन पोकुर कीताह्कु, विरुदतोरा देबाना सीना नावा मेंदुदगा मन्ह्ता.#2 कुरिंततोर 4:10; 11:23-25
18मावोरिर, येसुसामि किर्स्तुना देय्वा मियगा मनि.#रोम सहरतोर 16:20आमेन.
Currently Selected:
गलातितोर 6: माडियाबाय्बल
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
