इपिसुसतोर 5

वेह्‌चता पिसमुळि

1मीट देवुळताङ पिलाङ-पेकोरिर आतिर, अद मीक जीवा कीता, अदिनेनाह्‌क देवुळ कीयना लेह्‌का, मीट वने कीम्ह्‌टु.#मत्याल 5:48; लूकाल 6:36; इपिसुसतोर 4:32; पिलिपितोर 2:15 2किर्स्तु माक जीवा कीसि, मयेनाह्‌क डोलिस मन्जि, तना मेंदुलतुन गम-गम एग़्स्कतद, देवुळतुह्‌क विचर वायनद मोक ईतोग़.#पेसमुळि 29:18,25; योहन 6:51; 13:34; रोम सहरतोर 4:24-25; 8:37; 2 कुरिंततोर 2:15; इपिसुसतोर 5:25; इब्रितोर 7:27; 9:14; 10:12 बेद्रम किर्स्तु माक जीवा कीतोग़, अद्रम मीट वने ओर्विह्‌क-ओर्वोग़ जीवा कीसोर मन्ह्‌टु.#रोम सहरतोर 14:15; कुलुसितोर 3:14

3साट्याल कबळि, करब बुदताङ सबे कबस्कु, लालुसि, इव कबस्किन मीट कीयनद आयो. इविस्कना लोप्पा वळ्ह्‌कनद वन आयो. इव पोल्‍लोङ देवुळता मन्कलोरिह्‌क ओप्पना लेह्‌काडाङ आयोङ.#1 कुरिंततोर 6:18-20 4लजाताङ पोल्‍लोङ, बुदलेवव पोल्‍लोङ, करबताङ कव्न्डे पोल्‍लोङ, इव मीक ओप्पना लेह्‌काडाङ आयोङ.#इपिसुसतोर 4:29 मति देवुळतुन जोहर कीयनव पोल्‍लोङे, मीक ओप्पनव पोल्‍लोङ आंदुङ. 5साट्याल मन्कल, करब बुदतोग़ मन्कल, कोताना, सामनता लालुस आयवाल मन्कल (अद्रम कीयना इतेके, बोमापूजा कीतपे आस्ता), किर्स्तु ओसो देवुळि राजेम ताकिह कीयनग्डा मुडोग़ आया पग़वोग़,#1 कुरिंततोर 6:9-10 इद पोल्‍लोतुन बेस-नेह्‌ना पुनदकिर!

6बोग़े कबळतुह्‌क अरवव पोल्‍लोङ काग़्हच, मीक लेसिह कीयलाह एमाटु.#कुलुसितोर 2:8 देवुळता पोल्‍लो केंजवोर अद्रमताङ कबस्क कीस्तोर,#2:2 अदिनेनाह्‌क अद ओरिह्‌क निटम पका सिक्सा ईस्ता.#रोम सहरतोर 1:18; कुलुसितोर 3:6 7अदिनेनाह्‌क ओर अद्रमताङ कबस्क कीयह्‌पा, मीट कलियमाटु.#2 कुरिंततोर 6:14 8मुने मीट ईकळते मतप लेह्‌का ताकिंदिर,#2:11 मति इंजेके मीट सामिना लोकुरिर आताह्‌कु, देवुळता वेह्‌च मियगा मन्ह्‌ता.#बळयिर 26:18; कुलुसितोर 1:11-13 अदिनेनाह्‌क वेह्‌चतगा मनवालोरा लेह्‌कान ताकाटु.#1 योहन 2:8 9अह ताकतेके मीट बेसताङ केवालोरिर, कर्तुळते मनवालोरिर, सेतेमते पिसवालोरिर आयकिर. 10अमेसा सामिह्‌क विचर वायनव पोल्‍लोङ बेव इनजोर पुन्ह्‌टु.#रोम सहरतोर 12:2 11ईकळते ताकवालोराङ पाय्दालेवाङ कबस्कनगा कलियमाट.#2 कुरिंततोर 6:14; 2 योहन 11 मति ओराङ कबस्किन पिङम-पङम तेळियिह कीम्ह्‌टु.#रोम सहरतोर 13:12; 1 तिमोति 5:20,22 12ओर मकिस मकिस कीयनव कबस्किन वळ्ह्‌कलाह वने लजा वास्ता. 13ईकळते मनदनद मादुन वेह्‌चतगा ततस्के, अद निटम बाताल मालु इनजोर दिसिह्‌ता.#योहन 3:20-21 अद्रमे मकिस मकिस कीयनव कबस्किन पेसिह कीयह्‌पा, अव बेद्रमताङ इनजोर दिसिह्‌ताङ. 14बेव कबस्कनगा वेह्‌च दींचिह्‌ता, अव वने दींचिह्‌ताङ. अदिनेनाह्‌क इद्रम वेहतद मन्ह्‌ता:

“ए पापमते उंजवानिन! तेदा!

देवुळतग्डाहि एग़िसि, डोलतप लेह्‌का मनवानिन.

इंजेके जीवा अर्मु!#यशायाह 26:19; 60:1; रोम सहरतोर 13:11

किर्स्तु तना वेह्‌चतुन नीवा पोग़ोन अर्हतनोग़#लूकाल 1:76-79 ”

इनजोर वेहतद मन्ह्‌ता.#5:14 पोग़ोटा पोल्‍लो सास्त्रमता वचन आयो, मति पोलुना कालमता बेदो उंद पाटा मनदग़ा बहे.

15अदिनेनाह्‌क नना वेहतलाह आतन: मीट बेद्रम ताकलाह आतिर इनजोर, बेस-नेह्‌ना ऊळाट! बुदलेवोरा लेह्‌का ताकमाटु! बुदतोर, तेल्वतोरा लेह्‌का ताकाटु! 16इद कालमतोर लोकुर लागोर,#गलातितोर 1:4 अदिनेनाह्‌क किर्स्तुना साक्सि आयलाह, मीक मोका दोर्कतेके, तान विळ्समाट. (पया मीक मोका दोर्को आयग़ा.)#कुलुसितोर 4:5 17तेल्वलेवा मनमाटु, मति सामिह्‌क विचर वायनद पोल्‍लो बाताल इनजोर, बेस पुन्ह्‌टु.#रोम सहरतोर 12:2; 1 तिसलुनितोर 4:3

18कल उन्जि ओचिस मनमाट. अद्रम मतेक अचोन, मीवा रिमाते तिरियसोर, ओप्पवव कबस्क कीकिर.#बुदताङ पोल्‍लोङ 20:1; 23:31-32; 1 कुरिंततोर 5:11; 1 तिसलुनितोर 5:7 मति मीट अद्रम मनवा, देवुळता जीवाते पूरा निंदिस मन्ह्‌टु.#रोम सहरतोर 13:13 19निंदिस मन्जि, देवुळता सास्त्रमताङ पाटाङ ओसो रीतरीतिनाङ पाटाङ, इविस्कने सामिना जोहर कीसोर, मीवा पूरा जीवाताहि ओसोर मन्ह्‌टु.#1 कुरिंततोर 14:15,26 20ओसो मावा येसुसामि किर्स्तुना पेदिरते, सबे पोल्‍लोनेनाह्‌क, देवुळबाबान अमेसा जोहर कीसोर मन्ह्‌टु.#रोम सहरतोर 1:8 21मीट किर्स्तुन मान ईयनाह्‌कु, मीवा मुडोर सबेटोरिर ओर्विह्‌क-ओर्वोग़ वरेम आस मन्ह्‌टु.#गलातितोर 5:13; पिलिपितोर 2:3

मुजोर-मुतेस्क बेद्रम मनदना

22अद्रमे मीट मुतेस्कनिर, सामिह्‌क वरेम आस मतप लेह्‌का, मीवाङ मुजोरिह्‌क वरेम आस मन्ह्‌टु.#1 कुरिंततोर 14:34-35; कुलुसितोर 3:18; तीतुस 2:5; 1 पत्रु 3:1 23बाराह्‌क इतेके, तला मेंदुलतुन ताकिह कीतप लेह्‌का, किर्स्तु विस्वसिरा मुडुन ताकिह कीस्तोग़.#1:22 अद मुडुन पिसिह वन कीतोग़ ओग़े. मुजो वने तनमुतेना तलालेह्‌कान मन्ह्‌तोग़.#1 कुरिंततोर 11:3 24विस्वसिरा मुलु किर्स्तुह्‌क वरेम आस मनदना लेह्‌कान, मुतेस्क वने सबे पोल्‍लोने तमाङ मुजोरिह्‌क वरेम आस मनदना.

25मुजोरिर! किर्स्तु विस्वसिरा मुडुन जीवा कीतप लेह्‌कान, मीट वने मीवाङ मुतेस्किन जीवा कीम्ह्‌टु.#कुलुसितोर 3:19; 1 पत्रु 3:7 ओग़ विस्वसिरा मुडुन जीवा कीतोग़, ओसो ओरेनाह्‌क तना कुदि जीवा ईतोग़.#5:2 26ओरिन एग़लेह्‌काडा तना पोल्‍लोते एडिह कीस,#योहन 15:3; 17:17; बळयिर 22:16; कुलुसितोर 3:16; तीतुस 3:4-5; 2 पत्रु 1:9 तनेनाह्‌क एग़िह कीयलाहि,#तीतुस 2:14; इब्रितोर 10:9-10,14,22,29; 13:12 27मुर्तिय कसुरलेवा, बाताले कमिलेवा, बाताले डागिललेवा, पूरा पवित्रता सोबा अग़्के तनगा ततलाहि,#2 कुरिंततोर 4:14; इपिसुसतोर 1:4 तना जीवा ईतोग़.#2 कुरिंततोर 11:2; तोहचीतव पोल्‍लोङ 14:3-4 28मुजोर आपुनाङ-आपुनाङ मेंदुस्किन बेद्रम जीवा कीस्तोर, अद्रम तमाङ मुतेस्किन वने जीवा कीयना.#1 पत्रु 3:7 तमाङ मुतेस्किन जीवा केवालोर, तम्क वने जीवा कीस्तोर. 29माट मावाङ मेंदुस्किन जीवा कीय्ह्‌नले. किर्स्तु विस्वसिरा मुडुन अय कीयना लेह्‌का, माट वने मावाङ मेंदुस्किन तीहतह्‌नल, अय कीय्ह्‌नल. 30माट सबेटोरल किर्स्तुना मेंदुलतोरल,#1 कुरिंततोर 6:15; 12:27 अदिनेनाह्‌क किर्स्तु माक अय कीस्तोग़. 31मुजो ओसो मुतेना पोल्‍लोता लोप्पा देवुळता सास्त्रम इद्रम वेहतह्‌ता: अदिनेनाह्‌कु मुतेन ततस्के, कोय्तोग़ तनाङ तलोग़-तपेना अदिकरते मनवा, वेर आळ इर्वुर जोळेम आसि, उंदिय आस मनदनुर, #पुटमुळि 2:24; मत्याल 19:5; मार्कल 10:7-8; 1 कुरिंततोर 6:16 इनजोर वेहतह्‌ता. 32इद वचनतगा मकिस मतदु, पका मोदुल पोल्‍लो आंदु. नना किर्स्तुना ओसो विस्वसिरा मुडा लोप्पाडा पोल्‍लोतुन वेहतलाह आतन.#तोहचीतव पोल्‍लोङ 19:7 33मति देवुळता सास्त्रमताङ पोल्‍लोङ मियेनाह्‌क वने रासतव मन्ह्‌ताङ. मीट ओर्वोग़-ओर्वोग़ मुजो कुदतुन जीवा कीयना लेह्‌का, आपुना-आपुना मुतेन जीवा कीयना.#1 पत्रु 3:7 उंद-उंद मुते वने आपुना-आपुना मुजोह्‌क मान ईयि.#1 पत्रु 3:2,5-6

Currently Selected:

इपिसुसतोर 5: माडियाबाय्बल

Highlight

Copy