2 तिसलुनितोर 2
2
किर्स्तु वायनामुने, लाग्वोग़ मन्कल दिसनोग़
1मावोर विस्वसिरिर! इंजेके मावा येसुसामि किर्स्तु ओसोवने वायनदिना लोप्पा, अहे माट ओनगा जमा आयनदिना लोप्पा,#मार्कल 13:27; 1 तिसलुनितोर 2:19; 4:15-17 उंद पोल्लो वेहतह्नन: 2सामि ओसो मल्स वायनद दिया वाताये इनजोर, माट देवुळता लेकाते वेहतोम, इलवेके काग़्हतोम, इलवेके सीटटे रासिस लोहतोम इनजोर, मीट केंजतेके, जल्दि कंद्रेम आयमाटु, रेयमाटु.#1 योहन 4:1 3इद्रम बेदाय रीतते, बोग़े मन्कनाङ पोल्लोने मीट लेसमाटु. मुने सबेटोर मन्कलोर देवुळता पोल्लोतुन केंजोम इनजोर, विरुद कीयनद कालम वायग़ा.#1 तिमोति 4:1 पया देवुळताङ अडोन पास्कवाल मन्कल दिसनोग़.#दानिय्येल 7:25; 8:25; 11:36; तोहचीतव पोल्लोङ 13:5-8 (ओना लाग्वा बुदि, ओन पूरा बूळेम आयनेकेन ओसीयग़ा.) ताना पयाये सामि वायनद दिया वायग़ा. 4ओग़ लाग्वोग़ मन्कल ननाये निटम देवुळतन इनजोर वेहचि,#यशायाह 14:14; यहेजकेल 28:2 देवुळता मंदिरतगा उदनोग़. मन्कलोर मोळ्कनव सबे पेन्क-हानास्क, सबे देवुळ्क#1 कुरिंततोर 8:5 नावा मुनेह बाताङ इलेङ इनजोर, ओग़ पोग़यनोग़.#तोहचीतव पोल्लोङ 13:5
5नना मीवा संगे मतस्के, मीक इव पोल्लोन वेहतन, सीता इलेया?#1 तिसलुनितोर 3:4 6-7इंजेक वने देवुळताङ अडोन केंजवद बुदि, दुनियाता मन्कलोरिन कुस्क्ने ताकिह कीस्ता इनजोर, मीट पुतिर.#तोहचीतव पोल्लोङ 17:5,7 इदे बुदतेनाह्कु ओग़ देवुळताङ अडोन पास्कवाल मन्कल, तनाय कगोते सबेटोरिह्क दिसनोग़.#1 योहन 4:3 इंजेके ओर्विना राजेम ताकिह्ता,#2:6-7 पोलु बोना लोप्पा वेहन्दोग़ इन्जि माक एर्का इले, मति पोलुना सीटटुन अर्ववालोरिह्क एर्का मता. मति उंद दिया ओग़ मायनोग़. 8ओग़ मायतस्केने, देवुळताङ अडोन पास्कवाल दिसनोग़.#दानिय्येल 7:25; 8:25; 11:36; तोहचीतव पोल्लोङ 13:5-8 मति येसुसामि वातस्के, ओग़ अडोन पास्कवान तना ऊकुरते हव्कनोग़.#यशायाह 11:4; तोहचीतव पोल्लोङ 2:16; 19:15 येसुसामि वायनदिन ऊळिसिये,#1 तिमोति 6:14; 2 तिमोति 4:1,8; तीतुस 2:13 ओग़ लाग्वोग़ु बूळेम आयनोग़. 9ओग़ अडोन पास्कवाल देयह्कना मुक्याना सबे लाव अग़्के वायनोग़. बामनाह लेह्काडाङ कबस्किन सीनाङ इनजोर तोहतनोग़,#मत्याल 24:24; मार्कल 13:22 ओसो इव देवुळतग्डाङ इनजोर, मन्कलोर इनाह ओरिन नाळेह कीयनोग़.#याकुब 3:15 10सबे रीतिनाङ लाग्वाङ कबस्क तोहतनोग़; ओनाङ कबस्कु, बूळेम आयनद अग़दे अनवालोरिन#1 कुरिंततोर 1:18 नाळेह कीयनुङ. ओरु येसु किर्स्तुना पिसिह कीयनद सेतेम पोल्लोतुन केंजोर. 11ओर सेतेम पोल्लोतुन केंजवाह्कु, जोलतुन नमिर इनजोर, देवुळि ओरिन पूरा लेसनाह कीयग़ा.#1 राजा 22:22; रोम सहरतोर 1:28; 1 तिसलुनितोर 2:3; 2 तिमोति 4:4 12अस्के सेतेम पोल्लोतुन नमवा, लाग्वा कबळते गिर्दा आतोर सबेटोर मन्कलोरिन, देवुळि कसुर तोहतग़ा.#रोम सहरतोर 2:8; 1 कुरिंततोर 13:6
बेसता कबुरतुन विस्वस कीसोर दायना
13मति मावोर विस्वसिरिर, सामि जीवा कीतोरिर! मीट पवित्र जीवाता मेटे सिरसिर आसि, सेतेम पोल्लोतुन नमिसि पिसना इन्जि,#1 तिसलुनितोर 4:7; 1 पत्रु 1:2 देवुळि मुनेताहि मीक आचता. अदिनेनाह्क मीवासाटि माकु देवुळतुन अमेसा जोहर कीयलाह ओप्पिह्ता.#1:3 14बेद बेसता कबुरतुन माट मीक पोकुर कीतोम, ताना मेटेने देवुळि मीक केयता.#इपिसुसतोर 1:4; 1 तिसलुनितोर 5:9; 1 पत्रु 1:4-5 मावा येसुसामि किर्स्तुना डीसाते मीट कलियना इनजोर, मीक केयता.#रोम सहरतोर 8:28; 2 पत्रु 1:3 15अदिनेनाह्क मावोर विस्वसिरिर! मीवा विस्वसते मेग़्किस मन्ह्टु.#1 कुरिंततोर 16:13 माट मावा तोडटे आयि, सीटटे आयि, काग़्हतव पोल्लोन पोस ताकाटु.#1 कुरिंततोर 11:2; 2 तिसलुनितोर 3:6; तीतुस 1:9
16माक जीवा कीतोग़ु, माक दया कीसि, बेस्केन मायवद दीरा, अहे बेसतल आसा ईतोग़ु, मावा देवुळबाबाल ओसो मावा येसुसामि किर्स्तु;#योहन 3:16 17वेरु मीवा जीवातुन सितुर कीयिर, मीट अमेसा बेसताङ कबस्क कीयलाहि, बेसताङ पोल्लोङ वळ्ह्कलाहि मीक मेग़्किह कीयिर.#1 तिसलुनितोर 3:12-13; 2 तिसलुनितोर 3:3; 1 पत्रु 5:10
Currently Selected:
2 तिसलुनितोर 2: माडियाबाय्बल
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
