2 कुरिंततोर 9
9
गिर्दाते दान ईयना इन्जि, पोलु वेहतह्तोग़
1देवुळता मन्कलोरिह्क कोताङ अर्हचि, सेवा कीयनद पोल्लोतुन, मीक रासना नाक गर्ज इले.#रोम सहरतोर 15:30-31; 2 कुरिंततोर 8:4 2बह इतेके कोताङ ईयलाह, मीट पका विचर आतिर इनजोर, नना पुतन. नीरेताहि अकाया पटटोर विस्वसिर, कोताङ ईयलाह तयर मन्ह्तोर इनजोर, मीवा लोप्पा मकिदुनिया पटटोर विस्वसिरिन वेहतन.#8:10-11,19 मीट गिर्दा आतदिन केंजिसि, अग्डोर वेल्लाटोर मन्कलोर वने, कोताङ ईयलाह तयर आतोर. 3मीट तयर मह्निर इनजोर, नना मकिदुनियातोरिन वेहच मतन. मीवा लोप्पा माट पोग़यनद पोल्लो, जोल आयमाकि इनजोर, नना विचर कीय्ह्नन.#7:4-7,14 अदिनेनाह्क मीट कोताङ अर्हचि तयर मनदकिर इनजोर करल कीयलाहि, वेर तोळतोर विस्वसिरिन मुनेन लोहतलाह आतन. 4मकिदुनियातोर बोराय नावा संगे मियगा वातस्के, मीट कोताङ लोहतलाह तयर इलवेके, मीवा पोग़ोन बर्वस कीस मतोम इनजोर, माक लजा वायग़ा. अहे मीक वने लजा वायग़ा. 5बेस-नेह्ना दान कोताङ ईकोम इनजोर, मुनेन पोल्लो विळ्सिस मतिर. अविस्किन मीट चिव्टम आयवा, ओप्पे कीस तासना इन्जि, वेर तोळतोर विस्वसिरिन, मुनेन मियगा कबुर लोहतना इनजोर, विचर कीतन.#12:17 पया माट मियगा वातस्के, अद दान तयर मनदग़ा. अव दान कोतान जबरदस्ति मियग्डाह ऊंदना लेह्का आयो, मति मीवा विचरतेन, मीट ओप्पे कीस तासना इन्जि, नना वेरिन लोहतह्नन.#1 कुरिंततोर 16:2
6इद पोल्लोतुन सीता कीम्ह्टु: बोग़ उचुने विजा वीतिह्तोग़, ओन्क उचुने अनम दोर्कग़ा. ओसो बोग़ वेल्ला विजा वीतिह्तोग़, ओन्क वेल्ला अनम दोर्कग़ा.#बुदताङ पोल्लोङ 11:24; 22:9; गलातितोर 6:7,9 7अदिनेनाह्क बोग़े पेग़्के-मुनेह आसोर एमाकेग़, अहे दान ईयनद अडोतुन नोमिय पोयतग़ा इनजोर वने एमाकेग़. बेस गिर्दाते दान ईयनद, देवुळतुह्क विचर वास्ता.#पेसमुळि 25:2; पिलेमोन 14 अदिह्कु ओर्वोग़-ओर्वोग़ मन्कल, बेचोक ईकन इनजोर विचर कीतोग़, अचोके ईयेग़.#व्यवस्थाविवरण 15:10; 1 इतिहास 29:17; रोम सहरतोर 12:8; 2 कुरिंततोर 8:12 8मीट सबे बेसताङ कबस्किन कीसोर दायनाह, सबे पोल्लोने मीक गर्ज अरयनव, सबेटव अमेसा मियगा मनदलाह, सबे बर्कततुन आलिस पिसनाह, देवुळि मीक ईया पग़यह्ता.#8:7; इपिसुसतोर 3:20; पिलिपितोर 4:11,19 9इदे पोल्लो देवुळता सास्त्रमतगा रासतद मन्ह्ता:
सेतेमतोग़ मन्कल चिव्टम आयवा, लेवोरिह्क पकाय ईस्तोग़,
ओना दर्ममतुन मन्कलोर अमेसा सीता कीस्तोर, #
देवुळताङ पाटाङ 112:9
इनजोर रासतद मन्ह्ता.
10देवुळि वीतवाल मन्कह्क विजा ईस्ता, ओसो ओन्क तिनदलाह, अनम पुटिह कीस्ता.#यशायाह 55:10 अदे देवुळि मीवा वने मालसोमतुन बोल्गिह कीयग़ा, कीसि वेल्लाटोरिह्क मीवा दर्ममता पाय्दा दोर्कग़ा. 11मीट अमेसा चिव्टम आयवा ईयलाह, मीक सबे रीतिना बर्कत ईयग़ा.#रोम सहरतोर 12:8; 1 कुरिंततोर 1:5-7 अहे मीट मावा कयदे लोहतनव कोताङ दोर्कवालोर मन्कलोर, अविस्कनेनाह्क देवुळतुन जोहर कीयनुर. 12बह इतेके, दान कोताङ अर्हतनद सेवा कीतेके, देवुळता मन्कलोरा गर्जते, ओरिह्क तोळ ईयनाह आस्ता.#8:14 अचोने आयो मति, ओरिह्क तोळ ईतस्के, ओरा जीवाताहि देवुळतुह्क जोहरता पोल्लो पेससोरेन दास्ता.#1:11 13मीट इद सेवा कीसि, निटम मीट विस्वसिरिर इनजोर, देवुळता मन्कलोरिह्क तोहतिर. कुरिंत सहरतोर विस्वसिर, किर्स्तुना बेसता कबुरतुन नमवालोरोम इतोर. अहे अद कबुरतुन केंजिसि, माकु ओसो दुस्रोर विस्वसिरिह्क, चिव्टम आयवा कोताङ अर्हचीतोर इनजोर, ओर देवुळतुन जोहर कीयनुर.#मत्याल 5:16; रोम सहरतोर 12:8; 2 कुरिंततोर 8:4 14ओसो देवुळि मीक पकाय देय्वा ईता इनजोर, मीवा पोग़ोन जीवा वाटिसि, मियेनाह्क पार्तना कीयनुर. 15देवुळ माक ईतद देय्वा बेचोन बेरा मन्ह्ता, अद वेहता वावो!#रोम सहरतोर 5:15-16 तान्क जोहर आयि.
Currently Selected:
2 कुरिंततोर 9: माडियाबाय्बल
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
