2 कुरिंततोर 4

मावा कयदे पका मोलाता विस्वसता पोल्‍लो

1माक दया कीसि, तना ईतद पूना पोल्‍लोतुन पोकुर कीयनद सेवातुन, देवुळि माक ईता.#1 कुरिंततोर 3:5 अदिनेनाह्‌क माट दीरा विळ्सोम.#लूकाल 18:1; इपिसुसतोर 3:13; 2 तिसलुनितोर 3:13 2मति इद्रम कीय्ह्‌नोम: मकिस मकिस लजा वानाह कीयनव कबस्कनगा सीता केवोम,#रोम सहरतोर 6:21-22; 1 कुरिंततोर 4:5 सत्रल बुदते ताकोम, देवुळता पोल्‍लोतुन एत्लम मिळ्हच वेहोम,#इपिसुसतोर 4:14 मति देवुळता मुनेह सेतेम पोल्‍लोतुन पङ्ने पोकुर कीय्ह्‌नोम. मावाङ केंजवालोर, ओर सेतेमतोर इनजोर, मावा पोल्‍लोतुन नमिर इन्जि, माट इद्रम ताकिह्‌नोम.#2:17; 5:11-12; 1 तिसलुनितोर 2:3 3माट पोकुर कीय्ह्‌नोम अद बेसता कबुरता पोल्‍लो, मिसतप लेह्‌का मतेके, अद सिरप देवुळतग्डाहि सिक्सा दोर्कवालोरिह्‌क अद्रम मन्ह्‌ता.#1 कुरिंततोर 2:8-10; 2 कुरिंततोर 3:14 4ओरु किर्स्तुन विस्वस केवा, इद दुनियातुन राजेम कीयनद देयह्‌कना मुक्यानु,#योहन 12:31 देवुळ इनजोर ताना कय इळ्न मन्ह्‌तोर. ओरिह्‌क बेसता कबुर तेळियमाकि इनजोर, अदु ओरा बुदतुन गंगा पोय्‍पिह कीता. अदिह्‌क ओरिह्‌कु बेसता कबुरता वेह्‌च दिसो.#बळयिर 26:18; 2 कुरिंततोर 2:11; 3:14; इब्रितोर 6:4-6; 1 योहन 2:11 अद बेसता कबुर इतेके, किर्स्तुना मान-डीसातुन तोहतह्‌ता, ओन ऊळतेके देवुळतुन ऊळतप आंदु.#योहन 1:18; 2 कुरिंततोर 3:18; पिलिपितोर 2:6; 1 तिमोति 1:11; इब्रितोर 1:3 5अदिह्‌क येसु किर्स्तुये सामि आंदोग़ इनजोर, माट पोकुर कीय्ह्‌नोम, मावाय लोप्पाडा पोल्‍लोतुन केवोम.#1 तिसलुनितोर 2:6-7 माट इतेके ओना पोल्‍लो केंजताह्‌कु, मीवाङ सेवकिरोम आंदोम.#1 कुरिंततोर 9:19; 2 कुरिंततोर 1:24 6देवुळि तना इद बूमतुन पुटिह कीयह्‌पा, ईकळताहि वेह्‌च दींचि इन्जि, वेह्‌चतुन पुटिह कीता.#पुटमुळि 1:3; इब्रितोर 6:4-6 अदे देवुळि तना लावतुन माट पुनदना इनजोर, मावा जीवातगा तना वेह्‌चतुन पोतिह कीता.#बळयिर 26:18; 2 पत्रु 1:19 तना लावतुन येसु किर्स्तुना मेटे तोहचीता.#3:18

7बंगर-वेंडिन रेंड दियाना अळ्कातगा तासना लेह्‌कान,#अय्यूब 4:19; 10:9; 33:6; विलापगीत 4:2; 2 कुरिंततोर 5:1 बेसता कबुरतुन देवुळि मयगा ईता. इद बेसता कबुरता वेहता वावप मनदनद लावु, मयग्डाह आयो, मति तानग्डाहिये मन्ह्‌ता इनजोर तोहतलाह, अद्रम कीता.#न्यायियों 7:2; 1 कुरिंततोर 2:4-5 8ईनाह-आनाह माक तिपल्क वासोरेन मन्ह्‌ताङ,#1:8; 7:4-7 मति माट इळ्न अरवोम.#रोम सहरतोर 8:35-36 वेल्‍लाङे मल्काङ बह कीयना इनजोर गाबर आतोम,#गलातितोर 4:20 मति पूरा आसालेवप आयोम. 9मन्कलोर माक पकाय तिपल ईस्तोर,#योहन 15:20-21; रोम सहरतोर 8:35-36 मति देवुळि माक विळ्सिस एवो.#देवुळताङ पाटाङ 129:2; इब्रितोर 13:5 माक इळ्न अर्हतह्‌तोर, मति ओसोवने तेदिह्‌नोम.#देवुळताङ पाटाङ 37:24; बुदताङ पोल्‍लोङ 24:16; मीका 7:8 10येसुनेनाह्‌कु माट अमेसा हामुरता दोकाते अरयह्‌नोम.#रोम सहरतोर 6:5; 8:35-36; गलातितोर 6:17; 1 पत्रु 4:12-13 इद्रमलेह्‌का ओना जीवा मावाङ मेंदुस्कनगा मन्जि, माक पिसिह कीस्ता इनजोर,#रोम सहरतोर 6:8 मन्कलोर ऊळिह्‌तोर. 11निटमे माट जीवात मनाह्‌जोम, येसुनेनाह्‌कु अमेसा हामुरता दोकाते अरयह्‌नोम. ओना जीवा मावाङ रेंड दियानाङ मेंदुस्कनगा मन्जि, माक पिसिह कीस्ता इनजोर, मन्कलोर ऊळना इन्जि, माट दोकाते अरयह्‌नोम.#6:4,9; 1 पत्रु 4:14 12इद्रम मीक बेसता कबुरतुन पोकुर कीयनाह्‌कु, माक हामुरता दोका मन्ह्‌ता. मति अद कबुर मियगा एवताह्‌कु, मीक देवुळ ईयनद पिसमुळ मन्ह्‌ता.

13देवुळता सास्त्रमतगा बोग़ो ओर्वोग़, “नना देवुळतुन विस्वस कीतन, अदिनेनाह्‌क वळ्ह्‌कतन”#देवुळताङ पाटाङ 116:10 इनजोर रासतोग़. अदे बुदते माट वने देवुळता पोल्‍लोतुन विस्वस कीसि, अद पोल्‍लोतुन मन्कलोरिन पोकुर कीयलाह आतोम. 14येसुसामि डोलतस्के, देवुळि ओन ओसोवने जीवा अर्हता इनजोर, माट पुह्‌नल.#बळयिर 2:24 माट येसुना संगे जोळेम आताह्‌कु, माक वने जीवा अर्हतग़ा,#1 तिसलुनितोर 4:14 ओसो मीवा संगे माक वने तना मुनेह निल्पिह कीयग़ा इनजोर पुतोम.#इपिसुसतोर 5:27; यहुदाल 24(पुन्जि माकु वळ्ह्‌कलाह दीरा दोर्किह्‌ता.) 15इव सबे पोल्‍लोङ मियेनाह्‌के आयलाह आताङ; देवुळता दया वेल्‍लाटोरगा पोकुर आयि इनजोर, आयलाह आताङ.#रोम सहरतोर 8:28; 2 कुरिंततोर 1:6 पोकुर आतेक अचोन, वेल्‍लाटोर मन्कलोर देवुळता डीसातेनाह्‌क तान जोहर कीयनुर, अदिनेनाह्‌क वेल्‍लाटोर मन्कलोर देवुळतुन मान ईसि मोळ्किह्‌तोर.#1:11

विस्वसता मनमुळि

16अदिनेनाह्‌क माट आरेम आयोम. मावा मेंदुल दिनम मुवसोर दायलाह आता, मति मावा लोप्पा मनदनद जीवा, दिनम पूना आसोर दायलाह आता.#यशायाह 40:29,31; रोम सहरतोर 7:22; कुलुसितोर 3:10; 1 पत्रु 4:14 17बाराह्‌क इतेके, इव गळ्कनाङ तिपल्किन माट आपताह्‌कु, माक देवुळताहि बेस्केन मायवद बर्कत दोर्कग़ा.#2 तिमोति 2:10; 1 पत्रु 5:10 अद बर्कत अचोन बेरा मनदग़ा इतेके, ताना मुनेह इंजेटाङ तिपल्क ओसोय अल्को दिसिह्‌ताङ.#रोम सहरतोर 8:18 18बाराह्‌क इतेके, माटु दिसनव पोल्‍लोना पोग़ोन आयो, मति दिसवव पोल्‍लोना पोग़ोन कोंडा कीतल.#5:7; इब्रितोर 11:1 दिसनव पोल्‍लोङ गळ्के मन्ह्‌ताङ, दिसवव पोल्‍लोङ बारा अमेसातेनाह्‌क मन्ह्‌ताङ.

Currently Selected:

2 कुरिंततोर 4: माडियाबाय्बल

Highlight

Copy