1 तिमोति 3
3
विस्वसिरा मुडगा बेद्रमतोर मुक्यालोर तासना
1बोराय विस्वसिरा मुडगा मुक्यानन आयकन इनजोर ऊळिह्तोर, ओरा विचर बेसतलिये, इद पोल्लो सेतेमताये.#बळयिर 20:28 2बेद्रमतोग़ मुक्यान निल्पिह कीयना इतेके, ओनगा कसुर दिसवप मनवाल, दुस्राङ बेविस्किने ऊळवा उंदिय मुतेन पोस मनवाल,#5:9 बेस बुदते तिरियवाल, तनाङ विचर्किन आव्रे कीस ताकवाल, सबेटोरिह्क विचर वानाह ताकवाल,#तीतुस 2:2 बोरे आयि ओना लोन वातेके ओरिन बेस ऊळवाल,#रोम सहरतोर 12:13; 1 तिमोति 5:10; इब्रितोर 13:2 देवुळता पोल्लो बेस काग़्हवाल,#2 तिमोति 2:24; तीतुस 1:6-8 इद्रमलेह्का मनदना गावले. 3ओग़ कल लोटि मनदनद आयो, नल्हतना-कोह्कना केवाल मनदनद आयो, वह्चळ केवाल मनदनद आयो,#2 तिमोति 2:24 मति गूनमते वळ्ह्कवाल मनदना,#तीतुस 3:2 ओसो कोताना लालुस मनदनद आयो.#6:9-10; 2 तिमोति 3:2; इब्रितोर 13:5 4मुक्यानाङ पिलाङ-पेकोर इतेके, ओना पोल्लोते वरेम आसि, ओन पूरा कदर ईसि ताकना, इद्रमलेह्का ओग़ु तना लोतोरिन बेस तिर्हतना गावले. 5(तनाय लोतोरिन ओन्क तिर्हतलाह वायो इतेके, देवुळता मुडुन ओग़ बह तिर्हता पग़यनोग़?) 6ओग़ु वेल्लाजोमताहि येसुसामिन नमिस ताकवाल मनदना गावले. पूना-पूना विस्वसते वातोनु मुक्याल तासमा. तासतेके (“नना सबेटोरिह्काय नेह्ना मन्कनन इन्जि, ओर नाक मुक्याल आयलाह तासतोर,” इद्रम इनजोरे,) ओग़ पोमाडेङ आयनोग़ बहे.#6:4; 2 तिमोति 3:4 अस्के देयह्कना मुक्याह्क ईतद सिक्सा इद्रमतोन्कु वने दोर्कग़ा, (बह इतेके अद वने नना बेरोनन इन्जि, देवुळताहि एग़ता). 7येसुन नमवोर वने, ओग़ कर्तुळ मन्कल इन्जि ऊळनुर, इद्रमलेह्का मुक्याल ताकना गावले.#बळयिर 6:3; 16:2; 2 कुरिंततोर 8:21 अद्रम ताकवेके, ओना लजा दायग़ा, (अस्के ओनाङ बोरे केंजोर आयनुर). इद्रम आयना इन्जि, देयह्कना मुक्याल ऊळसोर मन्ह्ता.#6:9-10; 2 तिमोति 2:26
विस्वसिरा मुडगा बेद्रमतोर सेवा केवालोर तासना
8अद्रमलेह्का विस्वसिरा मुडगा, सेवा केवालोरिन#3:8 सेवा केवालोरिन इंग्रजिते अद्रमतोरिन “डीकन” इन्ह्तोर. वने तासनदु.#पिलिपितोर 1:1 बेद्रमतोर सेवा केवालोरिन निल्पिह कीयना इतेके, नाटेनोर ओरिन कदर एवालोर मनदना गावले. ओरु कल लोटिर मनदनद आयो,#तीतुस 2:3 नाळेह कीस तिनवालोर मनदनद आयो.#तीतुस 1:7; 1 पत्रु 5:2 ओसो ओरगा रेंड वेंजेह्कना बुद मनदनद आयो. 9ओरु किर्स्तुना लोप्पा देवुळ पुन्पिह कीतव पोल्लोन पोसि नमसोरे, जीवाताहि सेतेमते ताकना गावले.#1:5,19 10मुक्यालोरा लेह्का, सेवा केवालोरिन वने, मुने पर्ह्किस ऊळना गावले. पया ओरगा बाताले तप दोर्कवेकेने, ओर विस्वसिरा मुडगा सेवा केवालोर आयिर.#5:22 11अद्रमलेह्का सेवा कीयनवु#3:11 सेवा कीयनवु “ओराङ मुतेस्कु” इद वने आया पग़यह्ता., नाटेनोर कदर ईयनव मनदना, कूदिङ अनववु,#2 तिमोति 3:3; तीतुस 2:3 बेस बुदते तिरियनवु, सबे पोल्लोने सेतेमते मनदना गावले.
12सेवा केवालोर इतेके, दुस्राङ बेविस्किने ऊळवा उंदिय मुतेन पोस मनवालोर, तमाङ पिलाङ-पेकोरिनु, तमाङ लोह्कने मनवालोरिन बेस ताकिह केवालोर आयिर. 13विस्वसिरा मुडगा बोर बेस-नेह्ना सेवा कीस्तोर, ओरा पेदिर पेसग़ा, किर्स्तु येसुनगा ओरा विस्वस पका मेग़्कग़ा.#मत्याल 25:21
इद सीटटा लोप्पा पोलु वेहतह्तोग़
14-15इंजेके नियके चट्पिट वायकन इन्जि, नावा आसा मन्ह्ता.#4:13 मति बहाय आसि, आल्सेम आतेक बारा, इद सीटि नीक रासिसीय्ह्नन. देवुळता लोतोर बेद्रम ताकना, तेन निमा पुनदना इन्जि, इव पोल्लोङ नीक वेहतह्नन. देवुळता लोतोर बोर इतेके, किर्स्तुन नमवालोर जीवात मनदनद देवुळता मुलु.#इब्रितोर 10:21; 1 पत्रु 2:5 बेद्रमलेह्का रायिना, जोताना, आदरते लोन नितह्ता, अद्रमलेह्काने विस्वसिरा मुल बेगा बेस ताकिह्तोर, अगा देवुळता सेतेम पोल्लो नितह्ता.#2 तिमोति 2:19
16ओसो किर्स्तुना लोप्पा, देवुळ पङ्ने कीतव पोल्लोङ पका असलताङ मन्ह्ताङ, इद करलिये.#रोम सहरतोर 16:25
“किर्स्तु मान्वल आसि माक दिसतोग़.#योहन 1:14; 1 पत्रु 1:20
ओग़ु देवुळता मग़ इन्जि, पवित्र जीवा तोहता.
ओग़ हामुरताहि तेग़्कतस्के, देवतुल्क साक्सि मताङ.#लूकाल 24:4; 1 पत्रु 1:12
ओग़ तना डीसाते कलियनाहु, देवुळि ओन पोग़ोन ओता.#मार्कल 16:19; 1 पत्रु 1:21
ओना कबुर दुस्राङ जातिनोरगा आबुर आता.
दुनियामेटोर लोकुर ओन नमतोर.”#रोम सहरतोर 16:26; कुलुसितोर 1:23; 2 तिसलुनितोर 1:10
Currently Selected:
1 तिमोति 3: माडियाबाय्बल
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
