1 तिसलुनितोर 4

देवुळतुह्‌क गिर्दा वानाह मनदनद मनमुळि

1मावोर विस्वसिरिर! नना इंजेके आक्रिताङ पोल्‍लोङ वेहतह्‌नन; देवुळतुह्‌क गिर्दा वानाह ताकना इनजोर,#2 कुरिंततोर 5:9; इपिसुसतोर 4:1 मीक काग़्हच मतोम. अहे मीट मनदलाह आतिरे. मति इंका ओसो मीट अद्रमलेह्‌काने, मुनेह वने बेर्ससोर अन्ह्‌ट इनजोर, माट येसुसामिना पेदिरते मीक अर्ज कीयलाह आतोम.#पिलिपितोर 1:9; 1 तिसलुनितोर 3:12-13; 2 तिसलुनितोर 1:3 2येसुसामि माक अदिकर ईताह्‌कु, मीक बाताल बाताल उकुम ईस मतोम, अदिन मीट पुतिर. 3मीट पापमलेवा पवित्र आसोर दायना इनजोर, देवुळता विचर मन्ह्‌ता.#इपिसुसतोर 5:17 इतेके: साट्याल कबळताहि जेक मनदना;#1 कुरिंततोर 6:18-20 4पवित्रते मन्जि, दुस्रोरा मुनेह मीट कदरलेवा मनदनद आयो इन्जि, मीट ओर्वोग़-ओर्वोग़ मन्कल साट्याल बुदते ताकवा, आपुना मेंदुलतुन आव्रे कीयना. 5देवुळतुन पुनवोर लोकुर#गलातितोर 4:8; इपिसुसतोर 2:12 साट्याल विचर्कने ताकिह्‌तोर, अद्रमलेह्‌का मीट कीयनद आयो.#रोम सहरतोर 1:24-26 6बोग़े तना तोळतोग़ विस्वसिना (मुतेन कव्स मन्जि,) मावोग़ विस्वसिय कोनि इनजोर, ओना अडम पापम कीयनद आयो.#लैव्यव्यवस्था 18:20; मत्याल 14:3-4; 1 कुरिंततोर 6:8 इद्रमताङ कबस्क केवालोरिह्‌क, सामिनाहि सिक्सा दोर्किह्‌ता;#रोम सहरतोर 12:19; इब्रितोर 13:4 अदिह्‌क अद्रम बेस्केन केमाट इनजोर, माट मीक मुनेन कळक पोल्‍लोते वेहच मतोम. 7बाराह्‌क इतेके देवुळि माक पवित्रते मनदलाह केयता; साट्याल कबळ कीयलाह आयो.#1 कुरिंततोर 6:13; 1 तिसलुनितोर 2:3; 2 तिसलुनितोर 2:13; 1 पत्रु 1:15 8अदिनेनाह्‌क इद पोल्‍लोतुन बोग़ पास्किह्‌तोग़, ओग़ मन्कनु पास्कोग़ मति, देवुळतुन पास्किह्‌तोग़. इतेके, तना पवित्र जीवातुन मीवा जीवातगा उदिह कीयनदु,#रोम सहरतोर 5:5; 2 कुरिंततोर 1:22; गलातितोर 4:6; 1 योहन 3:24 अद देवुळतुन पास्किह्‌तोग़.

9इंजेके ओर्विह्‌क-ओर्वोग़ तमोग़-दादाना लेह्‌का जीवा कीयनद पोल्‍लोतुन, मीक रासलाहि गर्ज इले. ओर्विह्‌क-ओर्वोग़ जीवा कीम्ह्‌टु इनजोर, देवुळि तनाय मीक काग़्हता.#यशायाह 54:13; यिर्मयाह 31:33-34; योहन 6:45; 13:34; 1 योहन 2:27 10मीवा मकिदुनिया पटटोर सबेटोर विस्वसिरिन, मीट जीवा कीय्ह्‌निरे.#1:7 मति मावोर विस्वसिरिर! इंका ओसो पका जीवा कीसोर मन्ह्‌टु इनजोर, माट मीक वेहतलाह आतोम.#3:12-13 11माट मीवा संगे मनदह्‌पा, मीक उकुम ईतप लेह्‌कान, दुस्रोरिह्‌क तिपल एवा, आपुना-आपुना कबळ-कामतुन ऊळाटु,#1 पत्रु 4:15 लंडा आयवा कह्‌टेम कीम्ह्‌टु.#बळयिर 18:3; इपिसुसतोर 4:28 12इद्रम मतेके, मीवा ताकमुळि विस्वस केवोरिह्‌क विचर वानाह मनदग़ा, अहे मीट बोनाय पोग़ोन मोता आयविर.#रोम सहरतोर 13:13; इपिसुसतोर 4:28; कुलुसितोर 4:5

डोलतोर विस्वसिर बेगा दास्तोर?

13मावोरिर, मीट डोलतोर विस्वसिरेनाह्‌क, आसालेवोरा लेह्‌का दुकम आयनद आयो इन्जि,#इपिसुसतोर 2:12 माट मीकु तेळियिह कीस वेहतह्‌नोम. 14डोलतोर विस्वसिरा बह आस्ता इतेके, येसु डोलिसि जीवा अरतोग़, ओसो मल्स वायनोग़ इन्जि, माट विस्वस कीय्ह्‌नल. अद्रमे डोलतोर विस्वसिरिन, देवुळि मेंदुल अग़्के जीवा अर्हचि, ओरिन येसुना संगे देवुळदीपते ततग़ा.#रोम सहरतोर 14:9; 1 कुरिंततोर 15:14,18; 2 कुरिंततोर 4:14 15माटु सामि वेहतद पोल्‍लोते मीक इद्रम वेहतह्‌नोम इतेके, येसु मल्स वायनस्के, इद बूमते जीवात मनवालोर विस्वसिर, डोलतोर विस्वसिरिह्‌काय मुने देवुळदीपते अनोर.#1 कुरिंततोर 15:51-52; 1 तिसलुनितोर 5:10 16येसुसामि देवुळदीपताहि इळ्न रेगनोग़, रेगतस्के बेरा लेङते उकुम ईयनदु, मोदुल देवतुलता आल्का,#यहुदाल 9 देवुळता अकुम ऊरनदु,#मत्याल 24:31 इव सबे केंज वायनुङ.#1:10; 2 तिसलुनितोर 1:5-7 अस्के किर्स्तुन विस्वस कीस डोलतोरु, मुने जीवा अरयनुर.#1 कुरिंततोर 15:18,22-23; तोहचीतव पोल्‍लोङ 20:5 17ताना पयाये माट जीवात मनवालोरल, ओरा संगे सामिन कलियलाह, मेंदुल अग़्के मोयुलपोग़ोन वळ्‍दे दाकल#2 कुरिंततोर 12:2; तोहचीतव पोल्‍लोङ 1:7,#4:17 नना जीवात मनेकेने, येसुसामि मल्स वायनोग़ इन्जि, पोलुना आसा मता बहे, अदिह्‌क इद्रम रासतोग़. इद्रमे माट अमेसा ओना संगे मनदकल.#योहन 12:26; 1 कुरिंततोर 15:51-52; 1 तिसलुनितोर 5:10; 2 तिसलुनितोर 2:1 18इव पोल्‍लोङ वेहचि पया, ओर्विह्‌क-ओर्वोग़ दीरा ईसोर मन्ह्‌टु.

Currently Selected:

1 तिसलुनितोर 4: माडियाबाय्बल

Highlight

Copy