1 कुरिंततोर 8

ऐंगेटोग़ विस्वसिन पापमते अरनाह कीयनद आयो

1इंजेके पेन-बोमानेनाह्‌क वाटटव अविना#बळयिर 15:20; 1 कुरिंततोर 10:14-28 लोप्पा ताल्ह्‌किस मतिर. इद पोल्‍लोता लोप्पा माट बेस-नेह्‌ना पुतोम इन्जि, उच्वुरिर इह्‌निर.#रोम सहरतोर 15:14 अद निटमे मति, माट पका पुतोरोम इनवालोर, माट बेरोरोम इन्जि पोग़यसोर तिरियिह्‌तोर.#4:6 जीवा केवालोर बारा, दुस्रोरा पाय्दातुन ऊळिह्‌तोर.#रोम सहरतोर 14:19; 1 कुरिंततोर 13:4 2माट सबे पुतोम इनजोर, बोर बोर इतेक तेला,#3:18 देवुळता मुनेह ओर इंका वने बेदे पोल्‍लोतुन पुनोर.#13:9 3बोर बारा जीवा कीसोर मन्ह्‌तोर, देवुळता विचरते ओरगाने निटमता पुनदनद बुद मन्ह्‌ता.#8:3 बोर बारा जीवा कीसोर मन्ह्‌तोर, देवुळता विचरते ओरगाने निटमता पुनदनद बुद मन्ह्‌ता. वेल्‍लाङे मोदुल काग्देह्‌कने “देवुळतुन जीवा केवालोरिन बारा, देवुळि बेस-नेह्‌ना पुन्ह्‌ता,” इनजोर रासतद मन्ह्‌ता.

4इंजेके बोमानेनाह्‌क वाटटव अविङ तिनदनदिना लोप्पा,#बळयिर 15:20 इद्रम इह्‌निर इतेके: दुनियातगा मनदनव बोमाङ बाताङे आयोङ, अव उगसताङे.#10:19 निटम देवुळि उंदिय मन्ह्‌ता, तान विळ्सिसि दुस्रा देवुळि इले,#व्यवस्थाविवरण 4:35,39; 6:4; 1 तिमोति 2:5 इनजोर मीट इह्‌निर. 5पोग़ोटा बूमतगा इलवेके इळ्ता बूमतगा, निटम वेल्‍लाङे देवुळ्कु ओसो वेल्‍लाङे सामिङ मन्ह्‌ताङ इनजोर, मन्कलोर इन्ह्‌तोर.#2 तिसलुनितोर 2:4 6अह इतेकाय, माट विस्वसिरेनाह्‌क उंदिय देवुळ मन्ह्‌ता इतेके मावा देवुळबाबाले.#व्यवस्थाविवरण 4:35,39; 6:4; यशायाह 46:9; यिर्मयाह 10:6-7 ओग़े सबेटविन पुटिह कीतोग़. माट ओनेनाह्‌के पिसिह्‌नल.#रोम सहरतोर 11:36 अद्रमलेह्‌काने मावा सामि इतेके किर्स्तु येसुसामि वग़ोग़े!#योहन 13:13-16; 1 कुरिंततोर 1:2; इपिसुसतोर 4:5; 1 तिमोति 2:5 देवुळि ओना कयदे सबेटविन पुटिह कीता.#योहन 1:3; कुलुसितोर 1:16; इब्रितोर 1:2 ओनाय कयदे माक वने पिसिह कीता.#1 तिमोति 2:5

7मति सबेटोर विस्वसिर इद पोल्‍लोतुन पुनोर. उच्वुर मन्कलोर मुने पेन-बोमानु मोळ्किस मर्सताह्‌कु, नेटा दिया एवनाह, पेन-बोमानेनाह्‌क मोळ्कतव अविङ तिनदह्‌पा, अव पेन-बोमाह्‌क वाटटव इनजोर, सीता कीस तिन्ह्‌तोर. (ओरा नेह्‌ना-लाग्वा पुनदनद बुद बेर्सवा मताह्‌कु, इविन तिनदनद पोलिह्‌ताया, पोलो इनजोर पुनोर.) अदिनेनाह्‌क अद्रमताङ अविङ तिताह्‌कु, कळ्‍वोग़ आतोम इनजोर, ओरा जीवा चुहेम आयो.#रोम सहरतोर 14:14,22-23; 1 कुरिंततोर 10:28-30 8इंजेके तिनदनद तिंडि माक देवुळतुह्‌क ओप्पनाह केवो इनजोर पुन्ह्‌टु.#रोम सहरतोर 14:17 माट अदिन नोमतेके, बाताले नुस्कन आयो, ओसो नोमवेक वने बाताले पाय्दा आयो. 9उंद पोल्‍लोतुन सीताते तासाट: मीट विस्वसते बेस मेग़्कताह्‌कु, मीवा विचरते सबे पोलिह्‌ताङ. मति इद पोल्‍लोता मेटे, पोलिह्‌ताया पोलो इनजोर, विस्वसते मेग़्कवोरिन पापमते अरनाह कीयनद आयो.#रोम सहरतोर 14:13,21; 1 कुरिंततोर 10:28-30; 2 कुरिंततोर 11:29; गलातितोर 5:13 10अद इद्रमि: (पेन बोमाङ निटम देवुळ्क आयोङ इनजोर,) पुतन इनवानिन; निमा बोमाना मंदिरतगा गाटो तिनदकिन. अस्के विस्वसते मेग़्कवोग़ मन्कल नीक ऊळनोग़. नीक ऊळतस्के, ओग़ वने बोमानेनाह्‌क मोक ईतविस्कनाङ अविङ तिनदलाह रेयोग़ आयनोग़ बहे. (बेद कबळतुन ओग़ पापम कबळ इन्ह्‌तोग़, अदिने कीयलाह ओन्क दीरा वास्ता.) 11अद्रम पुतोनिन, निमा कीतद कबळतेनाह्‌कु, विस्वसते मेग़्कवोग़ नीवा ऐंगेटोग़ विस्वसि, देवुळताहि पूरा जेक आयनोग़.#रोम सहरतोर 14:15,20 निमा अद्रम अग़ एमा. ओनेनाह्‌क वने किर्स्तु डोलतोग़ कोनि. 12इद्रम विस्वसते मेग़्कवोर ऐंगेटोर विस्वसिर, बेदिन पोलो इनजोर इन्ह्‌तोर, तान ओर कीयनाह कीसि, ओरा विरुद पापम कीय्ह्‌निर.#मत्याल 18:6; रोम सहरतोर 14:20; 1 कुरिंततोर 10:28-30 अह कीतेके, किर्स्तुना विरुद वने अद पापम आस्ता.#रोम सहरतोर 14:1 13अदिनेनाह्‌क नना तिनदनद तिंडटा मेटे, नावा ऐंगेटोग़ विस्वसि पापमते अरतेके, ओग़ पापमते अरमाकेग़ इनजोर, नना जीवात मनाह, मुर्तिय अविङ तिनोन आयकन.#2 कुरिंततोर 11:29 मीट वने इदे विचर कीम्ह्‌टु.#रोम सहरतोर 14:13,21; 1 कुरिंततोर 10:32; 2 कुरिंततोर 6:3

Currently Selected:

1 कुरिंततोर 8: माडियाबाय्बल

Highlight

Copy