1 कुरिंततोर 6
6
ऐंगेटोर विस्वसिरिन दुनियाता पंचतगा ओयनद ओप्पो
1इंजेके ओसो उंद पोल्लो तेहतह्नन: मीवा मुडगा बोग़ाय तना ऐंगेटोग़ विस्वसिना संगे जग्ळम आतेके, नेयमतुह्क देवुळता मन्कलोरगा अनवा,#मत्याल 18:17 देवुळतुन पुनवोरगा दायलाह आतिरा? 2बह आक्रिता नेयमता दियाते, मीट देवुळता मन्कलोरिर दुनियातोरा नेयम कीकिर,#दानिय्येल 7:18,22,27; मत्याल 19:28; तोहचीतव पोल्लोङ 20:4 इदिन पुनविरा? पूरा दुनियातोरा नेयम केवालोरिर मीटे, इतेके इव उड्लाङ-उड्लाङ पोल्लोना नेयम कीसीया पग़विरा? 3माट पोग़ोटाङ देवतुल्कना इंका बेरा नेयम कीकल इनजोर पुह्निर. इतेके दिनमताङ पोल्लोना कट्लातुन बह नेयम कीसीया पग़विर? 4अद्रमताङ कट्लाना नेयम कीसीयलाह, बह मीट विस्वसिरा मुडोर आयवोरिन निल्पिह कीकिरा? 5मीक लजा वायि इनजोर, इद्रम वेहतलाह आतन!#4:14 विस्वसिरा कट्लातुन बेस-नेह्ना नेयम कीसीयलाह, बुदतोग़ मन्कल मीवा मुडगा बोग़े इलेग़? 6ओर्वोग़ विस्वसि तना ऐंगेटोग़ विस्वसिन पंचतगा ओस्तोग़; अचोने आयो, पंच उदवालोर वने विस्वसलेवोरे! इद नेका ओप्पो! 7मीवा मुडगा बोग़ाय विस्वसि तना ऐंगेटोन पंचतगा ओयलाह आतोग़ इतेके, इद्रम देवुळता बद्नम कीसि, मीट अस्केन आरेम आतिरे! इद्रम कीयना बद्ला, नीवा ऐंगेटोग़ विस्वसि, नीक तिपल कीतदिन केमेन आपतेक वने नेका ओप्पालि. ओग़ नीक नाळेह कीतदिन, निमा मापि कीतेक वने नेका ओप्पालि. 8मीट अद्रम केवा, मीवाय मुडोर विस्वसिरिन तिपल कीय्ह्निर, नाळेह कीय्ह्निर.#1 तिसलुनितोर 4:6
9देवुळतुह्क विचर वावाह ताकवालोर मन्कलोरु, अद राजेम कीयनगा मनदा पग़वोर इनजोर मीट पुतिर. मीट नाळेम आयमाटु. साट्याल कबस्क केवालोर, बोमान मोळ्कवालोर, दुस्रोराङ मुतेस्किन कवालोर, मुजोन विळ्सिसि दुस्रोन कवयनद आंचाळि, आंचाळ-कोय्तोना लेह्का कोय्तोग़ कोय्तोना संगे उंजवालोरु,#रोम सहरतोर 1:27; 2 कुरिंततोर 12:21; 1 तिमोति 1:9-10; इब्रितोर 13:4 10कलेर, लालुस मन्कलोर, कल लोटिर, कदर रेहतनव पोल्लोङ वळ्ह्कवालोर, नाळेह कीस तिनवालोरु, वेर सबेटोर देवुळि राजेम कीयनगा मनदा पग़वोर.#15:50; गलातितोर 5:19-21; इपिसुसतोर 5:5; कुलुसितोर 3:5; तोहचीतव पोल्लोङ 21:8; 22:15 11मीवा मुडग्डाहि उच्वुर मन्कलोरिर मुने अद्रमे मतिर.#12:2; इपिसुसतोर 2:2-3; कुलुसितोर 3:7; तीतुस 3:3 मति येसुसामि किर्स्तु मयेनाह्क डोलताह्कु, मावा देवुळि तना जीवाते मीवा जीवातुन नोग़ता,#बळयिर 22:16; 1 योहन 2:12 नोग़्सि मीक तनेनाह्क एग़िह कीता,#1:2 सेतेमतोर कीता.#रोम सहरतोर 3:24; 8:30
देवुळतुह्क मान दोर्कनाह, आपुनाङ मेंदुस्किन काळ्ङना
12मीट उच्वुर मन्कलोरिर, माक सबे कीयलाह पोलिह्ता इह्निर. अद निटमे, मति सबे कबस्कनाहि पाय्दा दोर्को इह्नन.#10:23 नाक सबे कीयलाह पोलिह्ताये, मति बेदिने नाक आव्रे कीयलाह एवोन. 13मीट उच्वुरिर इह्निर, पोटातेनाह्क तिंडि मन्ह्ता, तिंडटेनाह्क पोटा मन्ह्ता, मति देवुळि इव रेंडिन आसि मायिह कीयग़ा,#कुलुसितोर 2:20-22 इह्निर. (अदिह्क इद बूमतगा मनेके, माक बेदिनाय तिनदलाह पोलिह्ता इनजोर इह्निर. अद तिनदनद तिंडटा लेह्काने, मावा मेंदुदे वने साट्याल कबळ कीयनद पोलिह्ता इनजोर, मीट मुर्तिय विचर केमाटु.) मावा मेंदुलि साट्याल कबळ कीयलाह आयो, मति सामिन माळना इन्जि, पंडटद मन्ह्ता. (अहे ओसो सामि मावा मेंदुलतगा जागा आयलाह ऊळिह्तोग़.)#1 तिसलुनितोर 4:7 14देवुळि (मेंदुलतुन मायिह कीयग़ा इनजोर इनमाटु; अदु) येसुसामिना मेंदुलतुन, तना लावते जीवा अर्हचीता;#बळयिर 2:24; 2 कुरिंततोर 13:4 अद्रमे मावाङ मेंदुस्किन वने जीवा अर्हचीयग़ा.#योहन 6:39-40; 1 कुरिंततोर 15:22-23
15मीवाङ मेंदुस्क किर्स्तुना संगे जोळेम आस मन्ह्ताङ,#रोम सहरतोर 12:5; इपिसुसतोर 5:30 पुनविरा? अद्रम मनदह्पा, अव मेंदुस्किन बोगे आस्कना संगे जोळे कीयनद ओप्पिह्ताया? मुर्तिय ओप्पो! 16वेर आळ इर्वुर जोळेम आसि, उंदिय आस मनदनुर#पुटमुळि 2:24; मत्याल 19:5; मार्कल 10:8 इनजोर देवुळता सास्त्रम वेहतह्ता. अदिनेनाह्क बोगे आंचान कय बोयवाल मन्कल, ताना संगे जोळेम आसि, इर्वुर आस उंदिय मेंदुल आस्तोर इनजोर मीट पुतिर. 17मति बोग़ सामिना संगे जोळेम आतोग़, ओना जीवा, सामिना जीवा उंदिये!#योहन 17:21-23; रोम सहरतोर 8:9-11 18-20देवुळि मियगा तना जीवातुन उदिह कीता, अद जीवा मियगा मन्ह्ता, पुनविरा? अद जीवा मनदनद मंदिर मीवा मेंदुलि.#रोम सहरतोर 8:9; 1 कुरिंततोर 3:16 देवुळता मग़ि मियेनाह्क तना जीवा ईयलाह वातोग़, अचोटा कर्सा ईसि देवुळि मीक असता.#बळयिर 20:28; 1 कुरिंततोर 7:23; 2 पत्रु 2:1 इतेके मीवा मेंदुलि इंजेके मीवा कुदता आयो,#रोम सहरतोर 14:7-8 इव सबे पोल्लोन माग़्ङमाट!#याकुब 4:5 अदिह्क साट्याल कबळतग्डाह जेक मन्ह्टु.#2 कुरिंततोर 12:21; गलातितोर 5:19-21; इपिसुसतोर 5:3; कुलुसितोर 3:5; 1 तिसलुनितोर 4:3; 2 तिमोति 2:22; इब्रितोर 13:4 बोग़ाय मन्कल तना कीतव सबे पापि कबस्कु, मेंदुदा पलते कीस्तोग़. मति साट्याल कबळता पापम कीतेके, तनाय मेंदुदा विरुदते पापम कीस्तोग़. इव सबे पोल्लोनेनाह्क, मेंदुलते बाताल बाताल कीकिर, अव सबे देवुळतुह्क मान दोर्कनाह कीम्ह्टु.#रोम सहरतोर 12:1
Currently Selected:
1 कुरिंततोर 6: माडियाबाय्बल
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
