1 कुरिंततोर 15
15
किर्स्तु जीवा अरयनद पोल्लो
1मावोर विस्वसिरिर! नना मियगा पोकुर कीतद किर्स्तुना बेसता कबुरतुन, इंजेके ओसो सीता कीसीयलाह आतन. अद कबुरतुन मीट केंजिस नमतिर.#3:6 ताना पोग़ोन विस्वस तासिसि, इंजेके निच मह्निर.#रोम सहरतोर 5:2; 1 कुरिंततोर 16:13; 2 कुरिंततोर 1:24; 1 पत्रु 5:12 2नना मीक वेहतद बेसता कबुरता पोल्लोतुन, मीट मेग़्किस पोस मतेके,#11:2 देवुळि मीक पिसिह कीस्ता.#रोम सहरतोर 11:22 अद्रम केवेक अचोन, मीट विस्वस कीतद उगसे आस्ता.#गलातितोर 3:4
3अद कबुरता सबेट्क मोदुल पोल्लोतुन, नाक मुने वेहतपे, मीक काग़्हचीतन;#11:23 अद पोल्लो इदे आंदु: देवुळता सास्त्रमतगा मुनेन रासतप लेह्का, किर्स्तु मावा पापमतेनाह्क मोक आसि डोलतोग़.#यशायाह 53:5-12; मत्याल 26:24; योहन 1:29; बळयिर 8:32-33; 17:3; 1 पत्रु 2:24 4ओग़ डोलतस्के, मन्कलोर ओना सेत्तातुन गुमयातगा मिसतोर. देवुळता सास्त्रमतगा मुनेन रासतप लेह्का, मूंड दियाने देवुळि ओन जीवा अर्हचीता.#देवुळताङ पाटाङ 16:8-10; मत्याल 16:21; बळयिर 2:24,30-31; 26:22-23 5जीवा अरतस्के किर्स्तु पत्रुह्क दिसतोग़.#लूकाल 24:33-34 पया बारा बळयिरिह्क दिसतोग़.#मार्कल 16:14; लूकाल 24:36; योहन 20:19 6ताना पया एयुङ नूह्किह्काय एक्वा, मावोर विस्वसि मन्कलोरिह्क उंदिय देबा दिसतोग़. ओर मन्कलोरग्डाहि उच्वुर डोलतोर, मति वेल्लाटोर इंका जीवात मन्ह्तोर. 7ताना पया तनतमोग़ याकुबिह्क दिसतोग़. अहे ओसो तनाङ सबेटोर बळयिरिह्क दिसतोग़.#लूकाल 24:36; बळयिर 1:3 8सबेटोरिह्काय पया नाक वने दिसतोग़.#बळयिर 22:6-11; 26:12-18; 1 कुरिंततोर 9:1 नना दुस्रा रीतते किर्स्तुना बळयिनन आतन.#15:8 बळयिर 9:1-16 ऊळाट. डोलिस पुटटप लेह्का, नना देवुळतुह्क बातय कबळतुह्क अरवोन आंदन. 9बाराह्क इतेके, मुने देवुळता मुडुन नल्हतना-कोह्कना कीसोर मतन.#बळयिर 8:3 अदिनेनाह्क बोग़े नाक किर्स्तुना बळयि इनदना लायक इलोन. नना किर्स्तुनाङ बळयिरग्डाह सबेट्क उड्लोनन इनजोर पुतन.#2 कुरिंततोर 12:11; इपिसुसतोर 3:8; 1 तिमोति 1:15 10मति नना इंजेके बळयिनन मह्नन इतेके, देवुळता दयाते मह्नन! देवुळि नाक ईतद दया उगस अनो. किर्स्तुनाङ बळयिर दुस्रोरिह्काय एक्वा, नना एपुर पेसनाह कह्टेम कीतन.#2 कुरिंततोर 11:23; कुलुसितोर 1:29; 1 तिमोति 4:10 तेला मति निटम इतेके, नावाय लावते नना केवोन, देवुळि तना देय्वाते नयग्डाहि कह्टेम कीता.#3:6,10; 2 कुरिंततोर 3:5; पिलिपितोर 2:13 11अदिनेनाह्क नना पोकुर कीतेकाय, किर्स्तुनाङ दुस्रोर बळयिर पोकुर कीतेकाय, माट पोकुर कीयनद पोल्लो उंदिये: अद किर्स्तु हामुरताहि जीवा अरयनद पोल्लो आंदु. ताने मीट विस्वस कीतिर.
डोलतोर विस्वसिर जीवा अरयह्तोर
12किर्स्तु डोलतोरग्डाह जीवा अरतोग़ इनजोर मीक पोकुर कीतोम! अह इतेके डोलतोर विस्वसिर ओसोवने जीवा अरवोर इनजोर,#बळयिर 17:32; 23:6-8; 2 तिमोति 2:18 इद्रम मियग्डाह उच्वुरिर बाराह्क इह्निर?#15:12 कुरिंत सहरतोर युनानि जाततोर आंदुर. मन्कल डोलतस्के, ओना जीवा अमेसातुह्क पिसिह्ता, मति मेंदुल बेस्केन जीवा अरवो इन्जि, युनानि जाततोर इंदुर. येसुन विस्वस कीतापया वने, उच्वुरा विचर अद्रमे मता. 13डोलतोर ओसोवने जीवा अरवोर इतेके, देवुळि किर्स्तुन वने जीवा अर्हो. 14किर्स्तु ओसोवने जीवा अरवेक अचोन, माट मीक ओना बेसता कबुर पोकुर कीयनद उगसे आता. मीवा विस्वस वने उगसे आता.#1 तिसलुनितोर 4:14 15ओसो उंद पोल्लो: देवुळि किर्स्तुन ओसोवने जीवा अर्हता इनजोर, मुनेन मीक वेहच मतोम. डोलतोर जीवा अरवेक अचोन, देवुळि किर्स्तुन वने जीवा अर्हता पग़वो. इतेके माट देवुळता लोप्पा जोल साक्सि ईतप लेह्कान आता. 16बाराह्क इतेके, डोलतोर जीवा अरवोर इतेके, किर्स्तु वने जीवा अरवोग़ इतप आता. 17देवुळि किर्स्तुन जीवा अर्हवेके, मीवा विस्वस उगसिन आता, इंका वने मीट पापमता कयदेन मह्निर;#रोम सहरतोर 4:24-25 18ओसो किर्स्तुन विस्वस कीस डोलतोर वने, पूरा देवुळताहि एग़तोर.#1 तिसलुनितोर 4:14,16; तोहचीतव पोल्लोङ 14:13 19सिरप इद बूमतगा पिसनद पिसमुळतेनाह्क, किर्स्तुना पोग़ोन आसा तासतल इतेके, माट सबेटोर मन्कलोरिह्काय, एक्वा आरेम आतोरल आंदल.
20मति निटम पोल्लो इद आंदु: किर्स्तुन डोलतोरग्डाह देवुळि ओसोवने जीवा अर्हता!#बळयिर 2:24; 1 पत्रु 1:3 डोलतोरग्डाहि जीवा अरतोग़ ओग़े मुनेतोग़ आंदोग़.#बळयिर 26:23; कुलुसितोर 1:18; तोहचीतव पोल्लोङ 1:4-5 21अद इद्रमि मन्ह्ता: ओर्वोग़ मन्कना मेटे, हामुर वाता.#रोम सहरतोर 5:12 अहे दुस्रोग़ मन्कना मेटे बार, डोलतोर ओसोवने जीवा अरयनद वाता. 22इतेके आदम मुय्तोनाहि पुटटोरल, माट सबेटोरल हायनल.#रोम सहरतोर 5:12-14 मति किर्स्तुना संगे जोळेम आतोर मन्कलोरिन बार, देवुळि ओसोवने जीवा अर्हतग़ा.#रोम सहरतोर 5:17-18 23मति ओर्वोग़-ओर्वोग़ मन्कल, ओर्कुलते जीवा अरयनुर. जीवा अरवालोरग्डाहि किर्स्तुये मुनेतोग़,#बळयिर 26:23 पया ओग़ ओसोवने वायनोग़ अस्के, ओना मन्कलोर#3:23 जीवा अरयनुर.#6:14; 15:51-52; पिलिपितोर 3:10-11; 1 तिसलुनितोर 4:16 24पया इळ्ता बूमते आयिङ, पोग़ोटा बूमते आयिङ, देवुळता विरुद मनदनव सबे राजेह्किन, सबे अदिकरते मनदनविन, सबे लावताङ देयह्क-बूतह्किन, किर्स्तु आरे कीसि, तना राजेम कीयनद अदिकरतुन, देवुळबाबाना कयदे ईयनोग़;#दानिय्येल 2:44; 7:14,27; 2 पत्रु 1:11 अस्के बूम मारेंगा आयग़ा. 25विरुदतव सबेटविन आरे कीयनाह्जोम, किर्स्तु राजेम कीसोर मनदनद गर्ज मन्ह्ता.#देवुळताङ पाटाङ 110:1; मत्याल 22:44; इब्रितोर 2:8 26हामुरि, इद वने मावा पका विरुद मनदनद आंदु, आक्रिते किर्स्तु तान वने बूळे कीयनोग़.#2 तिमोति 1:10; तोहचीतव पोल्लोङ 20:14; 21:4 27देवुळि सबेटविन ओना अदिकरते कीसीता#देवुळताङ पाटाङ 8:6; मत्याल 28:18; इपिसुसतोर 1:22; इब्रितोर 2:8 इनजोर, सास्त्रमतगा रासतद मन्ह्ता. “सबेटविन” इनजोर रासतेके, देवुळतुन विळ्सिसि सबेटविन इनजोर, बराबर एर्का आस्ता. इतेके देवुळि सबेटविन किर्स्तुना अदिकरते कीसीतेक तेला, देवुळि तना ओना कयदे इले. 28सबेटविन ओना अदिकरते कीसीता, मति सबे ओना अदिकरते आतापया, देवुळिये सबेटविन पूरा ताकिह कीयि इनजोर, देवुळता मग़ इंका ताना अदिकरते मनदनोग़.#3:23; पिलिपितोर 3:21
29डोलतोर विस्वसिर ओसोवने जीवा अरवेके, डोलतोरेनाह्क येसुना पेदिरते एग़ मीवालोर पया बह कीयनुर? डोलतोर जीवा अरवेके, ओरेनाह्क मन्कलोर बाराह्क येसुना पेदिरते एग़ मीस्तोर?#15:29 उय्तुर कुरिंततोर इद्रम कींदुर, ओरा इद रिवजता लोप्पा माक इंजेक तेळियो. बेस्के-बेस्के हायना वेलाते, विस्वसि मन्कल तना अविस्वसि लोतोरिन येसुनके वाटु इनजोर, आक्रिता अर्ज कींदुर. ओग़ हातापया, पिसतोर बोरु येसुन विस्वस कीसि, येसुना पेदिरते एग़ मीयना रिवज कींदुर. कीतस्के हातोग़ विस्वसिना सीता कींदुर. इद्रमता पोल्लो आस मनदग़ा बहे. 30ओसो माट सेवकिरोम इतेके, दोकाते मन्जि, बेसता कबुरतुन बाराह्क पोकुर कीयलाह आतोम?#2 कुरिंततोर 11:26 (डोलतोर ओसोवने जीवा अरवेके, नग़्का-पियलि अद्रम बाराह्क तिपल आवेरोम?) 31मावोर विस्वसिरिर! मावा किर्स्तु येसुसामि नावा मेटे, मियगा बेचोटा बेरा कबळ कीतोग़ इन्जि, नना पोग़यसोर मह्नन, इद करलता पोल्लो. ओसो नावा सेवातेनाह्क दिनमे हामुरता दोका नाक वास्ता,#रोम सहरतोर 8:35-36 इद अचोने करलता पोल्लो.#4:9 32इपिसुस सहरतगा, गेळा जन्वर्कना बुदलेह्काडोर मन्कलोरा संगे लळेम आतन.#2 कुरिंततोर 1:8 डोलतोर ओसोवने जीवा अरवोर इतेके, ओरा संगे नना लळेम आस, नाक बाताल पाय्दा दोर्कालि? अह इतेके, इस्रयेलतोर मुने इनदना लेह्कान, “नाळ कोनि डोलना मन्ह्ता, अदिनेनाह्क तिनदकल, उनडकल, गिर्दाते मनदकल,”#यशायाह 22:13; 56:12 इनजोर मनाह आवालि. 33अद्रम इनवालोरिन मीक नाळेह कीयलाह एमाटु. लाग्वोरा संगे गोत आतेके, देवुळतुह्क विचर वानाह, ओर मीक पिसलाह एवोर. 34इव पोल्लोना लोप्पा पुन्ज मन्ह्टु. देवुळतुह्क विचर वातप बेस बुदते मन्ह्टु, पापम कीयनद विळ्साटु.#रोम सहरतोर 13:11 मीक लजा वानाह उंद पोल्लो इह्नन,#4:14; 6:5 मियगा उच्वुर मन्कलोरिर देवुळतुन इंका पुनविरे.
जीवा अरतापयाडा मेंदुलि
35मियग्डाहि बोग़ाय इद्रम इनेग़: डोलतोर ओसोवने बेद्रम जीवा अरयह्तोर? जीवा अरतापया, ओरिह्क बेद्रमता मेंदुल मनदग़ा इनजोर ताल्ह्केग़! 36अद्रम ताल्ह्कवानिन बुदलेवोनिन! निमा वीतिह्निन अद पेनेमि, डोलतप लेह्का बूमता इळ्न मतेक कोनि, ओसो मोळ्यिह्ता!#योहन 12:24 37निमा गोह्काय, इलवेके बेव दुस्राङ विजाङ वीततस्के, मोदुदुन वीतविन, वेट पेनेह्किने वीतिह्निन. 38मति अद मोळ्यिह्पा, देवुळि तना विचरते अद पेनेमतुह्क मोदुल ईस्ता. उंद-उंद पेनेमतुह्क, अलग-अलग मोदुल मन्ह्ता.#पुटमुळि 1:11 39अद्रमे मन्कलोरा मेंदुल दुस्राये, जन्वर्कना मेंदुल दुस्राये, पिटेना मेंदुल दुस्राये, मीन्कना मेंदुल दुस्राये. 40ओसो पोग़ोटा बूमतगा मनदनव मन्ह्ताङ, इद बूमतगा मनदनव मन्ह्ताङ. पोग़ोन मनदनविस्कना सोबा दुस्राये, इद बूमतगा मनदनविस्कना सोबा दुस्राये. 41पोग़ोन पोळ्दता वेह्च दुस्राये, नेलाता वेह्च दुस्राये, उकाना वेह्च दुस्राये. उकाना वेह्च वने अलग-अलग मन्ह्ता.
42डोलतोर ओसोवने जीवा अरयनद अद्रमे. इद मेंदुलि आक्रिते कळियग़ा, मति देवुळि तान ओसोवने जीवा अर्हतस्के, अद मेंदुल बेस्केन बूळेम आयो आयग़ा.#रोम सहरतोर 8:19-21 43इद मेंदुलता अचोन कदर मनो, तान्क तक्वा लाव मन्ह्ता. मति देवुळि तान ओसोवने जीवा अर्हतस्के ताना पका सोबा मनदग़ा, तान्क पकाय लाव मनदग़ा.#पिलिपितोर 3:21 44मावा मन्कना लावतद मेंदुलतुन मन्कलोर पोहतह्तोर, मति देवुळि तान ओसोवने जीवा अर्हतस्के, अद देवुळता लावतद मनदग़ा. मन्कना लावतद मेंदुल माक इंजेक मन्ह्ता. अद्रमे देवुळता लावतद मेंदुल वने मनदग़ा. 45देवुळता सास्त्रमतगा इद्रम रासतद मन्ह्ता: मुनेतोग़ मन्कल आदम जीवाता मान्वल आतोग़#पुटमुळि 2:7 इनजोर रासतद मन्ह्ता. अद्रमे पयाडोग़ आदम, इतेके किर्स्तु, देवुळता पिसमुळ ईयनद जीवा आतोग़.#योहन 5:21; 6:57-58; रोम सहरतोर 5:14; 8:1-2 46मति देवुळता लावतद मेंदुलि, मुनेता मेंदुल आयो. मुने मनदनद मेंदुलि इतेके मन्कना लावतदु. पयाडा मेंदुलि देवुळता लावतदु. 47मुनेतोग़ मन्कल बूमता तोळ्योते पंडटोग़ु, मति पेग़्केडोग़ मन्कल किर्स्तु, पोग़ोटोग़ आंदोग़.#पुटमुळि 2:7; 3:19; योहन 3:31; 2 कुरिंततोर 5:1 48बूमतोर सबेटोर मन्कलोर, तोळ्योते पंडटोग़ मन्कना लेह्कान आतोर. देवुळता पिसमुळ दोर्कतोर मन्कलोरगा बारा, पोग़ोटोग़ मन्कना बुद मन्ह्ता.#2:16 ओरिह्क, पोग़ोटोग़ मन्कना लेह्कान मेंदुस्क वने मनदनुङ.#पिलिपितोर 3:20-21 49इद बूमते माट तोळ्योते पंडटोग़ आदमना लेह्कान मह्नल.#पुटमुळि 5:3 तेला मति इंजेके मावा ताकमुळि, पोग़ोटोग़ मन्कल किर्स्तुना लेह्कान मनि.#15:49 तेला मति इंजेके मावा ताकमुळि, पोग़ोटोग़ मन्कल किर्स्तुना लेह्कान मनि. उचुक मोदुल काग्देह्कनगा, “उंद दिया पोग़ोटोग़ मन्कना लेह्कान माक मेंदुल मनदग़ा,” इद्रम मन्ह्ता.#रोम सहरतोर 8:29
50मावोर विस्वसिरिर! इदे पोल्लो वेहतलाह आतन: मन्कना लावतद मावा मेंदुलि, देवुळ राजेम ताकिह कीयनगा मनदा पग़वो.#योहन 3:5-6; 1 कुरिंततोर 6:9-10 इतेके कळियनद मेंदुलि, कळियवदिनगा मनदा पग़वो. 51-52इद केंजाट! इचानाह मन्कलोर पुनवद पोल्लोतुन मीक वेहतह्नन: माट मन्कलोरग्डाहि उच्वुर मन्कलोरल डोलवल, मति आक्रिता अकुम ऊरतस्के, माट सबेटोरल बद्लेम आयकल. आक्रिता अकुम केंज वायग़ा.#मत्याल 24:31 अस्के देवुळि डोलतोर विस्वसिरिन, बेस्केन कळियवद मेंदुल अग़्के, अस्केडा अस्केन ओसोवने जीवा अर्हतग़ा.#योहन 5:28-29; 1 कुरिंततोर 15:22-23 अस्के माट जीवात मनवालोरल बद्लेम आयकल.#1 तिसलुनितोर 4:15,17 53मावा इद मेंदुलि डोलनदु, ताना पया कळियनदु; मति इद डोलवद, कळियवद मेंदुल मारियना गावले.#2 कुरिंततोर 5:2-4 54-55अद्रम आतस्के देवुळता सास्त्रमतगा मुनेन रासतद पोल्लो करल आयग़ा:
देवुळि हामुरतुन मायिह कीसि गेल्सता.#यशायाह 25:8
इंजेके हामुर माक बाराह्क रेय्पिह कीयना? अद माक बाराह्क आरे कीयना? #
होशे 13:14
इनजोर ताना सास्त्रमतगा रासतद मन्ह्ता. 56पापम कीयनाह्कु, हामुरतुह्क रेयनाह आस्ता.#रोम सहरतोर 5:12 मावा पापमि पका लावता इनजोर, मोसानाङ अडोङ तोहतह्ताङ. (इतेके मोसानाङ अडोङलेवा पापमतुन पुनमुळ आयो.)#रोम सहरतोर 3:20 57मति मावा येसुसामि किर्स्तुना मेटे देवुळि, माक पापमतुन ओसो हामुरतुन गेल्सनाह कीस्ता.#रोम सहरतोर 8:37; इब्रितोर 2:14-15; 1 योहन 5:4 अदिनेनाह्क तान्क जोहर! 58अदिनेनाह्क मावोर गोततोरिर! मीवा विस्वसते इळ्न अरवालेवा, मेग़्किस मन्ह्टु. मीट सामिनेनाह्क कह्टेम कीयनद कबळ उगस अनो इनजोर पुतिर, अदिनेनाह्क सामिना कबळते बेर्ससोर अन्ह्टु.#16:10; गलातितोर 6:9
Currently Selected:
1 कुरिंततोर 15: माडियाबाय्बल
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
1 कुरिंततोर 15
15
किर्स्तु जीवा अरयनद पोल्लो
1मावोर विस्वसिरिर! नना मियगा पोकुर कीतद किर्स्तुना बेसता कबुरतुन, इंजेके ओसो सीता कीसीयलाह आतन. अद कबुरतुन मीट केंजिस नमतिर.#3:6 ताना पोग़ोन विस्वस तासिसि, इंजेके निच मह्निर.#रोम सहरतोर 5:2; 1 कुरिंततोर 16:13; 2 कुरिंततोर 1:24; 1 पत्रु 5:12 2नना मीक वेहतद बेसता कबुरता पोल्लोतुन, मीट मेग़्किस पोस मतेके,#11:2 देवुळि मीक पिसिह कीस्ता.#रोम सहरतोर 11:22 अद्रम केवेक अचोन, मीट विस्वस कीतद उगसे आस्ता.#गलातितोर 3:4
3अद कबुरता सबेट्क मोदुल पोल्लोतुन, नाक मुने वेहतपे, मीक काग़्हचीतन;#11:23 अद पोल्लो इदे आंदु: देवुळता सास्त्रमतगा मुनेन रासतप लेह्का, किर्स्तु मावा पापमतेनाह्क मोक आसि डोलतोग़.#यशायाह 53:5-12; मत्याल 26:24; योहन 1:29; बळयिर 8:32-33; 17:3; 1 पत्रु 2:24 4ओग़ डोलतस्के, मन्कलोर ओना सेत्तातुन गुमयातगा मिसतोर. देवुळता सास्त्रमतगा मुनेन रासतप लेह्का, मूंड दियाने देवुळि ओन जीवा अर्हचीता.#देवुळताङ पाटाङ 16:8-10; मत्याल 16:21; बळयिर 2:24,30-31; 26:22-23 5जीवा अरतस्के किर्स्तु पत्रुह्क दिसतोग़.#लूकाल 24:33-34 पया बारा बळयिरिह्क दिसतोग़.#मार्कल 16:14; लूकाल 24:36; योहन 20:19 6ताना पया एयुङ नूह्किह्काय एक्वा, मावोर विस्वसि मन्कलोरिह्क उंदिय देबा दिसतोग़. ओर मन्कलोरग्डाहि उच्वुर डोलतोर, मति वेल्लाटोर इंका जीवात मन्ह्तोर. 7ताना पया तनतमोग़ याकुबिह्क दिसतोग़. अहे ओसो तनाङ सबेटोर बळयिरिह्क दिसतोग़.#लूकाल 24:36; बळयिर 1:3 8सबेटोरिह्काय पया नाक वने दिसतोग़.#बळयिर 22:6-11; 26:12-18; 1 कुरिंततोर 9:1 नना दुस्रा रीतते किर्स्तुना बळयिनन आतन.#15:8 बळयिर 9:1-16 ऊळाट. डोलिस पुटटप लेह्का, नना देवुळतुह्क बातय कबळतुह्क अरवोन आंदन. 9बाराह्क इतेके, मुने देवुळता मुडुन नल्हतना-कोह्कना कीसोर मतन.#बळयिर 8:3 अदिनेनाह्क बोग़े नाक किर्स्तुना बळयि इनदना लायक इलोन. नना किर्स्तुनाङ बळयिरग्डाह सबेट्क उड्लोनन इनजोर पुतन.#2 कुरिंततोर 12:11; इपिसुसतोर 3:8; 1 तिमोति 1:15 10मति नना इंजेके बळयिनन मह्नन इतेके, देवुळता दयाते मह्नन! देवुळि नाक ईतद दया उगस अनो. किर्स्तुनाङ बळयिर दुस्रोरिह्काय एक्वा, नना एपुर पेसनाह कह्टेम कीतन.#2 कुरिंततोर 11:23; कुलुसितोर 1:29; 1 तिमोति 4:10 तेला मति निटम इतेके, नावाय लावते नना केवोन, देवुळि तना देय्वाते नयग्डाहि कह्टेम कीता.#3:6,10; 2 कुरिंततोर 3:5; पिलिपितोर 2:13 11अदिनेनाह्क नना पोकुर कीतेकाय, किर्स्तुनाङ दुस्रोर बळयिर पोकुर कीतेकाय, माट पोकुर कीयनद पोल्लो उंदिये: अद किर्स्तु हामुरताहि जीवा अरयनद पोल्लो आंदु. ताने मीट विस्वस कीतिर.
डोलतोर विस्वसिर जीवा अरयह्तोर
12किर्स्तु डोलतोरग्डाह जीवा अरतोग़ इनजोर मीक पोकुर कीतोम! अह इतेके डोलतोर विस्वसिर ओसोवने जीवा अरवोर इनजोर,#बळयिर 17:32; 23:6-8; 2 तिमोति 2:18 इद्रम मियग्डाह उच्वुरिर बाराह्क इह्निर?#15:12 कुरिंत सहरतोर युनानि जाततोर आंदुर. मन्कल डोलतस्के, ओना जीवा अमेसातुह्क पिसिह्ता, मति मेंदुल बेस्केन जीवा अरवो इन्जि, युनानि जाततोर इंदुर. येसुन विस्वस कीतापया वने, उच्वुरा विचर अद्रमे मता. 13डोलतोर ओसोवने जीवा अरवोर इतेके, देवुळि किर्स्तुन वने जीवा अर्हो. 14किर्स्तु ओसोवने जीवा अरवेक अचोन, माट मीक ओना बेसता कबुर पोकुर कीयनद उगसे आता. मीवा विस्वस वने उगसे आता.#1 तिसलुनितोर 4:14 15ओसो उंद पोल्लो: देवुळि किर्स्तुन ओसोवने जीवा अर्हता इनजोर, मुनेन मीक वेहच मतोम. डोलतोर जीवा अरवेक अचोन, देवुळि किर्स्तुन वने जीवा अर्हता पग़वो. इतेके माट देवुळता लोप्पा जोल साक्सि ईतप लेह्कान आता. 16बाराह्क इतेके, डोलतोर जीवा अरवोर इतेके, किर्स्तु वने जीवा अरवोग़ इतप आता. 17देवुळि किर्स्तुन जीवा अर्हवेके, मीवा विस्वस उगसिन आता, इंका वने मीट पापमता कयदेन मह्निर;#रोम सहरतोर 4:24-25 18ओसो किर्स्तुन विस्वस कीस डोलतोर वने, पूरा देवुळताहि एग़तोर.#1 तिसलुनितोर 4:14,16; तोहचीतव पोल्लोङ 14:13 19सिरप इद बूमतगा पिसनद पिसमुळतेनाह्क, किर्स्तुना पोग़ोन आसा तासतल इतेके, माट सबेटोर मन्कलोरिह्काय, एक्वा आरेम आतोरल आंदल.
20मति निटम पोल्लो इद आंदु: किर्स्तुन डोलतोरग्डाह देवुळि ओसोवने जीवा अर्हता!#बळयिर 2:24; 1 पत्रु 1:3 डोलतोरग्डाहि जीवा अरतोग़ ओग़े मुनेतोग़ आंदोग़.#बळयिर 26:23; कुलुसितोर 1:18; तोहचीतव पोल्लोङ 1:4-5 21अद इद्रमि मन्ह्ता: ओर्वोग़ मन्कना मेटे, हामुर वाता.#रोम सहरतोर 5:12 अहे दुस्रोग़ मन्कना मेटे बार, डोलतोर ओसोवने जीवा अरयनद वाता. 22इतेके आदम मुय्तोनाहि पुटटोरल, माट सबेटोरल हायनल.#रोम सहरतोर 5:12-14 मति किर्स्तुना संगे जोळेम आतोर मन्कलोरिन बार, देवुळि ओसोवने जीवा अर्हतग़ा.#रोम सहरतोर 5:17-18 23मति ओर्वोग़-ओर्वोग़ मन्कल, ओर्कुलते जीवा अरयनुर. जीवा अरवालोरग्डाहि किर्स्तुये मुनेतोग़,#बळयिर 26:23 पया ओग़ ओसोवने वायनोग़ अस्के, ओना मन्कलोर#3:23 जीवा अरयनुर.#6:14; 15:51-52; पिलिपितोर 3:10-11; 1 तिसलुनितोर 4:16 24पया इळ्ता बूमते आयिङ, पोग़ोटा बूमते आयिङ, देवुळता विरुद मनदनव सबे राजेह्किन, सबे अदिकरते मनदनविन, सबे लावताङ देयह्क-बूतह्किन, किर्स्तु आरे कीसि, तना राजेम कीयनद अदिकरतुन, देवुळबाबाना कयदे ईयनोग़;#दानिय्येल 2:44; 7:14,27; 2 पत्रु 1:11 अस्के बूम मारेंगा आयग़ा. 25विरुदतव सबेटविन आरे कीयनाह्जोम, किर्स्तु राजेम कीसोर मनदनद गर्ज मन्ह्ता.#देवुळताङ पाटाङ 110:1; मत्याल 22:44; इब्रितोर 2:8 26हामुरि, इद वने मावा पका विरुद मनदनद आंदु, आक्रिते किर्स्तु तान वने बूळे कीयनोग़.#2 तिमोति 1:10; तोहचीतव पोल्लोङ 20:14; 21:4 27देवुळि सबेटविन ओना अदिकरते कीसीता#देवुळताङ पाटाङ 8:6; मत्याल 28:18; इपिसुसतोर 1:22; इब्रितोर 2:8 इनजोर, सास्त्रमतगा रासतद मन्ह्ता. “सबेटविन” इनजोर रासतेके, देवुळतुन विळ्सिसि सबेटविन इनजोर, बराबर एर्का आस्ता. इतेके देवुळि सबेटविन किर्स्तुना अदिकरते कीसीतेक तेला, देवुळि तना ओना कयदे इले. 28सबेटविन ओना अदिकरते कीसीता, मति सबे ओना अदिकरते आतापया, देवुळिये सबेटविन पूरा ताकिह कीयि इनजोर, देवुळता मग़ इंका ताना अदिकरते मनदनोग़.#3:23; पिलिपितोर 3:21
29डोलतोर विस्वसिर ओसोवने जीवा अरवेके, डोलतोरेनाह्क येसुना पेदिरते एग़ मीवालोर पया बह कीयनुर? डोलतोर जीवा अरवेके, ओरेनाह्क मन्कलोर बाराह्क येसुना पेदिरते एग़ मीस्तोर?#15:29 उय्तुर कुरिंततोर इद्रम कींदुर, ओरा इद रिवजता लोप्पा माक इंजेक तेळियो. बेस्के-बेस्के हायना वेलाते, विस्वसि मन्कल तना अविस्वसि लोतोरिन येसुनके वाटु इनजोर, आक्रिता अर्ज कींदुर. ओग़ हातापया, पिसतोर बोरु येसुन विस्वस कीसि, येसुना पेदिरते एग़ मीयना रिवज कींदुर. कीतस्के हातोग़ विस्वसिना सीता कींदुर. इद्रमता पोल्लो आस मनदग़ा बहे. 30ओसो माट सेवकिरोम इतेके, दोकाते मन्जि, बेसता कबुरतुन बाराह्क पोकुर कीयलाह आतोम?#2 कुरिंततोर 11:26 (डोलतोर ओसोवने जीवा अरवेके, नग़्का-पियलि अद्रम बाराह्क तिपल आवेरोम?) 31मावोर विस्वसिरिर! मावा किर्स्तु येसुसामि नावा मेटे, मियगा बेचोटा बेरा कबळ कीतोग़ इन्जि, नना पोग़यसोर मह्नन, इद करलता पोल्लो. ओसो नावा सेवातेनाह्क दिनमे हामुरता दोका नाक वास्ता,#रोम सहरतोर 8:35-36 इद अचोने करलता पोल्लो.#4:9 32इपिसुस सहरतगा, गेळा जन्वर्कना बुदलेह्काडोर मन्कलोरा संगे लळेम आतन.#2 कुरिंततोर 1:8 डोलतोर ओसोवने जीवा अरवोर इतेके, ओरा संगे नना लळेम आस, नाक बाताल पाय्दा दोर्कालि? अह इतेके, इस्रयेलतोर मुने इनदना लेह्कान, “नाळ कोनि डोलना मन्ह्ता, अदिनेनाह्क तिनदकल, उनडकल, गिर्दाते मनदकल,”#यशायाह 22:13; 56:12 इनजोर मनाह आवालि. 33अद्रम इनवालोरिन मीक नाळेह कीयलाह एमाटु. लाग्वोरा संगे गोत आतेके, देवुळतुह्क विचर वानाह, ओर मीक पिसलाह एवोर. 34इव पोल्लोना लोप्पा पुन्ज मन्ह्टु. देवुळतुह्क विचर वातप बेस बुदते मन्ह्टु, पापम कीयनद विळ्साटु.#रोम सहरतोर 13:11 मीक लजा वानाह उंद पोल्लो इह्नन,#4:14; 6:5 मियगा उच्वुर मन्कलोरिर देवुळतुन इंका पुनविरे.
जीवा अरतापयाडा मेंदुलि
35मियग्डाहि बोग़ाय इद्रम इनेग़: डोलतोर ओसोवने बेद्रम जीवा अरयह्तोर? जीवा अरतापया, ओरिह्क बेद्रमता मेंदुल मनदग़ा इनजोर ताल्ह्केग़! 36अद्रम ताल्ह्कवानिन बुदलेवोनिन! निमा वीतिह्निन अद पेनेमि, डोलतप लेह्का बूमता इळ्न मतेक कोनि, ओसो मोळ्यिह्ता!#योहन 12:24 37निमा गोह्काय, इलवेके बेव दुस्राङ विजाङ वीततस्के, मोदुदुन वीतविन, वेट पेनेह्किने वीतिह्निन. 38मति अद मोळ्यिह्पा, देवुळि तना विचरते अद पेनेमतुह्क मोदुल ईस्ता. उंद-उंद पेनेमतुह्क, अलग-अलग मोदुल मन्ह्ता.#पुटमुळि 1:11 39अद्रमे मन्कलोरा मेंदुल दुस्राये, जन्वर्कना मेंदुल दुस्राये, पिटेना मेंदुल दुस्राये, मीन्कना मेंदुल दुस्राये. 40ओसो पोग़ोटा बूमतगा मनदनव मन्ह्ताङ, इद बूमतगा मनदनव मन्ह्ताङ. पोग़ोन मनदनविस्कना सोबा दुस्राये, इद बूमतगा मनदनविस्कना सोबा दुस्राये. 41पोग़ोन पोळ्दता वेह्च दुस्राये, नेलाता वेह्च दुस्राये, उकाना वेह्च दुस्राये. उकाना वेह्च वने अलग-अलग मन्ह्ता.
42डोलतोर ओसोवने जीवा अरयनद अद्रमे. इद मेंदुलि आक्रिते कळियग़ा, मति देवुळि तान ओसोवने जीवा अर्हतस्के, अद मेंदुल बेस्केन बूळेम आयो आयग़ा.#रोम सहरतोर 8:19-21 43इद मेंदुलता अचोन कदर मनो, तान्क तक्वा लाव मन्ह्ता. मति देवुळि तान ओसोवने जीवा अर्हतस्के ताना पका सोबा मनदग़ा, तान्क पकाय लाव मनदग़ा.#पिलिपितोर 3:21 44मावा मन्कना लावतद मेंदुलतुन मन्कलोर पोहतह्तोर, मति देवुळि तान ओसोवने जीवा अर्हतस्के, अद देवुळता लावतद मनदग़ा. मन्कना लावतद मेंदुल माक इंजेक मन्ह्ता. अद्रमे देवुळता लावतद मेंदुल वने मनदग़ा. 45देवुळता सास्त्रमतगा इद्रम रासतद मन्ह्ता: मुनेतोग़ मन्कल आदम जीवाता मान्वल आतोग़#पुटमुळि 2:7 इनजोर रासतद मन्ह्ता. अद्रमे पयाडोग़ आदम, इतेके किर्स्तु, देवुळता पिसमुळ ईयनद जीवा आतोग़.#योहन 5:21; 6:57-58; रोम सहरतोर 5:14; 8:1-2 46मति देवुळता लावतद मेंदुलि, मुनेता मेंदुल आयो. मुने मनदनद मेंदुलि इतेके मन्कना लावतदु. पयाडा मेंदुलि देवुळता लावतदु. 47मुनेतोग़ मन्कल बूमता तोळ्योते पंडटोग़ु, मति पेग़्केडोग़ मन्कल किर्स्तु, पोग़ोटोग़ आंदोग़.#पुटमुळि 2:7; 3:19; योहन 3:31; 2 कुरिंततोर 5:1 48बूमतोर सबेटोर मन्कलोर, तोळ्योते पंडटोग़ मन्कना लेह्कान आतोर. देवुळता पिसमुळ दोर्कतोर मन्कलोरगा बारा, पोग़ोटोग़ मन्कना बुद मन्ह्ता.#2:16 ओरिह्क, पोग़ोटोग़ मन्कना लेह्कान मेंदुस्क वने मनदनुङ.#पिलिपितोर 3:20-21 49इद बूमते माट तोळ्योते पंडटोग़ आदमना लेह्कान मह्नल.#पुटमुळि 5:3 तेला मति इंजेके मावा ताकमुळि, पोग़ोटोग़ मन्कल किर्स्तुना लेह्कान मनि.#15:49 तेला मति इंजेके मावा ताकमुळि, पोग़ोटोग़ मन्कल किर्स्तुना लेह्कान मनि. उचुक मोदुल काग्देह्कनगा, “उंद दिया पोग़ोटोग़ मन्कना लेह्कान माक मेंदुल मनदग़ा,” इद्रम मन्ह्ता.#रोम सहरतोर 8:29
50मावोर विस्वसिरिर! इदे पोल्लो वेहतलाह आतन: मन्कना लावतद मावा मेंदुलि, देवुळ राजेम ताकिह कीयनगा मनदा पग़वो.#योहन 3:5-6; 1 कुरिंततोर 6:9-10 इतेके कळियनद मेंदुलि, कळियवदिनगा मनदा पग़वो. 51-52इद केंजाट! इचानाह मन्कलोर पुनवद पोल्लोतुन मीक वेहतह्नन: माट मन्कलोरग्डाहि उच्वुर मन्कलोरल डोलवल, मति आक्रिता अकुम ऊरतस्के, माट सबेटोरल बद्लेम आयकल. आक्रिता अकुम केंज वायग़ा.#मत्याल 24:31 अस्के देवुळि डोलतोर विस्वसिरिन, बेस्केन कळियवद मेंदुल अग़्के, अस्केडा अस्केन ओसोवने जीवा अर्हतग़ा.#योहन 5:28-29; 1 कुरिंततोर 15:22-23 अस्के माट जीवात मनवालोरल बद्लेम आयकल.#1 तिसलुनितोर 4:15,17 53मावा इद मेंदुलि डोलनदु, ताना पया कळियनदु; मति इद डोलवद, कळियवद मेंदुल मारियना गावले.#2 कुरिंततोर 5:2-4 54-55अद्रम आतस्के देवुळता सास्त्रमतगा मुनेन रासतद पोल्लो करल आयग़ा:
देवुळि हामुरतुन मायिह कीसि गेल्सता.#यशायाह 25:8
इंजेके हामुर माक बाराह्क रेय्पिह कीयना? अद माक बाराह्क आरे कीयना? #
होशे 13:14
इनजोर ताना सास्त्रमतगा रासतद मन्ह्ता. 56पापम कीयनाह्कु, हामुरतुह्क रेयनाह आस्ता.#रोम सहरतोर 5:12 मावा पापमि पका लावता इनजोर, मोसानाङ अडोङ तोहतह्ताङ. (इतेके मोसानाङ अडोङलेवा पापमतुन पुनमुळ आयो.)#रोम सहरतोर 3:20 57मति मावा येसुसामि किर्स्तुना मेटे देवुळि, माक पापमतुन ओसो हामुरतुन गेल्सनाह कीस्ता.#रोम सहरतोर 8:37; इब्रितोर 2:14-15; 1 योहन 5:4 अदिनेनाह्क तान्क जोहर! 58अदिनेनाह्क मावोर गोततोरिर! मीवा विस्वसते इळ्न अरवालेवा, मेग़्किस मन्ह्टु. मीट सामिनेनाह्क कह्टेम कीयनद कबळ उगस अनो इनजोर पुतिर, अदिनेनाह्क सामिना कबळते बेर्ससोर अन्ह्टु.#16:10; गलातितोर 6:9
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.