1 कुरिंततोर 14

देवुळता जीवाते वळ्ह्‌कनद बुदतुन पर्ह्‌काटु

1अदिनेनाह्‌क दुस्रोरिन जीवा कीयलाह ऊळसोर मन्ह्‌टु.#16:14देवुळता जीवाताङ बुदिन पर्ह्‌काटु.#12:1,31 कासा इतेके, देवुळता जीवाता दळ्मते वळ्ह्‌कनद बुदतुन#12:10; 13:2 पका पर्ह्‌काटु. 2-3बाराह्‌क इतेके, देवुळता जीवाता दळ्मते वळ्ह्‌कवाल, विस्वसिरा विस्वसतुन बेस मेग़्किह कीयलाहि, ओरिह्‌क दीरा ईयलाहि, ओरा जीवातुन सितुर कीयलाहि वळ्ह्‌किह्‌तोग़.#रोम सहरतोर 14:19 तेळियवद बासाते वळ्ह्‌कनद बुदतोग़#मार्कल 16:17; 1 कुरिंततोर 12:10; 13:1 बारा, मन्कलोरा संगे आयो, मति देवुळता संगे वळ्ह्‌किह्‌तोग़. ओग़ देवुळता जीवा ईतद, पुनवद बासाते वळ्ह्‌कताह्‌कु, अद पोल्‍लो बोन्के तेळियो. 4तेळियवद बासाते वळ्ह्‌कतेके, वळ्ह्‌कवानाय पाय्दा आस्ता. मति देवुळता जीवाता दळ्मते वळ्ह्‌कतेके, विस्वसिरा मुडा पाय्दा आस्ता.#रोम सहरतोर 15:2 5मीट सबेटोरिर वने तेळियवव बासाने वळ्ह्‌कतेके, नना गिर्दा आवेनन. मति तान्काय एक्‍वा, मीट देवुळता जीवाता दळ्मते वळ्ह्‌कना इनजोर, पका विचर कीय्ह्‌नन. बाराह्‌क इतेके, बोग़ाय तना तेळियवद बासाते वळ्ह्‌किह्‌पा, विस्वसिरा मुडा विस्वस बेस मेग़्कि इनजोर, तान मुडोरा बासाते तेळियिह कीस वेहवेक अचोन, ओरिह्‌क बाताले पाय्दा इले. अदिनेनाह्‌क तेळियवव बासाने वळ्ह्‌कवाह्‌काय, देवुळता जीवाता दळ्मते वळ्ह्‌कवाले बेरोग़.

6मावोर विस्वसिरिर! नना मियगा वासि देवुळि नाक वेहतद पोल्‍लो वेहेनन,#इपिसुसतोर 1:17 इलवेके मीट मुने पुनवव पोल्‍लोन वेहेनन,#12:8; 2 कुरिंततोर 12:1 इलवेके देवुळता जीवाता दळ्मते वेहेनन, इलवेके मीक काग़्हेनन,#बळयिर 2:42; रोम सहरतोर 12:7; इपिसुसतोर 4:11-12 अस्के मीक पाय्दा आयग़ा! मति इद्रम कीयनद विळ्सिसि, नना पुनवद बासाते वळ्ह्‌कतेके, मीक बाताल पाय्दा आयग़ा? 7अद्रमे तुर्न्जतगा ओसो जेतुरतगा जीवा इले. तेला मति अविस्किन बराबर नेकिह केवेके, बेद पाटाते नेकलाह आता इनजोर, बह पुनाह आस्ता? 8अद्रमे ओसो अकुम ऊरतस्के, सीपय्क लळय कीयलाह तयर आस्तोर,#गिनती 10:9; यिर्मयाह 4:19; यहेजकेल 33:3-6; योएल 2:1 मति बराबर केंजनाह तान ऊरवेके, सीपय्क बह तयर आयनुर?#14:8 मुनेता कालमते सीपय्क लळयतुह्‌क दायलाह तयर आयना इतेके, सबेटोर सीपय्क केंजनाह अकुम ऊरिंदुर. 9अद्रमे मीट वने दुस्रोर पुनदा पग़यनद बासाते वेहवेके, मीवा पोल्‍लोतुन केंजवालोर बह पुनदनुर? इद्रम आतेक पया, मीवा पोल्‍लो वळ्‍दे तूळतप लेह्‌का आयोया? 10दुनियाते बेचोको अलग-अलग रीतिनाङ बासाङ वळ्ह्‌किह्‌तोर. अविस्कनग्डाह बेदे अर्तमलेवद इले. 11मति अद बासाता अर्तमतुन नना पुनवेके, नावा संगे वळ्ह्‌कवाल मन्कना नद्रते, नना दुस्रा जाततोना लेह्‌का दिसकन; अहे नावा नद्रते वने, ओग़ दुस्रा जाततोना लेह्‌का दिसनोग़. 12अदिनेनाह्‌क मीट देवुळता जीवाताङ बुदिन दोर्किह कीयलाह ऊळवालोरिर, विस्वसिरा मुडा विस्वसतुन पूरा मेग़्किह कीयनद बुदतुन, दोर्किह कीयलाह ऊळाटु!#रोम सहरतोर 14:19

13अदिनेनाह्‌क तना तेळियवद बासाते वळ्ह्‌कवाल, ताना अर्तमतुन वने तेळियिह कीसीयनद बुदतेनाह्‌क पार्तना कीयेग़. 14बाराह्‌क इतेके, नना तेळियवद बासाते पार्तना कीयह्‌पा, नावा जीवाये पार्तना केवालि, मति (अद पार्तनाता अर्तम नाक तेळियवाह्‌कु,) नावा बुदतुह्‌क पाय्दा इले. 15पया बह कीकन? नना तेळियवद बासाते नावा जीवाते पार्तना कीकन, ओसो नना तेळियतद बासाते नावा बुदते वने पार्तना कीकन. अहे नना नावा जीवाते पाटा वाग़कन, नावा बुदते वने पाटा वाग़कन.#इपिसुसतोर 5:19; कुलुसितोर 3:16 16अद्रम केवालेवा, नावा जीवाते मोळ्किह्‌नन इनजोर, निमा तेळियवद बासाते देवुळतुन जोहर कीय्ह्‌निन. इतेके अगा उदतोग़ नीवा पोल्‍लोतुन पुनवोग़ मन्कल, नीवा संगे बह जोहर कीयनोग़? बह इतेके निमा बेद बासाते वळ्ह्‌कतिन, अदिन ओग़ पुनोग़ कोनि. 17निमा इतेके देवुळतुन बेस-नेह्‌ना जोहर कीय्ह्‌निन, मति इदिने नीक केंजवालोरा विस्वस बेस-नेह्‌ना मेग़्को!#रोम सहरतोर 14:19 18नयगा इतेके मीट सबेटोरिह्‌काय वीळिसि, तेळियवद बासाते वळ्ह्‌कनद बुद मन्ह्‌ता. अद बुदतेनाह्‌क नना देवुळतुन जोहर कीय्ह्‌नन. 19मति विस्वसिरा मुल जमा आतस्के, तेळियवव बासाने दहा अजर्क पोल्‍लोङ वळ्ह्‌कना वाटो, दुस्रोर विस्वसिरिन काग़्हतलाहि, नना पुनदनद बासाते रेंड पोल्‍लोङ वळ्ह्‌कनदे नाक ओप्पिह्‌ता.

विस्वसिरा मुल जमा आतस्के बह मनदना?

20मावोर विस्वसिरिर! मीट इद तेल्वता लोप्पा, उड्लोर पिलाङ-पेकोरा लेह्‌का विचर केमाट.#इब्रितोर 5:12-13 लाग्वाङ पोल्‍लोना लोप्पा, पिलाङ-पेकोरा लेह्‌कान पुनवप मन्ह्‌टु.#देवुळताङ पाटाङ 131:2; मत्याल 18:3 मति मीवा तेल्वते, मीट बेरोरा लेह्‌कान मन्ह्‌टु.#रोम सहरतोर 16:19; इपिसुसतोर 4:13-14 21सास्त्रमतगा रासतद मन्ह्‌ता:

“पुनवद बासा वळ्ह्‌कवालोरा मेटे,

पुनवोराङ तोडिना मेटे, नना वेरिन वळ्ह्‌ककन,

तेला मति वेर नावाङ केंजोर आयनुर,” # यशायाह 28:11-12

इनजोर सामि इन्ह्‌ता, इन्जि रासतद मन्ह्‌ता.

22इतेके तेळियवव बासाने वळ्ह्‌कनदु, विस्वस केवोरेनाह्‌क सीना मन्ह्‌ता, विस्वसिरेनाह्‌क सीना आयो. मति तेळियतद बासाते देवुळता जीवाता दळ्मते वळ्ह्‌कनदु, विस्वस केवालोरिह्‌क सीना मन्ह्‌ता, विस्वस केवोरिह्‌क आयो. इद बहु? 23मीट विस्वसि मुल जमा आतस्के, मीट सबेटोरिर तेळियवव बासाने वळ्ह्‌केरिर. अस्के मीट वळ्ह्‌किह्‌पा, येसुना लोप्पा तेळियवोग़ मन्कल, इलवेके येसुन विस्वस केवोग़ मन्कल, मियगा ओळियेग़. अस्के मीट वळ्ह्‌कनदिन केंजिसि, वेर कोन पिसाङ आतोर इनजोर इनोग़ा? (अह इन्जि, मीवा संगे कलियोग़ आयनोग़ बहे. इद्रमलेह्‌का मीट तेळियवव बासाने वळ्ह्‌कनदु, विस्वसलेवोरिह्‌क देवुळताहि जेक आयनद सीना मन्ह्‌ता.) 24मति तेळियतद बासाते मीट देवुळता जीवाता दळ्मते वळ्ह्‌कतेक अचोन, येसुन विस्वस केवोग़ु, इलवेके येसुना लोप्पा तेळियवोग़ मन्कल, तान केंजिह्‌तोग़. केंजिसि तना पापम कीतद निटम इनजोर कबुल आयनोग़, ओग़ केंजतव सबे पोल्‍लोङ ओन पर्ह्‌किस ऊळनुङ.#योहन 16:8 25ओना पोटालोप्पाडाङ मकिह कीतव पोल्‍लोङ पङ्ने आयनुङ.#इब्रितोर 4:12 पया ओग़ दंडुम अर्सि, देवुळतुन मोळ्कनोग़, ओसो निटम देवुळि मीवा नडुम मन्ह्‌ता इनजोर, मीक इनदनोग़.#यशायाह 45:14; दानिय्येल 2:47; जकर्याह 8:23 (इद्रमलेह्‌का मीट तेळियतद बासाते वळ्ह्‌कतेके, मीट विस्वसिरिह्‌क देवुळता पिसिह कीयनद सीना ऊळलाह दोर्किह्‌ता.)

26मावोर विस्वसिरिर! इंजेके इदे पोल्‍लो मन्ह्‌ता: मीट देवुळतुन मोळ्कलाह जमा आतस्के,#इब्रितोर 10:25 ओर्वोग़ पाटा ओयेग़,#इपिसुसतोर 5:19; कुलुसितोर 3:16 ओर्वोग़ काग़्हेग़,#रोम सहरतोर 12:7 ओर्वोग़ मकतव पोल्‍लोन पेसिह कीसीयेग़, ओर्वोग़ तना तेळियवद बासाते वेहेग़, ओर्वोग़ तान तेळियिह कीसीयेग़, इव सबे विस्वसिरा मुडा विस्वसतुन बेस-नेह्‌ना मेग़्किह कीयलाह कीयनदु.#रोम सहरतोर 14:19; 1 कुरिंततोर 12:7 27तेळियवव बासाने वळ्ह्‌कना इतेके, इर्वुर-मुवुर मन्कलोर ओर्वोना पेग़्के ओर्वोग़ वळ्ह्‌किर. ओसो ओर्वोग़ तान पुनदनद बासाते, तेळियिह कीस वेहेग़. 28मति तेळियिह कीसेवाल लेवेके,#12:10 तेळियवद बासाते वळ्ह्‌कवाल, विस्वसिरा मुल जमा आतगा वळ्ह्‌कमाकेग़. तनतनाय देवुळता संगे वळ्ह्‌केग़. 29देवुळता जीवाता दळ्मते वळ्ह्‌कवालोर इर्वुर-मुवुर वळ्ह्‌किर. दुस्रोर मन्कलोर बार, बेस-नेह्‌ना केंजिसि, वेहतव पोल्‍लोना सेतेम पर्ह्‌किस ऊळिर.#1 तिसलुनितोर 5:19-21 30ओर्वोग़ वेहनेक, अगा एरे उदतोरग्डाह बोनाय, देवुळि बातालाय पोल्‍लो वेहतेक अचोन, मुनेतोग़ केमेन आयेग़, पेग़्केडोग़ वळ्ह्‌केग़. 31इद्रम कीसि, सबेटोर मन्कलोरिर कग़यना, ओसो सबेटोरा जीवा सितुर आयना इन्जि, मीट सबेटोरिर ओर्वोग़-ओर्वोग़ देवुळता जीवाता दळ्मते वळ्ह्‌क पग़यकिर. 32देवुळता जीवा बोनाय पोग़ोन दळ्म अरतेक तेला, ओग़ तना वळ्ह्‌कनदिन आव्रे कीया पग़यह्‌तोग़. 33बह इतेके देवुळि गळ्बळ कीयनद आयो, मति तना लोकुर तान सुकमते मोळ्कना इनजोर, अद विचर कीस्ता.

बेगा बेगा देवुळता मुलु जमा आस्तोर#14:33 बेगा बेगा देवुळता मुलु जमा आस्तोर इद पोग़ोटा पोल्‍लोता संगे वने जोळेम आया पग़यह्‌ता. अह इतेके वचन 33 इद्रमलेह्‌का मनदग़ा: बह इतेके देवुळि गळ्बळ कीयनद आयो, मति बेगा बेगा देवुळता मुलु जमा आस्तोर, अगा तना लोकुर तान सुकमते मोळ्कना इनजोर, अद विचर कीस्ता. #4:17; 7:17; 11:16; 16:1, 34अगा विस्वसिरा मुल मोळ्कलाह कलियिह्‌तोर, अस्के आस्क केमेन मनदना. अव वेल्‍लाङ पोल्‍लोङ ताल्ह्‌कनद ओप्पो.#1 तिमोति 2:11-12 गळ्बळ आयनदायो इन्जि, मोसानाङ अडोना सास्त्रम वेहतपु, अव तमाङ तोडिनु आव्रे कीसोर, पोल्‍लोङ केंजिस मनदना. 35अविस्किह्‌क बातालाय ताल्ह्‌कना मतेके, लोन अन्जि तमाङ मुजोरिन ताल्ह्‌किङ.#इपिसुसतोर 5:22 मति मोळ्कनद मुडगा, आस्क विचर वातपु वळ्ह्‌कतेके, किर्स्तुना मुडुन बद्‌नम कीतप आस्ता. 36देवुळता बेसता कबुर बह, मीट कुरिंततोरग्डाहिये पेसताया? इलवेके सिरप मियगान एवताया? (अद्रम मुर्तिय आयो! अदिनेनाह्‌क सबेटोर विस्वसिर कीयना लेह्‌कान, मीट कीयना.)

37बोग़ाय तन्क देवुळता जीवाता दळ्मते वळ्ह्‌कनद बुदि दोर्कतोनन इनजोर इनेग़, इलवेके देवुळता जीवा ईतद दुस्रा बुदि दोर्कतोनन इनजोर इनेग़.#2:15; गलातितोर 6:1 इतेके अद्रमतोग़ मन्कल, इद सीटटे नना रासनव पोल्‍लोङ, सामि ईतव उकुम आंदुङ इन्जि पुनेग़. 38मति बोग़ाय इद उकुमतुन सीता केवेक अचोन, देवुळ वने ओन सीता केवप लेह्‌का आयग़ा. 39अदिनेनाह्‌क मावोर विस्वसिरिर! नना वेहतह्‌नन, देवुळता जीवाता दळ्मते वळ्ह्‌कनद बुदतुनु, दोर्किह कीयलाह ऊळसोर मन्ह्‌टु.#12:31; 13:2 बोग़ाय तेळियवव बासाने वळ्ह्‌कतेक अचोन, ओन रोमिह केमाट. अद वने आयि. 40मति सबे पोल्‍लोङ बेस-नेह्‌ना कीयना, ओसो ओर्कुलते कीयना गावले.

Currently Selected:

1 कुरिंततोर 14: माडियाबाय्बल

Highlight

Copy