Kisah Para Rasul 22
22
Paulus de kastau bagemana de tobat
22:1-22
1“Bapa-bapa deng sodara-sodara! Tolong dengar apa yang sa mo bicara sama kam smua untuk bela diri.” 2Waktu orang banyak itu dengar de bicara pake dong pu bahasa, dong tenang skali trus Paulus bilang,
3“Sa orang Yahudi, lahir di Tarsus di Propinsi Kilikia, tapi sa besar di kota ini. Trus Bapa Gamaliel de guru yang su ajar deng teliti tentang bagemana ikut hukum yang nene moyang su ikut dari dulu. Jadi sa smangat skali untuk ikut Allah sperti kam skarang ini. 4Sa smangat skali kerja untuk Allah#22:4 Sa smangat skali kerja untuk Allah ‒ Waktu itu, banyak orang Yahudi blum trima kalo Yesus tu dapa utus dari Allah. Jadi dong pikir ajaran itu ajaran yang sesat yang dong harus larang. sampe sa su siksa orang-orang yang ikut Yesus pu ajaran sampe dong mati. Sa tangkap laki-laki deng prempuan trus kas masuk dalam penjara. 5Tentang ini Pemimpin Imam deng smua anggota Sidang Agama juga bisa akui itu. Dari dong sa su dapat surat kuasa untuk bawa ke sodara-sodara di Kota Damsyik trus sa pigi kesana untuk tangkap orang-orang yang ikut Yesus pu ajaran yang tinggal di kota itu, baru bawa dong ke Kota Yerusalem untuk hukum dorang.
6Tapi waktu sa pigi ke Damsyik, su dekat deng kota itu, waktu siang bolong tiba-tiba cahaya puti kilat dari surga kliling saya. 7Sa langsung jatu ke tana. Trus sa dengar ada suara yang bilang sama sa begini, ‘Saulus, Saulus! Knapa ko siksa Saya?’
8Sa bilang, ‘Bapa ni sapa?’
Suara itu jawab, ‘Sa Yesus dari Nazaret yang ko ada siksa itu.’ 9Trus orang-orang yang sama-sama deng saya, dong liat cahaya itu tapi dong tra dengar suara orang yang bicara sama saya.
10Jadi sa bilang, ‘Tuhan, sa musti bikin apa?’
Trus Tuhan de bilang saya, ‘Skarang ko bangun trus masuk ke Kota Damsyik, disana nanti ko dapa kastau smua yang harus ko bikin.’
11Trus karna cahaya yang luar biasa yang bikin sa mata silau. Jadi orang-orang yang sama-sama deng sa dong pegang sa pu tangan, tolong bawa sa masuk ke Damsyik. 12Di kota itu ada satu orang de pu nama Ananias, de orang yang sunggu-sunggu ikut Tuhan pu mau, trus smua orang Yahudi kas tunjuk hormat sama dia. 13De datang bediri dekat sa deng bilang, ‘Saulus sa pu sodara! Buka ko pu mata deng liat lagi!’ Begini langsung sa bisa liat lagi trus sa liat dia. 14Trus de bilang, ‘Allah yang tong pu nene moyang semba su pili ko untuk tau De pu mau, untuk liat tentang Yesus, De Yang Benar, deng dengar suara yang kluar dari De pu mulut. 15Karna ko harus jadi De pu saksi untuk smua orang tentang apa yang ko liat deng yang ko dengar. 16Trus skarang apa yang ko tunggu? Ko bangun kasi ko pu diri untuk dapa baptis trus percaya sama Tuhan supaya ko pu dosa-dosa dapa kas bersi!’
17Habis itu sa kembali ke Yerusalem trus waktu sa doa di dalam Ruma Allah begini, Tuhan kas liat saya. 18Waktu itu sa bisa liat De bicara sama saya, ‘Pigi cepat-cepat kluar dari Yerusalem karna orang disini tra mo percaya ko pu saksi tentang Saya.’
19Sa jawab, ‘Tuhan, dong tau kalo dulu sa masuk kluar tempat-tempat ibada orang Yahudi untuk tangkap deng pukul trus kas masuk dalam penjara orang-orang yang percaya Tuhan. 20Begitu juga deng Stefanus Tuhan pu saksi itu, de pu dara yang tumpa, sa ada disitu deng stuju deng smua itu trus sa juga yang jaga pakean dari dong yang bunu dia.’
21Tapi Tuhan De bilang sama sa begini, ‘Pigi saja, karna Sa mo utus ko jau dari sini ke bangsa-bangsa lain.’ ”
22Orang banyak itu dengar sampe Paulus pu kata yang trakir itu, tapi habis itu dong batariak deng suara kras skali, “Bunu dia! De tra pantas hidup!”
Dalam tentara pu tempat
22:23-30
23Dong trus batariak-batariak, buka buang dong pu pakean, dong juga kas hambur debu ke udara. 24Karna itu komandan de suru dong bawa Paulus ke dong pu tempat untuk cambuk de waktu priksa dia, untuk cari tau knapa orang banyak itu batariak-batariak mara sampe begitu ke dia. 25Tapi waktu dong su ikat deng tali untuk mo cambuk, Paulus bilang sama perwira yang bediri disitu, “Kam bisa cambuk orang yang warga negara Roma, kalo kam blum sidang dia?”
26Dengar Paulus de bilang itu, perwira de pigi lapor sama komandan de bilang, “Bapa komandan, orang itu de warga negara Roma juga! Bapa mo bikin apa dia?”
27Jadi komandan itu de pigi ke Paulus deng bilang, “Betul ko warga negara Roma#22:27 warga negara Roma Orang yang tra pu dara turunan Roma juga bisa jadi warga Roma. Pemrinta Roma bisa angkat satu orang untuk jadi warga Roma kalo dong bikin satu barang yang baik untuk pemrinta ato kalo dong bli hak untuk jadi orang Roma (Kisah Para Rasul 22:28a). Orang tua-tua yang su jadi warga Roma juga bisa kas turun dong pu hak itu ke dong pu anana (Kisah Para Rasul 22:28b). Orang yang jadi warga Roma tra bole dapat hukuman cambuk sembarang kalo tra lewat sidang (Kisah Para Rasul 22:25-29), apalagi sampe dapat hukuman mati. Dong juga pu hak untuk bisa ketemu deng raja besar Roma kalo dong tra puas deng hasil sidang (Kisah Para Rasul 25:10-12).?”
Paulus de jawab, “Iyo betul.”
28Komandan itu bilang, “Sa sendiri su bayar uang banyak skali untuk jadi warga negara Roma.”
Paulus de jawab, “Tapi sa sendiri memang su jadi warga negara Roma dari lahir.”
29Jadi dong yang musti cambuk dia langsung mundur. Trus komandan itu juga takut, stela tau kalo Paulus yang de suru ikat itu orang Roma.
30Tapi komandan itu mo tau pasti apa yang orang Yahudi tudu sama Paulus. Itu jadi besok begini de suru bawa Paulus dari penjara baru kas printa supaya imam-imam kepala deng smua anggota Sidang Agama kumpul. Baru de bawa Paulus dari dong pu tempat trus taru depan dong smua.
Currently Selected:
Kisah Para Rasul 22: MPapua
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
Kisah Para Rasul 22
22
Paulus de kastau bagemana de tobat
22:1-22
1“Bapa-bapa deng sodara-sodara! Tolong dengar apa yang sa mo bicara sama kam smua untuk bela diri.” 2Waktu orang banyak itu dengar de bicara pake dong pu bahasa, dong tenang skali trus Paulus bilang,
3“Sa orang Yahudi, lahir di Tarsus di Propinsi Kilikia, tapi sa besar di kota ini. Trus Bapa Gamaliel de guru yang su ajar deng teliti tentang bagemana ikut hukum yang nene moyang su ikut dari dulu. Jadi sa smangat skali untuk ikut Allah sperti kam skarang ini. 4Sa smangat skali kerja untuk Allah#22:4 Sa smangat skali kerja untuk Allah ‒ Waktu itu, banyak orang Yahudi blum trima kalo Yesus tu dapa utus dari Allah. Jadi dong pikir ajaran itu ajaran yang sesat yang dong harus larang. sampe sa su siksa orang-orang yang ikut Yesus pu ajaran sampe dong mati. Sa tangkap laki-laki deng prempuan trus kas masuk dalam penjara. 5Tentang ini Pemimpin Imam deng smua anggota Sidang Agama juga bisa akui itu. Dari dong sa su dapat surat kuasa untuk bawa ke sodara-sodara di Kota Damsyik trus sa pigi kesana untuk tangkap orang-orang yang ikut Yesus pu ajaran yang tinggal di kota itu, baru bawa dong ke Kota Yerusalem untuk hukum dorang.
6Tapi waktu sa pigi ke Damsyik, su dekat deng kota itu, waktu siang bolong tiba-tiba cahaya puti kilat dari surga kliling saya. 7Sa langsung jatu ke tana. Trus sa dengar ada suara yang bilang sama sa begini, ‘Saulus, Saulus! Knapa ko siksa Saya?’
8Sa bilang, ‘Bapa ni sapa?’
Suara itu jawab, ‘Sa Yesus dari Nazaret yang ko ada siksa itu.’ 9Trus orang-orang yang sama-sama deng saya, dong liat cahaya itu tapi dong tra dengar suara orang yang bicara sama saya.
10Jadi sa bilang, ‘Tuhan, sa musti bikin apa?’
Trus Tuhan de bilang saya, ‘Skarang ko bangun trus masuk ke Kota Damsyik, disana nanti ko dapa kastau smua yang harus ko bikin.’
11Trus karna cahaya yang luar biasa yang bikin sa mata silau. Jadi orang-orang yang sama-sama deng sa dong pegang sa pu tangan, tolong bawa sa masuk ke Damsyik. 12Di kota itu ada satu orang de pu nama Ananias, de orang yang sunggu-sunggu ikut Tuhan pu mau, trus smua orang Yahudi kas tunjuk hormat sama dia. 13De datang bediri dekat sa deng bilang, ‘Saulus sa pu sodara! Buka ko pu mata deng liat lagi!’ Begini langsung sa bisa liat lagi trus sa liat dia. 14Trus de bilang, ‘Allah yang tong pu nene moyang semba su pili ko untuk tau De pu mau, untuk liat tentang Yesus, De Yang Benar, deng dengar suara yang kluar dari De pu mulut. 15Karna ko harus jadi De pu saksi untuk smua orang tentang apa yang ko liat deng yang ko dengar. 16Trus skarang apa yang ko tunggu? Ko bangun kasi ko pu diri untuk dapa baptis trus percaya sama Tuhan supaya ko pu dosa-dosa dapa kas bersi!’
17Habis itu sa kembali ke Yerusalem trus waktu sa doa di dalam Ruma Allah begini, Tuhan kas liat saya. 18Waktu itu sa bisa liat De bicara sama saya, ‘Pigi cepat-cepat kluar dari Yerusalem karna orang disini tra mo percaya ko pu saksi tentang Saya.’
19Sa jawab, ‘Tuhan, dong tau kalo dulu sa masuk kluar tempat-tempat ibada orang Yahudi untuk tangkap deng pukul trus kas masuk dalam penjara orang-orang yang percaya Tuhan. 20Begitu juga deng Stefanus Tuhan pu saksi itu, de pu dara yang tumpa, sa ada disitu deng stuju deng smua itu trus sa juga yang jaga pakean dari dong yang bunu dia.’
21Tapi Tuhan De bilang sama sa begini, ‘Pigi saja, karna Sa mo utus ko jau dari sini ke bangsa-bangsa lain.’ ”
22Orang banyak itu dengar sampe Paulus pu kata yang trakir itu, tapi habis itu dong batariak deng suara kras skali, “Bunu dia! De tra pantas hidup!”
Dalam tentara pu tempat
22:23-30
23Dong trus batariak-batariak, buka buang dong pu pakean, dong juga kas hambur debu ke udara. 24Karna itu komandan de suru dong bawa Paulus ke dong pu tempat untuk cambuk de waktu priksa dia, untuk cari tau knapa orang banyak itu batariak-batariak mara sampe begitu ke dia. 25Tapi waktu dong su ikat deng tali untuk mo cambuk, Paulus bilang sama perwira yang bediri disitu, “Kam bisa cambuk orang yang warga negara Roma, kalo kam blum sidang dia?”
26Dengar Paulus de bilang itu, perwira de pigi lapor sama komandan de bilang, “Bapa komandan, orang itu de warga negara Roma juga! Bapa mo bikin apa dia?”
27Jadi komandan itu de pigi ke Paulus deng bilang, “Betul ko warga negara Roma#22:27 warga negara Roma Orang yang tra pu dara turunan Roma juga bisa jadi warga Roma. Pemrinta Roma bisa angkat satu orang untuk jadi warga Roma kalo dong bikin satu barang yang baik untuk pemrinta ato kalo dong bli hak untuk jadi orang Roma (Kisah Para Rasul 22:28a). Orang tua-tua yang su jadi warga Roma juga bisa kas turun dong pu hak itu ke dong pu anana (Kisah Para Rasul 22:28b). Orang yang jadi warga Roma tra bole dapat hukuman cambuk sembarang kalo tra lewat sidang (Kisah Para Rasul 22:25-29), apalagi sampe dapat hukuman mati. Dong juga pu hak untuk bisa ketemu deng raja besar Roma kalo dong tra puas deng hasil sidang (Kisah Para Rasul 25:10-12).?”
Paulus de jawab, “Iyo betul.”
28Komandan itu bilang, “Sa sendiri su bayar uang banyak skali untuk jadi warga negara Roma.”
Paulus de jawab, “Tapi sa sendiri memang su jadi warga negara Roma dari lahir.”
29Jadi dong yang musti cambuk dia langsung mundur. Trus komandan itu juga takut, stela tau kalo Paulus yang de suru ikat itu orang Roma.
30Tapi komandan itu mo tau pasti apa yang orang Yahudi tudu sama Paulus. Itu jadi besok begini de suru bawa Paulus dari penjara baru kas printa supaya imam-imam kepala deng smua anggota Sidang Agama kumpul. Baru de bawa Paulus dari dong pu tempat trus taru depan dong smua.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.