Kisah Para Rasul 1
1
Allah janji mo kasi Roh Allah
1:1-5
1Untuk Bapa Teofilus. Salam dari saya, Lukas.#1:1 saya, Lukas ‒ Bahasa Yunani: saya.
Dalam sa pu kitab yang pertama sa tulis tentang smua yang Yesus su bikin deng kas ajar, 2sampe waktu De taangkat naik ke surga. Seblum Yesus taangkat, De kasi printa lewat kuasa dari Roh Allah ke utusan-utusan yang De pili. 3De kas bukti banyak sama dong kalo De memang su hidup lagi, padahal De su dapa siksa sampe mati. De kas tunjuk De pu diri ulang-ulang ke utusan-utusan slama 40 hari, juga De bicara deng dong smua tentang Allah jadi Raja.
4Satu kali, Yesus makan deng dong sama-sama. Waktu itu, De suru dong begini, “Kam jang kas tinggal Yerusalem. Kam tinggal saja disini untuk tunggu yang Bapa su janji ke kam, yang kam perna dengar dari Saya. 5Karna Yohanes de baptis deng air, tapi tra lama lagi kam mo dapa baptis deng Roh Allah.”
Yesus taangkat ke surga
1:6-11
6Trus waktu dong kumpul begini dong tanya sama Dia, “Tuhan, skarang ini Tuhan mo bikin bangsa Israel pegang printa sperti dulu ka?”
7Yesus jawab sama dorang,
“Kam tra perlu tau kapan smua itu mo jadi. Sa Bapa yang ada hak mo atur waktu itu. 8Tapi kam mo trima kuasa waktu Roh Allah turun sama kam. Trus kam mo pigi jadi Sa pu saksi-saksi untuk kastau tentang Sa ke orang-orang di Kota Yerusalem, di sluru daera Yudea deng daera Samaria, trus sampe ke ujung bumi.”
9Habis bilang begitu, Yesus taangkat di depan dong smua, trus awan tutup De sampe dong su tra bisa liat De lagi.
10Waktu dong smua masi liat ke langit, kaget begini ada dua orang pake baju puti bediri dekat dong smua. 11Trus dong dua itu bilang sama dorang, “Dengar ini orang-orang Galilea, knapa kam masi bediri liat ke langit? Yesus su taangkat ke surga, trus De sendiri yang nanti datang lagi deng cara sperti kam liat De ada taangkat ke surga.”
Matias ganti Yudas
1:12-26
12Habis itu, Yesus pu utusan-utusan turun dari Bukit Zaitun trus dong kembali pulang ke Kota Yerusalem. Dari bukit itu ke Yerusalem de pu jau kurang lebi satu kilometer.#1:12 kurang lebi satu kilometer ‒ Bahasa Yunani: Sabbatou echon odon, yang de pu arti, ʻukuran jarak yang bisa orang Yahudi jalan di hari Sabatʼ. 13Waktu dong sampe di Kota Yerusalem, dong pigi ke tempat yang dong ada tinggal trus dong naik ke ruang atas. Dong tu: Petrus, Yohanes, Yakobus, Andreas, Filipus, Tomas, Bartolomeus, Matius, Yakobus bapa Alfeus pu anak, Simon dari klompok Zelot,#1:13 Simon dari klompok Zelot ‒ Klompok ini dong orang Yahudi yang mo merdeka. deng Yudas bapa Yakobus pu anak.#Matius 10:2-4; Markus 3:16-19; Lukas 6:14-16 14Dong smua biasa kumpul deng slalu satu hati untuk doa. Dong doa sama-sama deng Maria yang Yesus pu mama, Yesus pu ade-ade, deng ada prempuan-prempuan lain juga.
15Satu kali sodara-sodara yang percaya sama Yesus kumpul sama-sama. Dong pu jumla kira-kira ada 120 orang. Trus Petrus bediri di tenga-tenga dong smua baru bilang,
16“Sodara-sodara! Smua yang ada tulis di Kitab Suci tentang Yudas, memang su harus jadi. Dulu, Roh Allah kastau lewat Raja Daud tentang Yudas. Yudas itu yang bawa orang-orang untuk mo tangkap Yesus. 17Padahal dulu Yudas itu de satu dari kitong, de juga biasa kerja sama-sama deng kitong.”
18Yudas itu yang trima uang waktu de mo jual Yesus, trus uang dari de pu hasil kerja yang jahat tu, de pake untuk bli tana. Di tana itu, de jatu deng muka balik ke tana trus de pu perut tabla sampe smua de pu isi perut kluar. 19Smua orang yang tinggal di Yerusalem tau tentang smua ini. Karna itu, dalam dong pu bahasa, tana itu dong sebut Hakal-Dama yang pu arti ʻTana Daraʼ.#Matius 27:3-8
20Petrus de bilang lagi,
“Dulu Raja Daud su tulis tentang Yudas. De ada tulis begini di kitab Mazmur,
‘Biar saja de pu tempat tinggal jadi sunyi,
juga trada orang yang tinggal disitu.’
Raja Daud juga tulis begini,
‘Biar saja orang lain ambil ali de pu tugas.’ #
Mazmur 69:25; 109:8
21Jadi tong musti pili satu orang untuk ganti Yudas. Orang itu de musti dari orang-orang yang biasa ikut deng tong waktu Yesus masi ada sama-sama deng kitong, 22mulai dari waktu Yohanes de baptis Yesus sampe waktu Yesus de taangkat dari tenga-tenga tong. Supaya orang itu juga sama-sama deng tong jadi saksi kalo Yesus su hidup kembali.”
23Habis Petrus de bicara, orang-orang yang ada kumpul disitu dong kas usul dua orang. Satu de pu nama Yusuf biasa dong sebut Barsabas yang de nama lain Yustus. Trus yang satu lagi de pu nama Matias. 24Habis itu dong smua doa. Dong bilang,
“Tuhan su tau betul smua orang pu hati. Karna itu kas tunjuk sama tong sapa yang Tuhan mo pili dari dua orang ini. 25Nanti orang itu yang mo ganti Yudas pu kerja yang de kas tinggal ini, untuk jadi Yesus pu utusan. Karna Yudas de su mati deng su pigi ke tempat yang pantas untuk dia.”
26Habis sembayang, dong bikin undi untuk dua orang itu, trus Matias yang dapa pili. De jadi Yesus pu utusan sama-sama deng 11 utusan itu.
Currently Selected:
Kisah Para Rasul 1: MPapua
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
Kisah Para Rasul 1
1
Allah janji mo kasi Roh Allah
1:1-5
1Untuk Bapa Teofilus. Salam dari saya, Lukas.#1:1 saya, Lukas ‒ Bahasa Yunani: saya.
Dalam sa pu kitab yang pertama sa tulis tentang smua yang Yesus su bikin deng kas ajar, 2sampe waktu De taangkat naik ke surga. Seblum Yesus taangkat, De kasi printa lewat kuasa dari Roh Allah ke utusan-utusan yang De pili. 3De kas bukti banyak sama dong kalo De memang su hidup lagi, padahal De su dapa siksa sampe mati. De kas tunjuk De pu diri ulang-ulang ke utusan-utusan slama 40 hari, juga De bicara deng dong smua tentang Allah jadi Raja.
4Satu kali, Yesus makan deng dong sama-sama. Waktu itu, De suru dong begini, “Kam jang kas tinggal Yerusalem. Kam tinggal saja disini untuk tunggu yang Bapa su janji ke kam, yang kam perna dengar dari Saya. 5Karna Yohanes de baptis deng air, tapi tra lama lagi kam mo dapa baptis deng Roh Allah.”
Yesus taangkat ke surga
1:6-11
6Trus waktu dong kumpul begini dong tanya sama Dia, “Tuhan, skarang ini Tuhan mo bikin bangsa Israel pegang printa sperti dulu ka?”
7Yesus jawab sama dorang,
“Kam tra perlu tau kapan smua itu mo jadi. Sa Bapa yang ada hak mo atur waktu itu. 8Tapi kam mo trima kuasa waktu Roh Allah turun sama kam. Trus kam mo pigi jadi Sa pu saksi-saksi untuk kastau tentang Sa ke orang-orang di Kota Yerusalem, di sluru daera Yudea deng daera Samaria, trus sampe ke ujung bumi.”
9Habis bilang begitu, Yesus taangkat di depan dong smua, trus awan tutup De sampe dong su tra bisa liat De lagi.
10Waktu dong smua masi liat ke langit, kaget begini ada dua orang pake baju puti bediri dekat dong smua. 11Trus dong dua itu bilang sama dorang, “Dengar ini orang-orang Galilea, knapa kam masi bediri liat ke langit? Yesus su taangkat ke surga, trus De sendiri yang nanti datang lagi deng cara sperti kam liat De ada taangkat ke surga.”
Matias ganti Yudas
1:12-26
12Habis itu, Yesus pu utusan-utusan turun dari Bukit Zaitun trus dong kembali pulang ke Kota Yerusalem. Dari bukit itu ke Yerusalem de pu jau kurang lebi satu kilometer.#1:12 kurang lebi satu kilometer ‒ Bahasa Yunani: Sabbatou echon odon, yang de pu arti, ʻukuran jarak yang bisa orang Yahudi jalan di hari Sabatʼ. 13Waktu dong sampe di Kota Yerusalem, dong pigi ke tempat yang dong ada tinggal trus dong naik ke ruang atas. Dong tu: Petrus, Yohanes, Yakobus, Andreas, Filipus, Tomas, Bartolomeus, Matius, Yakobus bapa Alfeus pu anak, Simon dari klompok Zelot,#1:13 Simon dari klompok Zelot ‒ Klompok ini dong orang Yahudi yang mo merdeka. deng Yudas bapa Yakobus pu anak.#Matius 10:2-4; Markus 3:16-19; Lukas 6:14-16 14Dong smua biasa kumpul deng slalu satu hati untuk doa. Dong doa sama-sama deng Maria yang Yesus pu mama, Yesus pu ade-ade, deng ada prempuan-prempuan lain juga.
15Satu kali sodara-sodara yang percaya sama Yesus kumpul sama-sama. Dong pu jumla kira-kira ada 120 orang. Trus Petrus bediri di tenga-tenga dong smua baru bilang,
16“Sodara-sodara! Smua yang ada tulis di Kitab Suci tentang Yudas, memang su harus jadi. Dulu, Roh Allah kastau lewat Raja Daud tentang Yudas. Yudas itu yang bawa orang-orang untuk mo tangkap Yesus. 17Padahal dulu Yudas itu de satu dari kitong, de juga biasa kerja sama-sama deng kitong.”
18Yudas itu yang trima uang waktu de mo jual Yesus, trus uang dari de pu hasil kerja yang jahat tu, de pake untuk bli tana. Di tana itu, de jatu deng muka balik ke tana trus de pu perut tabla sampe smua de pu isi perut kluar. 19Smua orang yang tinggal di Yerusalem tau tentang smua ini. Karna itu, dalam dong pu bahasa, tana itu dong sebut Hakal-Dama yang pu arti ʻTana Daraʼ.#Matius 27:3-8
20Petrus de bilang lagi,
“Dulu Raja Daud su tulis tentang Yudas. De ada tulis begini di kitab Mazmur,
‘Biar saja de pu tempat tinggal jadi sunyi,
juga trada orang yang tinggal disitu.’
Raja Daud juga tulis begini,
‘Biar saja orang lain ambil ali de pu tugas.’ #
Mazmur 69:25; 109:8
21Jadi tong musti pili satu orang untuk ganti Yudas. Orang itu de musti dari orang-orang yang biasa ikut deng tong waktu Yesus masi ada sama-sama deng kitong, 22mulai dari waktu Yohanes de baptis Yesus sampe waktu Yesus de taangkat dari tenga-tenga tong. Supaya orang itu juga sama-sama deng tong jadi saksi kalo Yesus su hidup kembali.”
23Habis Petrus de bicara, orang-orang yang ada kumpul disitu dong kas usul dua orang. Satu de pu nama Yusuf biasa dong sebut Barsabas yang de nama lain Yustus. Trus yang satu lagi de pu nama Matias. 24Habis itu dong smua doa. Dong bilang,
“Tuhan su tau betul smua orang pu hati. Karna itu kas tunjuk sama tong sapa yang Tuhan mo pili dari dua orang ini. 25Nanti orang itu yang mo ganti Yudas pu kerja yang de kas tinggal ini, untuk jadi Yesus pu utusan. Karna Yudas de su mati deng su pigi ke tempat yang pantas untuk dia.”
26Habis sembayang, dong bikin undi untuk dua orang itu, trus Matias yang dapa pili. De jadi Yesus pu utusan sama-sama deng 11 utusan itu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.