Sanghano 19
19
Paulo mu Efeso, kawona wanahina wa Yohana Msingula
1Siku hizo, Apolo viyakalile Korinto, Paulo kabita mgati ya isi za mvigongo, kavika Efese, ketinghana na wanahina wayagwe hiko. 2Kawauza, “Hambwe mweye mbokela Loho Yangʼalile vumtogole?” Wamwidika, “Aka, hata kuhulika kamba kuna Loho Yangʼalile hatunahulika.” 3Kawauza, “Kumbe mbatizigwa na ubatizo ulihi?” Walonga, “Ubatizo wa Yohana.” 4Paulo kalonga, “Yohana kasingula wanhu, yowagela uyalazi na kuwalongela, wamtogole Yuja Yondayeze hachugu chake, yuyo Yesu.” 5Vuwahulike higo, wabatizwa na twaga ja Mndewa Yesu. 6Paulo kawagelekela makono mmatwi, Loho Yangʼalile kawezila, wandusa kulonga ulonzi uyagwe na kufambula. 7Wose wakala wambigalo mulongo umwe na wabili.
8Kengila mngʼanda ya nhambiko, kabwililisa dilonga chalinze kikomo cha miyezi midatu, yolongelela na wanhu na kuwakwega muna digweka ja Undewa wa Mulungu. 9Komu kulawilila wene miyoyo migaga, walemile kutogola, wagalonga gehile gaja malangukizo hameso ga wanhu walundile; baho Paulo kawaleka, kawabagula iwanahina; kalongelela na wanhu mazuwa gose muna dingʼanda da langulizo ja munhu imonga yokemigwa Tirano. 10Avo kagendelela kikomo cha miyaka mibili, na wose wakalile Asia, Wayuda na Wagriki, wadihulika Longa ja Mndewa.
Wana wa Skewa wahungile mizuka
11Mulungu kasanghana mmakono ga Paulo vinzonza vikulu havinakoneka. 12Avo wanhu wakala wosola vilemba na mikwizi ya mulukuli lwake, wawagalila watamu; baho mitamu yawo ihona, na mizuka ihile iwalawa.
13Kukala na Wayuda wayagwe wahunga mizuka, wakala wozunguluka baho; wageza kuwatambula twaga ja Yesu waja wavagalwe na mizuka, kuno wolonga, “Nomulagizani mweye mditwaga ja Yesu yosimulilwa na Paulo.” 14Na hewo watendile hivo wakala wana saba wa Skewa, Muyuda imonga yakalile Mtambika mkulu. 15Komu mzuka wihile wedika uwalongela, “Yesu nimtanga, na Paulo nimtanga, bali mweye kina nani?” 16Yuja imunhu yavagalwe na umzuka wihile kawazumhila waja iwabili, kawafiligisa, kawalumiza, na hewo walawa mngʼanda ija, wokimbila ukulunge, wana malonda. 17Mbuli ino ibwililika mwa Wayuda na Wagriki wose wakalile Efeso; bwembwe diwengila wose, na twaga ja Mndewa Yesu ditunizwa. 18Baho bwando mwa waja watogole weza wiyalala, wopeta chalinze gaja gawatendile. 19Na wanhu bwando wazowele magweka ga uganga, wavilundiza vikoba vyao na kuvibwinha moto hameso ga wanhu; vuwazipetile mhiya zilavigwe vuwavigulile, zivika mizo milongo mitano elfu. 20Avo Longa ja Mndewa vidibanzile kukula na kuhuma kwa mhiko.
Paulo kawalanga Roma
21Imala baho Paulo kagesa mmoyo kubita Makedonia na Ugriki, yavike Yerusalemu kalonga, “Nihamala kuchola hiko, vinyandama kuvika na Roma.” 22Kawatuma wabili wakalile womsanghanila, Timoteo na Erasto, walongole kuchola Makedonia; na heyo mwenyecho kasigala Asia yobeta mkikomo kidodo.
Hengele ya Artemi na muhunzi Demetrio
23Na siku zija kukala na hengele si dodo kilumbo cha mbuli za Yesu. 24Kukala na munhu imonga twaga jake Demetrio, mponda feza, kakala yosanghana vinyago vya feza vya ngʼanda ya mulungu Artemi, avo kawasumila mafundi wake mali bwando. 25Kawalundiza na wasanghana wayage, kawalongela, “Walume wayangu, mvimanya sanghana ino uwo usumi wetu. 26Kabili movona na kuhulika si kamba Efeso tu, bali muna Asia yose, Paulo hiyo viyokwega wanhu bwando na kuwahindula, yowalanguliza kamba milungu isanghanwe na makono ga wanhu si milungu. 27Komu kitudumba icho vino, si kamba usumi wetu uno kwiza wokwaga, bali na ingʼanda ya mulungu wa ikitwanzi wetu Artemi Mkulu, yopetigwa kamba si kinhu, na ukulu wake uja utambikilagwa na wose kuno Asia na mulumwengu wose, wobanangika.”
28Vuwagahulike gano, wagwa lusango, walava bwato wolonga, “Mkulu yuyo Artemi wa Waefeso!” 29Wambo dingila kimbembele, wakimbila wose hamonga wagenda ihanhu hakuchezela, kuno wowakwekwesa Gayo na Aristarko wanhu wa Makedonia wezile hamonga na Paulo. 30Na Paulo viyalondile kwingila ha wanhu, iwanahina wamzuwila. Na wakulu wayagwe wa Asia wakalile mbwiga zake, watuma munhu kumwake wampembela, sikuyelavilize hana imichezo. 31Aho vuwailundize, wakala wotowa mizangi; 32wayagwe wolonga vino, wayagwe vino, kwa mzoko wanhu bwando hawamanyile kilumbo cha mtinghano uja. 33Wayagwe wamgesa Aleksanda yuyo mwene mbuli, kwa mzoko Wayuda wamgala haulongozi. Na heyo Aleksanda kawahingila mkono, yolonda kwibelela na kuwahembekeza iwanhu. 34Komu vuwamtambule kamba heyo Muyuda, waguta mizango na dizwi dimwe hamonga kikomo cha saa mbili ngima wolonga, “Mkulu yuyo Artemi wa Waefeso!”
35Mkulu wa ikabili wa idiwambo viyawanyamaze dija didale, wamuhulika, kalonga, “Mweye wambigalo wa Efeso, yalihi havimanyile kamba wambo dino da Efeso dikwimiliza ingʼanda ya mulungu Artemi Mkulu, na dibwe jake dilagale kulawa kuulanga? 36Avo gweka dino hadidahika kubenhuswa, imgambani kwituza sikumtende mbuli ya kiduhiduhi. 37Kwa mzoko muwagala wanhu wano, hawebile vinhu vya ngʼanda ya mulungu wetu hebu kumuliga. 38Komu Demetrio na mafundi wayage wahawa na mbuli ya kumsindila munhu, zabaho siku za ulamuzi, na watagusi wabaho, na weitaguse wawo kwa wawo! 39Hebu muhawa na mbuli iyagwe, na igaligwe kwa waja wasaguligwe wa imbuli hiyo. 40Kilumbo tokihonza kugeligwa mkitala (cha Mtawala) kwa sosombi ya kimbembele kino cha lelo, avo tokuwa bule na mbuli ya kwibela.”
41Viyamalile kulonga gano, kaumwaga mtinghano.
Currently Selected:
Sanghano 19: ZAM75
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.
Sanghano 19
19
Paulo mu Efeso, kawona wanahina wa Yohana Msingula
1Siku hizo, Apolo viyakalile Korinto, Paulo kabita mgati ya isi za mvigongo, kavika Efese, ketinghana na wanahina wayagwe hiko. 2Kawauza, “Hambwe mweye mbokela Loho Yangʼalile vumtogole?” Wamwidika, “Aka, hata kuhulika kamba kuna Loho Yangʼalile hatunahulika.” 3Kawauza, “Kumbe mbatizigwa na ubatizo ulihi?” Walonga, “Ubatizo wa Yohana.” 4Paulo kalonga, “Yohana kasingula wanhu, yowagela uyalazi na kuwalongela, wamtogole Yuja Yondayeze hachugu chake, yuyo Yesu.” 5Vuwahulike higo, wabatizwa na twaga ja Mndewa Yesu. 6Paulo kawagelekela makono mmatwi, Loho Yangʼalile kawezila, wandusa kulonga ulonzi uyagwe na kufambula. 7Wose wakala wambigalo mulongo umwe na wabili.
8Kengila mngʼanda ya nhambiko, kabwililisa dilonga chalinze kikomo cha miyezi midatu, yolongelela na wanhu na kuwakwega muna digweka ja Undewa wa Mulungu. 9Komu kulawilila wene miyoyo migaga, walemile kutogola, wagalonga gehile gaja malangukizo hameso ga wanhu walundile; baho Paulo kawaleka, kawabagula iwanahina; kalongelela na wanhu mazuwa gose muna dingʼanda da langulizo ja munhu imonga yokemigwa Tirano. 10Avo kagendelela kikomo cha miyaka mibili, na wose wakalile Asia, Wayuda na Wagriki, wadihulika Longa ja Mndewa.
Wana wa Skewa wahungile mizuka
11Mulungu kasanghana mmakono ga Paulo vinzonza vikulu havinakoneka. 12Avo wanhu wakala wosola vilemba na mikwizi ya mulukuli lwake, wawagalila watamu; baho mitamu yawo ihona, na mizuka ihile iwalawa.
13Kukala na Wayuda wayagwe wahunga mizuka, wakala wozunguluka baho; wageza kuwatambula twaga ja Yesu waja wavagalwe na mizuka, kuno wolonga, “Nomulagizani mweye mditwaga ja Yesu yosimulilwa na Paulo.” 14Na hewo watendile hivo wakala wana saba wa Skewa, Muyuda imonga yakalile Mtambika mkulu. 15Komu mzuka wihile wedika uwalongela, “Yesu nimtanga, na Paulo nimtanga, bali mweye kina nani?” 16Yuja imunhu yavagalwe na umzuka wihile kawazumhila waja iwabili, kawafiligisa, kawalumiza, na hewo walawa mngʼanda ija, wokimbila ukulunge, wana malonda. 17Mbuli ino ibwililika mwa Wayuda na Wagriki wose wakalile Efeso; bwembwe diwengila wose, na twaga ja Mndewa Yesu ditunizwa. 18Baho bwando mwa waja watogole weza wiyalala, wopeta chalinze gaja gawatendile. 19Na wanhu bwando wazowele magweka ga uganga, wavilundiza vikoba vyao na kuvibwinha moto hameso ga wanhu; vuwazipetile mhiya zilavigwe vuwavigulile, zivika mizo milongo mitano elfu. 20Avo Longa ja Mndewa vidibanzile kukula na kuhuma kwa mhiko.
Paulo kawalanga Roma
21Imala baho Paulo kagesa mmoyo kubita Makedonia na Ugriki, yavike Yerusalemu kalonga, “Nihamala kuchola hiko, vinyandama kuvika na Roma.” 22Kawatuma wabili wakalile womsanghanila, Timoteo na Erasto, walongole kuchola Makedonia; na heyo mwenyecho kasigala Asia yobeta mkikomo kidodo.
Hengele ya Artemi na muhunzi Demetrio
23Na siku zija kukala na hengele si dodo kilumbo cha mbuli za Yesu. 24Kukala na munhu imonga twaga jake Demetrio, mponda feza, kakala yosanghana vinyago vya feza vya ngʼanda ya mulungu Artemi, avo kawasumila mafundi wake mali bwando. 25Kawalundiza na wasanghana wayage, kawalongela, “Walume wayangu, mvimanya sanghana ino uwo usumi wetu. 26Kabili movona na kuhulika si kamba Efeso tu, bali muna Asia yose, Paulo hiyo viyokwega wanhu bwando na kuwahindula, yowalanguliza kamba milungu isanghanwe na makono ga wanhu si milungu. 27Komu kitudumba icho vino, si kamba usumi wetu uno kwiza wokwaga, bali na ingʼanda ya mulungu wa ikitwanzi wetu Artemi Mkulu, yopetigwa kamba si kinhu, na ukulu wake uja utambikilagwa na wose kuno Asia na mulumwengu wose, wobanangika.”
28Vuwagahulike gano, wagwa lusango, walava bwato wolonga, “Mkulu yuyo Artemi wa Waefeso!” 29Wambo dingila kimbembele, wakimbila wose hamonga wagenda ihanhu hakuchezela, kuno wowakwekwesa Gayo na Aristarko wanhu wa Makedonia wezile hamonga na Paulo. 30Na Paulo viyalondile kwingila ha wanhu, iwanahina wamzuwila. Na wakulu wayagwe wa Asia wakalile mbwiga zake, watuma munhu kumwake wampembela, sikuyelavilize hana imichezo. 31Aho vuwailundize, wakala wotowa mizangi; 32wayagwe wolonga vino, wayagwe vino, kwa mzoko wanhu bwando hawamanyile kilumbo cha mtinghano uja. 33Wayagwe wamgesa Aleksanda yuyo mwene mbuli, kwa mzoko Wayuda wamgala haulongozi. Na heyo Aleksanda kawahingila mkono, yolonda kwibelela na kuwahembekeza iwanhu. 34Komu vuwamtambule kamba heyo Muyuda, waguta mizango na dizwi dimwe hamonga kikomo cha saa mbili ngima wolonga, “Mkulu yuyo Artemi wa Waefeso!”
35Mkulu wa ikabili wa idiwambo viyawanyamaze dija didale, wamuhulika, kalonga, “Mweye wambigalo wa Efeso, yalihi havimanyile kamba wambo dino da Efeso dikwimiliza ingʼanda ya mulungu Artemi Mkulu, na dibwe jake dilagale kulawa kuulanga? 36Avo gweka dino hadidahika kubenhuswa, imgambani kwituza sikumtende mbuli ya kiduhiduhi. 37Kwa mzoko muwagala wanhu wano, hawebile vinhu vya ngʼanda ya mulungu wetu hebu kumuliga. 38Komu Demetrio na mafundi wayage wahawa na mbuli ya kumsindila munhu, zabaho siku za ulamuzi, na watagusi wabaho, na weitaguse wawo kwa wawo! 39Hebu muhawa na mbuli iyagwe, na igaligwe kwa waja wasaguligwe wa imbuli hiyo. 40Kilumbo tokihonza kugeligwa mkitala (cha Mtawala) kwa sosombi ya kimbembele kino cha lelo, avo tokuwa bule na mbuli ya kwibela.”
41Viyamalile kulonga gano, kaumwaga mtinghano.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.