1 Wakorinto 9
9
Paulo kaikwima ndagizi yake kilumbo cha usenga; Munhu yakomboligwe kagalamka mtumwa wa wose
1Che, niye sikomboligwe? Niye sili mtumigwa? Niye simonile Mndewa wetu Yesu? Mweye hamuli mujo ulawile msanghano zangu, zinimsanghanile Mndewa? 2Kwa mzoko nanileke kuwa mtumigwa wa wayagwe, bali kumwenu yuyo nene; kilumbo mweye mwa utango wa utumigwa wangu, kwa vija vumgoga Mndewa. 3Uno uwo usindi wangu kumwawo wene kuniuzagiza.
4Che, na tweye vilihi hatudaha kuja na kungʼwa chochose? 5Che, na tweye hatudaha hohose hotuchola, kwilongoza na sano yali mkristo, kamba vuwotenda watumigwa wayagwe, na ndugu wa Mndewa, na Kefa? 6Hebu mwagiza niye na Barnaba tuliyeka hatudaha kubokela mandiya kulawa kwa madale, komu tusanghane na makono getu wenyego?
7Silikali yalihi yacholile kuli inghondo, ilawabaho yailihile mwenyecho? hebu yalihi yahandile mitongoni, yalekile kuja umujo wake? hebu mchunga yalihi mwene dale da ngʼombe, yalekile kungʼwa matombo ga didale? 8Gano sigalonga kimunhu kiyeka, komu Inzuma iyo ilongile higo. 9Kilumbo yandikigwa muna inzuma ya Mose, Ngʼombe yohugusa muhunga, sukuumdaze mulomo. Che, aho Mulungu koteganya mbuli za ngʼombe? 10Hebu hagalonga higo kwa kilumbo chetu? Kwa ihoko yandikigwa kwa kilumbo chetu, kilumbo mnghulima na yuja mwene kuhugusa wose wobeta kugolelwa fungu jawo. 11Na tweye kamba tumuhandilani mbeyu ya kiloho, mbuli nghulu ilihi, kamba tuhahuna vinhu vyenu vya mulukuli? 12Ihawa wayagwe waigondanya woja kumwenu, tweye hondatubanze? bali tweye hatutendile magweka higo, komu twazaganya gose, giladi sikutugele nghwalo muna inzila ya Usenga Unogile wa Kristo.
13Hamvimanyile kamba waja wosanghana muna idihekalu, wajaga vinhu vya Hekalu, na waja wasikaga ngʼombe za nhambiko, wogolelwa fungu jawo bahaja hasikilo? 14Avo vivo na Heyo Mndewa kalagiza, waja wene kubwililisa Usenga Unogile wenghigwe mandiya mumo muna Usenga Unogile.
15Bali niye sisanghane magweka kamba higo, vyemela sigandika gano giladi ninghigwe; kwa mzoko vinoga nife kamba munhu yoyose yamboke ino nhunizo yangu!
16Kilumbo nihapeta Usenga Unogile, nabule cha kwitopela, kwa mzoko inyandama, kabili nojona mwenyecho nihaleka kuupeta Usenga Unogile. 17Nihagasanghana gano kwa manogelwa gangu, baho nogwelelwa kitumetume; komu nihagatenda kwa kunanahizwa, notamanilwa msanghano ino mgolelwe. 18Avo miyawi yangu iyo ilihi? Iyo ino kamba nihaupeta Usenga, silonda kwinghigwa kinhu, hebu kuwila magweka gaja gandakane kumwangu kwa kilumbo cha Usenga Unogile, nigakape.
19Avo niye nghomboligwa muutumwa wose, nigalamka mtumwa wa wose, giladi niwakwege wanhu bwando wamkole Kristo. 20Kwa Wayuda ngalamka kamba Muyuda, giladi niwakwege Wayuda; kwa waja woigoga Inzuma, ngalamka kamba mgoga mwizilo, giladi niwakwege waja wagogile mwizilo, vyemela niye nabule mwizilo. 21Kwa waja walibule Inzuma, ngalamka kamba nilibule Inzuma, giladi niwakwege walibule Nzuma; si kamba niye nabule nzuma ya Mulungu, komu namwene Inzuma ya Kristo. 22Kwa waja wene nhamanilo ndodo ngalamka kamba miyawo, giladi niwakwege waja wene nhamanilo ndodo; ngalamka kamba vuwali hewo wose muna gamagweka gose, giladi niwakwege hohose wene kukomboligwa. 23Na higo nogasanghana gose kwa kilumbo cha Usenga Unogile, giladi nigwelelwe fungu jangu mumo hamonga na wayagwe.
24Che, hamtangile kamba waja wokikuga kwa kukimbila, wokimbila wose, bali yonda yagwelelwe imiyawi iyo yumwe yaiyeka? Avo na mweye vivo kimbileni nghani, giladi mgolelwe! 25Komu munhu yokikuga na wayage, tanhu kalekaga gose; awo wokiyoha giladi wabokele miyawi ibanangikaga, komu tweye tobokela miyawi ija haibanangikaga. 26Vilema na niye nokiyoha kukimbila vivo, si kamba siumanya uzigililo; nosuna nghonde, si kamba nghonde zangu nozasa yamba. 27Komu nokengheza lukuli lwangu, kuno nolugadusa lunhegeleze, giladi niye nihawapetela wayagwe, mwenyecho kwiza sikunyasigwe.
Currently Selected:
1 Wakorinto 9: ZAM75
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.
1 Wakorinto 9
9
Paulo kaikwima ndagizi yake kilumbo cha usenga; Munhu yakomboligwe kagalamka mtumwa wa wose
1Che, niye sikomboligwe? Niye sili mtumigwa? Niye simonile Mndewa wetu Yesu? Mweye hamuli mujo ulawile msanghano zangu, zinimsanghanile Mndewa? 2Kwa mzoko nanileke kuwa mtumigwa wa wayagwe, bali kumwenu yuyo nene; kilumbo mweye mwa utango wa utumigwa wangu, kwa vija vumgoga Mndewa. 3Uno uwo usindi wangu kumwawo wene kuniuzagiza.
4Che, na tweye vilihi hatudaha kuja na kungʼwa chochose? 5Che, na tweye hatudaha hohose hotuchola, kwilongoza na sano yali mkristo, kamba vuwotenda watumigwa wayagwe, na ndugu wa Mndewa, na Kefa? 6Hebu mwagiza niye na Barnaba tuliyeka hatudaha kubokela mandiya kulawa kwa madale, komu tusanghane na makono getu wenyego?
7Silikali yalihi yacholile kuli inghondo, ilawabaho yailihile mwenyecho? hebu yalihi yahandile mitongoni, yalekile kuja umujo wake? hebu mchunga yalihi mwene dale da ngʼombe, yalekile kungʼwa matombo ga didale? 8Gano sigalonga kimunhu kiyeka, komu Inzuma iyo ilongile higo. 9Kilumbo yandikigwa muna inzuma ya Mose, Ngʼombe yohugusa muhunga, sukuumdaze mulomo. Che, aho Mulungu koteganya mbuli za ngʼombe? 10Hebu hagalonga higo kwa kilumbo chetu? Kwa ihoko yandikigwa kwa kilumbo chetu, kilumbo mnghulima na yuja mwene kuhugusa wose wobeta kugolelwa fungu jawo. 11Na tweye kamba tumuhandilani mbeyu ya kiloho, mbuli nghulu ilihi, kamba tuhahuna vinhu vyenu vya mulukuli? 12Ihawa wayagwe waigondanya woja kumwenu, tweye hondatubanze? bali tweye hatutendile magweka higo, komu twazaganya gose, giladi sikutugele nghwalo muna inzila ya Usenga Unogile wa Kristo.
13Hamvimanyile kamba waja wosanghana muna idihekalu, wajaga vinhu vya Hekalu, na waja wasikaga ngʼombe za nhambiko, wogolelwa fungu jawo bahaja hasikilo? 14Avo vivo na Heyo Mndewa kalagiza, waja wene kubwililisa Usenga Unogile wenghigwe mandiya mumo muna Usenga Unogile.
15Bali niye sisanghane magweka kamba higo, vyemela sigandika gano giladi ninghigwe; kwa mzoko vinoga nife kamba munhu yoyose yamboke ino nhunizo yangu!
16Kilumbo nihapeta Usenga Unogile, nabule cha kwitopela, kwa mzoko inyandama, kabili nojona mwenyecho nihaleka kuupeta Usenga Unogile. 17Nihagasanghana gano kwa manogelwa gangu, baho nogwelelwa kitumetume; komu nihagatenda kwa kunanahizwa, notamanilwa msanghano ino mgolelwe. 18Avo miyawi yangu iyo ilihi? Iyo ino kamba nihaupeta Usenga, silonda kwinghigwa kinhu, hebu kuwila magweka gaja gandakane kumwangu kwa kilumbo cha Usenga Unogile, nigakape.
19Avo niye nghomboligwa muutumwa wose, nigalamka mtumwa wa wose, giladi niwakwege wanhu bwando wamkole Kristo. 20Kwa Wayuda ngalamka kamba Muyuda, giladi niwakwege Wayuda; kwa waja woigoga Inzuma, ngalamka kamba mgoga mwizilo, giladi niwakwege waja wagogile mwizilo, vyemela niye nabule mwizilo. 21Kwa waja walibule Inzuma, ngalamka kamba nilibule Inzuma, giladi niwakwege walibule Nzuma; si kamba niye nabule nzuma ya Mulungu, komu namwene Inzuma ya Kristo. 22Kwa waja wene nhamanilo ndodo ngalamka kamba miyawo, giladi niwakwege waja wene nhamanilo ndodo; ngalamka kamba vuwali hewo wose muna gamagweka gose, giladi niwakwege hohose wene kukomboligwa. 23Na higo nogasanghana gose kwa kilumbo cha Usenga Unogile, giladi nigwelelwe fungu jangu mumo hamonga na wayagwe.
24Che, hamtangile kamba waja wokikuga kwa kukimbila, wokimbila wose, bali yonda yagwelelwe imiyawi iyo yumwe yaiyeka? Avo na mweye vivo kimbileni nghani, giladi mgolelwe! 25Komu munhu yokikuga na wayage, tanhu kalekaga gose; awo wokiyoha giladi wabokele miyawi ibanangikaga, komu tweye tobokela miyawi ija haibanangikaga. 26Vilema na niye nokiyoha kukimbila vivo, si kamba siumanya uzigililo; nosuna nghonde, si kamba nghonde zangu nozasa yamba. 27Komu nokengheza lukuli lwangu, kuno nolugadusa lunhegeleze, giladi niye nihawapetela wayagwe, mwenyecho kwiza sikunyasigwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Zaramo © United Bible Societies, 1975.