Levítico 2
2
1Le máax taasic u ti'ibil óolalil jejeláas janalbe'en neeko'ob ti' Yuumtzile', unaj u taasic u jach ma'alobil u sacanil, yaan u yalic yóokole', aceite yéetel poom; 2cu dzo'ocole' cu bisic ti' le aj kiino'ob u paalal Aarono', jun túul ichilo'obe' cu ch'a'ic jun láap' le sacan pa'ate' le aceite yéetel le poomo', cu tóoquic tu multuunil kultaj bey jun p'éel u tóocbil ti'ibil óolalil utz qui'iboquil ti' Yuumtzile'. 3U yalab le ti'ibil óolal cu p'áatalo', jun jaatzil jach quili'ich ichil le ti'ibil óolalo'ob cu tóoca'al ti' u tzicbe'enil Yuumtzil; lela' u ti'al Aarón yéetel u ch'i'ibalo'ob.
4Le quéen a taas ti'ibil óolal, janalbe'en neeko'obe' u naj póoca'an ti' chujcab, kub u péenchuquil ya'ach'ta'an yéetel aceite, ba'ale' x ma' levadurail, wa oop'o'obe' taas x ma' levadurail wi'iwidzáan yéetel aceite.
5Wa le ti'ibil óolal ca táanbesic, janalbe'en neeko'ob póoca'an ti' xamache' unaj u ma'alobil sacan, ya'ach'ta'an yéetel aceite x ma' j levadurail; 6ca xotláantic, cu dzo'ocole' ca widzláantic yéetel aceite, tumen u ti'ibil óolalil janalbe'en neeko'ob.
7Wa janalbe'en neeko'ob a ti'ibil óolal tzaja'an ti' cuume', unaj beeta'an yéetel u ma'alobil sacan yéetel ma'alob aceite xan. 8Quéen dzo'ococ a beetic le ti'ibil óolal yéetel tuláacal le ba'ax cu bisico', unaj a bisic tu táan Yuumtzil u ti'al a kub ti' le aj kiino', le ti' túune' cu bisic tu multuunil kultaj. 9Te'elo' le aj kiino' cu ch'a'ic jun p'íit le ti'ibil óolal u ti'al u tóoc tu yóokol le u multuunil kultajo' bey u tóocbil ti'ibil óolalil ka'ajsajil, utz qui'iboquil tu táan le Yuumtzilo'. 10U yalab le ti'ibil óolal cu p'áatale' jun jaatzil jach quili'ich ichil le ti'ibil óolalo'ob cu tóoca'al tu tzicbe'enil le Yuumtzilo', lelo' u ti'al Aarón yéetel u ch'i'ibalo'ob.
11Ma' dzáique'ex levadura ti' mix jun p'éel u ti'ibil óolalil janalbe'en neeko'ob ca kubique'ex ti' Yuumtzil. Mix xan u tóoca'al levadura mix caab, bey jun p'éel ti'ibil óolal ti' Yuumtzil. 12Je'el u táanbesa'al levadura yéetel caab ti' Yuumtzil bey ti'ibil óolal ti' u yáax ich paakalo'obe' ba'ale' ma' u ti'al a táanbes ti' Yuumtzil tu multuunil kultaj bey jun p'éel utz qui'iboque'.
13Kabéet a dzáic ta'ab ti' tuláacal a ti'ibil óolal janalbe'en neeko'ob u ca'aje' u najmal a dzáic ta'ab ti', ma' u ku'ubul u ti'ibil óolalilo'ob janalbe'en neeko'ob x ma' ta'abil, tumen u ta'abil u nup t'aan Ku. Ti' tuláacal a ti'ibil óolalo'ob yaan a dzáic ta'ab.
14Wa ca taasic tu táan Yuumtzil jun p'éel ti'ibil óolal u yich a yáax paakalo'obe unaj a taasic tiquin i'ijo'ob póoca'an ti' káak, wa kutbil túumben neeko'ob ti' a yáax jooch. 15Tu yóokol le ti'ibil óolalo' yaan a yalic aceite yéetel poom, tumen jun p'éel u ti'ibil óolalil janalbe'en neeko'ob. 16Cu dzo'ocole' le aj kiino' cu tóoquic jun p'íit le neek kuta'ano', yéetel aceite xa'aka'an yéetel poom, lela' jun p'éel u ti'ibil óolalil ka'ajsaj tóoca'an tu táan Yuumtzil.
Currently Selected:
Levítico 2: MAYADC
Highlight
Copy
Compare
Share
Want to have your highlights saved across all your devices? Sign up or sign in
Biblia Maya de Yucatán © Sociedades Bíblicas Unidas, 1992.
Levítico 2
2
1Le máax taasic u ti'ibil óolalil jejeláas janalbe'en neeko'ob ti' Yuumtzile', unaj u taasic u jach ma'alobil u sacanil, yaan u yalic yóokole', aceite yéetel poom; 2cu dzo'ocole' cu bisic ti' le aj kiino'ob u paalal Aarono', jun túul ichilo'obe' cu ch'a'ic jun láap' le sacan pa'ate' le aceite yéetel le poomo', cu tóoquic tu multuunil kultaj bey jun p'éel u tóocbil ti'ibil óolalil utz qui'iboquil ti' Yuumtzile'. 3U yalab le ti'ibil óolal cu p'áatalo', jun jaatzil jach quili'ich ichil le ti'ibil óolalo'ob cu tóoca'al ti' u tzicbe'enil Yuumtzil; lela' u ti'al Aarón yéetel u ch'i'ibalo'ob.
4Le quéen a taas ti'ibil óolal, janalbe'en neeko'obe' u naj póoca'an ti' chujcab, kub u péenchuquil ya'ach'ta'an yéetel aceite, ba'ale' x ma' levadurail, wa oop'o'obe' taas x ma' levadurail wi'iwidzáan yéetel aceite.
5Wa le ti'ibil óolal ca táanbesic, janalbe'en neeko'ob póoca'an ti' xamache' unaj u ma'alobil sacan, ya'ach'ta'an yéetel aceite x ma' j levadurail; 6ca xotláantic, cu dzo'ocole' ca widzláantic yéetel aceite, tumen u ti'ibil óolalil janalbe'en neeko'ob.
7Wa janalbe'en neeko'ob a ti'ibil óolal tzaja'an ti' cuume', unaj beeta'an yéetel u ma'alobil sacan yéetel ma'alob aceite xan. 8Quéen dzo'ococ a beetic le ti'ibil óolal yéetel tuláacal le ba'ax cu bisico', unaj a bisic tu táan Yuumtzil u ti'al a kub ti' le aj kiino', le ti' túune' cu bisic tu multuunil kultaj. 9Te'elo' le aj kiino' cu ch'a'ic jun p'íit le ti'ibil óolal u ti'al u tóoc tu yóokol le u multuunil kultajo' bey u tóocbil ti'ibil óolalil ka'ajsajil, utz qui'iboquil tu táan le Yuumtzilo'. 10U yalab le ti'ibil óolal cu p'áatale' jun jaatzil jach quili'ich ichil le ti'ibil óolalo'ob cu tóoca'al tu tzicbe'enil le Yuumtzilo', lelo' u ti'al Aarón yéetel u ch'i'ibalo'ob.
11Ma' dzáique'ex levadura ti' mix jun p'éel u ti'ibil óolalil janalbe'en neeko'ob ca kubique'ex ti' Yuumtzil. Mix xan u tóoca'al levadura mix caab, bey jun p'éel ti'ibil óolal ti' Yuumtzil. 12Je'el u táanbesa'al levadura yéetel caab ti' Yuumtzil bey ti'ibil óolal ti' u yáax ich paakalo'obe' ba'ale' ma' u ti'al a táanbes ti' Yuumtzil tu multuunil kultaj bey jun p'éel utz qui'iboque'.
13Kabéet a dzáic ta'ab ti' tuláacal a ti'ibil óolal janalbe'en neeko'ob u ca'aje' u najmal a dzáic ta'ab ti', ma' u ku'ubul u ti'ibil óolalilo'ob janalbe'en neeko'ob x ma' ta'abil, tumen u ta'abil u nup t'aan Ku. Ti' tuláacal a ti'ibil óolalo'ob yaan a dzáic ta'ab.
14Wa ca taasic tu táan Yuumtzil jun p'éel ti'ibil óolal u yich a yáax paakalo'obe unaj a taasic tiquin i'ijo'ob póoca'an ti' káak, wa kutbil túumben neeko'ob ti' a yáax jooch. 15Tu yóokol le ti'ibil óolalo' yaan a yalic aceite yéetel poom, tumen jun p'éel u ti'ibil óolalil janalbe'en neeko'ob. 16Cu dzo'ocole' le aj kiino' cu tóoquic jun p'íit le neek kuta'ano', yéetel aceite xa'aka'an yéetel poom, lela' jun p'éel u ti'ibil óolalil ka'ajsaj tóoca'an tu táan Yuumtzil.
Biblia Maya de Yucatán © Sociedades Bíblicas Unidas, 1992.