Levítico 17
17
Tuláacal quíimsbil ba'alche' unaj u bisa'al quili'ich naj
1Yuumtzile' tu t'anaj Moisese' ca tu ya'alaj ti': 2A'al ti'ob Aarón yéetel ti' u paalalo'ob bey xan ti' tuláacal le j israelitaobo', dzo'oc u dzabal tumen Yuumtzil le tzol t'aano'ob je'ela'.
3Je'el máaxac j israelil ca u quíims jun túul chan wacax, jun túul chan j taman wa jun túul x yuuc, ichil wa tu paach x péetcaaje', 4ma' u taasic tu jool u noj Paselil Muuch'tal u táanbes u ti'al ti'ibil óolal ti' Yuumtzil tu táan quili'ich cúuchile', bíin sipa'anchajac tumen tu wecaj ki'ik, let o'olale' yaan u tzéelel ichil u caajal. 5Beyo' le j israelitaobo', bíin u kubo'ob ti' Yuumtzil le ba'alche'ob cu quíimsico'ob tu'ux jóompike'en, u ti'al u biso'ob ti' le aj kiin tu jool u noj Paselil Muuch'tal u ti'al ca u kub leti' tu yo'olal leti'ob quíimsbil u ti'al ca'a bisajbáil. 6Le aj kiino' bíin u widz le ki'ik tu yóokol u multuunil u kulta'al Yuumtzil tu jool u noj Paselil Muuch'tal, cu dzo'ocole' cu tóoquic le tzaatz u ti'al qui'iboc ba'al kambe'en ti' Yuumtzil. 7Beyo' mix bikin bíin u ca'a táanbeso'ob quíimsbil ba'alche'ob ti' le kaasil ba'alo'ob tu kulto'ob ca sen kaschajo'obo'. Lela' jun p'éel u a'almaj t'aanil tuláacal kiino'ob a ti'ale'ex bíin máanac ti' taataob tac ti' u paalal.
8A'al xan ti'ob je'el máax j israelil wa j táanxel lu'umil cajnáal ichile'exe' ca u táanbes je'el ba'ax láaj tóocbil wa je'el ba'alac quíimsbil ba'alche'e', 9wa ma' tu bisic tu jool u noj Paselil Muuch'tal u ti'al u táanbes ti' Yuumtzile', bíin tze'elec ichil u caajal.
Yuumtzile' cu ya'alic ma' u jaanta'al ki'ik
10Tene' bíin xi'iquen tu yóokol tuláacal j israelil wa j táanxel lu'umil cajnáal ichile'ex ca u jaant ki'ik, je'el bixac ca u jaante'. 11Tumen tuláacal ba'ax cuxa'ane', cuxa'an tumen yaan u ki'ikel, tene' dzo'oc in dzáic ti' te'ex tu yóokol u multuunil kultaj u ti'al a bo'otique'ex u lojil a cuxtale'ex, tumen leti' le ki'ik bo'otic u lojil le cuxtalo'.
12Le t o'olal quin wa'alic ti' j israelitaob: Mix jun túul ti' te'ex, mix le j táanxel lu'umilo'ob cajnáal ichile'ex unaj jaantic ki'ik. 13Je'el máax j israelil wa j táanxel lu'umil cajnáal ichile'ex ca u dzoon jun túul ba'alche' wa jun túul ch'íich' janalbe'ene', unaj u wequic u ki'ikel le ba'ax tu dzoonajo', ca u muc yéetel lu'um, 14tumen le ki'iko' u cuxtal tuláacal ba'ax cuxa'an. Let o'olal dzo'oc in wa'alic te'ex ma' a jaantique'ex ki'ik, tumen leti' u cuxtal tuláacal ba'ax cuxa'an, je'el máax ca u jaante', bíin tze'elec.
15Je'el máax j israelil wa j táanxel lu'umil ca u jaant wa ba'ax quimen ba'alche' xe'exet'a'an tumen jun túul dzíidzic ba'alche'e', unaj u p'o'ic u nook yéetel u p'o'icubáa yéetel ja', cu ya'alal ma' utz yanil tac u yoocbal kiini'. Cu dzo'ocole' cu p'áatal utza'an yanil. 16Ba'ale' wa ma' tu p'o'ic u nook mix xan tu p'o'icuba'e', bíin u cuch u kasa'anil.
Currently Selected:
Levítico 17: MAYADC
Highlight
Copy
Compare
Share
Want to have your highlights saved across all your devices? Sign up or sign in
Biblia Maya de Yucatán © Sociedades Bíblicas Unidas, 1992.
Levítico 17
17
Tuláacal quíimsbil ba'alche' unaj u bisa'al quili'ich naj
1Yuumtzile' tu t'anaj Moisese' ca tu ya'alaj ti': 2A'al ti'ob Aarón yéetel ti' u paalalo'ob bey xan ti' tuláacal le j israelitaobo', dzo'oc u dzabal tumen Yuumtzil le tzol t'aano'ob je'ela'.
3Je'el máaxac j israelil ca u quíims jun túul chan wacax, jun túul chan j taman wa jun túul x yuuc, ichil wa tu paach x péetcaaje', 4ma' u taasic tu jool u noj Paselil Muuch'tal u táanbes u ti'al ti'ibil óolal ti' Yuumtzil tu táan quili'ich cúuchile', bíin sipa'anchajac tumen tu wecaj ki'ik, let o'olale' yaan u tzéelel ichil u caajal. 5Beyo' le j israelitaobo', bíin u kubo'ob ti' Yuumtzil le ba'alche'ob cu quíimsico'ob tu'ux jóompike'en, u ti'al u biso'ob ti' le aj kiin tu jool u noj Paselil Muuch'tal u ti'al ca u kub leti' tu yo'olal leti'ob quíimsbil u ti'al ca'a bisajbáil. 6Le aj kiino' bíin u widz le ki'ik tu yóokol u multuunil u kulta'al Yuumtzil tu jool u noj Paselil Muuch'tal, cu dzo'ocole' cu tóoquic le tzaatz u ti'al qui'iboc ba'al kambe'en ti' Yuumtzil. 7Beyo' mix bikin bíin u ca'a táanbeso'ob quíimsbil ba'alche'ob ti' le kaasil ba'alo'ob tu kulto'ob ca sen kaschajo'obo'. Lela' jun p'éel u a'almaj t'aanil tuláacal kiino'ob a ti'ale'ex bíin máanac ti' taataob tac ti' u paalal.
8A'al xan ti'ob je'el máax j israelil wa j táanxel lu'umil cajnáal ichile'exe' ca u táanbes je'el ba'ax láaj tóocbil wa je'el ba'alac quíimsbil ba'alche'e', 9wa ma' tu bisic tu jool u noj Paselil Muuch'tal u ti'al u táanbes ti' Yuumtzile', bíin tze'elec ichil u caajal.
Yuumtzile' cu ya'alic ma' u jaanta'al ki'ik
10Tene' bíin xi'iquen tu yóokol tuláacal j israelil wa j táanxel lu'umil cajnáal ichile'ex ca u jaant ki'ik, je'el bixac ca u jaante'. 11Tumen tuláacal ba'ax cuxa'ane', cuxa'an tumen yaan u ki'ikel, tene' dzo'oc in dzáic ti' te'ex tu yóokol u multuunil kultaj u ti'al a bo'otique'ex u lojil a cuxtale'ex, tumen leti' le ki'ik bo'otic u lojil le cuxtalo'.
12Le t o'olal quin wa'alic ti' j israelitaob: Mix jun túul ti' te'ex, mix le j táanxel lu'umilo'ob cajnáal ichile'ex unaj jaantic ki'ik. 13Je'el máax j israelil wa j táanxel lu'umil cajnáal ichile'ex ca u dzoon jun túul ba'alche' wa jun túul ch'íich' janalbe'ene', unaj u wequic u ki'ikel le ba'ax tu dzoonajo', ca u muc yéetel lu'um, 14tumen le ki'iko' u cuxtal tuláacal ba'ax cuxa'an. Let o'olal dzo'oc in wa'alic te'ex ma' a jaantique'ex ki'ik, tumen leti' u cuxtal tuláacal ba'ax cuxa'an, je'el máax ca u jaante', bíin tze'elec.
15Je'el máax j israelil wa j táanxel lu'umil ca u jaant wa ba'ax quimen ba'alche' xe'exet'a'an tumen jun túul dzíidzic ba'alche'e', unaj u p'o'ic u nook yéetel u p'o'icubáa yéetel ja', cu ya'alal ma' utz yanil tac u yoocbal kiini'. Cu dzo'ocole' cu p'áatal utza'an yanil. 16Ba'ale' wa ma' tu p'o'ic u nook mix xan tu p'o'icuba'e', bíin u cuch u kasa'anil.
Biblia Maya de Yucatán © Sociedades Bíblicas Unidas, 1992.