2 MACABEOS 14
14
Judas yéetel Nicanore cu beetico'ob nup t'aan
(1 Mac 7.1-38)
1Cu dzo'ocol u máan óox p'éel ja'abo'obe', tu yojéeltajo'ob, Demetrio, u paal Seleucoe', dzo'oc u kuchul tu cúuchil u cheemilo'ob Trípoli yéetel sen ya'ab u múuch'ul aj ba'atelo'ob bey xan jun múuch' cheemo'ob, 2tumen bin cu dzo'ocol u quiimsic Antíoco yéetel Lisias máax canantique', dzo'oc u ch'a'ic le múuch' caajo'.
3Jun p'éel kiinaque', Alcimo, le máax u beetmaj u noojoch aj kiinil, ba'ale' leti'e' ma' tu canantubáa ti' u bisicubáa yéetel ma' ocsaj óolo'obi', ba'ale' tu juunal u yóol tu beetaj ba'alo'ob u ti'al u kascuntic u yanil, le ca tu tucultaj ma' tu páajtal u muclic mix xan u ca'a kultaj ti' u multuunil kultaje', 4j bin t'aan yéetel ajaw Demetrio tu ja'abil ciento cincuenta y uno, tu síaj ti' jun p'éel péet jo'ol oro u ca'aj, jun p'éel u le' xa'an, bey xan u kabo'ob olivo je'el bix suuquil u dzabal tu yo'olal kulnajo; ba'ale' ti' le súutuco' ma' tu ya'alaj mix ba'ali'.
5Ba'ale' j kuch jun p'éel kiin ma'alob u ti'al u dzo'ocbesic u kaakas tuuculo'ob; j t'a'an tumen Demetrio tu'ux cu much'tal u aj tzol xiquino'ob, ca káata'ab ti' ba'ax cu tucultico'ob yéetel ba'ax cu kax jo'oltic le judíobo'. Alcimoe' tu núucaj: 6Le judíob cu kaaba'intico'ob hacideob, yaan u noojocho'ob cu kaaba'intic Judas Macabeo, cu líikesico'ob ba'atel yéetel lik óolal, ma' tu cha'ico'ob u yantal jéedzel ti' le ajawilo'. 7Bey túuno', tene', quex tumen dzo'oc u luksa'al in tzicbe'enil in kammaj likbal ti' in sijnale', in káat in wa'ale' u noojochen aj kiino'ob, j taalen waye' tu yo'olal ca'a p'éel ba'al: 8yáax jun p'éele', tumen in káat ca xi'ic utzil ti' u ba'aluba'ob ajaw; u ca'a p'éele', tu yo'olal ca xi'ic utzil ti' in wéet caajalo'ob, tumen bey mina'an toj p'is óol, bey xan tumen tu yo'olal le máaxo'ob dzo'oc in wa'alico', tuláacal c éet caajale' talam yanilo'ob. 9Quin tzol xiquintic ti' a tzicbe'enil ca u xakalt ilaj ma'alob le ba'alo'oba', u ti'al ca u yilaj ba'ax kabéet u beetic tu yo'olal le c caajal dza'an sajaquil ti', tu yo'olal je'el bix u nojochil u yutzil a tzicbe'enil yéetel tuláacal máaxe', 10tumen ca'aliquil cuxa'an Judase', ma' bíin yanac jéedzel ti' le caajo'.
11Le ca j dzo'oc u t'aan Alcimoe', tuláacal u yéet óolo'ob ajaw kaas u yilico'ob Judase', tu séebcunto'ob u yocso'ob tu pool Demetrio. 12Leti'e' tu séeblaquil tu yéeyaj Nicanor, u náacomil u aj ba'atelilo'ob elefanteobe', ca tu ya'alaj ca u beet u nojochil u aj ba'atelil Judea, 13ca tu túuxtaj u ti'al u quiims Judas yéetel u ti'al u ki'itbes máaxo'ob yaan tu yéetel bey xan u ti'al u ca'a dzáic Alcimo u beet u noojoch aj kiino'ob ti' u asab nojochil kulnaj. 14U ma' ocsaj óolilo'ob Judea puudzulo'ob ca'ach tumen sajaco'ob ti' Judase', tu much'juba'ob tuláacalo'ob tu yicnal Nicanor, tumen tu tucultajo'ob bíin xi'ic utzil ti'ob tu yo'olal u pa'a muukil yéetel u numyaj le judíob.
15Le ca j kuch u péectzil dzo'oc u kuchul Nicanor bey xan u lik óol le ma' ocsaj óolo'obo', le judíobo' tu tosajo'ob lu'um tu poolo'ob yéetel payalchi'inajo'ob ti' Yuum Ku, le máax tu wa'acuntaj u caajal u ti'al kiino'ob mina'an u xuul, bey xan mantadz cu canantic ba'al u ti'al iquil u chíicbesicubáa yéetel nojbe'enil. 16Le ca j a'ala'ab ti'ob tumen u náaco'omo'ob ca xi'ico'ob te j ba'atelo', jo'op' u bino'ob likbal le tu'ux yano'obo, tu machaj u ba'atelo'ob yéetel u aj p'eeco'ob tu caajil Hadasa. 17Simón u yíidzin Judase' leti' cu ba'atel ca'ach yéetel Nicanor, ba'ale' bey jach séeb kuchic le aj p'eeco'obo', ma' jach bin utzil ti'. 18Ba'ale', Nicanore', le ca tu kaj óoltaj u j xiibil Judas yéetel u aj ba'atelo'ob, bey xan u kub óolo'ob ti' u ba'atelo'ob tu yo'olal u caajalo'obe', tu tucultaj ma' unaj u machic u nu'ucul ba'atelo'ob u ti'al u queetcumtico'ob u tuuculo'obi'. 19Bey túuno' tu túuxtaj Posidonio, Teodoto, yéetel Maatatías u ti'al u caxt jéedzel yéetel le judíobo'.
20Cu dzo'ocol u tucultico'ob ma'alob u kax t'aanilo'obe', Judase' tu ya'alaj ti' u aj ba'atelo'ob, leti'obe' utz tu yilajilo'obe', ca tu éejentajo'ob u kax t'aanil le jéedzelo'. 21Ca a'ala'ab ba'ax kiin bíin u much'juba'ob tu juunalo'ob u náacomilo'ob le ba'atelo'. Ti' u jujun p'éelil u múuch'ul le aj ba'atelo'obo', tu nadzajubáa jun p'éel bolan, ca j dzaab tzicbe'enil káanche' u ti'alo'ob. 22Judase' dzo'oc ca'ach u dzáic ti' ma'alob cúuchilo'ob máaco'ob u ch'a'amajo'ob u nu'ucul u ba'atelo'ob, tumen sajac ca tu'usuc tumen le aj p'eeco'. Ti' le tzicbalo' le náacomo'obo' tu p'éelicuntajo'ob u tuuculo'ob.
23Nicanore' j p'áat dze'edzec kiino'ob Jerusalén, bey xan tu bisajubáa je'el bix unaje'. Bey xan tu lukesaj tu yicnal le aj ba'atelo'ob tu much'jubáa tu yicnalo'. 24Mantadz nadza'an yanic Judas tu yicnal, tumen jach utz u lúubul ti'. 25Tu tzolaj u xiquin u ti'al ca dzo'ococ u beel tu yo'olal u yantal u paalal. Judase' j dzo'oc u beele' ca j yanchaj jéedzel ti'.
Cu cáajal chi'ichnaquilo'ob tu ca'a téen
26Ba'ale' Alcimoe', le ca tu yilaj bix u bisicubáa Nicanor yéetel Judase', tu caxtaj u ju'unil le kax t'aan beeta'ano' ca j bin u caxt Demetrioe', ca tu ya'alaj ti' jela'an ba'ax cu beetic Nicanor, tumen ma' bin tu caxtic u bin utzil ti' le méektáanilo', dzo'oc tac u dzáic Judas u jeelint leti', cu dzo'ocol bine' Judase', u aj p'eec le ajawilo'. 27Le ajawo' j kuuxchaj tu yo'olal u tac t'aan le kaakas máaco', ca tu dzíibtaj jun p'éel ju'un ti' Nicanor tu'ux cu ya'alic ma' tu éejentic le kax t'aano', bey xan cu ya'alic ca u séeb mach Judas u ti'al u kale' ca u túuxte Antioquía. 28Le ca tu kamaj le ju'un Nicanoro' sen kuuxchaji tumen ma' kat u mixba'alcunt le kax t'aano', tumen Judase' ma' u beet mix ba'al kaasi'. 29Ba'ale' bey ma' tu páajtal u xachicubáa ti' ajawo', jo'op' u caxtic yéetel na'atile' bix je'el u machic Judase' u ti'al u dzo'ocbesic u t'aan ajaw.
30Ba'ale' le ca tu yilaj Macabeo jela'an u bisicubáa Nicanor tu yéetel bey xan xi'ic u kéex óoltale', le ca tu tucultaj mix ba'al utz bíin u taas le kéex óolalo', tu much'quintaj ya'ab ti' u yéet óolo'obe' ca tu ta'acbesajubáa ti' Nicanor. 31Le ca tu yilaj Nicanor, dzo'oc u p'a'atal kaasil u kax tuucul tumen Judase', j bin te j qui'ichquelem yéetel quili'ich kulnaj tu súutuquil u ku'ubul le quiimsbil ba'alche'ob tumen le aj kiino'ob je'el bix suuquilo', ca tu ya'alaj ti'ob ca u kubo'ob Judas. 32Leti'obe' tu ya'alajo'ob yéetel jalach t'aan ma' u yojelo'ob tu'ux yaan le máac cu caxta'al tumen Nicanoro'. 33Leti' túune' tu líikesaj u kab tu tojil le kulnajo', ca jalach t'aanaj táan u ya'alic: Wa te'ex ma' ta kubique'ex teen Judas u ti'al in kale', bíin in jen u kulnaj Ku bey xan bíin in jen u multuunil kultaj, tu cúuchile' bíin in líikes u kulnaj ku Baco. 34Cu dzo'ocol u ya'alic le t'aano'oba' j luki'. Le aj kiino'obo' tu líikesaj u kabo'ob j ca'ane' ca jo'op' u káat óolo'ob ti' Ku, le máax mantadz cu canantic u caajalo': 35Yuumtzil, teech ma' kabéet teech mix ba'ale', ta yéeyaj le kulnaj u ti'al a cajtal chúumuc ti' to'on. 36Bejela'e' quili'ich Yuumtzil, canant ma' u manba'alcunta'al le quili'ich naj, ma' sen úuch utzquinta'ac u yanilaa'.
Bix quíimic Razís
37J bin tacbil túun u pool tu táan Nicanor jun túul ti' u nuuquilo'ob Jerusalén cu kaaba'intic Razís, jun túul j xiib jach u kubmaj u yóol tu yo'olal u yéet caajalo'ob, jach cu yúuchul utzul t'aan tu yo'olal tumen jach utzul máac, cu ya'ala'al leti' u taata le judíobo'. 38Úuch ca'ach tu kiinilo'ob lik óole', dzo'oquili' u ta'acal u pool tumen cu t'aan utz tu yo'olal le judíobo', leti'e' tu jaajil u yóol u kubmaj u wíinclil yéetel u yóol tu yo'olalo'ob. 39Nicanore', u ti'al u ye'esic jach tu jaajil cu lúubul kaasil le judíob ti'o', tu túuxtaj quinientos aj ba'atelo'ob u ti'al machic Razís, 40tumen tu tucultaj jun p'éel nojoch loob u ti'al le judíob iquil cun u machil le máaco'. 41Le aj ba'atelo'obo', ta'itac ca'ach u ch'a'ico'ob le witzil naj tu'ux yaan Raziso', le ca tu yóoltajo'ob u jodzo'ob u jool najilo'ob le caaj tumen a'ala'ab ti'ob ca u tóoco'ob le jool najo'obo', le ca tu yilaj Razís bakpachta'an tuláacal tu'uxe', tu sutaj u máascab tu tojil leti'e', 42tumen tu yóoltaj quíimil beyo', tu yo'olal ma' u lúubul tu kab le quiimsaj wíinico'ob u ti'al ca p'a'astac quex ma' tu najmatic. 43Ba'ale' bey jach séeb úuchic u beeta'al le ba'atelo', ma' páatchaj u ch'a'abal le caajo'; bey túuno', ca'aliquil táan u yocol le aj ba'atelo'ob ti' le joolnajo'obo', áalcabnaj tu jaajil u yóol tu yóokol le pako', ca tu puljubáa yéetel j xiibil tu yóokol le aj ba'atelo'obo'. 44Tu séeblaquile', te'elo' tu tzelubáa le aj ba'atelo'obo', ca j lúub tu'ux jáanpike'en. 45Ca'aliquil táan u ch'a'ic u yiik, chuup yéetel elel ki'ina'an tumen chaket u loobile', j líik táan u yichintic u ki'ikele', ca j máan áalcabil tu chúumuc le aj ba'atelo'obo', ca tu dzajubáa tu yóokol jun p'éel nojoch tuunich 46bey yanil ta'aytac u p'áatal x ma' ki'ikelo', tu cotzaj u choochele' yéetel u kabo'obe', cu tu pulaj tu yóokol le aj ba'atelo'obo', táan u káatic ti' u Yuumtzilil cuxtal ca kuchuc u kiinil u su'utul ti'. Bey quíimico'.
Currently Selected:
2 MACABEOS 14: MAYADC
Highlight
Share
Copy
Want to have your highlights saved across all your devices? Sign up or sign in
Biblia Maya de Yucatán © Sociedades Bíblicas Unidas, 1992.
2 MACABEOS 14
14
Judas yéetel Nicanore cu beetico'ob nup t'aan
(1 Mac 7.1-38)
1Cu dzo'ocol u máan óox p'éel ja'abo'obe', tu yojéeltajo'ob, Demetrio, u paal Seleucoe', dzo'oc u kuchul tu cúuchil u cheemilo'ob Trípoli yéetel sen ya'ab u múuch'ul aj ba'atelo'ob bey xan jun múuch' cheemo'ob, 2tumen bin cu dzo'ocol u quiimsic Antíoco yéetel Lisias máax canantique', dzo'oc u ch'a'ic le múuch' caajo'.
3Jun p'éel kiinaque', Alcimo, le máax u beetmaj u noojoch aj kiinil, ba'ale' leti'e' ma' tu canantubáa ti' u bisicubáa yéetel ma' ocsaj óolo'obi', ba'ale' tu juunal u yóol tu beetaj ba'alo'ob u ti'al u kascuntic u yanil, le ca tu tucultaj ma' tu páajtal u muclic mix xan u ca'a kultaj ti' u multuunil kultaje', 4j bin t'aan yéetel ajaw Demetrio tu ja'abil ciento cincuenta y uno, tu síaj ti' jun p'éel péet jo'ol oro u ca'aj, jun p'éel u le' xa'an, bey xan u kabo'ob olivo je'el bix suuquil u dzabal tu yo'olal kulnajo; ba'ale' ti' le súutuco' ma' tu ya'alaj mix ba'ali'.
5Ba'ale' j kuch jun p'éel kiin ma'alob u ti'al u dzo'ocbesic u kaakas tuuculo'ob; j t'a'an tumen Demetrio tu'ux cu much'tal u aj tzol xiquino'ob, ca káata'ab ti' ba'ax cu tucultico'ob yéetel ba'ax cu kax jo'oltic le judíobo'. Alcimoe' tu núucaj: 6Le judíob cu kaaba'intico'ob hacideob, yaan u noojocho'ob cu kaaba'intic Judas Macabeo, cu líikesico'ob ba'atel yéetel lik óolal, ma' tu cha'ico'ob u yantal jéedzel ti' le ajawilo'. 7Bey túuno', tene', quex tumen dzo'oc u luksa'al in tzicbe'enil in kammaj likbal ti' in sijnale', in káat in wa'ale' u noojochen aj kiino'ob, j taalen waye' tu yo'olal ca'a p'éel ba'al: 8yáax jun p'éele', tumen in káat ca xi'ic utzil ti' u ba'aluba'ob ajaw; u ca'a p'éele', tu yo'olal ca xi'ic utzil ti' in wéet caajalo'ob, tumen bey mina'an toj p'is óol, bey xan tumen tu yo'olal le máaxo'ob dzo'oc in wa'alico', tuláacal c éet caajale' talam yanilo'ob. 9Quin tzol xiquintic ti' a tzicbe'enil ca u xakalt ilaj ma'alob le ba'alo'oba', u ti'al ca u yilaj ba'ax kabéet u beetic tu yo'olal le c caajal dza'an sajaquil ti', tu yo'olal je'el bix u nojochil u yutzil a tzicbe'enil yéetel tuláacal máaxe', 10tumen ca'aliquil cuxa'an Judase', ma' bíin yanac jéedzel ti' le caajo'.
11Le ca j dzo'oc u t'aan Alcimoe', tuláacal u yéet óolo'ob ajaw kaas u yilico'ob Judase', tu séebcunto'ob u yocso'ob tu pool Demetrio. 12Leti'e' tu séeblaquil tu yéeyaj Nicanor, u náacomil u aj ba'atelilo'ob elefanteobe', ca tu ya'alaj ca u beet u nojochil u aj ba'atelil Judea, 13ca tu túuxtaj u ti'al u quiims Judas yéetel u ti'al u ki'itbes máaxo'ob yaan tu yéetel bey xan u ti'al u ca'a dzáic Alcimo u beet u noojoch aj kiino'ob ti' u asab nojochil kulnaj. 14U ma' ocsaj óolilo'ob Judea puudzulo'ob ca'ach tumen sajaco'ob ti' Judase', tu much'juba'ob tuláacalo'ob tu yicnal Nicanor, tumen tu tucultajo'ob bíin xi'ic utzil ti'ob tu yo'olal u pa'a muukil yéetel u numyaj le judíob.
15Le ca j kuch u péectzil dzo'oc u kuchul Nicanor bey xan u lik óol le ma' ocsaj óolo'obo', le judíobo' tu tosajo'ob lu'um tu poolo'ob yéetel payalchi'inajo'ob ti' Yuum Ku, le máax tu wa'acuntaj u caajal u ti'al kiino'ob mina'an u xuul, bey xan mantadz cu canantic ba'al u ti'al iquil u chíicbesicubáa yéetel nojbe'enil. 16Le ca j a'ala'ab ti'ob tumen u náaco'omo'ob ca xi'ico'ob te j ba'atelo', jo'op' u bino'ob likbal le tu'ux yano'obo, tu machaj u ba'atelo'ob yéetel u aj p'eeco'ob tu caajil Hadasa. 17Simón u yíidzin Judase' leti' cu ba'atel ca'ach yéetel Nicanor, ba'ale' bey jach séeb kuchic le aj p'eeco'obo', ma' jach bin utzil ti'. 18Ba'ale', Nicanore', le ca tu kaj óoltaj u j xiibil Judas yéetel u aj ba'atelo'ob, bey xan u kub óolo'ob ti' u ba'atelo'ob tu yo'olal u caajalo'obe', tu tucultaj ma' unaj u machic u nu'ucul ba'atelo'ob u ti'al u queetcumtico'ob u tuuculo'obi'. 19Bey túuno' tu túuxtaj Posidonio, Teodoto, yéetel Maatatías u ti'al u caxt jéedzel yéetel le judíobo'.
20Cu dzo'ocol u tucultico'ob ma'alob u kax t'aanilo'obe', Judase' tu ya'alaj ti' u aj ba'atelo'ob, leti'obe' utz tu yilajilo'obe', ca tu éejentajo'ob u kax t'aanil le jéedzelo'. 21Ca a'ala'ab ba'ax kiin bíin u much'juba'ob tu juunalo'ob u náacomilo'ob le ba'atelo'. Ti' u jujun p'éelil u múuch'ul le aj ba'atelo'obo', tu nadzajubáa jun p'éel bolan, ca j dzaab tzicbe'enil káanche' u ti'alo'ob. 22Judase' dzo'oc ca'ach u dzáic ti' ma'alob cúuchilo'ob máaco'ob u ch'a'amajo'ob u nu'ucul u ba'atelo'ob, tumen sajac ca tu'usuc tumen le aj p'eeco'. Ti' le tzicbalo' le náacomo'obo' tu p'éelicuntajo'ob u tuuculo'ob.
23Nicanore' j p'áat dze'edzec kiino'ob Jerusalén, bey xan tu bisajubáa je'el bix unaje'. Bey xan tu lukesaj tu yicnal le aj ba'atelo'ob tu much'jubáa tu yicnalo'. 24Mantadz nadza'an yanic Judas tu yicnal, tumen jach utz u lúubul ti'. 25Tu tzolaj u xiquin u ti'al ca dzo'ococ u beel tu yo'olal u yantal u paalal. Judase' j dzo'oc u beele' ca j yanchaj jéedzel ti'.
Cu cáajal chi'ichnaquilo'ob tu ca'a téen
26Ba'ale' Alcimoe', le ca tu yilaj bix u bisicubáa Nicanor yéetel Judase', tu caxtaj u ju'unil le kax t'aan beeta'ano' ca j bin u caxt Demetrioe', ca tu ya'alaj ti' jela'an ba'ax cu beetic Nicanor, tumen ma' bin tu caxtic u bin utzil ti' le méektáanilo', dzo'oc tac u dzáic Judas u jeelint leti', cu dzo'ocol bine' Judase', u aj p'eec le ajawilo'. 27Le ajawo' j kuuxchaj tu yo'olal u tac t'aan le kaakas máaco', ca tu dzíibtaj jun p'éel ju'un ti' Nicanor tu'ux cu ya'alic ma' tu éejentic le kax t'aano', bey xan cu ya'alic ca u séeb mach Judas u ti'al u kale' ca u túuxte Antioquía. 28Le ca tu kamaj le ju'un Nicanoro' sen kuuxchaji tumen ma' kat u mixba'alcunt le kax t'aano', tumen Judase' ma' u beet mix ba'al kaasi'. 29Ba'ale' bey ma' tu páajtal u xachicubáa ti' ajawo', jo'op' u caxtic yéetel na'atile' bix je'el u machic Judase' u ti'al u dzo'ocbesic u t'aan ajaw.
30Ba'ale' le ca tu yilaj Macabeo jela'an u bisicubáa Nicanor tu yéetel bey xan xi'ic u kéex óoltale', le ca tu tucultaj mix ba'al utz bíin u taas le kéex óolalo', tu much'quintaj ya'ab ti' u yéet óolo'obe' ca tu ta'acbesajubáa ti' Nicanor. 31Le ca tu yilaj Nicanor, dzo'oc u p'a'atal kaasil u kax tuucul tumen Judase', j bin te j qui'ichquelem yéetel quili'ich kulnaj tu súutuquil u ku'ubul le quiimsbil ba'alche'ob tumen le aj kiino'ob je'el bix suuquilo', ca tu ya'alaj ti'ob ca u kubo'ob Judas. 32Leti'obe' tu ya'alajo'ob yéetel jalach t'aan ma' u yojelo'ob tu'ux yaan le máac cu caxta'al tumen Nicanoro'. 33Leti' túune' tu líikesaj u kab tu tojil le kulnajo', ca jalach t'aanaj táan u ya'alic: Wa te'ex ma' ta kubique'ex teen Judas u ti'al in kale', bíin in jen u kulnaj Ku bey xan bíin in jen u multuunil kultaj, tu cúuchile' bíin in líikes u kulnaj ku Baco. 34Cu dzo'ocol u ya'alic le t'aano'oba' j luki'. Le aj kiino'obo' tu líikesaj u kabo'ob j ca'ane' ca jo'op' u káat óolo'ob ti' Ku, le máax mantadz cu canantic u caajalo': 35Yuumtzil, teech ma' kabéet teech mix ba'ale', ta yéeyaj le kulnaj u ti'al a cajtal chúumuc ti' to'on. 36Bejela'e' quili'ich Yuumtzil, canant ma' u manba'alcunta'al le quili'ich naj, ma' sen úuch utzquinta'ac u yanilaa'.
Bix quíimic Razís
37J bin tacbil túun u pool tu táan Nicanor jun túul ti' u nuuquilo'ob Jerusalén cu kaaba'intic Razís, jun túul j xiib jach u kubmaj u yóol tu yo'olal u yéet caajalo'ob, jach cu yúuchul utzul t'aan tu yo'olal tumen jach utzul máac, cu ya'ala'al leti' u taata le judíobo'. 38Úuch ca'ach tu kiinilo'ob lik óole', dzo'oquili' u ta'acal u pool tumen cu t'aan utz tu yo'olal le judíobo', leti'e' tu jaajil u yóol u kubmaj u wíinclil yéetel u yóol tu yo'olalo'ob. 39Nicanore', u ti'al u ye'esic jach tu jaajil cu lúubul kaasil le judíob ti'o', tu túuxtaj quinientos aj ba'atelo'ob u ti'al machic Razís, 40tumen tu tucultaj jun p'éel nojoch loob u ti'al le judíob iquil cun u machil le máaco'. 41Le aj ba'atelo'obo', ta'itac ca'ach u ch'a'ico'ob le witzil naj tu'ux yaan Raziso', le ca tu yóoltajo'ob u jodzo'ob u jool najilo'ob le caaj tumen a'ala'ab ti'ob ca u tóoco'ob le jool najo'obo', le ca tu yilaj Razís bakpachta'an tuláacal tu'uxe', tu sutaj u máascab tu tojil leti'e', 42tumen tu yóoltaj quíimil beyo', tu yo'olal ma' u lúubul tu kab le quiimsaj wíinico'ob u ti'al ca p'a'astac quex ma' tu najmatic. 43Ba'ale' bey jach séeb úuchic u beeta'al le ba'atelo', ma' páatchaj u ch'a'abal le caajo'; bey túuno', ca'aliquil táan u yocol le aj ba'atelo'ob ti' le joolnajo'obo', áalcabnaj tu jaajil u yóol tu yóokol le pako', ca tu puljubáa yéetel j xiibil tu yóokol le aj ba'atelo'obo'. 44Tu séeblaquile', te'elo' tu tzelubáa le aj ba'atelo'obo', ca j lúub tu'ux jáanpike'en. 45Ca'aliquil táan u ch'a'ic u yiik, chuup yéetel elel ki'ina'an tumen chaket u loobile', j líik táan u yichintic u ki'ikele', ca j máan áalcabil tu chúumuc le aj ba'atelo'obo', ca tu dzajubáa tu yóokol jun p'éel nojoch tuunich 46bey yanil ta'aytac u p'áatal x ma' ki'ikelo', tu cotzaj u choochele' yéetel u kabo'obe', cu tu pulaj tu yóokol le aj ba'atelo'obo', táan u káatic ti' u Yuumtzilil cuxtal ca kuchuc u kiinil u su'utul ti'. Bey quíimico'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Maya de Yucatán © Sociedades Bíblicas Unidas, 1992.