1 MACABEOS 7
7
Bix ba'atelnajic Báquides bey xan Alcimo tu kiinilo'ob ajaw Demetrio I
(2 Mac 14.1-4)
1Tu ja'abil ciento cincuenta y unoe', Demetrio u paal Seleucoe', j luk Roma yéetel jun múuch' j xiibo'obe' ca j bin tac ti' jun p'éel u caajil u jáal ja'e', te'elo' tu kaáytubáa ajaw. 2Le ca tu yóoltaj j ocol tu jalach naj u máanja'an ch'i'ibalo'obe', le aj ba'atelo'obo' tu machajo'ob antíoco yéetel Lisias u ti'al u kubo'ob tu kab. 3Le ca tu yojéeltaj Demetrio le ba'ax dzo'oc u yúuchulo' tu ya'alaj: ¡Ma' in káat mix in wilo'obi'! 4Ca j quiimsa'abo'ob tumen le aj ba'atelo'obo', Demetrioe' j culaj tu jalach káanche'.
5Tuláacal le j israelitaob u p'atmajo'ob u yocsaj óolo'ob yéetel kasa'ano'obo' j bino'ob j t'aan tu yéetel Demetrio, táanil ti'obe' cu bin Alcimo tumen leti'e' taac u beetic u noj aj kiinil, 6ca tu tacajo'ob u pool u caajalo'ob táan u ya'alico'ob ti' ajaw: Judas yéetel u yíidzino'obe' dzo'oc u xu'ulsic tuláacal u yéet óolo'ob a Tzicbe'enil, to'on dzooc xan c jóokesa'al t lu'um. 7Túuxta'ac jun túul j xiib tumen a Tzicbe'enil u ti'al ilic buca'aj ba'ax dzo'oc u kascunta'al ti' u lu'um a Tzicbe'enil u ti'al ca jadzo'ob leti'ob bey xan le máaxo'ob áantico'obe'. 8Ajawe' tu yéeyaj Báquides ichil u yéet óolo'ob, leti'e' u méektáanil u lu'umil tu j chikin u áalcab ja'il Éufrates, leti'e' jun túul máac jach kabéet ti' le ajawo', cu dzo'ocole' chuca'an u yóol ti' ajaw, 9ca tu múul túuxtaj tu yéetel le j kéex ocsaj óol Alcimo, ti' le máax dzo'oc u dzáic ca u beet u nojochil aj kiino'ob, bey xan tu ya'alaj ti' ca u sut u jeel loob ti' le j israelitaobo'.
10Leti'obe' jo'op' u bino'ob yéetel jun p'éel nojoch múuch' aj ba'atelo'ob, j kucho'ob Judea. Báquidese' tu túuxtaj aj bisaj t'aano'ob ti' Judas yéetel u yíidzino'ob, yéetel tuutus bisajbáil. 11Ba'ale' leti'obe' ma' tu táan óoltajo'ob le ba'axo'ob a'ala'ab ti'obo', tumen tu yilajo'ob j taal tu yéetel jun p'éel nojoch múuch' aj ba'atelo'ob. 12Ba'ale' j túuxta'ab jun múuch' máaco'ob jach ma'alob u kaj óolilo'ob a'almaj t'aan u ti'al tzicbal tu yéetel Alcimo bey xan tu yéetel Báaquides u ti'al u tzicbalil bisajbáil. 13Le j hasideobo' leti'ob tu yáax a'alajo'ob ma'alob ca u bisjuba'ob. 14Tumen tu ya'alajo'ob: Jun túul aj kiin j taal yéetel le aj ba'atelo'obo'. Ma' tu páajtal u beetic to'on mix jun p'éel kaas. 15Tac Alcimo j t'aanaj yéetel utz tu yéetelo'ob, j kuch tac u jalach t'aan beya': Ma' bíin c beet mix jun p'éel kaas ti' te'exi', mix ti' a wéet óole'exi'. 16Leti'obe' tu táan óoltajo'ob ba'ax a'ala'ab ti'ob. Ba'ale' leti'e' tu beetaj u ka'alal sesenta j israelitaob ca tu túuxtaj quiimsbilo'ob chéen jun p'éel kiin, je'el bix u ya'alic le quili'ich dzíibo': 17Dzo'oc u ki'itbesa'al u quimen wíinclilo'ob le máaxo'ob u yaamajecho'obo', dzo'oc u we'equel u ki'ikel ti' tuláacal u caajil Jerusalén, ¡mina'an máax muquico'ob! 18Tuláacal le caajo' tu sen ch'a'aj sajaquil bey xan j chu'up tu yéetel jak óol, tumen cu ya'alico'ob: ¡Ti' le wíinico'obo' mina'an jaaj óolal mix tziiquil! ¡Ma' tu dzo'ocbesajo'ob le kax t'aan yéetel le jalach t'aan tu beetajo'obo'! 19Báquidese' j luk Jerusalene' ca je'el Bet-zet, te'elo' tu túuxtaj kalbil ya'ab ti' le judíob j yanchajo'ob tu tzéelo', u láak j israelitaobe' tu túuxtaj quiimsbilo'obe' ca tu dzaj ti' jun p'éel taamtam ch'e'en. 20Alcimoe', tu dzaj tu táan le caajo'obo' ca tu p'ataj aj ba'atelo'ob u ti'al canantic. Cu dzo'ocole' j suunaj tu'ux yaan ajaw.
21Alcimoe' jo'op' u ba'ateltic ca dzabac u beetjubáa u noojoch aj kiin. 22Tuláacal le máaxo'ob satic yóol le caajo' j bino'ob tu yicnal, ca tu t'onquintajo'ob Judea, ca tu loobiltajo'ob Israel. 23Le ca tu yilaj Judas le buca'aj kaaso'ob dzo'oc u beetic Alcimo yéetel u t'u'ulpacho'ob ti' Israele' asab yajtaco'ob ti' le tu beetaj le ma' ocsaj óolo'obo', 24jo'op' u xíimbaltic tuláacal u lu'umil Judea u ti'al u sutic u jeel loob ti' le máaxo'ob dzo'oc u máano'ob tu tzéel yaanal aj ba'atelo'obo', ma' tu cha'ic u máano'ob ti' le lu'umo'.
Nicanore' cu jóokol j ba'atel
(2 Mac 14.5-36)
25Le ca tu yilaj Alcimo dzo'oc u mu'uka'antal Judas yéetel u aj ba'atelo'ob bey xan ma' tu páajtal u xachicubáa tu táano'obe', j suunaj tu'ux yaan ajawe' ca tu beetaj yayaj tac poolo'ob tu yo'okolo'ob. 26Ajawe' tu túuxtaj Nicanor jun túul u asab ma'alob náacom jach u p'ecmaj u caajil Israel, ca tu ya'alaj ti' ca u xu'ulso'ob. 27Nicanore' j kuch Jerusalén yéetel ya'abcach aj ba'atelo'ob, ca tu túuxtaj ti' Judas yéetel ti' u yíidzino'ob jun p'éel u tuutus t'aanilo'ob bisajbáil, tu'ux cu ya'alic beya': 28¡Ma' u yantal ba'atel ichilo'on! Tene' bíin xi'iquen yéetel dze'edzec j xiibo'ob u ti'al ca tzicbalnaco'on beyo'on éet óole'. 29Ca j bin u núuptáantubáa yéetel Judas tu te'escuntajuba'ob yéetel qui'imac óolal. Ba'ale' le aj p'eeco'obo' u nu'ucbesmuba'ob u ti'al u machico'ob Judas u ti'al u biso'ob. 30Judas túune' tu yojéeltaj chéen táan u tu'usul tumen Nicanor, tu ch'a'aj saajquile' ca j luki', ma' tu yóoltaj u ca'a ilubáa tu yéetel Nicanori'. 31Le ca tu yilaj Nicanor dzo'oc u yojéelta'al ba'ax u káat u beete', jo'op' u bin u ti'al u ba'atelt Judas tu cúuchil Cafarsalama, 32ba'ax úuche' yaanchaj quinientos xiibo'ob ichil u aj ba'atelo'ob Nicanor j lúubo'ob quimeno'ob, u yalabe' j púudzo'ob tu Caajil David.
33Cu dzo'ocole' Nicanore' j bin tu pu'uquil Sión. Dze'edzec aj kiino'ob yéetel u nuuquil le caajo', jóoko'ob u te'escunto'ob yéetel utz, ca tu ye'esajo'ob ti', le tóocbil siibal cu dza'abal tu yo'olal ajawo'. 34Ba'ale' leti'e' tu che'ejtaj yéetel tu p'a'astajo'ob, tu túubajo'ob xan tu yo'olal u p'áatal p'ecbe'eno'ob, tu t'anajo'ob xan yéetel noj ba'alil. 35Bey sen p'uja'anilo' jalach t'aanaj beya': Wa Judas yéetel u aj ba'atelo'ob ma' tu séeb kubicuba'ob ti' tene', chéen p'el u dzo'ocol le ba'atelo' quin suut in tóoc le kulnaja'. Sen p'uja'an binic. 36Le aj kiino'obo' j ooco'ob ichil le kulnajo' ca tu tzoljuba'ob tu táan u multuunil kultaj tu'ux cu tóoca'al le ba'alche'obo' bey xan tu táan le quili'ich najo' ca tu ka'am a'alajo'ob ca'aliquil táan u yokolo'ob: 37Teche' ta yéeyaj le kulnaj u ti'al ca dza'abac a kaaba' ti'a', bey xan u ti'al u payalchi' a caajal. 38Jadz le j xiib yéetel u aj ba'atelo'oba' je'el bix cu najmatico'obe'; ¡lúubuco'ob quimeno'ob tu yej máascab! ¡Ka'ajac teech le pooch'ilo'ob dzo'oc u beetico'obo', ma' dzáic tu'ux u je'elelo'ob!
Bix pa'abic u muuk yéetel quiimsa'abic Nicanor
(1 Mac 15.1-36)
39Nicanore' j luk Jerusalene' ca je'el Bet-horón, tu'ux tu nupjubáa ti' u aj ba'atelilo'ob Siria. 40Judas xane' je'el Hadas yéetel tres mil j xiibo'ob. Leti' túune' j payalchi'inaj beya': 41Yuumtzil le ca tu poch'ajecho'ob u aj bisaj t'aano'ob u ajaw Asiraie', j taal jun túul ángele' ca tu quiimsaj ciento ochenta y cinco mil ti'obi'. 42Bejeláa xane', t táane' pa'a u muuk le aj ba'atelo'oba' u ti'al u yojéelta'al tumen tuláacal u yéet ba'atelo'ob dzo'oc u po'och'ol kulnaj tumen u náacomo'ob, jadzo'ob je'el bix cu najmatic u kasa'anilo'obe'.
43Le ca'a múuch' aj ba'atelo'obo' tu cáajsajo'ob le ba'atelo' tu trece kiinil ti' le winal cu kaaba'intic Adar. U aj ba'atelo'ob Nicanore' j pa'ab u muuko'ob, leti' yáax quíim ichil le ba'atelo'. 44Le ca tu yilaj le aj ba'atelo'ob dzo'oc u quíimil Nicanoro', tu pulajo'ob u nu'ucul u ba'atelo'obe' ca j púudzo'ob. 45Le j israelitaobo' jo'op' u jóopsic u paaxo'ob tu paacho'ob, tu ch'a'apachtajo'ob ti' tuláacal le bejo', cu chu'unpajal Adasae' tac u kuchbal tu lu'umil Geser. 46Ti' tuláacal u péet caajilo'ob u lu'umil Judeao' cu jóokol le máaco'obo' cu katico'ob u beel le máaxo'ob cu púudzulo'obo' cu beetico'ob u suuto'ob u ba'ateltuba'ob tu baatzilo'ob. Tuláacalo'ob j quíimo'ob tu yej máascab mix jun túul j p'áat cuxa'ani'. 47Le j israelitaobo' tu ch'a'ajo'ob tuláacal le ayikalilo'ob tu p'atajo'obo'. Nicanore' j ku'up u pool bey xan u x no'oj kab, le kab tu líikesaj yéetel noj ba'alile', ca j bisa'ab u ti'al e'esbil tu caajil Jerusalén. 48Le caajo' sen qui'imacchaj u yóol, ca tu beetajo'ob jun p'éel kiinbesaj ti' le kiino'. 49Tu ya'alajo'ob túune', unaj u kiinbesa'al le kiino' tuláacal ja'abo'obo' tu trece kiinil u winal Adar. 50Dze'edzec kiino'obe' u lu'umil Judae' p'áat ich jéedzel óol.
Currently Selected:
1 MACABEOS 7: MAYADC
Highlight
Copy
Compare
Share
Want to have your highlights saved across all your devices? Sign up or sign in
Biblia Maya de Yucatán © Sociedades Bíblicas Unidas, 1992.
1 MACABEOS 7
7
Bix ba'atelnajic Báquides bey xan Alcimo tu kiinilo'ob ajaw Demetrio I
(2 Mac 14.1-4)
1Tu ja'abil ciento cincuenta y unoe', Demetrio u paal Seleucoe', j luk Roma yéetel jun múuch' j xiibo'obe' ca j bin tac ti' jun p'éel u caajil u jáal ja'e', te'elo' tu kaáytubáa ajaw. 2Le ca tu yóoltaj j ocol tu jalach naj u máanja'an ch'i'ibalo'obe', le aj ba'atelo'obo' tu machajo'ob antíoco yéetel Lisias u ti'al u kubo'ob tu kab. 3Le ca tu yojéeltaj Demetrio le ba'ax dzo'oc u yúuchulo' tu ya'alaj: ¡Ma' in káat mix in wilo'obi'! 4Ca j quiimsa'abo'ob tumen le aj ba'atelo'obo', Demetrioe' j culaj tu jalach káanche'.
5Tuláacal le j israelitaob u p'atmajo'ob u yocsaj óolo'ob yéetel kasa'ano'obo' j bino'ob j t'aan tu yéetel Demetrio, táanil ti'obe' cu bin Alcimo tumen leti'e' taac u beetic u noj aj kiinil, 6ca tu tacajo'ob u pool u caajalo'ob táan u ya'alico'ob ti' ajaw: Judas yéetel u yíidzino'obe' dzo'oc u xu'ulsic tuláacal u yéet óolo'ob a Tzicbe'enil, to'on dzooc xan c jóokesa'al t lu'um. 7Túuxta'ac jun túul j xiib tumen a Tzicbe'enil u ti'al ilic buca'aj ba'ax dzo'oc u kascunta'al ti' u lu'um a Tzicbe'enil u ti'al ca jadzo'ob leti'ob bey xan le máaxo'ob áantico'obe'. 8Ajawe' tu yéeyaj Báquides ichil u yéet óolo'ob, leti'e' u méektáanil u lu'umil tu j chikin u áalcab ja'il Éufrates, leti'e' jun túul máac jach kabéet ti' le ajawo', cu dzo'ocole' chuca'an u yóol ti' ajaw, 9ca tu múul túuxtaj tu yéetel le j kéex ocsaj óol Alcimo, ti' le máax dzo'oc u dzáic ca u beet u nojochil aj kiino'ob, bey xan tu ya'alaj ti' ca u sut u jeel loob ti' le j israelitaobo'.
10Leti'obe' jo'op' u bino'ob yéetel jun p'éel nojoch múuch' aj ba'atelo'ob, j kucho'ob Judea. Báquidese' tu túuxtaj aj bisaj t'aano'ob ti' Judas yéetel u yíidzino'ob, yéetel tuutus bisajbáil. 11Ba'ale' leti'obe' ma' tu táan óoltajo'ob le ba'axo'ob a'ala'ab ti'obo', tumen tu yilajo'ob j taal tu yéetel jun p'éel nojoch múuch' aj ba'atelo'ob. 12Ba'ale' j túuxta'ab jun múuch' máaco'ob jach ma'alob u kaj óolilo'ob a'almaj t'aan u ti'al tzicbal tu yéetel Alcimo bey xan tu yéetel Báaquides u ti'al u tzicbalil bisajbáil. 13Le j hasideobo' leti'ob tu yáax a'alajo'ob ma'alob ca u bisjuba'ob. 14Tumen tu ya'alajo'ob: Jun túul aj kiin j taal yéetel le aj ba'atelo'obo'. Ma' tu páajtal u beetic to'on mix jun p'éel kaas. 15Tac Alcimo j t'aanaj yéetel utz tu yéetelo'ob, j kuch tac u jalach t'aan beya': Ma' bíin c beet mix jun p'éel kaas ti' te'exi', mix ti' a wéet óole'exi'. 16Leti'obe' tu táan óoltajo'ob ba'ax a'ala'ab ti'ob. Ba'ale' leti'e' tu beetaj u ka'alal sesenta j israelitaob ca tu túuxtaj quiimsbilo'ob chéen jun p'éel kiin, je'el bix u ya'alic le quili'ich dzíibo': 17Dzo'oc u ki'itbesa'al u quimen wíinclilo'ob le máaxo'ob u yaamajecho'obo', dzo'oc u we'equel u ki'ikel ti' tuláacal u caajil Jerusalén, ¡mina'an máax muquico'ob! 18Tuláacal le caajo' tu sen ch'a'aj sajaquil bey xan j chu'up tu yéetel jak óol, tumen cu ya'alico'ob: ¡Ti' le wíinico'obo' mina'an jaaj óolal mix tziiquil! ¡Ma' tu dzo'ocbesajo'ob le kax t'aan yéetel le jalach t'aan tu beetajo'obo'! 19Báquidese' j luk Jerusalene' ca je'el Bet-zet, te'elo' tu túuxtaj kalbil ya'ab ti' le judíob j yanchajo'ob tu tzéelo', u láak j israelitaobe' tu túuxtaj quiimsbilo'obe' ca tu dzaj ti' jun p'éel taamtam ch'e'en. 20Alcimoe', tu dzaj tu táan le caajo'obo' ca tu p'ataj aj ba'atelo'ob u ti'al canantic. Cu dzo'ocole' j suunaj tu'ux yaan ajaw.
21Alcimoe' jo'op' u ba'ateltic ca dzabac u beetjubáa u noojoch aj kiin. 22Tuláacal le máaxo'ob satic yóol le caajo' j bino'ob tu yicnal, ca tu t'onquintajo'ob Judea, ca tu loobiltajo'ob Israel. 23Le ca tu yilaj Judas le buca'aj kaaso'ob dzo'oc u beetic Alcimo yéetel u t'u'ulpacho'ob ti' Israele' asab yajtaco'ob ti' le tu beetaj le ma' ocsaj óolo'obo', 24jo'op' u xíimbaltic tuláacal u lu'umil Judea u ti'al u sutic u jeel loob ti' le máaxo'ob dzo'oc u máano'ob tu tzéel yaanal aj ba'atelo'obo', ma' tu cha'ic u máano'ob ti' le lu'umo'.
Nicanore' cu jóokol j ba'atel
(2 Mac 14.5-36)
25Le ca tu yilaj Alcimo dzo'oc u mu'uka'antal Judas yéetel u aj ba'atelo'ob bey xan ma' tu páajtal u xachicubáa tu táano'obe', j suunaj tu'ux yaan ajawe' ca tu beetaj yayaj tac poolo'ob tu yo'okolo'ob. 26Ajawe' tu túuxtaj Nicanor jun túul u asab ma'alob náacom jach u p'ecmaj u caajil Israel, ca tu ya'alaj ti' ca u xu'ulso'ob. 27Nicanore' j kuch Jerusalén yéetel ya'abcach aj ba'atelo'ob, ca tu túuxtaj ti' Judas yéetel ti' u yíidzino'ob jun p'éel u tuutus t'aanilo'ob bisajbáil, tu'ux cu ya'alic beya': 28¡Ma' u yantal ba'atel ichilo'on! Tene' bíin xi'iquen yéetel dze'edzec j xiibo'ob u ti'al ca tzicbalnaco'on beyo'on éet óole'. 29Ca j bin u núuptáantubáa yéetel Judas tu te'escuntajuba'ob yéetel qui'imac óolal. Ba'ale' le aj p'eeco'obo' u nu'ucbesmuba'ob u ti'al u machico'ob Judas u ti'al u biso'ob. 30Judas túune' tu yojéeltaj chéen táan u tu'usul tumen Nicanor, tu ch'a'aj saajquile' ca j luki', ma' tu yóoltaj u ca'a ilubáa tu yéetel Nicanori'. 31Le ca tu yilaj Nicanor dzo'oc u yojéelta'al ba'ax u káat u beete', jo'op' u bin u ti'al u ba'atelt Judas tu cúuchil Cafarsalama, 32ba'ax úuche' yaanchaj quinientos xiibo'ob ichil u aj ba'atelo'ob Nicanor j lúubo'ob quimeno'ob, u yalabe' j púudzo'ob tu Caajil David.
33Cu dzo'ocole' Nicanore' j bin tu pu'uquil Sión. Dze'edzec aj kiino'ob yéetel u nuuquil le caajo', jóoko'ob u te'escunto'ob yéetel utz, ca tu ye'esajo'ob ti', le tóocbil siibal cu dza'abal tu yo'olal ajawo'. 34Ba'ale' leti'e' tu che'ejtaj yéetel tu p'a'astajo'ob, tu túubajo'ob xan tu yo'olal u p'áatal p'ecbe'eno'ob, tu t'anajo'ob xan yéetel noj ba'alil. 35Bey sen p'uja'anilo' jalach t'aanaj beya': Wa Judas yéetel u aj ba'atelo'ob ma' tu séeb kubicuba'ob ti' tene', chéen p'el u dzo'ocol le ba'atelo' quin suut in tóoc le kulnaja'. Sen p'uja'an binic. 36Le aj kiino'obo' j ooco'ob ichil le kulnajo' ca tu tzoljuba'ob tu táan u multuunil kultaj tu'ux cu tóoca'al le ba'alche'obo' bey xan tu táan le quili'ich najo' ca tu ka'am a'alajo'ob ca'aliquil táan u yokolo'ob: 37Teche' ta yéeyaj le kulnaj u ti'al ca dza'abac a kaaba' ti'a', bey xan u ti'al u payalchi' a caajal. 38Jadz le j xiib yéetel u aj ba'atelo'oba' je'el bix cu najmatico'obe'; ¡lúubuco'ob quimeno'ob tu yej máascab! ¡Ka'ajac teech le pooch'ilo'ob dzo'oc u beetico'obo', ma' dzáic tu'ux u je'elelo'ob!
Bix pa'abic u muuk yéetel quiimsa'abic Nicanor
(1 Mac 15.1-36)
39Nicanore' j luk Jerusalene' ca je'el Bet-horón, tu'ux tu nupjubáa ti' u aj ba'atelilo'ob Siria. 40Judas xane' je'el Hadas yéetel tres mil j xiibo'ob. Leti' túune' j payalchi'inaj beya': 41Yuumtzil le ca tu poch'ajecho'ob u aj bisaj t'aano'ob u ajaw Asiraie', j taal jun túul ángele' ca tu quiimsaj ciento ochenta y cinco mil ti'obi'. 42Bejeláa xane', t táane' pa'a u muuk le aj ba'atelo'oba' u ti'al u yojéelta'al tumen tuláacal u yéet ba'atelo'ob dzo'oc u po'och'ol kulnaj tumen u náacomo'ob, jadzo'ob je'el bix cu najmatic u kasa'anilo'obe'.
43Le ca'a múuch' aj ba'atelo'obo' tu cáajsajo'ob le ba'atelo' tu trece kiinil ti' le winal cu kaaba'intic Adar. U aj ba'atelo'ob Nicanore' j pa'ab u muuko'ob, leti' yáax quíim ichil le ba'atelo'. 44Le ca tu yilaj le aj ba'atelo'ob dzo'oc u quíimil Nicanoro', tu pulajo'ob u nu'ucul u ba'atelo'obe' ca j púudzo'ob. 45Le j israelitaobo' jo'op' u jóopsic u paaxo'ob tu paacho'ob, tu ch'a'apachtajo'ob ti' tuláacal le bejo', cu chu'unpajal Adasae' tac u kuchbal tu lu'umil Geser. 46Ti' tuláacal u péet caajilo'ob u lu'umil Judeao' cu jóokol le máaco'obo' cu katico'ob u beel le máaxo'ob cu púudzulo'obo' cu beetico'ob u suuto'ob u ba'ateltuba'ob tu baatzilo'ob. Tuláacalo'ob j quíimo'ob tu yej máascab mix jun túul j p'áat cuxa'ani'. 47Le j israelitaobo' tu ch'a'ajo'ob tuláacal le ayikalilo'ob tu p'atajo'obo'. Nicanore' j ku'up u pool bey xan u x no'oj kab, le kab tu líikesaj yéetel noj ba'alile', ca j bisa'ab u ti'al e'esbil tu caajil Jerusalén. 48Le caajo' sen qui'imacchaj u yóol, ca tu beetajo'ob jun p'éel kiinbesaj ti' le kiino'. 49Tu ya'alajo'ob túune', unaj u kiinbesa'al le kiino' tuláacal ja'abo'obo' tu trece kiinil u winal Adar. 50Dze'edzec kiino'obe' u lu'umil Judae' p'áat ich jéedzel óol.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Maya de Yucatán © Sociedades Bíblicas Unidas, 1992.