Ovun Apostol 25
25
1Im popōwo imo sugku Festus yivelum ra nūrū mori, ĭm penūri dan desel yemsah ra Yerūsalem memne ra Sesaria. 2Potni sokowar mōveteme horogesah ra Isrēel dūmūsesi pugi ugi Pol, mūmusenigi iyi iran, 3mū makīugi numpeleves, mūmokū iyi ontamūii montori ra Yerūsalem, mirora dūmokū wosenteri iyi ra selat montalugi. 4Im Festus yemenūwi memokū, Pol antĭndowi ra Sesaria, miyi pe iyi ampe yūi. 5Irora ra kĭmi, horog esah, wīyep dal (yaū) mampievri imo neteme, nagkū sī se sī iran.
6Miyi yemorokotewi dan narolim dal irora, miyep ra Sesaria; ĭm rat mran yemetesep ra potnumpūtūwo nūrian memenūwi memokū wontori Pol. 7Miyi yivelum, mōveteme Isrēel mori dūmyep ra. Yerūsalem dūmūteteliugi, mūmūnūwi mūmokū ugi sikat nugkugko iran Pol, kō irora dūtū faneteme worampesog nam isenda. 8Miyi yemtamsi memenūwi memokū yaū metū umpi sī sat iran ugi nam alam isenda ōveteme Isrēel, kū tempel, kū ra Sesaria. 9Kō Festus yemokū iyi onumpi navos nisekonda ōveteme Isrēel memtagkeli Pol memokū, kĭk umagkū aremī kosah ra Yerūsalem ĭm yūi woreti nūrian iram ugi imo bū ūnimtūg kū? 10Pol yemtamsi memenūwi memokū, ya kum mantūrū ra nokorin potnumpūtūwo nūrian isen Sisar, ugi tanepo worūrian ĭgko: yaū metū umpi sī se sī iranda ōveteme Isrēel ĭm kĭk emagkili imo sugkū. 11Nagkū yaū narekindi, nagkū yaū noworepateve tovuni nemas ya kotū asiugi nomūrep sorūg; kō nagkū tawi sī fan ugi imo sū irora ūmanūwi irag, tawi sī faneteme woretalokoyaū; ya kum nesenigi Sisar. 12Festus yemenūwi nam dal ōveteme ra naūor isen memenūwi memokū, Kosenigi Sisar, kĭk ampe pugi Sisar.
13Penūri nugkon dan Akripa Natemonok ra nusian, im Bernīse dūmūvelum ra Sesaria worempasiwugi Festus. 14Irora dūmūtewi yūi, ĭm Festus yemenūwi pugi Natemonok ugi Pol, memokū, sī neteme mori Feliks yemowi nēeti; 15Im nempugon yaū ra Yerūsalem, ōvun potni sokowar, mōveteme talam ra Isrēel dūnūwi ugi, mūmūsengi gi nam nurian iran. 16Im yaū mtamsi memenūwi pun ora memokū, ōveteme Rōm ūtūmmun tenimpe sī neteme ra nemas nagkū irora mori dūmūvievri iran dūtūvelum ūnipmi isen miyi ūnimint, ma osemsempari iran marugi nevievri. 17Sugkū mirora dūmūvelum igko marimago rat mran yaūmetesep ra potnurapūtūwo nurian memenūwi memokū, wontori neteme mori. 18Mirora mori dūmūvievri iyi dūmūtūok, mūmūnūwi ugi siame sugkū yaū metū memokū ugi; 19Irora dūmokū ugi siame ugi tevita isenda, mugi sī neteme nin Isen Iesū, mori yimas, kō Pol yemtesūi memokū, iyi umnomūrep Kō yaū tavrivri ugi imo sū, 20me imtagkeli nagkū iyi ampe ra Yerūsalem, mō men nūrian iran ugi imo sū yūi. 21Kō Pol yemesengi morefĭnte iyi ma iyi Akustus onūrian iran, yaū menūwi memokū wafĭnte iyi mafeli nempugon ya ontamūli pugi Sisar. 22Im Akripa yemenūwi pugi Festus memokū, Yakum nakiugi wororigi neteme mori. Miyi yemenūwi pugi memokū, Mran kĭk andigi.
23Im rat mran, pol sugkū Akripa ĭm Bernise dūmūvelum ugi nilaswi tamas isenda mū mūvelum ūnisog silebokeves nūrian, dal ōvun hĭliark, mōveteme horogesah ra sĭti; Festus yempasiwugi mūmūtori Pol ūniminda. 24Im Festus yemenūwi memokū, Akripa Natemonok ra nūsian, mōveteme omwisū igko marima dal kam, kĭmi kūmagesi imo neteme, mori oveteme sū Isrēel dūmūnūwi po yaū mūmokū ugi, ra Yerūsalem ĭm ra nūrū igko dūmūvrugi sah mūmokū tawi aremi iyi amūrep, 25Kō yaū metokesi iyi umnoworepatevi tovuni nemas, miyi yemesenigi Akustus, ĭm yaū mokū ya ontamūli iyi pugi. 26Im popōwo ya otū-magkili sī nam woretīyi ugi iyi, pugi Natemonok ya otori iyi ire ūnimetemi, mūnimtum kĭk Akripa Natemonok ra nusian, mokū, penūri nurian, ya agkili nam woretīyi. 27Popōwo yaū mokū sempia woretampi sī neteme nēeti, metū anūwi ugi mori dūmūnūwi iran.
Currently Selected:
Ovun Apostol 25: ERGNT79
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
Ovun Apostol 25
25
1Im popōwo imo sugku Festus yivelum ra nūrū mori, ĭm penūri dan desel yemsah ra Yerūsalem memne ra Sesaria. 2Potni sokowar mōveteme horogesah ra Isrēel dūmūsesi pugi ugi Pol, mūmusenigi iyi iran, 3mū makīugi numpeleves, mūmokū iyi ontamūii montori ra Yerūsalem, mirora dūmokū wosenteri iyi ra selat montalugi. 4Im Festus yemenūwi memokū, Pol antĭndowi ra Sesaria, miyi pe iyi ampe yūi. 5Irora ra kĭmi, horog esah, wīyep dal (yaū) mampievri imo neteme, nagkū sī se sī iran.
6Miyi yemorokotewi dan narolim dal irora, miyep ra Sesaria; ĭm rat mran yemetesep ra potnumpūtūwo nūrian memenūwi memokū wontori Pol. 7Miyi yivelum, mōveteme Isrēel mori dūmyep ra. Yerūsalem dūmūteteliugi, mūmūnūwi mūmokū ugi sikat nugkugko iran Pol, kō irora dūtū faneteme worampesog nam isenda. 8Miyi yemtamsi memenūwi memokū yaū metū umpi sī sat iran ugi nam alam isenda ōveteme Isrēel, kū tempel, kū ra Sesaria. 9Kō Festus yemokū iyi onumpi navos nisekonda ōveteme Isrēel memtagkeli Pol memokū, kĭk umagkū aremī kosah ra Yerūsalem ĭm yūi woreti nūrian iram ugi imo bū ūnimtūg kū? 10Pol yemtamsi memenūwi memokū, ya kum mantūrū ra nokorin potnumpūtūwo nūrian isen Sisar, ugi tanepo worūrian ĭgko: yaū metū umpi sī se sī iranda ōveteme Isrēel ĭm kĭk emagkili imo sugkū. 11Nagkū yaū narekindi, nagkū yaū noworepateve tovuni nemas ya kotū asiugi nomūrep sorūg; kō nagkū tawi sī fan ugi imo sū irora ūmanūwi irag, tawi sī faneteme woretalokoyaū; ya kum nesenigi Sisar. 12Festus yemenūwi nam dal ōveteme ra naūor isen memenūwi memokū, Kosenigi Sisar, kĭk ampe pugi Sisar.
13Penūri nugkon dan Akripa Natemonok ra nusian, im Bernīse dūmūvelum ra Sesaria worempasiwugi Festus. 14Irora dūmūtewi yūi, ĭm Festus yemenūwi pugi Natemonok ugi Pol, memokū, sī neteme mori Feliks yemowi nēeti; 15Im nempugon yaū ra Yerūsalem, ōvun potni sokowar, mōveteme talam ra Isrēel dūnūwi ugi, mūmūsengi gi nam nurian iran. 16Im yaū mtamsi memenūwi pun ora memokū, ōveteme Rōm ūtūmmun tenimpe sī neteme ra nemas nagkū irora mori dūmūvievri iran dūtūvelum ūnipmi isen miyi ūnimint, ma osemsempari iran marugi nevievri. 17Sugkū mirora dūmūvelum igko marimago rat mran yaūmetesep ra potnurapūtūwo nurian memenūwi memokū, wontori neteme mori. 18Mirora mori dūmūvievri iyi dūmūtūok, mūmūnūwi ugi siame sugkū yaū metū memokū ugi; 19Irora dūmokū ugi siame ugi tevita isenda, mugi sī neteme nin Isen Iesū, mori yimas, kō Pol yemtesūi memokū, iyi umnomūrep Kō yaū tavrivri ugi imo sū, 20me imtagkeli nagkū iyi ampe ra Yerūsalem, mō men nūrian iran ugi imo sū yūi. 21Kō Pol yemesengi morefĭnte iyi ma iyi Akustus onūrian iran, yaū menūwi memokū wafĭnte iyi mafeli nempugon ya ontamūli pugi Sisar. 22Im Akripa yemenūwi pugi Festus memokū, Yakum nakiugi wororigi neteme mori. Miyi yemenūwi pugi memokū, Mran kĭk andigi.
23Im rat mran, pol sugkū Akripa ĭm Bernise dūmūvelum ugi nilaswi tamas isenda mū mūvelum ūnisog silebokeves nūrian, dal ōvun hĭliark, mōveteme horogesah ra sĭti; Festus yempasiwugi mūmūtori Pol ūniminda. 24Im Festus yemenūwi memokū, Akripa Natemonok ra nūsian, mōveteme omwisū igko marima dal kam, kĭmi kūmagesi imo neteme, mori oveteme sū Isrēel dūmūnūwi po yaū mūmokū ugi, ra Yerūsalem ĭm ra nūrū igko dūmūvrugi sah mūmokū tawi aremi iyi amūrep, 25Kō yaū metokesi iyi umnoworepatevi tovuni nemas, miyi yemesenigi Akustus, ĭm yaū mokū ya ontamūli iyi pugi. 26Im popōwo ya otū-magkili sī nam woretīyi ugi iyi, pugi Natemonok ya otori iyi ire ūnimetemi, mūnimtum kĭk Akripa Natemonok ra nusian, mokū, penūri nurian, ya agkili nam woretīyi. 27Popōwo yaū mokū sempia woretampi sī neteme nēeti, metū anūwi ugi mori dūmūnūwi iran.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.