Zacarías 5

Qellqashqa röllu päriqta revelacionchö rikanqan

1Tsaypitam juk qellqashqa röllu päriqta rikarqä.#Eze. 2.9-10; Apoc. 5.1; 10.9. 2Tsaynam ángel tapumarqan: <<¿Imatatan rikaykanki?>>

Tsaymi nirqä: <<Röllu päriykaqtam rikaykä. Tsay röllupam largun chunka metru y anchunnam pitsqa metru kaykan>>.

3Niptïmi nimarqan: <<Tsaychömi qellqashqa kaykan kay patsaman castïgu chämunanpaq kanqan. Tsay röllupa jukaq lädunchömi suwakuqkuna wañutsishqa kayänanpaq kanqan qellqashqa kaykan. Jukaq läduchönam qellqashqa kaykan shutïchö äniykarpis mana cumpliqkuna wañutsishqa kayänanpaq kanqan. 4Llapanta mandaq Dios Yayam nin: <Tsay castïgutam kachamushkä suwakunapa wajinman y shutïchö änirpis mana cumpliqkunapa wajinman yaykunanpaq.#Éxo. 20.7, 15. Tsay castïguwanmi tsaychö täkuqkuna jankat wañuyanqa. Tsaymi ushakanqa wajipa perqan rumikuna y qerukunapis> >>.

Tupuchö warmi kaykaqta revelacionchö rikanqan

5Tsaypitanam noqawan parlaykaq ángel witiykamur nimarqan: <<Taqay shamuykaqta rikay>>.

6Rikaskirmi tapurqä: <<¿Imatan taqayqa?>>

Angelnam nimarqan: <<Taqayqa jatun tupum kaykan. Tsaychömi wiñaraykan maytsaychö täkuq runakunapa jutsankuna>>.

7Tsay jatun tupum plömupita rurashqa tsapanawan tsapashqa karqan. Tsapananta kicharkuptinmi rurinchö juk warmi jamaykaqta rikarqä. 8Tsaymi ángel nimarqan: <<Kay warmim llapan runakuna jutsa rurayanqan kaykan>>.

Tsaynö nirmi tupuman warmita tsumurpur plömu tsapananwan yapay tsapaskirqan.

9Tsaypitam yapay cigüeñapa riprantanö riprashqa ishkay warmikuna kaykäyaqta rikaykurqä. Tsay riprankunata wayra pallarkuptinmi pärir aywayarqan. Tsaymi tsay tuputa pallarkur altupa apayarqan. 10Tsayta rikarmi angelta tapurqä: <<¿Maypatan tsay jatun tuputa apaykäyan?>>

11Angelnam nimarqan: <<Babiloniachömi tsay tupupaq templuta shäritsiyanqa. Tsaychö templuta shäriskatsirmi tsayman churayanqa>>.

Currently Selected:

Zacarías 5: qxn

Highlight

Copy

Compare