Salmo 54
54
Salmo 54 (53)#1Sam. 23.14-29; 26.1.
Salvananpaq Dios Yayata mañakunqan
1-2 (1-2) Cantaqkunapa mandakuqninpaqmi. Cuerdayuq instrumentuta töcarnin cantayanki. Zif runakuna Saúl kaqman aywaykur paykuna täkuyanqan läduchö David tsinkaraykanqanta willakuskiyaptinmi kay salmuta David qellqarqan.
1 1 (3) Dios Yaya, pïmaypis shutikita parlananpaq salvaykallämay
Poderösu kaynikiwan tsapaykallämay.
2 2 (4) Mañakamunqaqta wiyaykallämay.
Ninqaqkunata wiyaykallämay.
3 3 (5) Juklä runakunam conträ tikrayashqa.
Mana alli runakunam wañutsiyämayta munayan.
Tsay runakunaqa manam qampitapis mantsakuyantsu.#Sal. 86.14. Selah
4 4 (6) Qammi mana dëjaypa yanapaykämanki.
Qam yanapamaptikim kawaykäraq.
5 5 (7) Sufritsiyämanqanpita chikimaqkunatapis sufriykatsillay.
Änimanqaykita cumplir tsay runakunata ushakaykatsillay.
6 6 (8) Llapan voluntänïwanmi sacrificiupaq wätata apamushaq.
Dios Yaya, allillata ruraq kaptikim shutikichö alabashayki.
7 7 (9) Qamtam alabashayki llapan llakikuynïpita jipimanqaykipita.
Kikïpa ñawïwanmi rikäshaq conträkunata ushakätsinqaykita.
Currently Selected:
Salmo 54: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
