Salmo 120
120
Salmo 120 (119)
Dios Yaya salvananpaq mañakunqan
Kay salmum Jerusalénman aywaqkuna cantayänanpaq.
1Alläpa llakikurmi Dios Yayata mañakushkä.
Mañakunqätam wiyamashqa.#2Sam. 22.7; Sal. 18.6; Jon. 2.2.
2 Dios Yaya, llullakuq runakunapita salvaykallämay.
Conträ mana allita parlaqkunapita tsapaykallämay.
3Llullakuq runa, mana alli parlanqaykipita ¿imatatan tarinki?
4¡Alli chölupa afilashqa flëchantam tarinki!
¡Retäma lunyaykaq shanshantam tarinki!
5¡Allaw noqallä!
¡Mesecchö y Cedarchö täkuqnömi kä!
6Chikikuqkunapa puntanchömi atska watana kawä.
7Runakuna alli kawakuyänantam munä.
Shumaq kawakuyänanpaq yätsiptïpis maqanakurllam kawayan.
Currently Selected:
Salmo 120: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
